အာပိုလို (၁၄) က လကမ္ဘာသို့ ယူဆောင်သွားသော သမ္မာကျမ်းစာအုပ်ဓါတ်ပြားကို ဗာတီကန်စာကြည့်တိုက်က ထုတ်ဖော်လိုက်ခြင်း

Bible-Large
ဗာတီကန်၊ မတ်လ ၃၁။ Cahtolic Herald UK

၁၉၇၁ ခုနှစ်၊ အာပိုလိုက လကမ္ဘာသို့ ယူဆောင်သွားသော သမ္မာကျမ်းစာအုပ်ဓါတ်ပြား (၃ဝဝ) ထဲက တစ်ချပ်(ပုံပါ) ကို ဗာတီကန်စာကြည့်တိုက်က ထုတ်ဖော်လိုက်သည်။ ၎င်းဓါတ်ပြားထဲတွင်ပါဝင်သော အချက် (၂ဝဝ) ကျော်သည် ကျမ်းပိုဒ်များ ဖြစ်ကြပြီး ၎င်းတို့ကို ဗာတီကန်က ၂ဝ၁၄ ခုနှစ်၊ ဧပြီလ ၂ ရက်နေ့မှ ဇွန်လ ၂၂ ရက်နေ့အထိ အများပြည်သူထံသို့ ခင်းကျင်းပြသသွားမည် ဖြစ်သည်။ ၎င်းပြပွဲကို ” မြတ်စွာဘုရားသခင်၏နှုတ်တော်ထွက်စကားတော်သည် ကမ္ဘာတစ်ဝှမ်းသို့ ရောက် ရှိသည်” ဟူသော အမည်ဖြင့် ပြသမည် ဖြစ်သည်။

၎င်းပြပွဲတွင် ပင်လယ်သေ ကျမ်းစာလိပ် the Dead Sea scrolls အပိုင်းအစ (၃) ခုနှင့် ၁၆၁၁ ခုနှစ်က စတင်ပုံနှိပ်ခဲ့သော King James Bible ကင်းဂျိမ်းစ်သမ္မာကျမ်းစာ မူရင်းတို့ကိုပါ အခမဲ့ခင်းကျင်းပြသမည် ဖြစ်သည်။ ယခုကဲ့သို့သော ဗာတီကန်တွင် ခင်းကျင်းပြသခြင်းသည် ဒုတိယ အကြိမ်မြောက် ဖြစ်သည်။ ပထမဆုံးအကြိမ် ခင်းကျင်းပြသခြင်းကို ၁၆၁၁ ခုနှစ်က စတင်ပုံနှိပ်ခဲ့သောKing James Bible ကင်းဂျိမ်းစ်သမ္မာကျမ်းစာအုပ်၏ နှစ် (၄ဝဝ) မြောက်ကို ဂုဏ်ပြုသောအားဖြင့် လွန်ခဲ့သော ၂ဝ၁၂ ခုနှစ်က စိန်ပီတာဘုရားကျောင်းတော်ကြီး ဘေးရှိ ဘရာစီအို ဒီကာလို မာနိုခန်းမဆောင် တွင် ပြုလုပ်ခဲ့ခြင်း ဖြစ်သည်။ သို့သော် ၂ဝ၁၄ ခုနှစ်တွင် ပြုလုပ်မည့် ခင်းကျင်းပြသခြင်းသည် ဗာတီကန်နန်းတော်ထဲတွင် ပြုလုပ်မည် ဖြစ်သည်။

အမေရိကန်နိုင်ငံရှိ၊ ဝါရှင်တန်မြို့တွင် ၂ဝ၁၇ ခုနှစ်တွင် ဖွင့်လှစ်မည့် သမ္မာကျမ်းစာ၏ ဇာတ်ရုံတာဝန်ခံဖြစ်သော ကာရီစမ်မာက ” ဗာတီကန်က အခုလို ခင်းကျင်းပြသမည့် သတင်းကို ကြားရတော့ သိပ်ပျော်တယ်။ အခုလိုမိုျးခင်းကျင်းပြသခြင်းဟာ ကက်သလစ်ခရစ်ယာန်များ၊ ခရစ်ယာန်ဂိုဏ်းကွဲများနှင့် ဂူျးဘာသာဝင်များအကြားတွင် ရှိနေကြသော အတားအဆီးများကို ဖြိုခွင်းဖျက်ဆီးပေးမယ့်လမ်းကြောင်း ဖြစ်ပါတယ်။ သမ္မာကျမ်းစာဟာ ကမ္ဘာကြီးကို ပုံသွင်းခဲ့သလို အသစ်တဖန် ပြန်လည်ပုံသွင်းခဲ့ပါပြီ” ဟု ဝမ်းသာပီတိစကားကို ပြောဆိုလိုက်သည်။ ကမ်းဘရိတ်ချ်တက္ကသိုလ်သည် ဘတ်ဧဝံဂေလိကျမ်းလေးစောင် (ရှင်မာဿဲဦး၊ ရှင်လုကာ၊ ရှင်မာကု၊ ရှင်ယောဟန်ကျမ်းစာများ) များ၏ မူရင်းလက်ရေးစာမူများကို ၁၁ ရာစုကတည်းက ဌါးရမ်းခဲ့သည်။ ၎င်းဘတ်ဧဝံဂေလိ ကျမ်းလေးစောင်သည် ၁၇ ရာစုချိန်က ထွက်ပေါ်လာခဲ့ပြီး လက်ရှိကမာပေါ်တွင် ရှိနေသေးသော ကျမ်းစာ သုံးခုထဲက တစ်ခုအပါအဝင် ဖြစ်သည်။ ၎င်းဘတ်ဧဝံဂေလိကျမ်းလေးစောင်ကို ကနဦးပိုင်ဆိုင်သူမှာ တရုတ်နိုင်ငံရှိ ကိုင်ဖင်ဂူျးအဖွဲ့အစည်း အ့န ဲနတငျ့ ုငေ်နညါ ခသာာကညငအပ ဖြစ်သည်။

ရဟန်းမင်းကြီးရုံးမှ ယဉ်ကျေးမှုဆိုင်ရာ လက်ထောက် တာဝန်ခံဖြစ်သော ဆရာတော်ကြီး မယ်ခေါ် ဆန်ချေက ” သမ္မာကျမ်းစာကို လေ့လာခြင်းမပြုဘဲ အနုပညာသမိုင်းနှင့် သမိုင်းကိုယ်တိုင်ကိုပါ လေ့လာခြင်းသည် မဖြစ်နိုင်ပေ။ သို့သော် လူတော်တော်များကတော့ ဂရိဒဏ္ဍရီကိုသာ သိကြပြီး ကျမ်းစာကိုတော့ မသိကြသေး” ဟု မှတ်ချက်ပြုတော်မူလိုက်သည်။ ရဟန်းမင်းကြီး၏ သမ္မာကျမ်းစာဆိုင်ရာ တက္ကသိုလ်မှJesuit Father Jose Maria Abrego de Lacy, rector of the Pontifical Biblical Institute  ကျောင်းအုပ်ကြီးဖြစ်တော်မူသော ဂျေဆူးအသင်းဂိုဏ်းမှကက်သလစ်ဘုန်းတော်ကြီး ဂိုျးဇက် မာရီယားကမူ ” ယနေ့ခေတ်တွင် ၇ဝ% သော ကက်သလစ်ကျမ်းစာကျောင်းသူ/သားများ သည် အာဖရိနှင့်အာရှတိုက်မှ ဖြစ်ကြသည်” ဟု မိန့်ကြားတော်မူလိုက်သည်။ ၂ဝ၁၄ ခုနှစ် ဖေဖော်ဝါရီလက ဟာဗားနားမြို့တွင် ပြုလုပ်သော သမ္မာကျမ်းစာပြပွဲတွင် လာရောက်ကြည့်ရှုသူပေါင်း သုံးသောင်းကျော် ရှိသည့်အပြင် ကူျးဘားအစိုးရကလည်း ရုပ်မြင်သံကြားမှ တိုက်ရိုက်ထုတ်လွှင့် ခဲ့ကြောင်း သိရသည်။ ယခုကဲ့သို့ ဗာတီကန်တွင် သမ္မာကျမ်းစာအုပ်ကို ထုတ်ဖော်ပြသခြင်းသည် အံ့ဖွယ်ရာတန်ခိုးဖြစ်သည်ဟု စမ်မာရ်က မှတ်ချက်ပြုလိုက်သည်။

                                                                                                                                                                                    ဝင်းလှိုင်ဦး

1282  Views
Previous: ရဟန်းမင်းကြီး ဖရန်စစ်အရှင်သူမြတ်က အသက်တော် (၇၂) နှစ်ရှိ၊ ဆရာတော်ကြီး နီကော်လပ်စ်မန်းထန်အား မန္တလေးကက်သလစ်ဂိုဏ်းခုျပ်ဆရာတော်ကြီးအဖြစ်သို့ ခန့်အပ်တော်မူခြင်း
Next: ရဟန်းမင်းကြီးက တချို့သော ရဟန်းတော်များ၏ လိင်ပိုင်းဆိုင်ရာ အလွဲသုံးစား ပြုခြင်းအတွက် တောင်းပန်တော်မူပြီး ပြင်းထန်သော အရေးယူခြင်းများ ပြုလုပ်ရန် ကတိပေးတော်မူ