အိမ်ထောင်သည်များသည် ဘုရားသခင်၏ ချစ်ခြင်းမေတ္တာတော် ရုပ်ပွားတော်များဖြစ်ကြောင်း

အရှင်သူမြတ်က ““ခရစ်ယာန် လက် ထပ်ထိမ်းမြားခြင်းသည် သခင်ယေဇူး က သူ့ရဲ့ခန္ဓာတော် အသင်းတော် အပေါ်ထားရှိတဲ့ သစ္စာတရားနှင့် ဆက်ကပ်ပူဇော်ခြင်းနဲ့ ပြည့်စုံသော ချစ်ခြင်းမေတ္တာကို ရောင်ပြန်ဟပ်စေ ပါတယ်””လို့ မိန့်တော်မူသည်။

““ဒါကြောင့် ခရစ်ယာန် ဇနီးမောင်နှံ တွေဟာ သီးခြားဆက်ကပ်ခြင်းနှင့် သာသနာ့တာဝန်ကို ရရှိထားပါတယ်။ ဒီတာဝန်တွေက ဘာလဲဆိုတော့ သခင်ယေဇူးက အသင်းတော်အပေါ် ထားရှိသော ချစ်ခြင်းမေတ္တာကို ရိုးရိုး ရှင်းရှင်းနှင့် နေ့စဉ်ဘဝအသက်တာမှာ သက်သေခံဖို့နှင့် မိမိကိုယ်မိမိ သစ္စာ ရှိရှိနှင့် အစေခံလိုသော စိတ်နေစိတ် ထားမျိုးနဲ့ ပေးဆပ်ရန်ဖြစ်ပါတယ်””လို့ အရှင်သူမြတ်က မိန့်တော်မူသည်။
““အိမ်ထောင်သည်ဘဝဟာ မြင့်မြတ် သော ခေါ်တော်မူခြင်းဖြစ်ပေမဲ့ လွယ် ကူတဲ့အရာတော့မဟုတ်ပါဘူး၊ ဘုရား သခင်ထံ အမြဲဆုတောင်းခြင်းနဲ့ ခွန် အားဖြည့်ဖို့လိုအပ်ပါတယ်””လို့ အရှင် သူမြတ်မိန့်တော်မူသည်။
““ဆုတောင်းမေတ္တာပြုခြင်းဆိုရာတွင် မနက်နှင့် ညမေတ္တာ၊ အစာမစားမီ ဆုတောင်းမေတ္တာ၊ စိပ်ပုတီးစိပ်ခြင်း၊ အထူးသဖြင့် တနင်္ဂနွေနေ့တွင် မစ္ဆား တရားနာယူခြင်းတို့ ဖြစ်ပါတယ်””လို့ မိန့်တော်မူသည်။

သူ၏မိန့်ခွန်းစကားကို အဆုံးသတ်ရင်း ရဟန်းမင်းကြီးက ပရိသတ်များအား ““သူနဲ့အတူ မိသားစုများအားလုံးအတွက် ဆုတောင်းဖို့၊ အထူးသဖြင့် အတိဒုက္ခ ရောက်နေသော မိသားစုများအတွက်၊ ဘုရားသခင်ရဲ့ ကျေးဇူးတော်နဲ့ သူတို့ သည် ကျွနု်ပ်တို့နေထိုင်သော အဖွဲ့အ စည်းများတွင် သစ္စာတရား၊ ချစ်ခြင်း မေတ္တာနှင့် ပေးဆပ်ခြင်းများတွင် စံနမူ နာကောင်းများဖြစ်လာနိုင်ဖို့ ဆုတောင်း ပေးကြဖို့ တောင်းဆိုတော်မူသည်။

သူ၏ မိန့်ခွန်းအပြီးတွင် အရှင်သူမြတ် က ““ဧပြီလ (၉)ရက်နေ့ဟာ ဂျွန်ပေါလ် (၂)ပျံလွန်တော်မူသောနေ့ နှစ်ပတ် လည်နေ့ဖြစ်ကြောင်း ရှင်းပြရင်း ဒီအ ဖြစ်အပျက်က ကျွနု်ပ်တို့အား ဒီလကုန် တွင်ကျင်းပမည့် သူ့ရဲ့ ရဟန္တာတင် မြှောက်ပွဲကို ကောင်းမွန်စွာ ကျင်းပနိုင် ရန်အတွက် သတိပေးနေခြင်းဖြစ် သည်””ဟု မိန့်တော်မူသည်။
““အဲဒီနေ့အတွက် စောင့်ဆိုင်းခြင်းဟာ ကျွနု်ပ်တို့အတွက် ဝိညာဉ်ရေးဆိုင်ရာ ပြင်ဆင်ခွင့်ရတဲ့ အချိန်ဖြစ်ပါစေ၊ အရှင် သူမြတ်ချန်ထားခဲ့သော ယုံကြည်ခြင်း ကို လက်ဆင့်ကမ်းနိုင်သော သူများ ဖြစ်နိုင် ပါစေ””လို့ မိန့်တော်မူ သည်။

““ခရစ်တော်ဘုရားရှင်ကို အတုယူပြီး အရှင်သူမြတ်ဟာ ကမ္ဘာကြီးအား ဘုရားသခင်ရဲ့နှုတ်ကပါတ်တော်၊ အမှန်တရားနှင့် ကောင်းမြတ်ခြင်းများ ကို မရပ်မနား သွန်သင်တော်မူခဲ့ပါ တယ်””လို့ မိန့်တော်မူသည်။

““ဒါဟာ သူ့ဘဝရဲ့ သွန်သင်ခြင်းဖြစ် တယ်၊ လူတွေကလည်း ဒီသွန်သင် ချက်ကို ချစ်ခြင်းမေတ္တာအပြည့်နှင့် မျှော်လင့်ခြင်းကြီးမားစွာနဲ့ တုန့်ပြန်ခဲ့ ကြတယ်။ သူ့ရဲ့ ဆုပန်ပေးခြင်းအား ဖြင့် ကျွနု်ပ်တို့ရဲ့ ယုံကြည်ခြင်း၊ မျှော် လင့်ခြင်းနှင့် ချစ်ခြင်းမေတ္တာကို ခွန် အားပြည့်စေပါတယ်””လို့ မိန့်တော်မူ သည်။ ဆက်လက်ပြီး အရှင်သူမြတ်က ““ဒီပွဲအတွက် ပြင်ဆင်နေတဲ့အချိန်မှာ ကျွနု်ပ်ရဲ့ ကောင်းကြီးမင်္ဂလာသည် သင်တို့နဲ့အတူရှိပါစေ””လို့ မိန့်တော်မူ သည်။

1472  Views
Previous: Youtube ကို အသုံးပြုပြီး ဆီးရီးယားနိုင်ငံ ဟုမ်း(စ်)မြို့သူ မြို့သားများအတွက် အကူအညီတောင်းခံခဲ့သော Jesuit ဘုန်းတော်ကြီးတစ်ပါး အသတ်ခံရ
Next: ဘာသာရေး ခေါင်းဆောင်များ လည်း မဲပေးပိုင်ခွင့် လည်းရှိကြ ကြောင်း ဆရာတော်ကြီး ချားလ်စ်ဘိုက မိန့်ကြားတော်မူ