ကန့်သတ်ချုပ်ခြယ်ခံကြရသော ရခိုင်ပြည်နယ်က ဘင်္ဂလီလူမျိုးတွေကို သွားလာခွင့်ပြုပါ။

ကျွန်တော်သည် လွန်ခဲ့သော မတ်လ (၂၇) ရက်နေ့က ရန်ကုန်မြို့တော်မှ စစ်တွေမြို့နှင့် ပလက်ဝမြို့သို့ြ မန်မာ့အမျိုးသား လေကြောင်းစီးနင်း၍စိတ်လှုပ်ရှားမှုအပြည့်ဖြင့်ရဟန်းအမတ်ဆရာတော်ချားလ်စ်ဘိုနှင့်အတူခရီးနှင်ခဲ့သည်။

ထိုသို့စိတ်လှုပ်ရှားရခြင်းအကြောင်းရင်းကား ကျွန်ုပ်သည် မြန်မာနိုင်ငံအနောက်ပိုင်းဖြစ်သော ရခိုင်ပြည်နယ်သို့ တစ်ခါမျှ မရောက်ဖူးခဲ့ခြင်းကတစ်မျိုး၊ ဘင်္ဂလီလူမျိုးများစွာနေထိုင်နေသောနေရာဖြစ်ခြင်းက တစ်ကြောင်း၊ အကြမ်းဖက်မှု များဖြစ် ပွားနေသောနေရာဖြစ်ခြင်းကတစ်ဖုံ၊ ပလက်ဝမြို့နှင့် ကုလားတန်မြစ်တို့ စီးဆင်းတည်ရှိရာ ချင်းပြည်နယ်တောင်ပိုင်း အစွန် ဆုံးဖြစ်သောဒေသသို့သွားရောက်ကာ လူငယ်များကိုသင်တန်းသွားပေးရန် အကြောင်းဖန်လာခြင်းတို့ကလည်း မိမိစိတ်ကို ခုန်ဆွခုန်ဆွဖြစ်စေခဲ့ခြင်းဖြစ်သည်။

နံနက် (၅) နာရီတွင် ရန်ကုန်လေဆိပ်သို့ (၂) ဦးသားကြိုတင်ရောက်ရှိပြီး ကော်ဖီထိုင်သောက်ရင်းကာဒီနယ်ချားလ်စ်ဘိုက စစ်တွေမြို့ကိုရောက်ရင် ရိုဟင်ဂျာတွေရဲ့စခန်းကို သွားကြည့်ချင်ကြောင်း မိမိအားပြောပြလေသည်။ ကျွန်ုပ်ကလည်း စစ် တွေမြို့ရှိ ကုသလမဂ္ဂဒုက္ခသည်စခန်းတွင် တာဝန်ထမ်းဆောင်နေသော သူငယ်ချင်းဖြစ်သော ဒေါ်ဧလိဇဘက် မိမိကို ဖုန်း ဖြင့် လှမ်းတိုးလိုက်လေတော့ သူမကလည်းအတိုင်းတစ်ခုအထိဖြစ်နိုင်ပါသည်ဟု အဖြေပေးလာသည်။

ဤသို့ဖြင့် စစ်တွေမြို့သို့ ရောက်ရှိသော် စစ်တွေမြို့၏ ကက်သလစ်ဘုန်းတော်ကြီး မွန်ဆီညော်ထွန်းမြင့်ကကားဖြင့် လေဆိပ် သို့ မိမိတို့အားလာကြိုသည့်အပြင်ဘုရားကျောင်းအရောက်တွင်မူ စစ်တွေမြို့ခံ ကက်သလစ်ခရစ်ယာန် ဘာသာဝင် များ  ကနွေးထွေးစွာ ကြိုဆိုကြပါသည်။ စစ်တွေမြို့ခံ ကက်သလစ် ခရစ်ယာန်ဘာသာဝင်များက ကာဒီနယ်ချားလ်စ် ဘိုအား ဘုရားကျောင်းထဲတွင် ကြိုဆိုခြင်းအခမ်းအနားကိုပြုလုပ်ပြီးနောက် နေ့လည်စာသုံးဆောင်ကြချိန်တွင် ကာဒီနယ်က ရိုဟင်ဂျာ များစခန်းကို လိုက်ကြည့်လိုသည်ဟု ဘုန်းတော်ကြီးထွန်းမြင့်အား ပြန်ပြောရာ ဘုန်းဘုန်းက စစ်တွေမြို့တွင်းနှင့် မြို့ပြင်၌ ရိုဟင်ဂျာစခန်းနှင့် ရခိုင်စခန်းဟူပြီး နှစ်ခုရှိကြောင်း၊ ၎င်းစခန်းများထဲသို့ ခွင့်ပြုချက်မရှိဘဲဝင်ရောက်ခွင့်မရှိသော်လည်း ဘေးနားမှသွားကြည့်၍ရကြောင်းဖြင့် ပြောပြသည်။

ကျွန်တော်သည် နေ့လည် (၁၂) နာရီတွင် ဘုန်းတော်ကြီးထွန်းမြင့်၏ ဦးဆောင်မှုဖြင့် ရိုဟင်ဂျာစခန်းများကို လိုက်ကြည့်ရာ တွင် စစ်တွေမြို့ထဲနှင့်မြို့ပြင်ရှိစခန်းများတွင်ရှိနေကြသော ရိုဟင်ဂျာများသည် မိမိတို့နေထိုင်သော  ရပ်ကွက်နှင့် စခန်းများကိုသံဆူးကြိုးဖြင့်ကာရံထားပြီး အပြင်သို့ အလုပ်ထွက်လုပ်ခွင့်မပြုထားဘဲ လက်နက်ကိုင်ရဲတပ်သားများက လုံခြုံရေး ယူထား သည်ကို တွေ့ရှိရသည်။ ထို့အပြင် ဘုန်းဘုန်း၏ပြောပြချက်အရ ရိုဟင်ဂျာများသည် ဈေးဝယ်ထွက်လိုလျှင် ရဲကားဖြင့်သာ တစ်ပတ်လျှင်တစ်ကြိမ် ဈေးဝယ်ထွက်ခွင့်ရှိပြီး ရိုဟင်ဂျာများအတွက် သီးသန့်ရိုဟင်ဂျာဈေးကို ဆောက်လုပ်ပေး ထားသည်ကို တွေ့ရှိသိရှိခွင့် ရခဲ့သည်မှာ သူတို့အတွက် ကျွန်တော်မျက်ရည်ကျခဲ့ရသည်။ တခြားနေရာ၌ ဖွင့်လှစ်ထား သောဒုက္ခသည် စခန်းတွင် ရှိနေကြသော ရခိုင်လူမျိုးများကမူ လွတ်လပ်စွာအိမ်ဆောက်ခွင့် လုပ်ကိုင်စား သောက်ခွင့်နှင့် သွားလာခွင့်များ ကိုပေးထားပြီး သံဆူးကြိုးလည်း မခတ်ထားသည့်အပြင် လက်နက် ကိုင်ရဲ တပ်ဖွဲ့များလည်း တစ်ယောက် မျှလုံခြုံရေးယူ ထားခြင်းမရှိသည်ကို တွေ့ရှိခဲ့ရသည်။

အကြောင်းရင်းကား ရိုဟင်ဂျာအားလုံးက လူဆိုးမဟုတ်နိုင်ကြသကဲ့သို့ လူကောင်းလည်းမဖြစ်နိုင်ကြသည်မှာ ရှင်းပေသည်။ ထို့ကြောင့်  မြန်မာနိုင်ငံသားဖြစ်လျက်နဲ့ လူကောင်းဖြစ်လျက်နဲ့ ကျန်းမာသန်စွမ်းပြီး အလုပ်လုပ်ကိုင်နိုင်သော ရိုဟင်ဂျာများက အလုပ်လုပ်ခွင့်မရှိခြင်းကြောင့် သူတို့အနာဂါတ်ဘဝ၏ တိုးတက်ကောင်းမွန်ရေး၊ ရိုဟင်ဂျာမိသားစု ကလေးငယ်များ၏ ပညာရေးနှင့် ကျန်းမာရေးဆိုင်ရာ အခွင့်အလမ်းများနှင့် သံဆူးကြိုးစက်ကွင်းထဲ၌နေထိုင်နေရသော စိတ်ဖိစိးမှု၏ နာကျည်း ချက်များအတွက် ဖြစ်ပေသည်။

ထိုကဲ့သို့ ရိုဟင်ဂျာများကို သံဆူးကြိုးစက်ကွင်းထဲ၌ ကန့်သတ်ချုပ်ခြယ်ထားခြင်းသည် မှန်ကန်သောနိုင်ငံရေးနှင့် လူမျိုးရေး ပဋိပက္ခဖြေရှင်းနည်းမဟုတ်ပေ။ ရိုဟင်ဂျာများအား ကန့်သတ်ချုပ်ခြင်းထားခြင်းမူဝါဒသည် မီးလောင်ရာလေပင့်ဆိုသကဲ့ သို့ ပဋိပက္ခဖြစ်သော လူမှုအသိုင်းအဝိုင်းအကြား၌ မသင်္ကာမှုများနှင့် အနိုင်ကျင့်မှုများကိုသည် အားကောင်းစေမည် ဖြစ်သည်။ ထို့ကြောင့် နိုင်ငံတော်အစိုးရအနေဖြင့် လက်ရှိကျင့်သုံးနေသော ရခိုင်ပြည်နယ်ရှိ ရိုဟင်ဂျာများ၏ သွားလာလုပ်ကိုင်စား သောက်ခွင့်ကို ကန့်သတ်ချုပ်ခြယ်ပြီး သံဆူးကြိုးဖြင့် ဝိုင်းခတ်ထားသောမူဝါဒကို အမြန်ဆုံးဖျက်သိမ်းပြီး ပိုမိုကောင်းမွန်သော မူဝါဒဖြင့် အစားထိုးပေးနိုင်ပါရန် အလေးအနက်တိုက်တွန်းအပ်ပါသည်။

1117  Views