ရဟန်းမင်းကြီးဖရန်စစ်အရှင်သူမြတ်နှင့်တွေ့ဆုံမေးမြန်းခန်း

001-b

ရဟန်းမင်းကြီး ဖရန်စစ်အရှင်သူမြတ်သည် တောင်ကိုရီးယားနိုင်ငံမှဗာတီကန်နိုင်ငံသို့အပြန်တွင် မိမိ၏လေယာဉ်ပေါ်တွင် လိုက်ပါလာ ကြသော သတင်းထောက်များအား လေယာဉ်ထဲတွင်ပင် သတင်းစာရှင်းလင်းပွဲကို ၂၀၁၄ ခုနှစ်၊ သြဂုတ်လ ၁၈ ရက်နေ့တွင် ပြုလုပ်တော်မူခဲ့သည်။ ၄င်းရဟန်းမင်းကြီး၏ သတင်းစာရှင်းလင်းပွဲထဲတွင် အရှင်သူမြတ်နှင့် သတင်းထောက်များအကြား အပြန်အလှန် မေးမြန်းဖြေကြားမှုကို မြန်မာဘာသာဖြင့် ဆီလျော်အောင် ပြန်ဆိုရင်း တင်ဆက်ပေးလိုက်ပါသည်။

 

မေး။ ကိုရီးယားနိုင်ငံကို ကြရောက်ချိန်တွင် အရှင်ဘုရားက သင်္ဘောမြှပ်လို့ သေဆုံးသွားကြတဲ့မိသားစုဝင်တွေကို တွေ့ဆုံပြီးနှစ်သိမ့်ခဲ့တယ်။ အဲဒီလူတွေကို တွေ့တဲ့အခါမှာ ကိုယ်တော် ဘယ်လိုခံစားလဲ။ နောက်ထပ်မေးခွန်းကတော့ ကိုယ်တော့်ရဲ့ သူတို့ကို တွေ့ဆုံမှုကို နိုင်ငံရေး အရ အနက်ဖွင့်နိုင်တယ်လို့ မစဉ်းစားမိဘူးလား။
ပုပ်။ ဒုက္ခရောက်နေတဲ့လူတွေရဲ့ရှေ့မှာ ကိုယ့်ကိုယ်ကို ရှိနေတာကို သတိထားမိရင်၊ ကိုယ့်ရဲ့စိတ်ထဲမှာ ပေါ်လာတဲ့ခံစားချက်အတိုင်း လုပ်မှာသေချာတယ်။ အဲဒီအပြီးမှာ၊ သူတို့က၊ အော် သူဒီလိုလုပ်သွားတယ်။ ဘာဖြစ်လို့လဲဆိုတော့ သူ့မှာ နိုင်ငံရေးရည်ရွယ်ချက်ရှိလို့ပဲ ဒါမှမဟုတ်ရင် ပေါက်ကရတွေ ပြောနိုင်ကြတာပဲ။ ဒါပေမယ့် ကိုယ့်ရဲ့သားသမီးတွေ၊ ညီအစ်ကိုမောင်နှမတွေကို ဆုံးရှုံးခဲ့ကြတဲ့ ဒီမိခင်တွေ၊ ဖခင်တွေ၊ အမျိုးသမီးတွေကို မြင်တဲ့အခါမှာ ကျွန်တော် တော်တော်စိတ်မကောင်း ဖြစ်နေမိတယ်။ ကျွန်တော်က ရဟန်းတစ်ပါးပါ။ ဒီကိုလာတာက သူတို့နဲ့အနီးကပ်ရှိနေတယ်ဆိုတာကို ပြောပြဖို့လို့ ခံစားတယ်။ နောက်ပြီး ကျွန်တော်က သူတို့ကို ပေးနိုင်တဲ့ နှစ်သိမ့်မှုတွေဟာ သူတို့ရဲ့ ခံစားချက်တွေကို မကုသပေးနိုင်ဘူးဆိုတာ သိပါတယ်။ သေဆုံးသွားတဲ့သူတွေကိုလည်း အသက်သစ် ပြန်မပေးနိုင်ပါဘူး။ ဒါပေမယ့် ဒီအချိန်လိုမျိုးမှာ လူသားပီပီ သူတို့ရဲ့အနားမှာ ရှိနေခြင်းက ကျွန်တော်တို့ကို ခွန်အားတွေ နဲ့စည်းလုံးမှုတွေကို ပေးတယ်ဆိုတာကို ကျွန်တော် သိလို့ပါ။ ကျွန်တော် အာဂျင်တီးနားနိုင်ငံမှာ ဂိုဏ်းချုပ်ဆရာတော်ဖြစ်တုန်းကလည်း ဒီလိုမျိုးအဖြစ်ဆိုးနှစ်ခုကို ကြုံဖူးပါတယ်။ တစ်ခုကတော့ ၁၉၉၃ ခုနှစ်မှာ ကစင်ပေါ်မှာ မီးလောင်တော့ လူပေါင်း ၁၉၄ ယောက်သေကြတယ်။ နောက်တစ်ခုက ရထားနှစ်စင်းတိုက်မိလို့ လူပေါင်း ၁၂၀ လောက် သေတယ်။ အဲဒီအချိန်တွေ တုန်းကလည်း ၀မ်းနည်းပူဆွေးနေကြတဲ့သူတွေအနားကို သွားခဲ့တယ်။ လူသားတွေရဲ့နာကျင်မှုက တော်တော်ပြင်းထန်တယ်။ အဲဒီအချိန်လိုမျိုးမှာ သူတို့နဲ့အနီးကပ်နေပေးခြင်းက သူတို့ကို အများကြီး ကူညီပေးရာရောက်ပါတယ်။ ဆိုးလ်သင်္ဘောမှောက်လို့ သေဆုံးသွားတဲ့သားသမီး တွေအတွက် ပူဆွေးနေကြတဲ့သူတွေထဲက တစ်ဦးက သူကိုင်ထားတဲ့ပူဖေါင်းအ၀ါကို ပေးတော့ သူနဲ့တစ်သားတည်းဖြစ်တယ်ဆိုတာကို ပြတဲ့အနေနဲ့ ကျွန်တော်က ၀တ်ဆင်ထားတယ်။ အဲဒီအခါမှာ လူတစ်ဦးက ကျွန်တော့အနားကိုလာကပ်ပြီး ဒီပူဖေါင်းအ၀ါရောင်အင်္ကျီကို ပြန်ချွတ်ပြီး ဘယ်ဖက်မှ မပိုဘူးဆိုတာ ကို ပြသင့်တယ်လို့ လာပြောတယ်။ ကျွန်တော့်အမြင်မှာတော့ လူသားတွေရဲ့ဝေဒနာတွေထဲမှာ လူတစ်ဦးက ကြားနေခံစားလို့ မရဘူးလို့ပဲ ပြန်ပြော လိုက်တယ်။ ကျွန်တော်က ဒီလိုပဲ ခံယူထားတယ်။

မေး။ အမေရိကန်အစိုးရက မကြာခင်ကစပြီး အီရတ်မှာ ခရစ်ယာန်တွေနဲ့လူနည်းစုတွေကို သောင်းကျန်းသတ်ဖြတ်နေတဲ့ အစ္စလာမ် စစ်သွေးကြတွေကို ဝေဟင်ပေါ်ကနေ စတင်ဗုန်းကြဲတိုက်ခိုက်ပါတယ်။ အဲဒီတော့ အမေရိကန်အစိုးရက သူပုန်တွေကို ဗုန်းကြဲတာကို ကိုယ်တော်ဘုရား က ခွင့်ပြုပါသလားဆိုတာကို သိချင်ပါတယ်။
ပုပ်။ အခုလိုရှင်းလင်းတိကျတဲ့မေးခွန်းအတွက် ကျေးဇူးပါ။ ဒီအဖြစ်အပျက်မှာက အခုလိုသောင်းကျန်းသတ်ဖြတ်နေမှုက မတရားတဲ့ဆင်ကန်း တောတိုး တိုက်ခိုက်မှုပဲ။ ဒီလိုမျိုးမတရားတဲ့တိုက်ခိုက်မှုကို ရပ်တန့်စေဖို့ဟာ လုပ်သင့်လုပ်ထိုက်တဲ့လုပ်ရပ်ပါပဲ။ ကျွန်တော်အထူးပြော ချင်တာက ““ရပ်ပါတော့””။ ကျွန်တော်က ဒီစစ်သွေးကြတွေကို ဗုန်းကြဲပါ၊ စစ်ပွဲဆင်ပါလို့ မပြောဘူး။ ကျွန်တော်ပြောတာကတော့ ဒီလိုမျိုးလူမဆန်တဲ့လုပ်ရပ်တွေကို နည်းပေါင်းစုံသုံးပြီး ရပ်တန့်ဖို့လိုတယ်။ ဒါဆိုရင် ဘာနည်းလမ်းကိုသုံးပြီး ရပ်တန့်ရမလဲဆိုတော့  ကျွန်တော်တို့အားလုံး ၀ိုင်းဆွေးနွေးရမှာ ဖြစ်တယ်။ မတရားတဲ့တိုက်ခိုက်မှုကို ရပ်တန့်စေခြင်းဟာ တရားဝင်ပါတယ်။ နီိုင်ငံတစ်ခုထည်း နဲ့ မတရားလူသတ်သမားတွေကို ဘယ်လိုရပ်တန့်ရမလဲဆိုတာကို မဆုံးဖြတ်သင့်ပါဘူး။ ဒုတိယကမ္ဘာစစ်ပွဲပြီးတဲ့နောက်ပိုင်း၊ ကုလသမ္ပဂ အဖွဲ့အစည်းဆိုတဲ့ အတွေးအခေါ် ပေါ်လာတယ်။ အဲဒီအဖွဲ့အစည်းမှာပဲ ဒါကို ဆွေးနွေးသုံးသပ်ရမျာ ဖြစ်တယ်။ ဒီအစ္စလာမ်လူသတ် သမားတွေကြောင့် ခရစ်ယာန်တွေရော၊ ခရစ်ယာန်မဟုတ်သော လူနည်းစုတွေအားလုံးဟာ အသတ်ခံနေကြရတယ်။ ဘုရားသခင် ရှေ့တော်မှာတော့ ခရစ်ယာန်ရော၊ ခရစ်ယာန်မဟုတ်သူတွေရော အားလုံးက တန်းတူဖြစ်ပါတယ်။ လူသတ်သ မားတွေကို ရပ်တန့်ဖို့ တာဝန်ဟာ လူသားတွေရဲ့တာဝန်ဖြစ်ပါတယ်။ လူသားအားလုံးက လူသတ်သမားတွေကို ရပ်တန့်ဖို့ အခွင့်အရေးရှိကြပါတယ်။

မေး။ အီရတ်ဖက်ကိုပြန်လှန့်ရင်၊ ကိုယ်တော်က အီရတ်နိုင်ငံရှိဂျီဟတ်လူသတ်သမားတွေကို ရပ်တန့်ဖို့အတွက် စစ်ရေးအရ၀င်ရောက်တိုက် ခိုက်တာကို ထောက်ခံပါသလား။ လွန်ခဲ့တဲ့ နှစ်ပေါင်း ၂၀၀၀ ကတည်းက အီရတ်မှာရှိနေကြတဲ့ခရစ်ယာန်ပြည်သူတွေ၊ အထူးသဖြင့် ခရစ်ယာန်တွေကို ခိုလှုံခွင့်ပြုထားတဲ့ ကိုယ်ပိုင်အုပ် ချုပ်ခွင့်ရ ကဒ်ဒေသကို တစ်ချိန်ချိန်မှာ သွားဖို့ ရှိပါသလား။
ပုပ်။ ကျွန်တော်င်္အီရတ်နိုင်ငံကို သွားချင်ပါတယ်။ ဒါပေမယ့် အခုကျွန်တော်တို့နဲ့လက်တွဲလုပ်ဆောင်နေကြတဲ့သူတွေဆီကကြားရတဲ့ စကား တွေအရဆိုရင်၊ လူနည်းစုတွေ အသတ်ခံနေကြရတဲ့အချိန်လိုမျိုးမှာ ကဒ်အစိုးရက လူအမြောက်အများကို လက်ခံဖို့ ခက်ခဲနေသေးပါတယ်။ ကျွန်တော်တို့လည်း အများကြီးစဉ်းစားနေပါတယ်။ ပထမအချက်က ဗာတီကန်ပြန်ကြားရေးဌာနမှူး ဘုန်းတော်ကြီး လွမ်ဘားဒီက ကျွန်တော့နာ မည်ဖြင့် ကြေညာချက်တစ်စောင်ထုတ်ပြန်ထားတယ်။ နောက်တဆင့်က အဲဒီထုတ်ပြန်စာကို ဗာတီကန်သံရုံးတွေကို ပေးပို့ထားပြီး ဗာတီကန်သံတမန် လမ်းကြောင်းကနေ အစိုးရတွေဆီကို ရောက်သွားပါတယ်။ နောက်ပြီးတော့ ကုလသမ္ပဂအထွေထွေအတွင်းရေးမှူးဆီကို စာတစ်စောင်ပေးပို့ထားပါ တယ်။ နောက်ဆုံးမှာတော့ ကျွန်တော့ရဲ့အထူးသံတမန်အဖြစ် ကာဒီနယ်ဆရာတော်ကြီး ဖီလိုနီကို အီရတ်ကို စေလွှတ်ထားပြီးတော့ ကိုရီးယားခရီးစဉ်ကနေပြန်လာပြီး လိုအပ်သေးတယ်ဆိုရင် အီရတ်ကို သွားမယ်ဆိုပြီး စီစဉ်ခဲ့ပါတယ်။ အဲဒီတော့ ကျွန်တော့ရဲ့အဖြေကတော့၊ အီရတ်ကို သွားချင်ပါတယ်။ ဒါပေမယ့်အခုချိန်က အကောင်းဆုံးအချိန်မဟုတ်သေးဘူး၊ သွားဖို့တော့ အစဉ်သင့်ရှိပါတယ်။

မေး။ ကျွန်တော်က အရှင်ဘုရားကို တရုတ်နိုင်ငံအကြောင်းကို မေးချင်ပါတယ်။ တရုတ်နိုင်ငံအစိုးရက ကိုယ်တော့ရဲ့လေယာဉ်ကို တရုတ်လေ ပိုင်နက်ထဲမှာ ဖြတ်သန်းခွင့်ပြုထားပါတယ်။ ကိုယ်တော်က ကိုရီးယားခရီးစဉ်အတွင်း တရုတ်အစိုးရထံပေးပို့လိုက်တဲ့ ကြေးနန်းစာအပေါ် တရုတ်အစိုးရ ဖက်က အဖျက်သဘောဆောင်တဲ့တုန့်ပြန်မှုတွေ မရှိတာကို တွေ့ပါတယ်။ အရှင်ဘုရား အနေနဲ့ ဒီလိုမျိုး တရုတ်အစိုးရဲ့ ခြေလှမ်းတွေ က နှစ်ဖက်တွေ့ဆုံဆွေး နွေးမှုကို ဖြစ်ပေါ်စေနိုင်တဲ့ခြေလှမ်းတွေလို့ မြင်ပါသလား။ ကိုယ်တော့် အနေနဲ့တရုတ်နိုင်ငံကို သွားချင်ပါသလား။ (ဗာတီကန်ပြန်ကြားရေးဌာနမှူး ဘုန်းတော်ကြီး လွမ်ဘားဒီက ၀င်ဖြတ်ပြောတယ်) အဲအခုလဲ ငါတို့လေယာဉ်က  တရုတ်အစိုးရလေပိုင်နက်ထဲမှာ ပျံသန်းနေပြီနော်။
ပုပ်။ ကျွန်တော်တို့ တရုတ်လေပိုင်နက်ထဲကို ၀င်ခါနီးဖြစ်တဲ့အချိန်ကစပြီး ကျွန်တော်က လေယာဉ်ခေါင်းခန်းထဲမှာ (လေယာဉ်မှူးအခန်းထဲ) မှာ ၀င်ထိုင်ပါတယ်။ လေယာဉ်မှူးတစ်ဦးက သူ့ရဲ့မှတ်တမ်းစာရွက်ကို ကျွန်တော့ကို ပြပြီးတော့၊ ““အခုခဏနေ ၁၀ မီနစ်လောက်အကြာမှ တရုတ်လေပိုင် နက်ထဲကို စတင်ဝင်ရောက်တော့မယ်။ အဲဒီတော့ ကျွန်တော်တို့က တရုတ်အစိုးရကို အခွင့်တောင်းရမယ်လို့”” ကျွန်တော့ကို ပြောပါတယ်။ ဒီလိုမျိုးက နိုင်ငံတစ်ခုကို ဖြတ်ကျော်ခါနီးတိုင်း လုပ်ရတဲ့အလုပ်တစ်ခုဖြစ်ပါတယ်။ အဲဒိလိုတောင်းတော့ သက်ဆိုင်ရာအစိုးရက ဘယ်လိုပြန်ပြောသလဲဆို တာတွေကိုပါ ကျွန်တော့ကိုယ်တွေ့ သိလိုက်ရတယ်။ အဲဒါနဲ့ လေယာဉ်မှူးက တရုတ်အစိုးရဆီကို သူတို့ကြေးနန်းစာတစ်စောင်ပို့ထားတယ်လို့ ပြောပြ ပါတယ်။ ဒါပေမယ့် သူတို့ဘယ်လိုပို့လဲဆိုတာတော့ ကျွန်တော် မသိဘူး။ အဲဒါနဲ့ ကျွန်တော့ထိုင်ခုံကို ကျွန်တော်ပြန်လာထိုင်ပြီး ချောမောလှ ပပြီး မြင့်မြတ်ရုံတင်မက ပညာရှိကြတဲ့တရုတ်လူမျိုးတွေ အတွက် ကျွန်တော်ဆုတောင်းပါတယ်။ နောက်ပြီးတော့ ကျွန်တော်တို့ဂျေဆွီသမိုင်းကလည်း ဘုန်းတော်ကြီး ရီစီနဲ့ပတ်သက်ပြီး တရုတ် နိုင်ငံမှာ သမိုင်းရှိပါတယ်။ အဲဒီလိုမျိုး အချက်အလက်တွေက ကျွန်တော့ခေါင်းထဲကို ရောက်လာတယ်။ တရုတ်နိုင်ငံကိုသွားချင်သလား ဆိုတဲ့မေးခွန်းကိုဖြေရရင်းတော့ သိပ်သွားချင်တာပေါ့။ မနက်ဖြန်တောင် သွားချင်တာ။ ကျွန်တော်တို့က တရုတ်လူ မျိုးတွေကိုလေးစား ပါတယ်။ ကက်သလစ်သာသနာတော်အနေနဲ့ကတော့ သာသနာတော်ရဲ့လုပ်ငန်းတွေနဲ့တာဝန်တွေကို လုပ်ဆောင်နိုင်ဖို့အတွက်ပဲ လွတ်လပ်ခွင့်ကို တောင်းဆိုတာကလွဲပြီး တခြားဘာတောင်းဆိုမှုမျိုးမရှိဘူး။ ကျွန်တော်တို့ ဗာတီကန်အနေနဲ့ကတော့ တရုတ်အစိုးရနဲ့ ဆက်သွယ်ဖို့ အမြဲတမ်းတံခါးဖွင့်ထားပါတယ်။ ဘာဖြစ်လို့လဲဆိုတော့ ဒါက ကျွန်တော်တို့ရဲ့ တရုတ်လူမျိုးတွေအပေါ်မှာ ထားရှိတဲ့ ကြီးမားတဲ့လေးစား မှုကြောင့် ဖြစ်ပါတယ်။

မေး။ ကိုယ်တော့ရဲ့နောက်ထပ်ခရီးစဉ်က အယ်လ်ဘေးနီးယားနဲ့အီရတ်နိုင်ငံတွေလားဘုရား။ ဖိလစ်ပိုင်နဲ့သီရီလင်္ကာနိုင်ငံတွေကို ကြရောက် ပြီးရင် ၂၀၁၅ ခုနှစ်မှာ ဘယ်နိုင်ငံတွေကို ကြရောက်ဖို့ရှိပါသလဲ။ အဗီလာမြို့ကိုသွားလည်ဖို့ ရှိပါသလား။
ပုပ်။ ဟုတ်ပါတယ်။ ကိုရီးယားနိုင်ငံသမ္မတအမျိုးသမီးက ကျွန်တော့ကို စပိန်စကားပီပီသားသားနဲ့ ပြောပါတယ်။ မျှော်လင့်ချက်က လူတစ်ဦး ဆုံးရှုံးနိုင်တဲ့နောက်ဆုံးသောအရာ ဖြစ်ပါတယ်။ ကိုရီးယားသမ္မတအမျိုးသမီးက မြောက်နဲ့တောင်ကိုးရီးယးနိုင်ငံနှစ်ခု ပြန်လည်ပေါင်းစည်း ရေးကို ရည်ညွန်းပြီး ပြောတာပါ။ လူတစ်ယောက်က အမြဲတမ်းမျှော်လင့်နိုင်တာပဲ ဒါပေမယ့် မဆုံးဖြတ်ထားဘူး။ ကျွန်တော်ရှင်းပြမယ်။ တကယ်တော့ ဒီနှစ်မှာ အယ်လ်ဘေးနီးယားနိုင်ငံကို သွားဖို့ စိတ်ကူးထားတယ်။ တချို့ကတော့ ရဟန်းမင်းကြီးက အရာရာတိုင်းကို အစွန်းပိုင်းကနေ အမြဲတမ်းစတယ်လို့ ထင်ကြပါလိမ့်မယ်။ ဒါပေမယ့် အယ်လ်ဘေးနီးယားနိုင်ငံကို သွားချင်တာ အကြောင်းနှစ်ခု ရှိပါတယ်။ ဘောလ်ကန်ဒေသကို စဉ်းစားကြည့်။ ပထမအချက်ကတော့၊ အယ်လ်ဘေးနီးယားပြည်သူတွေဟာ မွတ်ဆလင်၊ ခရစ်ယာန်နဲ့အော်သဒေါ့ဘာသာသုံးခုပေါင်းပြီး ညီညွတ်သော အစိုးရကို ဖွဲ့စည်းနိုင်လို့ပါပဲ။ ဒါက ဘာသာပေါင်းစုံကောင်စီက ဘယ် လောက်တောင် အထောက်အကူဖြစ်သလဲဆိုတာနဲ့ ဘယ်လောက်တောင် မျှတသလဲဆိုတာကို မီးမောင်းထိုးပြနေပါတယ်။ ဒီနိုင်ငံကို ကျွန်တော်သွားချင်တာကတော့ အတူတကွလက်တွဲလုပ်ဆောင်ခြင်းဟ ဖြစ်နိုင်တဲ့ အရာ ဖြစ်တယ်ဆိုတာကို ကမ္ဘာ့ပြည်သူတွေကို အသိပေးချင်လို့ ဖြစ်ပါတယ်။ နောက်တစ်ချက်ကတော့ အယ်လ်ဘေးနီးယားနိုင်ငံရဲ့သမိုင်း ကို လေ့လာရင်၊ ကမ္ဘာပေါ်မှာ ကွန်မြူနစ် နိုင်ငံတွေထဲက ဖွဲ့စည်းပုံအခြေခံဥပဒေကို ကျင့်သုံးတဲ့ တစ်ခုတည်းသော ဘုရားမဲ့ဝါဒကိုကျင့်သုံးသော ကွန်မြူနစ်နိုင်ငံဖြစ်ပါတယ်။ အဲဒီနိုင်ငံမှာ မစ္ဆား(ဘုရားဝတ်ပြုခြင်းကိုသွားရင်) သွားတက်ရင် ဒါဟာ အခြေခံဥပဒေကို ချိုးဖောက်ခြင်း ဖြစ်သွားပြီ။ ဒါနဲ့ဝန်ကြီးတစ်ဦး က အယ်လ်ဘေးနီးယားနိုင်ငံမှာ ကက်သလစ်နဲ့အော်သဒေါ့ခရစ်ယာန်ဘုရားကျောင်းပေါင်း ၁၈၂၀ အဖျက်ခံခဲ့ရတယ်လို့ ကျွန်တော့ ကို ပြောပြဖူးပါတယ်။ အဖျက်မခံရတဲ့ဘုရားကျောင်းတွေကိုတော့ ဇာတ်ရုံ၊ ရုပ်ရှင်ရုံနဲ့အကခန်းမအဖြစ် အစိုးရက ပြောင်းပစ်တယ်လို့ ပြောပြဖူးတော့ အီတလီနိုင်ငံနဲ့လည်း နီးတယ်ဆိုတော့ (တစ်ရက်ခရီး) အယ်လ်ဘေးနီးယားနိုင်ငံကို သွားချင်စိတ်ပေါ်လာတာ ဖြစ်ပါတယ်။ နောက်နှစ်မှာတေ့ အမေရိကန်နိုင်ငံ၊ ဖီလာဒေးဖီယားပြည်နယ်မှာကျင်းပမယ့် မိသားစုဆိုင်ရာ အစည်းအဝေးကို သွားတက်ချင်ပါတယ်။ နောက်ပြီးတော့ အမေရိကန် သမ္မတအိုဘားမားကလည်း အမေရိကန်ကွန်ကရက်ကို လာရောက်မိန့်ခွန်းမိန့်ကြား ဖို့ ကျွန်တော့ကို ဖိတ်ထားပါတယ်။ နောက်ပြီးတော့ ကုလသမဂအထွေထွေအတွင်းရေးမှူးကလည်း ကုလသမ္ပဂဌာနချုပ်မှာ လာရောက်မိန့်ခွန်းမိန့်ကြားဖို့ ဖိတ်ကြားထားပါတယ်။ အဲဒီမြို့သုံးခုကို တစ်ပြိုင်နက်သွားဖို့ ဖြစ်နိုင်ပါတယ်။ နောက်တစ်နိုင်ငံကတော့ မကဆီကိုနိုင်ငံဖြစ်ပါတယ်။ မက္ကဆီကိုနိုင်ငံသားတွေက ဂွာဒါလုပေမယ်တော်သခင်မဂူကို လာရောက်စေချင် ကြပါတယ်။ ဒီတော့ အမေရိကကိုသွားရင်းနဲ့ မက္ကဆီကိုနိုင်ငံကိုပါ ၀င်လိုက်ရင်တော့ ဖြစ်နိုင်ပါတယ်။ ဒါပေမယ့် မသေချာသေးပါ ဘူး။ နောက်ဆုံးအနေနဲ့ ကတော့ စပိန်နိုင်ငံဘုရင်ကလည်း ကျွန်တော့ကို ဖိတ်ထားပါတယ်။ စပိန်ကက်သလစ်ဆရာတော်များ အဖွဲ့ချုပ်ကလည်း ကျွန်တော့်ကို ဖိတ်ကြားထားပါတယ်။ ဘာမှတော့ မဆုံးဖြတ်ရသေးပေမယ့် မျှော်လင့်ချက်တော့ ရှိပါသေးတယ်။ အဗီလာမြို့ကိုတော့ မနက်သွားပြီး နေ့လည်ပြန်လာရင်ရပါတယ်။

မေး။ ကိုယ်တော်နဲ့အငြိမ်းစားရဟန်းမင်းကြီး ဘေနေဒစ်အကြားမှာ ဆက်ဆံရေးဘယ်လိုရှိပါသလဲ။ ကိုယ်တော်တို့နှစ်ပါးအကြားမှာ ပုံမှန် အမြင်ဖလှယ်တာမျိုး ရှိလား။ ယုံကြည်ခြင်း၏အလင်းတော် ဆိုတဲ့စာချွန်တော် ထွက်လာတဲ့နောက်ပိုင်း ကိုယ်တော်တို့နှစ်ပါးက အတူ တူလုပ်ဆောင်နေတဲ့စီမံချက် ရှိပါသလား။
ပုပ်။ နှစ်ပါးစလုံး တွေ့ကြပါတယ်။ ကိုရီးယားခရီးစဉ်အတွက် မထွက်လာခင်မှာ သူ့ကို သွားလည်တယ်။ နောက်ပြီး နှစ်ပတ်လောက်တုန်းက စိတ်ဝင်စားစရာကောင်းတဲ့သူရေးထားတဲ့စာတစ်ခုကို အကြံပြုပေးဖို့ဆိုပြီးတော့ ကျွန်တော့ဆီကို ပို့လိုက်ပါတယ်။ ကျွန်တော်တို့အကြား မှာ ပုံမှန်ဆက်ဆံရေး ရှိပါတယ်။ ကျွန်တော်က ဒီအတွေးအခေါ်ကို ကြိုက်ပါတယ်။ ဒါကိုဓမသဂြိုလ် ပညာရှင်တွေက ကြိုက်ချင်မှကြိုက် မယ်။ ကျွန်တော် ကတော့ ဓမ္မသဂြိုလ်ပညာရှင် မဟုတ်ဘူး။ အငြိမ်းစားရဟန်းမင်းကြီး က လူသားထဲကလူသားတစ်ယောက်ပါ။ ဒါပေမယ့် ရာစုပေါင်းများစွာကိုကြည့်ရင် သူက ပထမဆုံး အငြိမ်းစားယူတဲ့ရဟန်းမင်းကြီး ဖြစ်တယ်။ သူ့ရဲ့စကားတွေကို ပြန်တွေးကြည့် မယ်ဆိုရင် ““ကျွန်တော် အသက်ကြီးပြီ။ ကျွန်တော့မှာ အလုပ်လုပ်နိုင်တဲ့ခွန်အားတွေ မရှိတော့ဘူး”” လို့ မိန့်ကြားခဲ့တယ်။ ဒါတွေက မြင့်မြတ်ခြင်း၊ နှိမ့်ချခြင်းနဲ့ခွန်အားတွေရဲ့ အင်မတန်မှလှပတဲ့ အပြုအမှုတွေ ဖြစ်ပါတယ်။ လွန်ခဲ့တဲ့ နှစ် ၇၀ ကိုပြန်ကြည့်ရင်လည်း အငြိမ်းစားဆရာတော်ဆိုတာ မရှိခဲ့ဘူး။ ဒါပေမယ့်အခုဆိုရင် အငြိမ်းစားကက်သလစ် ဆရာတော်တွေရဲ့ အဖွဲ့အစည်းတောင် ပေါ်ထွန်းနေပါပြီ။ အငြိမ်းစားရဟန်းမင်းကြီးဆိုတဲ့အခြေအနေဟာလည်း အဖွဲ့အစည်းတစ်ခုလို တည်ရှိနေပြီ။ ဘာဖြစ်လို့လဲဆိုတော့ ကျွန်တော်တို့ရဲ့အသက်က ပိုပြီးရှည်လာတာနဲ့အမျှ အသက်အရွယ်တစ်ခုခုမှာတော့ ကောင်းကောင်းမွန်မွန် အုပ်ချုပ်နိုင်တဲ့စွမ်း ရည်တွေ ကျဆင်းမှာသေချာတယ်။ အကြောင်းရင်းကား ကျန်းမာရေး ကောင်းနေရင်တောင် ခန္ဓာကိုယ်က ပင်ပန်းလာတာနဲ့အမျှ အစိုးရတစ်ခုလို ပြသာ နာတွေအားလုံးကို ဖြေရှင်းနိုင်တဲ့စွမ်းရည်တွေလည်း အသင်းတော်ထဲမှာ ကျဆင်းနိုင်ပါတယ်။ အဲဒီတော့ အငြိမ်းစားရဟန်းမင်းကြီး ဘေနေဒစ် ကတော့ နောင်တချိန်မှာ အနားယူနိုင်တဲ့ရဟန်းမင်းကြီးတွေ အတွက် နိမိတ်ကို ပြုလုပ်ပြသရာရောက်ပါတယ်။ ဒီလိုမျိုး အပြုအမှုကို တချို့ဓမ္မသဂြိုလ် ပညာရှင်တွေက မှားတယ်လို့ ပြောကြပါတယ်။ ဒါပေမယ့် မှားတယ်မှန်တယ်ဆိုတာကိုတော့ ရာစုနှစ်တွေ က သက်သေထူပါလိမ့်မယ်။ စောင့်ကြည့်ကြရ တာပေါ့။ ကျွန်တော်လည်း လုပ်နိုင်တဲ့ခွန်အားမရှိတော့ တဲ့နေ့ရောက်လာရင် တော့ သူ့လိုပဲ အနားယူမှာ ဖြစ်တယ်။ အဲဒီတော့ ရဟန်းမင်းကြီး ဘေနေ ဒစ်ကတော့ ချွင်းချက်တစ်ခုအဖြစ်ထက် လမ်းစဉ်တစ်ခုကို ဖွင့်ပေးထား တာ ဖြစ်တယ်။ ကျွန်တော်တို့နှစ်ပါးကတော့ ညီအစ်ကိုလိုပဲ ဆက်ဆံကြပါတယ်။ ဒါပေမယ့် သူ့ရဲ့ကြီးမားသောအမျှော် အမြင်ကြောင့် သူ့ကိုကျွန်တော့်အိမ်မှာ အဖိုးတစ်ယောက်ရှိနေတယ်လို့ ခံယူထားပါတယ်။ သူ့က ကျွန်တော့ကို အမြဲတမ်း အားပေးပါတယ်။ ဒါက ငါတို့နှစ်ပါးရဲ့ ဆက်ဆံရေး ဖြစ်ပါတယ်။

မေး။ ကိုရီးယားနိုင်ငံခရီးစဉ်မှာ ဝေဒနာရှင်တွေကို ကိုယ်တော် တွေ့ခဲ့တယ်။ မနက်ပိုင်း၊ မစ္ဆား (ဘုရားဝတ်ပြုခြင်း) ပြုလုပ်တဲ့နေရာမှာ ဂျပန်စစ်တပ်တွေရဲ့အပျော်မယားအဖြစ် အတင်းအသုံးချခံကြရတဲံအမျိုးသမီးတွေကိုနှုတ်ဆက်တဲ့အချိန်မှာ ကိုယ်တော်ဘယ်လို ဝေမျှခံစားသလဲ။  ဂျပန်နိုင်ငံမှာလည်း ပုန်းနေကြရတဲ့ခရစ်ယာန်တွေကိစလည်း ရှိနေတော့ နောက်နှစ်ဆိုရင် ဂျပန်နိုင်ငံမှာ ကက်သလစ် သာသနာတော်ရောက်ရှိခြင်း နှစ် ၁၅၀ မြောက် နှစ်ပတ်လည် ရောက်ရှိနေပြီ။ ကိုယ်တော့အနေနဲ့ နာဂါဆာဂီကိုသွားပြီးတော့ သူတို့ နဲ့အတူတကွ ၀တ်ပြုဆုတောင်းခြင်း ပြုလုပ် ဖို့ ဖြစ်နိုင်မလား။
ပုပ်။ ကျွန်တော့ကို ကက်သလစ်ဆရာတော်များနဲ့အစိုးရက ဖိတ်ကြားထားပါတယ်။ ပထမမေးခွန်းကို စဖြေရရင်တော့၊ ကိုရီးယားပြည်သူတွေ ဟာ မိမိတို့ရဲ့ဂုဏ်သိက္ခာကို မဆုံးရှုံးဘူး။ လူတွေက ကျူးကျော်ပြီး လူတွေကို အရှက်ခွဲခဲ့ကြတာဖြစ်တယ်။ စစ်ပွဲကို ခံခဲ့ကြပြီးနောက် နိုင်ငံ လည်း နှစ်ခြမ်းကွဲ သွားတယ်။ မနေ့က လူငယ်တွေကို တွေ့တော့၊ အာဇာနည်ဂုဏ်ပြုဗိမာန်ကို သွားလည်ခဲ့တယ်။ သူတို့ရဲ့ဒုက္ခ က တော်တော်နာကျင်ဖို့ကောင်းတယ်။ သူတို့ရဲ့ဝေဒနာခံထမ်းမှုက သမိုင်းဝင်ဖြစ်တယ်။ ဒီလူမျိုးတွေက ဒုက္ခဝေဒနာကိုခံထမ်းနိုင်တဲ့ စွမ်းရည်ကို ပိုင်ဆိုင်ထားကြတယ်။ ဒါကိုက သူတို့ဂုဏ်သိက္ခာရဲ့အစိတ်အပိုင်းတစ်ခု ဖြစ်ပါတယ်။ ဒီနေ့ကျွန်တော့ရှေ့မှာ ရပ်နေကြတဲ့ အမျိုးသမီးတွေဟာ အဲဒီအချိန်တုန်းကဆိုရင် ပျိုရွယ်နုငယ်သေးကြပြီး ဂျပန်စစ်သားတွေရဲ့အပျော်အဖော်အဖြစ် စစ်တန်းလျားထဲကို အတင်းဆွဲခေါ်သွားခြင်းခံကြရပေမဲ့ သူတို့ရဲ့ဂုဏ်သိက္ခာကိုတော့ မဆုံးရှုံးကြဘူးဆိုပြီး စဉ်းစားမိတယ်။ ဒီနေ့သူတို့တတွေက နောက်ဆုံး ကျန်ရစ်သူတွေအဖြစ် သူတို့ရဲ့ တွန့်နေပြီဖြစ်တဲ့မျက်နှာတွေ ကို ပြသနေကြတာဟာ ဂုဏ်သိက္ခာပိုင်းမှာ အားကောင်းတဲ့ လူမျိုးတွေ ဖြစ်ကြတယ်ဆိုတာကို ပြသတာ ဖြစ်ပါတယ်။ ဓမ္မအာဇာနည်များ၊ ဝေဒနာများနှင့် အမျိုးသမီးများနဲ့ပတ်သက်တဲ့မေးခွန်းကို ပြန်ဖြေရရင် တော့ ဒါတွေအားလုံးက စစ်ပွဲရဲ့အသီးအပွင့်တွေ ဖြစ်ပါတယ်။ ဒီနေ့ ကျွန်တော်တို့လည်း စစ်ပွဲထဲမှာ ရှိနေကြပါတယ်။ လူတစ်ဦးက ဘုန်းဘုန်း ကျွန်တော်တို့က တတိယကမ္ဘာစစ်ထဲမှာ ရောက်နေကြပြီဆိုတာကိ သိသလားဆိုပြီး ကျွန်တော့ ကို မေးပါတယ်။ ဒီလူငယ်က ဒါတွေကို နားလည်ပါတယ်။ ကမ္ဘာကြီးက အင်မတန်ရက်စက်ကြမ်းကြုတ်တဲ့ စစ်ပွဲထဲမှာ ရှိနေပါတယ်။ ကျွန်တော့အနေနဲ့ စကားလုံး နှစ်ခုကို ပြောချင်ပါတယ်။ ပထမတစ်ခုကတော့ ရက်စက်မှုဖြစ်ပါတယ်။ ဒီနေ့ကလေးသူငယ်တွေက မထည့်တွက်ကြဘူး။သမားရိုးကျ စစ်ပွဲတွေမှာ ကလေးငယ်တွေကို မထည့်တွက်ကြဘူး။ ကျွန်တော့်အနေနဲ့က သမားရိုးကျစစ်ပွဲတွေဟာ ကောင်းတယ်လို့ မဆိုလိုဘူး၊ ဒါပေမယ့် ဒီခေတ်မှာတော့ ဗုံးကို လွှတ်လိုက်တော့ အပြစ်မဲ့သူတွေ၊ ယုတ်မာသူတွေ၊ ကလေးတွေ၊ အမျိုးသမီးတွေကို နေ့စဉ် သတ်ဖြတ်နေတယ်။ ဒါကို ကျွန်တော်တို့က တားမြစ်ရပ်ဆိုင်းပစ်ရမယ်။ နောက်စကားလုံးတစ်ခုကတော့ ရိုက်နှက်ခြင်း ဖြစ်ပါတယ်။ လူတစ်ယောက်ကို ထောက်လှမ်းရေးတွေနဲ့ တရားရုံးဝန်ထမ်းတွေက ရိုက်နှက်ပြီး စစ်ဆေးနေကြပါတယ်။ လူတစ်ဦးကို ရိုက်နှက်ခြင်းဟာ လူ့သဘာဝကို ဆန့်ကျင်တိုက်ခိုက်ခြင်း ဖြစ်သလို လူသားကို ဆန့်ကျင်တိုက်ခိုက်ခြင်းလည်း ဖြစ်ပါတယ်။ ကျွန်တော်က ကက်သလစ်ခရစ်ယာန်ဘာသာဝင်တွေကို ပြောချက်တာကတော့ လူတစ်ယောက်ကို ရိုက်နှက်ခြင်းဟာ အပြစ်ကြီး ဖြစ်ပါတယ်လို့ ပြောချင်ပါတယ်။ ဒီထက်ပိုပြီးပြောရရင်တေ့ ရိုက်နှက်ခြင်းဟာ လူသားမျိုးနွယ်ကို ဆန့်ကျင်တဲ့အပြစ် ဖြစ်ပါတယ်။ ရက်စက်ခြင်းနဲ့ ရိုက်နှက်ခြင်းတွေကို ခင်ဗျားဘယ်လိုသဘောထားသလဲ။ ကျွန်တော်တို့က ဒါတွေကိုသေသေချာ ချာ ထောက်ရှုရမယ့်အချက်တွေ  ဖြစ်ပါတယ်။

မေး။ကိုယ်တော်က အပန်းမဖြေ၊ အနားမယူဘဲ အစီအစဉ်တွေက အခုတလော ကြပ်နေတယ်။ ပြီးခဲ့တဲလတွေတုန်းကလည်း တချို့သတ်မှတ် ထားတဲ့အစီအစဉ်တွေကို ကိုယ်တော် ပြန်ဖျက်ကယ်။ ဒါတွေကိုကြည့်ပြီးတော့ ကိုယ်တော့ဘ၀အတွက် စိုးရိမ်စရာများ ရှိပါသလား။
ပုပ်။ ဟုတ်ပါတယ်။ တချို့ကဒါကို ပြောပါတယ်။ ကျွန်တော်ကတော့ အပန်းဖြေတာမျိုး၊ အနားယူတာမျိုးကို ကိုယ်နေတဲ့အိမ်မှာ အမြဲတမ်းလို လို ယူပါတယ်။ တစ်ခါက ဖတ်ခဲ့ဖူးတဲ့စိတ်ဝင်စားစရာစာအုပ် (ခေါင်းစဉ်က ““မင်းက ပုံမမှန်ဘူးဆိုတာကို ပျော်ရွှင်လိုက်ပါ””) ကိုဖတ် ပါတယ်။ ကျွန်တော့်မှာလည်း ပုံမမှန်တာတွေရှိပါတယ်။ ဒါပေမယ့် အဲဒီပုံမမှန်တာတွေကို သေချာကိုင်တွယ်ပေးရမယ်။ ကျွန်တော့ ဘ၀ထဲက ပုံမမှန်တာတွေထဲက တစ်ခုကတော့ ကျွန်တော့်ဘ၀ကို သိပ်ဂရုစိုက်လွန်းခြင်း ဖြစ်ပါတယ်။ နောက်ဆုံးအပန်းဖြေခရီးသွားတာ ဆိုလို့ ၁၉၇၅ ခုနှစ်တုန်း က ဂျေဆွီကက်သလစ်ဘုန်းတော်ကြီးဂိုဏ်းအသိုင်းအ၀ိုင်းထဲမှာ သွားနေဖူးပါတယ်။ ဒါပေမယ့် ကျွန်တော် အမြဲတမ်း အပန်းဖြေပါတယ်။ ကျွန်တော် နားတဲ့ပုံစံတွေကိုပြောရရင်တော့ ကျွန်တော်ပိုပြီးအိပ်တယ်။ ကျွန်တော်နှစ်သက်တာတဲ့ အရာတွေကို ဖတ်တယ်။ မြူးစစ် တေးသံစဉ်တွေကို နားဆင်ပါတယ်။ နောက်မေးခွန်းတစ်ခုဖြစ်တဲ့ တချို့အစီအစဉ်တွေကို အနီးကပ် ကျမှ ဖျက်တာတွေ ရှိတာ မှန်ပါတယ်။ အခုတော့ ကျွန်တော်လည်း နည်းနည်းပိုသတိထားလာပါပြီ။

မေး ဘရာဇီးနိုင်ငံ၊ ကမ္ဘာ့လူငယ်များပွဲကို သွားတော့ လူငယ်တွေက ““ဖရန်စေစကို၊ ဖရန်စေစကို”” ဆိုပြီး ကိုယ်တော့ကို ဂုဏ်ပြုသြဘာပေး ကြတော့ ““ခရစ်တော်”” လို့ ပြောင်းအော်ကြပါလို့ ကိုယ်တော်က လူငယ်တွေကို ပြန်ပြောလိုက်တယ်။ အဲဒီလိုမျိုး လူကြိုက်များမှုကို ဘယ်လိုဖြတ်ကျော်ပါသလဲ၊ ဘယ်လို အသက်ရှင်ရပါသလဲ။
ပုပ်။ ကျွန်တော်လည်း ဘယ်လိုပြန်တုံ့ပြန်ရမလဲဆိုတာ မသိဘူး။ ဘုရားသခင်ကို ကျေးဇူးတင်ရင်းနဲ့ပဲ ဘ၀ကို ရှင်သန်ရင်း ဘုရားရဲ့သားသ မီး တွေက ပျှော်ရွှင်နေကြတာ ဖြစ်တယ်။ ဘုရားရဲ့လူမျိုးတော်က အကောင်းဆုံးပဲ။ ကျွန်တော်ကတော့ လူတွေရဲ့ဘ၀ထဲမှာ ရက်ရက်ရော ရော အသက်ရှိနေပါတယ်။ ကျွန်တော့ရဲ့အမှားတွေ၊ အပြစ်တွေကို သုံးသပ်ပြီးတော့ ကျွန်တော်ဟာ ဘာမှမဟုတ်ဘူးဆိုတာ သိပါတယ်။ လူတွေက ကျွန်တော့ကို လူကြိုက်များနေတာဟာ အများဆုံး (၃) နှစ်လောက်ပါပဲ။ အဲဒါပြီးရင် ကောင်းကင်နိုင်ငံကို သွားရမှာ။

မေး။ ကိုယ်တော်က ဟိုးကမ္ဘာအဆုံးကနေလာပြီးတော့ ဗာတီကန်မှာ လာနေတယ်။ ကိုယ်တော်က ဗာတီကန်မှာ ဘယ်လိုနေထိုင်နေပါသလဲ။ လူတွေကလည်း ကိုယ်တော်ဘာတွေလုပ်နေလဲ၊ ဘယ်လိုလုပ်နေလဲ၊ လမ်းထွက်လျှောက်ရဲလားဆိုပြီး သိချင်နေကြတယ်။ ကိုယ်တော်က ဗာတီကန်အလုပ်သမားတွေရဲ့ထမင်းစားခန်းကို သွားတာကို လူတွေမြင်တော့ အားလုံးအံ့သြကြတယ်။ အဲဒီတော့ အလုပ်အပြင်၊ ဗာတီကန်ဝန်းထဲရှိ စံတာမာတားအဆောက်အဦးထဲမှာ ကိုယ်တော့်ဘ၀ကို ဘယ်လိုအသက်ရှင်နေပါသလဲ။
ပုပ်။ ကိုယ့်ဟာကိုယ်တော့ လွတ်လပ်အောင် ကြိုးစားပြီးနေပါတယ်။ အဲဒီဗာတီကန်ဝန်းထဲမှာက အလုပ်နဲ့ရုံးခန်းတွေ ရှိပါတယ်။ ဒါပေမယ့် ကျွန်တော်ကတော့ ရိုးရိုးလေးပဲ နေပြီး လုပ်နေပါတယ်။ အပြင်ထွက်လည်ချင်တယ်။ ဒါပေမယ့် မဖြစ်နိုင်ဘူး၊ မဖြစ်နိုင်ဘူး။ ဘာဖြစ်လို့လဲ ဆိုတော့ ကျွန်တော် အပြင်ထွက်လည်တယ်ဆိုရင် လူတွေက လိုက်လာမှာ။ ကျွန်တော်ကတော့ ဗာတီကန်ဝန်းထဲရှိ စံတာမာတား အဆောက်အဦးထဲမှာ လူတွေနဲ့စကားလက်ဆုံကျတယ်။ အနားယူတယ်။ အလုပ်လုပ်တယ်။ ဒီလိုပါပဲ။

မေး။ အကျဉ်းသားလို့ မခံစားဘူးလား။
ပုပ်။ ရဟန်းမင်းကြီး ဖြစ်ဖြစ်ချင်းတော့၊ ခံစားတယ်။ ဒါပေမယ့် အခုတော့ တချို့တံတိုင်းတွေ မရှိတော့ဘူး။ ဥပမာတစ်ခုကိုပြောပြရရင် ဘာပဲလုပ်လုပ်၊ ဒါကရဟန်းမင်းကြီး မလုပ်ရဘူးဆိုတာမျိုးရှိတယ်။ ကျွန်တော် ဓါတ်လှေကားထဲ ၀င်ဖို့လုပ်တော့ လူတစ်ယောက်က ပြေးလာပြီး ဓါတ်လှေကားထဲမှာ ရဟန်းမင်းကြီးတစ်ပါးတည်း စီးလို့မရဘူးဆိုပြီး လာပြောတော့ ကျွန်တော်က၊ မင်းနေရာကို ပြန်သွားပါ၊ ကိုယ့်ဟာကိုယ် ဓါတ်လှေကား စီးတတ်ပါတယ်လို့ ပြန်ပြောလိုက်ပါတယ်။ ဒါက သာမန်ဖြစ်ရပ်လေးပါ။

မေး။ ကိုယ်တော်က သဘာဝပတ်ဝန်းကျင်နဲ့ပတ်သက်တဲ့စာချွန်တော်တစ်ခုကို ရေးနေတယ်ဆိုတာကို ကြားနေတာကြာပါပြီ။ အဲဒီစာချွန်တော် ကို ဘယ်အချိန်မှာ ထုတ်ဝေမလဲ၊ ဘယ်လိုမျိုးအချက်တွေကို မီးမောင်းထိုးပြထားသလဲ။
ပုပ်။ ဒီစာချွန်တော်နဲ့ပတ်သက်ပြီး ကာဒီနယ်ဆရာတော် တာဆန်အပါအ၀င် တခြားသူတွေနဲ့ပါ အများကြီး ပြောဖြစ်ပါတယ်။ ဒါနဲ့ဒီစာ ချွန် တော်နဲ့ပတ်သက်ပြီး ကိုရီးယားကို မလာခင် လေးရက်လောက်ကရောက်လာတဲ့ အချက်အလက်တွေကို စုထားပေးဖို့  ကာဒီနယ် တာဆန်ကို တာဝန်ပေးထားပါတယ်။ ကာဒီနယ်ဆရာတော် တာဆန်က ကျွန်တော့ဆီကို စာအကြမ်းလာပြတယ်။ ဒါပေမယ့် အဲဒီစာအုပ်အကြမ်းက အတော်ထူတယ်။ ဒါပေမယ့် သဘာဝပတ်ဝန်းကျင်နဲ့ပတ်သက်ပြီး အတိုင်းအတာတစ်ခုအထိသာ ပြောဆိုနိုင်မှာ ဖြစ်ပါတယ်။ ဒီစာချွန်တော်ကနေ မီးမောင်းထိုးပြနိုင်မယ့်သွန်သင်ချက်တွေကိုတော့ သေချာတဲ့အချက်တွေနဲ့လုံခြုံတဲ့ အချက်တွေပေါ်မှာ သာ ပြောဆိုနိုင်မှာဖြစ်ပါတယ်။

မေး။ ဂျပန်စစ်သားတွေရဲ့အပျော်မယားအဖြစ် အသုံးချခံခဲ့ကြရတဲ့ကိုရီးယားအမျိုးသမီးတွေကို ကိုယ်တော် နှုတ်ဆက်တဲ့အခါမှာ ကိုယ်တော့ ရင်ထဲမှာ ဘယ်လိုခံစားသလဲ။ မြောက်ကိုရီးယားနိုင်ငံက ခရစ်ယာန်ဘာသာတရားကို မြောက်ကိုရီးယားအစိုးရကို ခြိမ်းခြောက်တဲ့ဘာသာ အဖြစ် ရှုမြင်ပြီး မြောက်ကိုရီးယားနိုင်ငံရှိ ခရစ်ယာန်တွေကိုလည်း ရက်စက်စွာ နှိပ်စက်နေပါတယ်။ အဲဒီအပေါ်မှာ ကိုယ်တော့်အနေနဲ့ မြောက်ကိုရီးယား အစိုးနဲ့မြောက်ကိုရီးယားနိုင်ငံရှိခရစ်ယာန်များကို ချဉ်းကပ်ဖို့ ဘာများစဉ်းစားထားသလဲ။
ပုပ်။ ဂျပန်စစ်သားတွေရဲ့အပျော်မယားအဖြစ် အသုံးချခံခဲ့ကြရတဲ့ကိုရီးယားအမျိုးသမီးတွေဟာ အတင်းကျွန်ပြုခံကြရသလို ရက်စက်စွာ ဆက်ဆံခြင်း ခံကြရတယ်။ ဒါပေမယ့် သူတို့က ဒီနေ့ အပြင်ကိုထွက်လာတာဟာ သူတို့ဂုဏ်သိက္ခာကို အဆုံးရှုံးမခံဘူးဆိုတာကို ပြန်ပြီး သတိရစေပါတယ်။ ဒုက္ခဝေဒနာဆိုတာက အမွေတစ်ခုဖြစ်ပါတယ်။ ရှေ့ဦးအသင်းတော်ဖခင်များကတော့ ဓမ္မအာဇာနည်များရဲ့ သွေးစက်တွေဟာ ခရစ်ယာန်တွေရဲ့ မျိုးစေ့တွေ ဖြစ်တယ်လို့ ပြောခဲ့ကြပါတယ်။ ကိုရီးယားလူမျိုးတွေက တော်တော်ကို အနစ်နာခံကြ တယ်။ သူတို့ရဲ့အနစ်နာဒုက္ခခံစားမှုကြောင့် ဒီနေ့အသီးအပွင့်တွေ မြင်တွေ့နေကြရပါတယ်။ မြောက်ကိုရီးယားနိုင်ငံနဲ့ပတ်သက်ပြီး ပြောရရင်တော့၊ တောင်နဲ့မြောက်ကိုရီးယားနိုင်ငံတွေကို နှစ်ခုကွဲစေတာက ဝေဒနာပဲ ဖြစ်ပါတယ်။ ကျွန်တော်တောင်ကိုရီးယား ဆရာတော်တွေကို မိန့်ကြားသလိုပဲ တောင်နဲ့မြောက်ကိုရီးယားနိုင်ငံတွေဟာ စကားတစ်ခု၊ လူမျိုးတစ်ခု ဖြစ်ကြ တာမို့ မျှော်လင့်ချက် ရှိနေပါတယ်။ သူတို့ရဲ့ဝေဒနာတွေဟာ ကြီးမားပြင်းထန်လွန်းတာမို့ ဒီဝေဒနာတွေ မြန်မြန်ပျောက်ကင်းဖို့ အတွက် ဆုတောင်းပါတယ်။

မေး။ ပျံလွန်တော်မူပြီဖြစ်တဲ့ ဂိုဏ်းချုပ်ဆရာတော်ကြီး ရိုမေရိုရဲ့ ရဟန္တာတင်မြောက်မယ့် အခြေအနေကို သိချင်ပါတယ်။
ပုပ်။ ရဟန်းမင်းကြီးလက်အောက်ရှိယုံကြည်ခြင်းသွန်သင်မှုဆိုင်ရာဌာနက ပိတ်ပင်ထားတဲ့ လုပ်ဆောင်မှုဟာ ““သတိထားဖို့အတွက် ဖြစ်တယ်”” လို့ အကြောင်းပြထားခဲ့ပါတယ်။ ဒါပေမယ့် အခုတော့ မပိတ်ထားတော့ပါဘူး။ ရဟန်းမင်းကြီးလက်အောက်ရှိရဟန္တာတင်မြောက်ခြင်း ဆိုင်ရာဌာနက ဂိုဏ်းချုပ်ဆရာတော်ကြီး ရိုမေရိုရဲ့ ရဟန္တာတင်မြောက်နိုင်မယ့် လုပ်ငန်းစဉ်တွေကို ပုံမှန်အတိုင်း ပြန်စလုပ်ကိုင်နေပါပြီ။ အဲဒီတော့ ဒီတာဝန်ကို ကိုင်တွယ် တဲ့သူတွေက မြန်တယ်ဆိုရင် ဂိုဏ်းချုပ်ဆရာတော်ကြီး ရိုမေရိုကို ရဟန္တာတင်မြောက်ဖို့ကလည်း ပိုပြီး မြန်ဆန်သွားပါလိမ့်မယ်။ ဆရာတော်ကြီးနဲ့ အတူတူအသတ်ခံရတဲ့သူတွေ ရှိကြပါတယ်။ ဒါပေမယ့် သူတို့တတွေရဲ့အသတ်ခံရတဲ့ အဆင့်အတန်းက ဆရာတော်ကြီးနဲ့မတူပါဘူး။ အဲဒီအပိုင်းကို ခွဲခြားတတ်ဖို့လိုပါတယ်။ ကျွန်တော့အတွက်ကတော့၊ ဆရာတော်ကြီး ရိုမေရိုဟာ ဘုရားတရားသမားဖြစ်ပါတယ်။ သူဟာဘုရားတရားသမားဖြစ်ပေမယ့် လည်း သူ့ကို ရဟန္တာတင်မြောက်ဖို့အတွက်ကတော့ သူဟာ လိုအပ်တဲ့လုပ်ထုံးလုပ်နည်းအဆင့်ဆင့်တွေကိုတော့ ဖြတ်သန်းရပါလိမ့်မယ်။ ခရစ်တော် ဘုရားက အလိုတော်ရှိရင်တော့ ဖြစ်သွား ပါလိမ့်မယ်။ ရဟန္တာတင်မြောက်ခြင်း ဆိုင်ရာဌာနက လုပ်စရာရှိတာတွေကို အခုချိန်ကစပြီး လုပ်ဆောင်ရ ပါတော့မယ်။

မေး။ အရှေ့အလယ်ပိုင်းငြိမ်းချမ်းရေးအတွက် ဇွန်လ ၈ ရက်နေ့က ဗာတီကန်ပန်းခြံထဲမှာ လုပ်ခဲ့တဲ့ဆုတောင်းခြင်းက အခုဖြစ်ပွားနေတဲ့ အရှေ့အလယ်ပိုင်းက စစ်တိုက်ခိုက်မှုတွေကြောင့် ရှုံးနိမ့်ခြင်းများ ဖြစ်နေပါသလား။
ပုပ်။ ငြိမ်းချမ်းရေးအတွက် ပြုလုပ်တဲ့ဆုတောင်းခြင်းက ရှုံးနိမ့်ခြင်း မဟုတ်ဘူး။ ဘာဖြစ်လို့လဲဆိုတော့ ပထမအချက်အနေနဲ့က အဲဒီဆုတောင်း ခြင်းပြု လုပ်ဖို့ စတင်တဲ့သူတွေက ကျွန်တော်မဟုတ်ဘဲ အစရေးနဲ့ပါလက်စတိုင်းသမ္မတနှစ်ဦးတို့က ကျွန်တော့ကို တောင်းဆိုခြင်းကနေ လုပ်ဖြစ်တာ ဖြစ်ပါ တယ်။ သူတို့က အချင်းချင်းတိုက်ပွဲတွေဖြစ်နေကြတာမို့ သင့်တော်တဲ့နေရာကို ရှာမရကြတာနဲ့ အစ္စရေးနိုင်ငံရှိ ဗာတီကန်သံရုံးမှာ လုပ်ဖို့ စစဉ်းစာကြတယ်။ ဒါပေမယ့် ပါလက်စတိုင်းသမ္မတက အီစ္စရေးနိုင်ငံထဲကို ၀င်လာလို့မရပြန်ဘူး။ နောက်ဆုံး တော့ သူတို့နှစ်ဦးက ဗာတီကန်မှာ ပြုလုပ်ဖို့ တောင်းဆိုလို့ ပြုလုပ်လိုက်တာဖြစ်ပါတယ်။ သမ္မတနှစ်ဦး စလုံးက ငြိမ်းချမ်းရေးကို လိုချင်တဲ့သူတွေ ဖြစ်ကြပါတယ်။ အဲဒီတော့ ဒီဆုတောင်းပွဲက မရှုံးနိမ့်ဘူး။ သူတို့တတွေက တံခါးကိုဖွင့်ထား ကြတုန်းပါ။ ဆုတောင်းပွဲ ပြုလုပ်ပြီးနောက်ပိုင်း အခုဖြစ်ပွားနေတဲ့စစ်ပွဲတွေဟာ တိုက်ဆိုင်မှုသက်သက်ပါ။

မေး။ (ဗာတီကန်ပြန်ကြားရေးတာဝန်ခံ ဘုန်းတော်ကြီးလွမ်ဘားဒီက ကြားဝင်ဖြတ်ပြောတယ်) အရှင်ဘုရား၊ ကျေးဇူးတင်ပါတယ်။ အခုအရှင် ဘုရားက သတင်းထောက်တွေရဲ့အမေးကို ဖြေပေးနေတာ တစ်နာရီကျော်သွားပါပြီ။ နောက်ပြီး ရောမလေဆိပ်ကိုလည်း ဆင်းခါနီးပြီးမို့ အရှင်ဘုရားရဲ့ထိုင်ခုံမှာ ပဲ ပြန်အနားယူပေးပါ။ စကားမစပ်၊ ဗာတီကန်ကို ရောက်ရင် မယ်တော်မာရီိးယားကို သွားဖူးအုံးမယ်ထင်ပါတယ်။
ပုပ်။ ကျွန်တော် ရောမလေဆိပ်ကို ဆင်းပြီးတာနဲ့ ပထမဆုံး မယ်တော်ကိုသွားဖူးမယ်။ ဒါကအင်မတန်မှ လှပတဲ့ကြည်ညိုမှုပါ။ ကျွန်တော် ဒေါက်တာ ကီယာနီ (ဗာတီကန်ရဲချုပ်) ကို ကိုရီးယားနိုင်ငံကနေ နှင်းဆီယူလာဖို့ မှာထားတယ်။ ဒါပေမယ့် ကိုရီးယားနိုင်ငံရှိဗာတီကန် သံရုံးရှေ့မှာ ကလေးမ တစ်ဦးက ပန်းစည်းတွေကိုင်လာပြီး လာနှုတ်ဆက်ပါတော့ ဒီပန်းတွေကို ဗာတီကန်ကို ယူသွားရအုံးလို့ ပြောလိုက် ပါတယ်။ အဲဒီကိုရီးယားက နှင်းဆီ ပန်းတွေကို မယ်တော်သခင်မကို သွားထိုးပေးရင်း ခဏလေးဆုတောင်းပြီးမှပဲ ဗာတီကန်ဝင်းထဲကို ဆက်သွားကြမှာ ဖြစ်ပါတယ်။ ဂျိုးဇက်

857  Views
Previous: သြစတြေးလျနိုင်ငံရောက် မြန်မာနိုင်ငံသားကက်သလစ်ခရစ်ယာန်ဘာသာဝင်များက ရန်ကုန်မြို့ရှိ ဘိုးဘွားရိပ်သာရှိဘိုးဘွားများအား ငွေကျပ်တစ်ရာ့သုံးဆယ်ငါးသိန်းလာရောက်လှုဒါန်း
Next: ကျောက်စိမ်းမြေဖားကန့်ဒေသတွင် သမ္မာကျမ်းစာသင်တန်းများ ပြုလုပ်ပေး