အားကောင်းလာနေသော မလေးရှားနိုင်ငံရောက် မြန်မာကက်သလစ်ခရစ်ယာန်ဘာသာဝင်များ

015-b

မလေးရှား၊ ဇန်နဝါရီလ ၁၃၊

မလေးရှားနိုင်ငံရောက် မြန်မာနိုင်ငံမှ ရွေ့ပြောင်းလုပ်သားကက်သလစ်ခရစ်ယာန်ဘာသာဝင်များ၏ ဝိညာဉ်ရေးဆိုင်ရာအခြေအနေသည် တိုးတက်ကောင်းမွန်လာသည်ဟု မလေးရှားရောက် ချင်းကက်သလစ်အဖွ့ဲအစည်းမှ ဖာသာရ်ဒေးဗစ်ခင်မှုန်းနှင့် ဦးဗီယားလင်းတို့က ပြောကြားကြသည်။ ဟားခါးကက်သလစ်သာသနာမှ ဘုန်းတော်ကြီး ဒေးဗစ်ခင်မှုန်းသည် မလေးရှားနိုင်ငံသို့ အောက်တိုဘာလမှ ဒီဇင်ဘာ ၂၁ ရက်နေ့အထိ ရောက်ရှိလာပြီး ဟားခါးကက်သလစ်ဆရာတော် လက်အောက်ရှိ ချင်းကက်သလစ်ခရစ်ယာန် ဘာသာဝင်များကို လာရောက် ကြည့်ရှုရာတွင် လက်ထပ်သူပေါင်း (၃၅)၊ ဆေးကြောခြင်းခံယူသူ (၄၅)၊ တို့ ဖြစ်ကြသည်။

ထိုကဲ့သို့သော တိုးတက်ကောင်း မွန်လာသည့်အခြေအနေများနှင့်စပ်လျဉ်းပြီး အသေးစိတ်မေးမြန်းရာတွင်၊ သူတို့က ““ပထမဆုံးအနေနဲ့ ကွာလာလွမ်ပူ ကက်သလစ်ဂိုဏ်းချုပ်ဆရာတော်ကြီး အဟောင်းက အနားယူပြီး ဆရာတော် အသစ် တက်လာပါတယ်။ ဒီဆရာတော် အသစ်က မြန်မာပြည် က ရောက်လာ ကြတဲ့ကက်သလစ်ဘာသာဝင်တွေ စုစည်းတဲ့နေရာတွေကို လိုက်ကြည့်ပြီးတော့ လိုအပ်တာတွေ ပေးပါတယ်။ ဆရာတော်အဟောင်းကတော့ ဒါမျိုးမလုပ်ပေးဘူး။ ဒုတိယအချက်အနေနဲ့က မြန်မာပြည်က လာမည့်ရဟန်းတွေကို မိမိအစီ အစဉ်ဖြင့် ခေါ်ယူခွင့်တွေကို ပြုထားတယ်။ ကန့်သတ်တာမျိုးမရှိဘူး။ တတိယ အချက်အနေနဲ့ကတော့ မြန်မာပြည်ရှိဟားခါး ကက်သလစ်သာသနာမှာလည်း ဆရာတော်အပြောင်းအလဲဖြစ်တော့ ဆရာတော်အသစ် လူးစီအူးစ် ဟရယ်ကုန်းက ကျွန်တော်တို့ဆီကို အရောက်လာခဲ့တယ်။ သူရောက်လာတဲ့ အချိန်မှာ ပြောတဲ့စကားတစ်ခွန်းကတော့ ဟားခါးသာသနာက မလေးရှားနိုင်ငံ အထိ သာသနာ လာပြုမယ်လို့ ပြောသွားတယ်။ ပြောတာမကြာဘူး၊ ဟားခါးသာ သနာအောက်ရှိ မလေးရှားရောက်ချင်းကက်သလစ်ဘာသာဝင်တွေကို ဝိညာဉ်ရေးဆိုင်ရာ ကူညီပေးဖို့အတွက် ဘုန်းကြီးတွေကို စေလွှတ်ပေးတယ်။ တစ်ပါးလာရင် သုံးလလောက်နေပေးတယ်။ စတုထအချက် ကတော့ မြန် မာပြည်က ရဟန်းတွေလာနိုင်တော့ တရားတော်တွေကိုလည်း နားလည်တယ်၊ ကိုယ့်ရဲ့သားသမီးတွေကိုလည်း ဆေးကြော ခြင်းပေးတာ၊ အာပတ်ဖြေနိုင်တာ၊ လက်ထပ်တာတွေ လုပ်နိုင်တယ်။ နောက်တစ်ချက်တော့ ကိုယ့်ရဟန်းတွေက အခုလိုလာရောက်ကြည့် ရှုတဲ့အတွက် ကက်သလစ်ဘာ သာဝင်တော်တော် များများက ဘာသာရေးမှာ ပြန်လည်တက်ကြွလာကြတယ်”” ဟု ဖြေကြားကြ သည်။

သူတို့၏အခက်အခဲများကို မေးမြန်းရာတွင်၊ တရားမဝင်နေထိုင်တဲ့အတွက် အမြဲတမ်းကြောက်နေရကြောင်း၊ အလုပ်ရှင်တွေရဲ့လစာ မပေးခြင်းကိုလည်း ကြုံနေရကြောင်း၊ မလေးစကားမတတ်တာကလည်း အခက်၊ ဓားမြတွေက လည်း ပေါတယ်၊ ဘာသာဝင်တွေက များလာတော့ အဖွဲ့အစည်းကို စနစ်တကျစီမံအုပ်ချုပ်ဖို့ လိုအပ်လာကြောင်းဖြင့် ရင်ဖွင့်ပြောဆိုကြသည်။

မလေးရှားရောက်ချင်းကက်သလစ်ခရစ်ယာန်မိသားစု Lai Catholic Community in Malaysia (LCCM) သည် ပိုမို ကောင်းမွန်သော အုပ်ချုပ်ရေး စနစ်ကို ကျင့်သုံးနိုင်ရန်အတွက် ရန်ကုန်မှ ဂျိုးဇက်ကုန်ဇမှုန်း (ခ) ဝင်းလှိုင်ဦးကို ဖိတ်ခေါ်ပြီး ခေါင်းဆောင်မှု၊ စီမံခန့်ခွဲမှုနှင့်ဘာသာရေးဆိုင်ရာတို့ကို ဒီဇင်ဘာ လ ၁၆-၁၉ ရက်နေ့အထိ မလေးရှားရောက် ချင်းကက်သလစ် ခရစ်ယာန်မိသား စုဘုရားကျောင်းတွင် ပို့ချစေခဲ့သည်။ ၎င်းသင်တန်းသို့ ဘာသာဝင်ပေါင်း ၄၀ ကျော် ညတိုင်းတက်ရောက် နားထောင်ခဲ့ကြသည်။

မလေးရှားရောက်ချင်းကက်သလစ်ခရစ်ယာန်မိသားစု Lai Catholic Community in Malaysia (LCCM) သည် မလေးရှားရောက် ဂိုဏ်းကွဲ ချင်းနှစ်ခြင်းခရစ်ယာန်များ၏ လွမ်းမိုးခြင်းကို မလေးရှားနိုင်ငံတွင် ကြုံတွေ့ကြရ သည်။ ထိုကဲ့သို့သော မလေးရှားရောက် ဂိုဏ်းကွဲချင်းနှစ်ခြင်းခရစ်ယာန်များ၏ လွမ်းမိုးခြင်းကို တွန်းလှန်ပြီး မိမိ၏ဘာသာဝင်များကို အနီးကပ်ကြည့်ရှုရန် မလေးရှားရောက် ဦးဗီယားလင်း၏ တောင်းဆိုမှုဖြင့် ဦးဂျိုးဇက် ကုန်ဇမှုန်းနှင့်ဒေါ်အေမီတို့မိသားစုသည် ၂၀၀၈ ခုနှစ် မေလ ၂၄ ရက်နေ့တွင် ချင်းပြည်နယ်၊ နှရိန်းဒေသမှ ကက်သလစ်ဓမဆရာဦးဒါထောင်းကို မိမိတို့မိသား စု၏ငွေဖြင့် သွားရောက်ပို့ဆောင်ကာ စတင်စေလွှတ်ခဲ့သည်။ ထိုအချိန်မှစပြီး ၂၀၀၈ ခုနှစ် မေလ ၂၄ ရက်နေ့တွင် မလေးရှားရောက် လောက်တူ ကက်သလစ်အဖွဲ့အစည်း Malaysia Lautu Catholic Family (MLCF) ကို ကွာလာလွမ်ပူရ်မြို့တော်တွင် စတင်ဖွဲ့စည်းခဲ့သည်။

၂၀၁၀ ခုနှစ်ရောက်လာသောအခါ မလေးရှားရောက်ချင်းကက်သလစ် ခရစ်ယာန်မိသားစု Lai Catholic Community in Malaysia (LCCM) တို့ပြောင်းလဲဖွဲ့စည်းပြီး ဟားခါးကက်သလစ်ဆရာတော်လက်အောက်ရှိ ချင်းကက်သလစ် ခရစ်ယာန်ဘာသာဝင်များကို လွှမ်း ခြုံထားသော အဖွဲ့အစည်း သို့ ရောက်ရှိလာတော့သည်။ လက်ရှိတွင်မူ မလေးရှားနိုင်ငံသို့ ရောက်ရှိ လာကြသော ချင်းပြည်နယ်၊ ဟားခါးကက်သလစ်ဆရာတော်လက်အောက်မှ သာသနာ (၁၃) ခု၊ အသင်းသူ/သား ဦးရေ ၆၁၁ ဦး (ပုံမှန်လ စဉ်ကြေး ပေးသွင်းသူများသာ)၊ ပုံမှန်ဘုရားကျောင်းလာနိုင်သူ ၂၅၀ ဦး၊ အိမ်ခြေ ၇၅ တို့ ဖြစ်ကြသည်။၀၀၅ ကုန်ဇမှုန်း

1602  Views
Previous: အမျိုးသားပြန်လည်ရင့်ကြားရေးတွင် တွေ့ဆုံဆွေးနွေးခြင်းနှင့် အမှန်တရားကို လိုက်လံရှာဖွေခြင်းလိုအပ်ဟု သီရိလင်္ကာပြည်သူများအား ရဟန်းမင်းကြီးဖရန်စစ်က တိုက်တွန်းတော်မူ
Next: ဘုန်းတော်ကြီး မောရစ်(စ်)ညွန့်ဝေနှင့်ဘုန်းတော်ကြီးမာရ်ကူးတင်ဝင်းတို့အား မြန်မာနိုင်ငံဓမ္မပညာရှင်များအဖြစ် စီဘီစီအမ်က သတ်မှတ်တော်မူ