ရဟန်းမင်းကြီးဖရန်စစ်အရှင်သူမြတ်နှင့်တွေ့ဆုံမေးမြန်းခန်း

မကြာခင်တုန်းကမက်္ကဆီကိုနိုင်ငံမှ အသံလွှင့်ဌာနတစ်ခုက သံပေတရုကို ဆက်ခံ တော်မူသော ၂၆၅ ပါးမြောက်၊ ရဟန်းမင်းကြီး ဖရန်စစ် အရှင် သူမြတ်အား အင်တာဗျူးလုပ်ခဲ့ပါသည်။ ၎င်းအင်တာဗျူးကို တင်ဆက်ပေးလိုက်ပါသည်။

မေး။ ရဟန်းမင်းကြီးကလာမည့် စက်တင် ဘာလတွင် အမေရိကန်နိုင်ငံတွင် ကျင်းပ မည့်ကမ်္ဘာ့မိသားစုညီလာခံကိုကြွရောက်လာ မည့်အချိန်တွင်    အဘယ်ကြောင့် မက်္ကဆီကို နိုင်ငံမှာ ခေတ်္တဝင်ရောက်အနားယူရန် အစီအစဉ် မထည့်သွင်းထားပါသနည်း။

ပုပ်။ ကျွန်တော့်အနေနဲ့ ပထမ စဉ်းစားတုန်းက တော့ မက်္ကဆီကိုနိုင်ငံကိုဝင်ပြီးမှ မက်္ကဆီကို နယ်စပ်ကနေအမေရိကန်နိုင်ငံကို ဝင်ဖို့ စဉ်းစား ခဲ့ပါတယ်။ ဒါပေမယ့် နယ်စပ်ကို ပဲဝင်ပြီး ကွာဒါလုပေမယ်တော်ကို ဝင်ရောက် ဖူးမျှော်ခြင်းမပြုရင် မက်္ကဆီကို နိုင်ငံသား တွေကို စိတ်ဆင်းရဲစေမှာ ဖြစ်ပါတယ်။ နောက်ပြီးတော့ ကျွန်တော်က မက်္ကဆီကို ခဏဝင်ပြီးတော့ မြန်မြန်ပြန်ထွက် တာမျိုးလည်း မလုပ်ချင်ဘူး လာလည်ပြီးမှတော့ အနည်းဆုံး တစ်ပတ်လောက် နေချင်လို့ပါ။ မကြာခင်မှာ ကျွန်တော် မက်္ကဆီကို နိုင်ငံကို လာလည်မှာပါ။

မေး။ ကိုယ်တော် ဘုရားက ရွှေ့ပြောင်းသူတွေရဲ့ သားတစ်ယောက် အနေနဲ့ မက်္ကဆီကိုနိုင်ငံကနေ အမေရိကန်နိုင်ငံကို ရွှေ့ပြောင်း သူတွေ အမြဲတမ်းဖြတ် ကျော်တဲ့နေရာက နေ အမေရိကန်နိုင်ငံကိုဝင်ရောက်ခဲ့ သော် မည်ကဲ့သို့ အနက်ဆောင်ပါမည် နည်း။

ပုပ်။ မက်္ကဆီကို နိုင်ငံသားတွေပဲ နယ်စပ် ဖြတ်ကျော်ပြီး သွားလာတာ မဟုတ်ပါဘူး။ အမေရိကတိုက် အလယ်ပိုင်းက လူတွေလည်း ပိုကောင်းတဲ့ ဘဝကိုရှာဖွေဖို့သွားလာဖြတ် ကျော်နေကြပါတယ်။ ယနေ့ ကာလကို ကြည့်ရင် ရွှေ့ပြောင်းသွားလာ လုပ်ကိုင်သူတွေဟာ အစာငတ်မွတ်ခြင်းရဲ့ ရလဒ်ဖြစ်ပါတယ်။ ဒါတွေက အာဖရိကတိုက်၊ မြေထဲပင်လယ် ထဲမှာခက်ခက်ခဲခဲ သင်္ဘောဖြင့် သွားလာနေကြတာဟာ စစ်ပွဲတွေကြောင့်၊ အစာငတ်တာ တွေကြောင့် ဖြစ်ပါတယ်။ ယနေ့ခေတ်ရဲ့ ရွှေ့ပြောင်း လုပ်ကိုင်သူတွေ ဟာ အလုပ်မရှိကြလို့၊ အစာငတ်နေကြ လို့ပဲ ဖြစ်ကြလို့မသွား ချင်ပဲနဲ့ သွားလာနေ ကြရတယ် တကမ်္ဘာလုံးမှာ ဖြစ်ပျက်နေတဲ့ ရွှေ့ပြောင်းသွား လာလုပ်ကိုင်မှုက နာကျင် လွန်းပါတယ်။ ဘာဖြစ်လို့လဲဆိုတော့ ရွှေ့ပြောင်းသွားလာမှုက နယ်စပ် တိုင်းမှာ ဖြစ်ပျက်နေလို့ပါပဲ။ ဒါပေမယ့် ကျွန်တော့် အနေနဲ့ဝမ်းသာမိတာ ကတော့ ဥရောပ နိုင်ငံများက အခုလိုမျိုးရွှေ့ပြောင်း သွားလာ လုပ်ကိုင်နေခြင်းနဲ့ ပတ်သက်တဲ့ ဥရောပ အစိုးရများရဲ့မူဝါဒကိုပြန်လည် သုံးသပ် ခြင်းပဲ ဖြစ်ပါ တယ်။ အီတလီနိုင်ငံကတော့ ရွှေ့ပြောင်းသွားလာ လုပ်ကိုင်သူတွေ အပေါ်မှာ တော်တော်ကို ရက်ရောမှု ပြသနေပါ တယ်။ အထူးသဖြင့်အီတလီနိုင်ငံက လန်ပေဒူးဆားကျွန်းကမြို့တော် ဝန်မဟာ သူမရဲ့ကျွန်းကိုခရီးသွားလည်ပတ်မှုအကောင်း ဆုံးကျွန်း အဖြစ်ကနေရွှေ့ပြောင်းသွားလာ လုပ်ကိုင်သူတွေကို ကြိုဆိုပြီး ခိုလှုံရာကျွန်း အဖြစ်သို့ ပြုပြင်ပြောင်းလဲနေခြင်းကြောင့် သူမကိုအင်မတန် ကျေးဇူးတင်မိပါ တယ်။ ဘာဖြစ်လို့လဲဆိုတော့ အဲဒီကျွန်းက အခု ဆိုရင် ဝင်ငွေရရှိမှုလျော့နည်းလာပါတယ်။ ဒါကအင်မတန်မှ ရဲရင့်တဲ့လုပ်ရပ် ဖြစ်ပါ တယ်။ ဒါပေမယ့်ဘုရားရှင်မြတ်ကိုကျေးဇူး တင် ရမှာက ဥရောပနိုင်ငံများက အဲဒါကို သုံးသပ်နေကြပါပြီ။ မက်္ကဆီကို နယ်စပ် အကြောင်းကို ပြန်ပြောရရင် ဒီနယ်စပ်က မူးယစ်ဆေးဝါးရောင်းဝယ်ဖောက်ကားမှုက ပြဿနာ ဖြစ်ပါတယ်။ ဒီဒေသခံတွေက မူးယစ်မှောင်ခိုလုပ်ငန်းတွေကိုအသက်နဲ့ လဲပြီးလုပ်နေကြ တော့ သူတို့တတွေက သေခြင်းရဲ့သတင်းစကားတွေဖြစ်နေကြသလို မူးယစ်ဆေးဝါး လုပ်ငန်းကို ဆန့်ကျင်တဲ့ သူတွေ (တက်္ကသိုလ်ကျောင်းသား ၄၃ဦး) ကိုလည်း သတ်ဖြတ်နေ ကြတယ်။ သူတို့ တတွေကို သတ်ဖြတ်မှုအတွက် ပြန် ကလဲ့စားချေဖို့မပြောလိုပေမယ့် တရား မျှတမှုနဲ့အောက်မေ့သတိရခြင်း တို့ကို ပြုလုပ်ပေးရလိမ့်မယ်။ ဒီအချက်တွေ ကြောင့် မိုရေလီယားမြို့က ကက်သလစ် ဂိုဏ်းချုပ်ဆရာတော်ကြီးကို ရဟန်းအမတ် ကာဒီနယ်လ်အဆင့်သို့မြှင့်တင်ပေးချင်ခဲ့တာ ဖြစ်တယ်။ ဘာဖြစ်လို့လဲဆိုတော့ သူက အင်မတန်ခက်ထန်တဲ့အခြေအနေမှာ ရှိနေသူ၊ ခရစ်ယာန်ဘဝအသက်တာကို သက်သေခံနေသူ၊ ကြီးမြတ်တဲ့ရဟန်း ဖြစ်နေသူ ဖြစ်နေလို့ပါ။ ကာဒီနယ်တွေ အကြောင်းကိုတော့ နောက်မှဆက်ပြော ကြရအောင်။

မေး။  အရှင်ဘုရားကလာတင်း အမေရိကတိုက် သား ဖြစ်နေလို့၊ အခုလိုကမ်္ဘာ တစ်ဝှမ်းက သန်းထောင်ချီတဲ ရွှေ့ပြောင်းလုပ်သား တွေ ကိစ်္စကိုကျယ်ကျယ်လောင်လောင် ပြောဖို့ တာဝန်ပိုရှိတယ်လို့ ခံယူထားပါ သလား။

ပုပ်။ ဟုတ်ပါတယ်။ ကျွန်တော်ကတော့ ရွှေ့ပြောင်းလုပ်သားတွေရဲ့အသံ၊ စကား ဖြစ်ချင်ပါတယ်။ ရွှေ့ပြောင်းလုပ်သား တွေအပေါ် ကိုယ်ချင်းစာတယ်ဆိုတာက အပြောသက်သက်မဟုတ်ပါဘူး၊ ဒါတွေက ကျွန်တော်ဘဝရဲ့လက်တွေ့ ဖြစ်စဉ် တစ်ခု ဖြစ်နေလို့ပါ။

မေး။ မက်္ကဆီကိုနိုင်ငံက အသတ်ခံရတဲ့ ကျောင်းသား ၄၃ ယောက်နဲ့ပတ်သက်ပြီး အရှင်ဘုရားအနေနဲ့ ပြည်သူတွေက အခုလိုမျိုး ခက်ခဲတဲ့အခြေအနေမျိုးမှာ မိမိတို့ရဲ့တန်ဖိုးတွေနဲ့ ယဉ်ကျေးမှုဓလေ့ တွေကို ဘယ်လိုတုံ့ပြန်နိုင်ကြမလဲ။

ပုပ်။ မက်္ကဆီကိုနိုင်ငံကနေ ကက်သလစ် သာသနာ တော်ထဲမှာ ရဟန်္တာတွေ၊ ဓမ်္မ အာဇာနည်တွေကို အများကြီး မွေးထုတ် ပေးခဲ့တဲ့ သမိုင်းအထောက်အထားတွေ ရှိနေပါတယ်။ ဒါကြောင့်မို့ နိုင်ငံတစ်နိုင်ငံ ရဲ့အားနည်းချက်တွေကို ကျော်လွှားဖို့ အတွက် လူ့အဖွဲ့အစည်းထဲမှာ ခင်မင် ရင်းနှီးတဲ့ လူမှုဝန်းကျင်ကိုဖန်တီးဖို့ အရမ်းလိုအပ်ပါတယ်။ ကျွန်တော်တို့က ဖြစ်ခဲ့တဲ့ပြဿနာတွေကို မဖြစ်ခဲ့သလိုမျိုး မသိချင်ဟန်ဆောင်ပြီး နေလိုက်ရင်၊ အစိုးရကိုပဲ ဒါမှမဟုတ် လူတစ်စုကိုပဲ အပြစ်တင်မယ်ဆိုရင် ဒါမျိုးက ကလေး ဆန်တယ်။

မေး။ အရှင်ဘုရား၊ မက်္ကဆီကိုနိုင်ငံအပါအဝင် လာတင်အမေရိကတိုက်မှာ ကက်သလစ် ခရစ်ယာန်ဘာသာဝင်ဦးရေတွေ တဖြည်း ဖြည်း ကျဆင်းပြီးတခြားခရစ်ယာန်ဂိုဏ်း ဂဏတွေ ဖက်ကို ကူးပြောင်းနေကြတာက ဘယ်သူ့ဆီမှာ တာဝန်အရှိဆုံးလို့ မြင်ပါ သလဲ။

ပုပ်။ ကျွန်တော့်အမြင်ကိုပြောရရင်တော့၊ ဆရာတော်တွေရဟန်းတော်တွေ ဓမ်္မ ဆရာ/မတွေကကိုယ့်ရဲ့ ကက်သလစ် ခရစ်ယာန် ဘာသာဝင်တွေနဲ့ ပုဂ်္ဂိုလ်ရေး အရ ဘယ်လိုအဆက်အသွယ်လုပ်သလဲ၊ ဘယ်လိုနီးစပ်မှုလုပ်နေ ကြသလဲ၊ ဘယ်လို နှုတ်ဆက်ကြသလဲ၊ ဘယ်လိုတွေ့ဆုံကြ သလဲဆိုတဲ့အပေါ်မှာ မူတည်ပါတယ်။ လာတင်းအမေရိကနိုင်ငံများမှာဆိုရင် ကက်သလစ်ရဟန်းဝါဒ (ရဟန်း ပြောရင် ပြီးတယ်ဆိုတဲ့အတွေးအခေါ်)က ပြင်းထန် ကြီးထွားလွန်းတာကြောင့် ကက်သလစ် ခရစ်ယာန်ဘာသာဝင်တွေကရဟန်းတွေကို ဝေးဝေး ရှောင်ကြတာဖြစ်ပါတယ်လာတင်း အမေရိကနိုင်ငံတွေမှာ ကြီးထွားနေတဲ့ ကက်သလစ်ရဟန်းဝါဒကကက်သလစ် ခရစ်ယာန် ဘာသာဝင်တွေ ကြီးထွားတိုးတက် လာရန်အတွက် အကြီးမားဆုံးသော အဟန့်အတား ဖြစ်ပါတယ်တကယ်တော့ လာတင်းအမေရိက နိုင်ငံတွေမှာ ကက်သလစ် ခရစ်ယာန် ဘာသာဝင်တွေဟာ ခေတ်ဆန်တဲ့ ဘာသာတရား ကိုင်းရှိုင်းမှု တွေမှာ ကြီးထွားလာကြတာ ကျေးဇူးတင် မိပါတယ်။ ဒီလိုမျိုး ခေတ်ဆန်တဲ့ ဘာသာ တရားကိုင်းရှိုင်းမှု (ဝတ်ပြုဆု တောင်းခြင်း၊ ဘုရားလှည့်လည်ရှိခိုးခြင်း) ကနေ သာမန် ကက်သလစ် ဘာသာဝင်တွေဟာ ပိုပြီးတော့ လွတ်လပ်ပြီး တီထွင်ကြံဆတတ်မှုအခွင့် အရေးတွေကို ပေးနိုင်မှာ ဖြစ်ပါတယ်။ ဒါပေမယ့်အဖွဲ့အစည်းရှု့ထောင့်ကနေကြည့် ရင်သာမန်ကက်သလစ်ဘာသာဝင်တွေဟာ တိုးတက်သင့် သလောက်မတိုးတက်ကြ သေးဘူးဘာဖြစ်လို့လဲဆိုတော့ကက်သလစ် ရဟန်းတွေရဲ့ အာဏာ ရှင်ဆန်မှုတွေက အဲဒီတိုးတက်မှုကို ဟန့်တားစေလို့ပဲ ဖြစ်ပါတယ်။ လာတင်းအမေရိကနိုင်ငံ တွေမှာရှိနေကြတဲ့ ခရစ်ယာန်ဂိုဏ်း ဂဏ တချို့တွေဟာ ခရစ်တော်ရဲ့ တရားတော် တွေကိုတောင်စွန့်ပယ်နေကြပြီးပြည့်စုံ ကြွယ်ဝမှု ဓမ်္မပညာ (ပိုမိုကောင်းမွန်သော ဘဝကို အာမခံပေးသော တရားတော်) ကို ဟောပြောလက်ခံနေကြပါတယ်။နောက်ဆုံးမှာတော့ ဒီလူ တွေဟာ လူတွေ ဆီကနေ ငွေတောင်းကြတာပဲ အဖတ်တင် ပါတယ်။ ဒါကြောင့်မို့ ခရစ်ယာန်ဂိုဏ်း ဂဏတွေအကြောင်းပြော ပြီဆိုရင်အားလုံး ကို ဝါးလုံးရမ်းပြောလို့မရဘဲ တစ်ခုစီကို သေချာလေ့လာပြီး ပြောရမှာ ဖြစ်ပါတယ်။ အမှန်အတိုင်းပြော ရရင်တော့တခြား ခရစ်ယာန်ဂိုဏ်းကွဲတွေဟာ တရားဟော တဲ့နေရာမှာ ကက်သလစ်ဆရာတော် ရဟန်းတော်တွေရဲ့ တရားထက် ပိုပြီးတော့ ကောင်းကြပါတယ်။ သူတို့တတွေက သြဝါဒကို သေချာပြင်ပြီးမှ ဟောနိုင်ကြ တယ်။ ဒါကြောင့်မို့သူတို့ရဲ့သြဝါဒတွေက လူတွေရဲ့နှလုံးသားကို ပြောင်းလဲပေး နိုင်စွမ်း ရှိကြတာဖြစ်ပါတယ်။ ကျွန်တော် တို့ရဲ့ရဟန်းတွေက သြဝါဒတွေကိုသေချာ ပြင်ပြီး ဘာသာဝင်တွေကို တရားဟောတာ မရှိဘူး။ အဲဒီလိုသြဝါဒကို သေချာပြင်ပြီး မဟောတော့ ဘာသာဝင်တွေရဲ့ နှလုံးသား ထဲကို မထိနိုင်တော့ ကိုယ့်ရဲ့ဘာသာဝင် တွေက တခြားခရစ်ယာန်ဘာသာဖက်ကို ကူးပြောင်းသွားကြတဲ့ အကြောင်းရင်းလည်း ပါဝင်ပါတယ်။ ခြုံပြီးပြောရရင်တော့ ကိုယ့်ရဲ့ကက်သလစ်ခရစ်ယာန်ဘာသာဝင် တွေက တခြားခရစ်ယာန်ဘာသာ ဖက်ကို ကူးပြောင်းသွားကြတဲ့အကြောင်းရင်းတွေက တော့ ရဟန်းတွေရဲ့အာဏာရှင်ဆန်မှု၊ ရဟန်းဝါဒကြီးထွားမှု၊ဆရာတော်ရဟန်း တော်တွေက ဘာသာဝင်တွေနဲ့ခပ်ဝေးဝေး နေထိုင်မှု၊ ဆရာတော်ရဟန်းတော်တွေရဲ့ ငြီးငွေ့စရာကောင်းတဲ့သြဝါဒတွေ ဖြစ်ကြ ပါတယ်။ ကျွန်တော်ကတော့ ဘွေနူးအဲရစ် မြို့မှာ နေထိုင်ခဲ့တုန်းကဆိုရင် တခြား ခရစ်ယာန်ဘာသာရေးခေါင်းဆောင်တွေနဲ့ ကောင်းကောင်းလက်တွဲလုပ်ဆောင်နိုင်ခဲ့ ပါတယ်။

မေး။ လွန်ခဲ့တဲ့နှစ်နှစ်က အရှင်ဘုရားကို ရဟန်းမင်းကြီးအဖြစ် အရွေးခံရတုန်းက ဘာတွေဖြစ်ခဲ့ပါသလဲ။
ပုပ်။ ကျွန်တော်က ရဟန်းမင်းကြီးတစ်ပါးကို ရွေးချယ်ပေးရန်ဆိုပြီးတော့ လွယ်အိတ် တစ်လုံးပဲသယ်လာပြီး ရောမမြို့ကိုလာခဲ့ တာပါ။ ရဟန်းမင်းကြီးရွေးပြီးတာနဲ့ ကိုယ့်နိုင်ငံကို မောတ်္တာပန်း တနင်္ဂနွေနေ့ အမှီ မြန်မြန်ပြန်လာဖို့ စီစဉ်ထားပါတယ်။ ကိုယ့်ဟာကိုယ် လည်း ရဟန်းမင်းကြီး ဖြစ်မယ်လို့ မထင်ထားဘူး။ လန်ဒန်မြို့က သတင်းစာတစ်စောင်မှာတော့ ကျွန်တော့် ကို ရဟန်းမင်းကြီး ဖြစ်နိုင်ခြေအဆင့် ၄၂ မှာ ထားထားတာတော့ ဖတ်မိပါတယ်။ သတင်းထောက်တွေကတော့ကျွန်တော်က အဆိုပြုတဲ့ရဟန်း အမတ်ကာဒီနယ်ကို ကျန်တဲ့ရဟန်းအမတ်များကဝိုင်းထောက်ခံ ကြမယ်လို့တောင် ရေးထားကြပါတယ်။ ပထမနေ့နဲ့ဒုတိယ နေ့မှာ ရဟန်းမင်းကြီး ကို မဲပေးရွေးကြတော့မရဘူးတတိယနေ့ ကျတော့ နေ့လည်ဆွမ်းမစားခင်အထိ ရွေးကြပြန်တယ်။ တော်တော်စိတ်လှုပ်ရှား စရာကောင်းပါတယ်။ ရဟန်းမင်းကြီး ဖြစ်နိုင်ခြေရှိတဲ့ နာမည်ကြီးတဲ့ကာဒီနယ်လ် တွေကလည်း တော်တော်များပါတယ်။ အဲဒီလိုဖြစ်နိုင်ခြေရှိတဲ့ကာဒီနယ်တွေများ တော့ ဘယ်သူ့ကိုမဲပေးရမှန်းမသိကြတော့ ဘူး။ ဒါနဲ့ကန ဦးစာရင်းအရ ကာဒီနယ် ရဟန်းမင်းကြီးအမတ်လောင်း ၇ ပါးကို အရင်ဆုံး ဖော်ထုတ်ကြပါတယ်။ အုပ်စုက ကြီးတယ်ဆိုရင် ဒီလိုပဲမဲပေးရွေးကြရ တယ်။ ကျွန်တော်ကမဲကိုအပြတ်အသတ် တော့မရဘူး။

မေး။ အရင်အငြိမ်းစားရဟန်းမင်းကြီးဘေနေဒစ် (၁၆) ကို ရဟန်းမင်းကြီးအဖြစ် ရွေးချယ် တုန်းက၊ အရှင်ဘုရားက မဲပေါင်း ၄၀ ရထားတယ်လို့ ကြားရတယ်။ အဲဒါမှန်ပါ သလား။

ပုပ်။ မှားတယ်။

မေး။ တခြားရဟန်းအမတ်ကာဒီနယ်တချို့က ကိုယ်တော်က မဲပေါင်း ၄၀ ရထားတယ်လို့ တကယ်ပြောပြကြတယ်။ ကာဒီနယ် တစ်ပါးက တကယ်ပြောတာပါ။

ပုပ်။ အဲဒါ ကျွန်တော်ပြောတာမဟုတ်ဘူး။ သူတို့ ပြောတာနော်။ ကောင်းပါပြီ။ ကာဒီနယ် တစ်ပါးက ပြောတယ်ဆိုရင်လည်း သူပြော ချင်တာ ပြောလို့ရပါတယ်ကျွန်တော်လည်း ပြောပိုင်ခွင့် ရှိတာမို့ပြောပါမယ်။ တကယ် ပါပဲ၊ အဲဒီတုန်းကနေ့လည်အထိက ဘာမှ မထူးခြားသေးဘူး။ နောက်မှတစ်ခုခုက ထူးခြားနေတယ်။ ကျွန်တော့်အခန်းထဲမှာ ထူးဆန်းတဲ့လက်္ခဏာတချို့တွေ့လာတယ်။ ရဟန်းမင်းအမတ်တွေက ကျွန်တော့်ရဲ့ ကျန်းမာရေး အခြေအနေနဲ့ ပစ်္စည်းတွေ အကြောင်းကိုအခန်းထဲမှာလာမေးကြတယ်။ နောက်ပြီးနေ့လည်မှာပြန်လာကြတော့အခန်း ထဲမှာကကိတ်မုန့်တစ်ခုကအစဉ်သင့်ရောက်နေ တယ် မဲနှစ်ကြိမ်ပေးတဲ့အချိန်အထိက တော့ ဘာမှမထူးပါဘူး။ကျွန်တော့်အတွက် ကတော့ ထူးနေတယ်။ မဲပေးတဲ့အခန်းထဲ မှာကျွန်တော့်အနားမှာထိုင်နေတဲ့ကာဒီနယ် ဟွမ်းက အမေဇွန် ဒေသကကက်သလစ် ဆရာတော်များရဲ့ ကိုယ်စားလှယ်ဖြစ်ပြီး အင်မတန်မှတက်ကြွပြီး နာမည်ကြီးတဲ့ ကာဒီနယ် တစ်ပါး ဖြစ်ပါတယ် ရဟန်းမင်းကြီး ရွေးချယ်တဲ့ အချိန်မှာမဲထည့်ကြတော့ တစ်ဝက်လောက် ရောက်လာတဲ့အခါမှာ ကျွန်တော့်ဘေးမှာ ထိုင်နေတဲ့ရဟန်း အမတ်ဟွမ်းက ကျွန်တော့်ကို မကြောက်နဲ့၊ ဝိညာဉ်တော်က ဒီလိုပဲအလုပ်လုပ်တယ် လို့ ပြောပြပါတယ်အဲဒီစကားကကျွန်တော့် ရင်ကို ထိပါတယ်။ တတိယအကြိမ်မဲပြန် ထည့်ကြတဲ့ အခါမှာတော့၊သူကကျွန်တော့် ကို နမ်းပြီး ဆင်းရဲသားတွေကို မမေ့နဲ့နော် ဟုကျွန်တော့်ကို ထပ်ပြောလေ ရာ အဲဒီ စကားတစ်ခွန်းက ကျွန်တော့်ခေါင်းကို ပူထူစေပြီးအခု ရွေးချယ်ထားတဲ့““ဖရန်စစ်”” ဆိုတဲ့ နာမည်ကို စဉ်းစားမိစေတာ ဖြစ်ပါ တယ်အဲဒီလိုမဲပေးနေတဲ့အချိန်မှာကျွန်တော် ကတော့ စိပ်ပုတီးစိပ်နေပါတယ်ကျွန်တော် ကတော့ တစ်ရက်မှာ အနည်းစိပ်ပုတီး သုံးခါတိတိ နေ့စဉ်စိပ်ပါတယ်။ အဲဒီလို စိပ်ခြင်းအားဖြင့်ကျွန်တော်ဟာအခက်အခဲ တွေကို ကျော်လွှားခဲ့သလိုစိတ်သောက တွေရဲ့ ငြိမ်းချမ်းမှုကိုလည်း ခံစားရပါတယ်။ အဲဒီလိုစိပ်နေတဲ့အချိန်မှာ ရဟန်းအမတ် တွေက အားလုံးမတ် တပ်ရပ်ကြပြီးတော့ ကျွန်တော့်ကို ““သဘောတူပါသလား”” ဟု မေးကြပါတယ်။ ကျွန်တော်ကလည်း သဘောတူပါတယ်လို့ ဗြုန်းခနဲ့ဖြေလိုက် ပါတယ်။ သူတို့ကကျွန်တော့်ကိုနောက်ထပ် ဘာလုပ်ခိုင်းသလဲဆိုတော့ မေ့သွားပြီ။ ကျွန်တော့ရင်ထဲမှာတော့ အေးနေတယ်။ အဲဒါနဲ့ကျွန်တော်က အခန်းထဲကို သွားပြီး သင်္ကန်း သွားလဲရပါတယ်။ ရဟန်းမင်းကြီး သင်္ကန်းကို ဝတ်ပြီးတာနဲ့တွန်းလှည်းပေါ်မှာ ထိုင်နေတဲ့ရဟန်းမင်းအမတ်ကာဒီနယ် ဒိုက်စ်ကို ပထမဆုံး သွားနှုတ်ဆက်ပြီးနောက် တခြားကာဒီနယ်တွေကိုလည်း လိုက်လံ နှုတ်ဆက်ပါတယ်။ပြီးတော့ရောမကျောင်း ထိုင်ဘုန်းတော်ကြီး ကာဒီနယ် တစ်ပါးနဲ့ ကာဒီနယ်ဟွမ်းတို့ကို လိုက်ဖို့ ခေါ်လိုက်ပါ တယ်။ ဒါကတော့ပုံမှန်လုပ်ရိုးလုပ်စဉ်တော့ မဟုတ်ဘူး။ ပြီးတာနဲ့ သံပေါလူးဘုရားခန်း ထဲကို ဝင်သွားကြပြီးတော့ ဆုတောင်း ကြတဲ့ အချိန်မှာ ကာဒီနယ်ဆရာတော် တော်ရန်က ကျွန်တော့်နာမည်ကို ကြေညာ လိုက်ပါတယ်။ ဆုတောင်းပြီးတာနဲ့ ကျွန်တော်လည်းအပြင်ဖက်ပြတင်းပေါက်ကို ထွက်လာတော့ ဘာစပြောရမှန်း မသိဘူး။ ခင်ဗျား၊တွေ့တဲ့အတိုင်းဘဲ၊ဘုရားရဲ့အမှုတော် ကိုထမ်းဆောင်သူဟာဘုရားရဲ့ကောင်းကြီးတော် ကိုလိုအပ်သလိုသူ့လူတွေရဲ့ကောင်းကြီးတော် လည်း လိုအပ်တယ်လို့ ကျွန်တော်ခံစားမိ ပါတယ်။ ဒါပေမယ့် စိန်ပီတာရင်ပြင်ထဲမှာ ရှိနေကြတဲ့လူထုကိုတော့ ကျွန်တော့်ကို ကောင်း ကြီးပေးကြပါလို့ မတောင်းဆိုရဲ ဘူး။ ဒါနဲ့ဘုရားသခင်က ကျွန်တော်ကို ခင်ဗျား တို့မှတဆင့် ကောင်းကြီးပေး နိုင်ဖို့ အတွက် ဆုတောင်းကြပါလို့ ရိုးရိုးလေး မိန့်ကြားလိုက်ပါတယ်။ အငြိမ်းစားရဟန်း မင်းကြီးဘေနေဒစ်အတွက်လည်းဆုတောင်း ပေး ပါတယ်။

မေး။ ရဟန်းမင်းကြီး ဖြစ်ရတာ ကြိုက်သလား။

ပုပ်။ စိတ်ထဲမှာ ဘာမှ မရှိဘူး။

မေး။ ရဟန်းမင်းကြီးဘဝမှာ ကြိုက်တာနဲ့ မကြိုက်တာတွေက ဘာတွေပါလဲဘုရား။

ပုပ်။ ကျွန်တော်ကြိုက်တဲ့အရာတစ်ခုကတော့ တစ်ရက်ရက်မှာ ဘယ်သူမှကျွန်တော့်ကို ရဟန်းမင်းကြီးလို့ မထင်ဘဲအပြင်ထွက်ပြီး ပီဇာ (အီတလီမုန့်) ထွက်စားချင်ပါတယ်။

မေး။ တကယ်ပြောတာလားအရှင်ဘုရား။

ပုပ်။ ဥပမာပြောတာပါ။ ကျွန်တော် ဆရာတော် ဘဝတုန်းကဆိုရင် အာဂျင်တီးနားနိုင်ငံမှာ ဆိုရင် ကျွန်တော့်ရဲ့ သာသနာနယ်ထဲ မှာ ဘာသာဝင်တွေကိုအမြဲတမ်းလှည့်လည်လည် ပတ်ခဲပါတယ်။ အဲဒီအကျင့်က အခုရဟန်း မင်းကြီးဘဝမှာ မရတော့ဘူးမနည်းပြောင်း ယူရတယ်။ ဒါပေမယ့်အဲဒီအကျင့်ကရှိနေ သေးတော့။တခြားနည်းတွေဖုန်းဆက်တာ မျိုးတွေနဲ့အစားထိုးနေရတယ်။

မေး။ ကိုယ်တော်က ရဟန်းမင်းကြီးတာဝန်ကို ကြာကြာမယူချင်ဘူးလို့ မကြာခဏဆို သလို ပြောနေတယ်နော်။

ပုပ်။ ဟုတ်ပါတယ်။ ကျွန်တော့ရဲ့ရဟန်းမင်းကြီး သက်တမ်းက လေးနှစ်၊ ငါးနှစ်လောက်ပဲ ရှိမှာပါ။ ဒါကကျွန်တော့်ရဲ့ခံစားချက် သက်သက်ပါ။ ဘုရားရှင်ရဲ့ အလိုတော် အတိုင်းပါ။

မေး။ ကျွန်မတို့နားလည်တာက ရဟန်းမင်းကြီး ဘဝကဝိညာဉ်တော် တည်ထောင်ပေးတဲ့ တာဝန်ဖြစ်တာမို့ သေသည့်အထိလုပ်ရတဲ့ အလုပ်ပဲ။ ဒါပေမယ့်အခုကပုပ်ဘေနေဒစ် ကအငြိမ်းစားယူလိုက်တော့ နားလည်မှုက တလွဲဖြစ်သွားပြီနော်။ ပုပ်ဘေနေဒစ်ကို အတုယူနိုင်တယ်လို့အရှင်ဘုရားကပြောဖူး ပါတယ်။

ပုပ်။ ကာဒီနယ်တချို့လည်း ရဟန်းမင်းကြီးဆို တာသေတဲ့အထိလုပ်ရမယ်လို့ပြောနေကြ တုန်းပါ။ဒါကတော့စိတ်ဝင်စားစရာကောင်း ပြီးအင်မတန်ကျယ်ပြန့်တဲ့ဓမ်္မပညာရပ်ဆိုင် ရာ ပြဿနာတစ်ခုပါပဲ။ ပုပ်ဘေနေဒစ်ရဲ့ အငြိမ်းစားယူခြင်းက တံခါးတစ်ခု ကို ဖွင့်ပေးလိုက်ပြီ။ လွန်ခဲ့တဲ့နှစ်ပေါင်း ၆၀ တုန်းကလည်း ဆရာတော်တွေ အငြိမ်းစား ယူတယ်ဆိုတာ မရှိခဲ့ဘူးလေ။ ဒါပေမယ့် အခုဆိုရင် အငြိမ်းစားယူတဲ့ ဆရာတော် အပါးပေါင်း(၁၄၀၀)ရှိနေပါပြီဘာဖြစ်လို့လဲ ဆိုတော့ လူ့အသက်က ၇၅ နှစ်ကျော် လာပြီဆိုရင် ကြီးလေးတဲ့တာဝန်တွေကို လူသားတွေက ထမ်းဆောင်ဖို့ မလွယ်ကူး တော့ဘူးဆိုတဲ့အသိတရား ကြောင့်ဖြစ် ပါတယ်။ ဒါကြောင့်မို့ အငြိမ်းစားရဟန်း မင်းကြီးက သူတစ်ပါးတည်းလည်းကြာရှည် ဖြစ်နိုင်သလို တခြားရဟန်းမင်း ကြီးတွေ လည်းအနားယူနိုင်တဲ့အဖွဲ့အစည်းတစ်ခုကို သူကထူထောင်ပေးလိုက်ပါတယ်။

မေး။ ဒါဆိုရင် ရဟန်းမင်းကြီးတစ်ပါးက အသက်တော် ၈၀ရောက်တာနဲ့ဆရာတော် တွေလို အနားယူရမယ်ဆိုရင်ရော။

ပုပ်။ ကျွန်တော့အနေနဲ့က ရဟန်းမင်းကြီး တစ်ပါးရဲ့တာဝန်ကိုအသက်နဲ့ကန့်သတ်တာ ကိုတော့ သဘောမတူဘူး။ ရဟန်းမင်းကြီး တာဝန်ဆိုတာ ထူးခြားသော ကျေးဇူးတော် ဖြစ်ပါတယ်။ တချို့ဓမ်္မပညာရှင်တွေက တော့ ရဟန်းမင်းကြီးဖြစ်ခြင်းသည် စက်္ကရမင်းတူးတစ်ပါးလို့ ဖွင့်ဆိုထားပါ တယ်။ ကျွန်တော်တို့ ရဟန်းမင်းကြီးကို ရွေးကြတုန်းက အငြိမ်းစားရဟန်းမင်းကြီး ဘေနေဒစ် (၁၆) ကိုမြင်ရတော့ သူက အင်မတန်မှပျော်ရွှင်နေတယ်၊ကျေနပ်နေပါ တယ်။ ကျွန်တော်သူ့ကို သွားလည်ပါ တယ်။ တစ်ခါတလေ ဖုန်းနဲ့စကားပြော ပါတယ်။ သူက ကျွန်တော်တို့ရဲ့ အိမ်ထဲမှာ ပညာရှင်အဖိုးပါပဲ။ ဘယ်သူမဆို သူ့ဆီက နေ အကြံတောင်းနိုင်ပါတယ်။ သူ့စကားကို ပြန်ပြောင်းသတိရရင်၊ သူကငါ့ကိုဆက်ခံ မယ့် ရဟန်းမင်းကြီးက မင်းတို့ထဲက ဖြစ်ပါ တယ်။ ဒါကြောင့်မို့တက်လာမယ့်ရဟန်း မင်းကြီးကသစ်္စာရှိစွာ၊ရိုသေစွာနဲ့နာခံပါ့မယ် လို့ ကတိပြုခဲ့တာဒီနေ့အထိပဲသူကတရား သမားဖြစ်ပါတယ်။

မေး။ ကိုယ်တော်က ဗာတီကန်နန်းတော်ရဲ့ စီမံခန့်ခွဲမှုပုံစံတွေကိုပြုပြင်ပြောင်းလဲနေတဲ့ နေရာမှာလူတွေရဲ့အတွေးအခေါ်ကိုပြောင်း တာလား၊ လုပ်ထုံးလုပ်နည်းကို ပြောင်းတာ လား။

ပုပ်။ အပြောင်းအလဲတွေအားလုံးက စိတ်ဓါတ် ကနေ စရပါတယ်။အဲဒါပြီးမှဘဝရဲ့နေထိုင် ပုံကိုပြောင်းလဲရတာဖြစ်ပါတယ်။ဗာတီကန် နန်းတော်ကတော့ဥရောပတိုက်မှာနောက်ဆုံး ကျန်တဲ့တရားရုံးဖြစ်ပါတယ်။ တခြားနိုင်ငံ တွေမှာတော့ ဒီမိုကရေစီ စနစ်ကို ကျင့်သုံး နေကြပါပြီ။ ဒါပေမယ့် ရဟန်းမင်းကြီးရဲ့ ရုံးမှာတော့ တချို့သော အစဉ်အလာတွေ ကျန်နေပါသေးတယ်ဗာတီကန်မှာကတရား ရုံးကိုတော့ ဆက်လက်ထားရှိဖို့ လိုအပ်နေ ပေမယ့် တချို့အစဉ်အလာတွေကိုတော့ ပြောင်းလဲပစ်ဖို့လိုအပ်ပါတယ်ဗာတီကန်ကို ပြောင်းလဲဖို့ဆိုရင် ရဟန်းမင်းကြီးကနေ စတင်ပြီး ပြုပြင်ပြောင်းလဲရပါမယ်။

မေး။  ကိုယ်တော်ဘုရားအနေနဲ့၊ မိသားစုဆိုင်ရာ သာသနာ့ညီလာခံကျရင် အိမ်ထောင်ကွဲတဲ သူတွေ၊ တခြားသူတွေနဲ့ပြန်လည်အိမ် ထောင်ပြုသူတွေ၊လိင်တူခြင်းအိမ်ထောင်ပြူ သူတွေကို ကိုယ်တော်မြတ်ပင့်ခွင့် ရအောင် လုပ်ဆောင်ဖို့ ရှိပါသလား။

ပုပ်။ ဒီညီလာခံအပေါ်မှာလူတွေကအများကြီး မျှော်လင့်ကြပါတယ်။ကျွန်တော့်ဖက်က လည်း ယနေ့မိသားစုတွေ တွေ့ကြုံနေရတဲ့ အခက်အခဲတွေကို ကူညီဖြေရှင်းပေးဖို့ လိုအပ်လာပြီဆိုတာကို သတိထားမိပါ တယ်။ အထူးသဖြင့် လူငယ်မောင်မယ်များ အိမ်ထောင်မကျခင်မှာ ကြိုတင်ပြင်ဆင် ပေးမှု၊ လင်မယားအတူတကွနေထိုင်နိုင်ရန် အကူအညီပေးခြင်း၊ လက်ထပ်တော့မည့် စုံတွဲများကိုဝိုင်းဝန်းတွဲခေါ်ခြင်း၊အိမ်ထောင် ကွဲသွားသူတွေနဲ့လိင်တူခြင်းဆက်ဆံနေထိုင် သူများကိုလည်း ကူညီအားပေးခြင်းတို့ ကို လုပ်ဆောင်ဖို့ခရစ်တော်ဘုရားကကက်သလစ် သာသနာတော်ကို အလိုရှိတော်မူကြောင်း ကို ယုံကြည်ပါတယ်လူအများကအခုဆိုရင် လက်ထပ်ခြင်းကို ယုံကြည်ခြင်းဆိုင်ရာ လုပ်ဆောင်မှုအဖြစ် မဟုတ်ဘဲ လူမှုရေးပွဲ လမ်းသဘင် တစ်ခုကဲ့သို့လက်ခံလာနေကြ ခြင်းကိုဟန့်တားနိုင်ရန်အတွက် လက်ထပ် ထိမ်းမြားခြင်းစက်္ကရမင်းတူးကိုနားလည်ခြင်း သည် လွန်စွာပင် အရေးကြီးလှပါတယ်။

မေး။ ကိုယ်တော့်အနေနဲ့ ကမ်္ဘာတစ်ဝှမ်းက ရဟန်းတချို့ရဲ့ ကလေးသူငယ်တွေအပေါ် လိင်ပိုင်းဆိုင်ရာစော်ကားမှုတွေကိုဘယ်လိုကိုင် တွယ်နေပါသလဲဆိုတာ သိချင်ပါတယ်။

ပုပ်။ ကျွန်တော်တို့ ၂၀၁၃ ခုနှစ်မှာ လူနည်းစုကို ကာကွယ်ပေးသောကော်မရှင်(ဝန်ကြီးဌာန) ကိုဖွဲ့စည်းလိုက်ပါတယ်ကလေးသူငယ်တွေ အပေါ် လိင်ပိုင်းဆိုင်ရာစော်ကားမှုကိုတော့ လုံးဝသည်းမခံဘူး။ ကြားသိရရခြင်း ချက်ချင်း အရေးယူမယ်။အဲဒီကော်မရှင်က စော်ကား မှု တွေကိုကိုင်တွယ်ဖို့သက်သက်မဟုတ်ဘဲ၊ ကာကွယ်ပေးဖို့တာဝန်လည်း ပါပါတယ်။ ရဟန်းတွေရဲ့တာဝန်ဟာဖြူစင်သန့်ရှင်းတဲ့ ကလေးငယ်တွေကိုခရစ်တော်နဲ့တွေ့ဆုံလာ အောင်ပျိုးထောင်ပေးရမယ့်အစား ဖျက်ဆီး တာဟာခရစ်တော်ယေဇူးဘုရားနှင့်တွေ့ဆုံ ခြင်းကို ဖျက်ဆီးတာနဲ့အတူတူ ပဲ ဖြစ်ပါ တယ်။ ဒီလိုမျိုးစော်ကားမှုတွေကိုကျွန်တော့် ရှေ့ကရဟန်းမင်းကြီးနှစ်ပါးစလုံးကကိုင်တွယ်ခဲ့ ကြပြီးဖြစ်ပါတယ်။အငြိမ်းစားရဟန်း မင်းကြီးဘေနေဒစ် (၁၆)ကဆိုရင် ကလေး သူငယ်များကိုလိင်ပိုင်းဆိုင်ရာစော်ကားခြင်း ဟာ အပြစ်ကင်းတဲ့သတ်္တဝါကို ဖျက်ဆီးတဲ့ ရာဇဝတ်ဆိုးမှုလို့ ခေါ်ဝေါ်ခဲ့ပြီး ဖြစ်ပါ တယ်။

မေး။ အရှင်ဘုရားကို အထူးကျေးဇူးတင်ပါတယ်။

ပုပ်။ ကျွန်တော်လည်း အခုလိုမျိုး အင်တဗျူး အတွက် ကျေးဇူးတင်ပါတယ်။

ဂျိုးဇက်

1430  Views