ရဟန်းမင်းကြီးဖရန်စစ်အရှင်သူမြတ်က ကမ္ဘာ့မိသားစုဓမ္မညီလာခံကို အခြေခံသော “ချစ်ခြင်းမေတ္တာတရား၏ပျော်ရွှင်ခြင်း” ဟူသော စာချွန်တော် ထုတ်ပြန်တော်မူ

1

“ကက်သလစ်သာသနာတော်က တရားဝင်လက်ထပ်ပြီးမှ လင်မယားကွဲကြပြီးနောက် တခြားသူနှင့်ပြန်လည်အိမ်ထောင်ပြုကြသူများကို အသင်းတော်မှ ထုတ်ပယ်ခြင်းမပြု”” ဟု ရဟန်းမင်းကြီးက ဖိတ်ခေါ်တော်မူ

ဗာတီကန်၊ ဧပြီလ ၈၊ ၂၀၁၆
ရဟန်းမင်းကြီး ဖရန်စစ် အရှင်သူမြတ်က ဧပြီလ (၈) ရက်နေ့၌ ထုတ်ပြန်တော် မူလိုက် သော “ချစ်ခြင်းမေတ္တာ တရား၏ ပျှော်ရွှင်ခြင်း” ဟူသော Amoris Laetitia  ဟု လာတင်း ဘာသာဖြင့် အမည်ပေးထားသော စာချွန်တော်၌ “ကက်သလစ် သာသနာတော်သည် တရားဝင် လက်ထပ်ပြီးမှ လင်မယား ကွဲကြပြီးနောက် တခြားသူနှင့် ပြန်လည်အိမ်ထောင် ပြုကြသူများကို အသင်းတော်မှ ထုတ်ပယ်ခြင်း မပြု” ကြောင်းဖြင့် တိတိလင်းလင်း ထုတ်ပြန်တော် မူလိုက်သည်။ ၎င်းစာချွန်တော် သည် ၂၀၁၄ ခုနှစ်နှင့် ၂၀၁၅ ခုနှစ်များ တွင် ဆင့်ခေါ် ကျင်းပခဲ့သော ကမ္ဘာ့ မိသားစု ဓမ္မညီလာခံတွင် တကမ္ဘာလုံးမှ ဆရာတော် ကြီးများ၊ ဘုန်းတော်ကြီးများ၊ သူတော်စင်များ၊ ဘာသာဝင် များနှင့်တခြား ဘာသာဝင် များနှင့်ပညာရှင်များ ၏ ဆွေးနွေးဆုံး ဖြတ်ချက်များအပေါ် ခြုံငုံသုံးသပ်သော “ညီလာခံ အပြီး တိုက်တွန်းသော စာချွန်တော်” ဖြစ်တော် မူသည်။
၎င်းစာချွန်တော် သည် စာမျက်နှာပေါင်း (၂၆၃) ခုပါရှိပြီး အခန်းပေါင်း (၉) ခု၊ စာပိုဒ်ပေါင်း (၃၂၅) နှင့် မှီငြမ်းချက်ပေါင်း (၃၉၁) ပါဝင် သည်ဟု သိရှိရသည်။ ၎င်းညီလာခံသို့ မြန်မာနိုင်ငံမှ ပုသိမ်ဆရာတော်ကြီး ဂျွန်ဆိန်းဟှီနှင့် ကာဒီနယ် ချားလ်စ်ဘိုတို့လည်း ပါဝင် ဆွေးနွေးရန် တက်ရောက် ခဲ့ကြသည်။
၎င်းစာချွန်တော်၏ အခန်း (၁) တွင် နှုတ်ကပတ်တော် ထဲက အလင်းတော်၊ အခန်း (၂) တွင် မိသားစုများ၏ အတွေ့ အကြုံများနှင့် အခက် အခဲများ၊ အခန်း (၃) တွင် ယေဇူး ခရစ်တော်အား မျှော်ကြည့်ခြင်း (မိသားစု၏ ခေါ်တော်မူခြင်း)၊ အခန်း (၄) တွင် လက်ထပ်ထိမ်းမြားခြင်းထဲတွင် ချစ်ခြင်းမေတ္တာတရား၊ အခန်း (၅) တွင် ချစ်ခြင်း မေတ္တာတရား၏ အကျိုးဖြစ်ထွန်းမှု၊ အခန်း (၆) တွင် သာသနာတော် ၏တာဝန်တချို့၊ အခန်း (၇) တွင် ကလေးငယ်များ၏ ပိုမိုကောင်းမွန်သော ပညာရေးစနစ်သို့၊  အခန်း (၈) တွင် အားနည်း သူများအား လမ်းပြခြင်း၊ ဆန်းစစ်ခြင်းနှင့် ပေါင်းစည်း ခြင်း၊ အခန်း (၉) တွင်မူ လက်ထပ်ထိမ်းမြားခြင်း နှင့်မိသားစုတို့၏ ဝိညာဉ်ရေး ကျင့်စဉ်ဟူသော ခေါင်းစဉ်များပါဝင်သည်။
အရှင်သူမြတ်က “တကမ္ဘာလုံးရှိ ကက်သလစ် အသင်းတော်အတွက် တူညီသော စည်းမျဉ်း ဘောင်များကို ရေးဆွဲရာတွင် မတူညီသော ယဉ်ကျေးမှု၊ ကွဲပြားသော တန်ဖိုးထားမှုများကြောင့် ခက်ခဲ သည်ဖြစ်ရာ ဓမ္မညီလာခံ ဖခင်ကြီးများ၏ ဆွေးနွေးချက်များ အပေါ်တွင် သက်ဆိုင်ရာ ဒေသခံ ဆရာ တော်ကြီးများက ကက်သလစ် သာသနာတော်၏ သွန်သင်ချက် ဘောင်ထဲတွင်  မိမိတို့၏ ထုံးတမ်း ဓလေ့များနှင့် အညီ အကောင်းဆုံး လမ်းညွန်မှုများကို ပေးကြရမည် (စာချွန်တော် နံပါတ် – ၃)” ဟု သတိပေး ထားတော်မူသည်။
အရှင်သူမြတ်က မိသားစုများနှင့် စပ်လျဉ်းပြီး မိမိ၏ စိုးရိမ်မှုကို ဖော်ပြရာတွင် “ကက်သလစ် သာသနာတော် သည် ရွှေ့ပြောင်း လုပ်သား များနှင့်အတူ အသက်ရှင်ရင်း၊ ရွှေ့ပြောင်းမိသားစု များအတွက်သာ လုပ်ငန်းများကို မလုပ်ဆောင်ဘဲ ကျန်ခဲ့သော ရွှေ့ပြောင်း မိသားစုဝင်များ အတွက်ပါ လုပ်ဆောင်ပေးကြရန် (စာချွန်တော် နံပါတ် – ၄၆)” ဘာသာရေး ခေါင်းဆောင်များကို တိုက် တွန်း တော်မူသည်။
ပြသနာ ထောင်ပေါင်းရှိနေသော မိသားစု များအတွက် ရဟန်းမင်းကြီးက “မည်မျှပင် ပြဿနာတွေ ရှိနေကာမူ၊ တစုတစည်းတည်း ရှိနေသော မိသားစုကို တည်ဆောက်လိုလျှင် အနစ်နာခံ ခြင်းကို လိုအပ်ကြောင်း၊ တစ်ယောက်နှင့် တစ်ယောက် ပွင့်လင်းစွာ ပြောဆို နေထိုင်သင့်ကြောင်း၊ သည်းခံခြင်း၊ အခွင့်လွှတ်ခြင်း နှင့်ပြန်လည် သင့်မြတ်ခြင်းတို့ကို ကျင့်ကြံမှသာ မိသားစုသည် စည်းလုံး သော မိသားစု ဖြစ်နိုင်မည် (စာချွန်တော် နံပါတ် – ၁၀၆)” ဟု သွန်သင် အားပေးတော်မူသည်။
ဆက်လက်ပြီး ရဟန်းမင်းကြီးက “သိက္ခာရ ဆရာတော်များ၊ ရဟန်းတော်များသည် မိသားစုများက ရင်ဆိုင်နေကြသော ရှုပ်ထွေးသည့် ပြဿသနာများကို ကိုင်တွယ်ဖြေရှင်းရန်အတွက် လိုအပ်သော သင်တန်းများ ကင်းမဲ့နေကြကြောင်း၊ ထို့ကြောင့် ရဟန်းဖြစ် သင်ကျောင်းသားများ၏ စိတ်ပိုင်းဆိုင်ရာ ပုံသွင်းလေ့ကျင့်ပေးမှုသည် ပိုမိုကောင်း မွန်ရန်လိုအပ်ကြောင်း၊ ရဟန်းတော်များ၏ ပုံသွင်း လေ့ကျင့်ပေးခြင်းတွင် မိသားစုဝင်များ၏ ပိုပြီးပါဝင် လာခြင်းသည်လည်း လိုအပ်လျက် ရှိသည် (စာချွန်တော်နံပါတ် – ၂၀၂၊ ၂၀၃) ” ဟု မီးမောင်း ထိုးပြတော်မူသည်။
လင်မယားများ ကွဲခြင်းနှင့် စပ်လျဉ်းပြီး ရဟန်းမင်းကြီးက “လင်မယားကွဲခြင်းသည် မကောင်းသော အရာဖြစ်ကြောင်း၊ ကျွန်ုပ်တို့ ဆရာတော် ရဟန်းတော်များသည် မိသားစုများနှင့် ပတ်သက်ပြီး တာဝန်သည်ကား သူတို့၏ ချစ်ခြင်းမေတာများကို ပိုမိုခိုင်မာစေရန်၊ သူတို့၏ ဒါဏ်ရာများကို ကုသပေးရန်နှင့် ခေတ်ရေစီးကြောင်း၏ မိသားစုဆိုင်ရာ အဖြစ်အပျက်များ ပျံ့နှံ့နေခြင်းကို ဟန့်တား လုပ်ဆောင်ရန်တို့ဖြစ်သည် (စာချွန်တော် စာပိုဒ်နံပါတ်-၂၄၆)” ဟု ဖိတ်ခေါ်တော်မူသည်။
လိင်ပိုင်းဆိုင် ရာနှင့်စပ်လျဉ်းပြီး ရဟန်းမင်းကြီးက “စိတ်ကို စွပေးခြင်းသည် ပညာပေးခြင်း မဟုတ်ကြောင်း၊ ကလေးငယ်များအား အကောင်းဆုံး ပညာပေးခြင်းသည်ကား ကလေးငယ်များကို လွတ်လပ်ခြင်း၊ ရင့်ကျက်ခြင်း၊ စည်းကမ်းရှိခြင်းနှင့် မိမိကိုယ်ကို ထိန်းချုပ်တတ်ခြင်း တို့ထဲတွင် ရှင်သန်ကြီး ထွားနိုင်ကြရန် ကူညီပေးခြင်း ပင်ဖြစ်သည် (စာချွန်တော်စာပိုဒ်နံပါတ်-၂၆၀)” ဟု ရေး သားထားသည်။
၎င်းစာချွန်တော် နှင့်စပ်လျဉ်းပြီး ဒီစာချွန်တော်၏ စာပိုဒ်နံပါတ် ၂၉၇ တွင် ရဟန်းမင်းကြီး ဖရန်စစ်က “ကက်သလစ် သာသနာ တော်ထဲတွင် မည်သူတစ်ဦး တစ်ယောက်ကမျှ ရှုတ်ချ ခြင်းခံရ သည်ဟုလည်းကေင်း၊ အထင်သေး ခံရသည်ဟု လည်းကောင်း မခံစားရ စေလိုကြောင်း၊ အားလုံးကို နွေးထွေးပျူငှာစွာ ကြိုဆိုကြရင်း ခရစ်ယာန် ကျင့်စဉ်ဆိုင်ရာ လက်ထပ် ထိမ်းမြားခြင်းနှင့် မိသားစု ရည်မှန်းချက် တို့သည် မည်သူကိုမျှ မကျင်ဖယ်၊ မပထုတ်သော ချစ်ခြင်းမေတ္တာ တရား၏ ပျှော်ရွှင်ခြင်းသို့ ဖိတ်ခေါ်ခြင်းနှင့် အားပေးခြင်း ဖြစ်တော်မူသည်” ဟု မီးမောင်းထိုးပြတော်မူသည်။
ရဟန်းမင်းကြီးက လင်မယား ကွဲကြပြီးနောက် တခြားသူနှင့် ပြန်လည် အိမ်ထောင်ပြု ကြသူများအား “လင်မယား ကွဲကြပြီးနောက် တခြားသူနှင့် ပြန်လည် အိမ်ထောင်ပြုကြသူများသည် ကက်သလစ် သာသနာတော်မှ ထုတ်ပယ်ခြင်း ခံကြရသူများ မဟုတ်ကြောင်းနှင့် မိမိတို့သည် ကက်သလစ် သာသနာတော်ထဲ၌ ဆက်လက် ပါဝင်နေသေး ကြောင်းကို ခံစားသိရှိ စေလိုသည်” ဟု (စာပိုဒ်နံပါတ် -၂၄၃)၌ အတိအလင်း ရေးသား ထားတော်မူသည်။ ၎င်းစာပိုဒ် နံပါတ်ထဲတွင်ပင် “လင်မယား ကွဲကြပြီးနောက် တခြားသူနှင့်ပြန် လည် အိမ်ထောင် ပြုကြသူများ” ကို ခွဲခြား ဆက်ဆံသည့် အပြုအမှုနှင့် လူရာမသွင်းသော အပြောအဆိုများကို ကက်သလစ်ခရစ်ယာန် မိသားစုများက မပြုလုပ် ကြရန် အရှင်သူမြတ်က ဆက်လက်နှိုးဆော်တော်မူသည်။
ရဟန်းမင်းကြီးက “ကက်သလစ် သာသနာတော်အား လယ်ကွင်းထဲတွင် ဖွင့်ထားသော ဆေးရုံကဲ့သို့ ရပ်တည် လှုပ်ရှားစေကြောင်း၊ ၎င်းဆေးရုံသည် အိမ်ထောင်ကွဲသူများ၊ အိမ်ထောင်ကွဲပြီး တခြားသူနှင့် ပြန်လည် အိမ်ထောင်ပြုသူများ၊ အမျိုးသားချင်း အတူနေထိုင်သူများ၊ အမျိုးသမီးချင်း အတူနေထိုင်သူများနှင့် တခြားပုံမှန် မဟုတ်သော အိမ်ထောင်ရေး အခြေအနေတွင် ရောက်ရှိနေသူများ ကို ကြိုဆို လက်ခံသော အသင်းတော် အဖြစ် ရပ်တည်စေလိုသည် (စာပိုဒ်နံပါတ် -၂၉၁)” ဟု ဆော်သြတော်မူသည်။
ရဟန်းမင်းကြီး ဖရန်စစ်၏ စာချွန်တော်၏ အနှစ်သာရကို ခြုံရလျှင် အရှင်သူမြတ်သည် ကက်သလစ် သာသနာတော်၏ သွန်သင်ချက် များကိုသာ ဆက်လက် ခိုင်မာစေသော်လည်း ကက်သလစ် သာသနာတော်၏ မိသားစုများ အပေါ်ထားရှိသော စိတ်နေ စိတ်ထားများ ကိုမူ အကြီးအကျယ် ပြုပြင်တော် မူလိုက်သည်ဟု သုံးသပ်လိုက် ရပါသည်။     ဝင်းလှိုင်ဦး

1348  Views
Previous: ချင်းပြည်နယ်၊ ထန်တလန်မြို့ပေါ်သို့ ကက်သလစ်သာသနာတော် ရောက်ရှိလာခြင်း ရွှေစင်ဂျူဗလီပွဲတော်ကျင်းပ
Next: ထောင်ထဲတွင် အချင်းချင်း ချစ်ချစ်ခင်ခင် နေကြရန်နှင့် မျှော်လင့်ချက်တွေ မကင်းမဲ့ကြရန် အကျဉ်းသားများအား ကာဒီနယ် တာကလေး အားပေးတော်မူ