အာဆီယံနိုင်ငံများက ကချင်ဒေသ ငြိမ်းချမ်းရေးအတွက် ကူညီပေးပါရန် ကာဒီနယ်ချားလ်စ်ဘို တောင်းဆို

bo

 

ငြိမ်းချမ်းရေးနှင့် ပြန်လည်ရင်ကြားစေ့ရေးအတွက် ကာဒီနယ်ချားလ်စ်ဘို၏မေတ္တာရပ်ခံလွှာ

ကျွန်ုပ်၏ချစ်လှစွာသော မြန်မာပြည်သူပြည်သားအပေါင်းတို့၊ ကာလကြာရှည် ဒုက္ခဆင်းရဲနွံနစ်နေခဲ့ရသော ဤတိုင်းပြည်၌ ငြိမ်းချမ်းေ ရးနှင့် ပြန်လည်ရင်ကြားစေ့နိုင်ရေးတို့ အတွက် စိတ်နှလုံးမွန်မြတ်သူအားလုံးတို့၏ကိုယ်စား ကျွန်ုပ် အရေးတကြီးမေတ္တာရပ်ခံလိုပါသည်။ ဒီမိုကရေစီရေး၊ ငြိမ်းချမ်း ရေးနှင့် တရားမျှတရေး ပိုမိုကြီးစိုးနိုင်စေမည့်အခွင့်အရေးကို အမိအရအသုံးချကြရန် နိုင်ငံသူ၊ နိုင်ငံသားအပေါင်း တို့ကို ကျွန်ုပ်တိုက်တွန်းနှိုးဆော်လိုပါသည်။

ဆယ်စုနှစ်(၆)ခုမျှ ဖိနှိပ်ချုပ်ခြယ်ခဲ့သော နိုင်ငံရေးစနစ်ဆိုးအလွန်၌ ဒီမိုကရေစနစ် ပေါ်ထွန်းခဲ့ပြီဖြစ်သည်။ ယင်း အတွက် ရာပေါင်းများ စွာသော တက်ြွကလှုပ်ရှားသူ တိုင်းသူပြည်သားတို့ စွန့်လွှတ်အနစ်နာခံခဲ့ကြရသည်။ ကျွန်ုပ်တို့အနေ ဖြင့် ထိုသူတို့၏ပေးဆပ်မှုအတွက် အထူးပင်ကျေးဇူးတင်ရပါသည်။ နိုင်ငံရေးပါတီများ၊ တပ်မတော်၊ အရပ်ဖွဲ့လူ့အဖွဲ့ အစည်းများနှင့် ဘာသာရေးခေါင်းဆောင်တို့၏ အမြော်အမြင်ကြီးမားမှု အတွက်လည်း ချီးကျူးဂုဏ်ပြုလိုပါသည်။ ပြီးပြည့်စုံ သောအခြေအနေတစ်ရပ်ဟု မဆိုနိုင်သော်လည်း လွန်ခဲ့သော (၁၀)နှစ်ကနှင့်စာလျှင် များစွာကွာခြားသွားခဲ့လေပြီ။ ယခု အခါ မြန်မာနိုင်ငံသည် မျှော်လင့်ချက်ရောင်ခြည်သစ်များဖြင့် ကမ္ဘာ့အလယ်၌ မားမားမတ်မတ်ရပ်တည်နေနိုင်တော့ မည်ဖြစ်သည်။

သို့ပင်ငြားလည်း ထိုမျှော်လင့်ချက်များမပြည့်မြောက်နိုင်သေးသော နယ်ပယ်ဒေသများရှိနေသေးသည်။ ထိုသို့ဆို ရာတွင် ကချင်ပြည်နယ် ကို ကျွန်ုပ်ရည်ညွှန်းခြင်းဖြစ်ပါသည်။ လူပေါင်း(၁၅၀ယဝ၀ဝ)ကျော်မှာ ဒုက္ခသည်စခန်းများတွင်ခက်ခဲကြပ်တည်း စွာ နေထိုင်အသက် ရှင်နေကြရသည်။ လွန်ခဲ့သော(၅)နှစ်အတွင်း၎င်းတို့၏ ဘဝရည်မှန်း ချက်များ မှေးမှိန် ပျောက်ကွယ်ခဲ့ရသည်။ တစ်ချိန်က ကိုယ့်မြေ ကိုယ့်ရေတွင် လူ့ဂုဏ်သိက္ခာအပြည့်ဖြင့် နေထိုင်ခဲ့ကြသောသူများမှာ ယခုအခါ နေရပ်ဒေသရွှေ့ပြောင်းခံဘဝသို့ ရောက်ရှိသွားပြီး နိုင်ငံ တကာမှ ပေးစာကမ်းစာကို မျှော်နေရရှာသည်။ ထိုသူတို့သွားစရာ အခြားအရပ်ဒေသမရှိပါ။ သူတို့၏နယ်မြေတွင် မိုင်းအပြည့်ချ ထားပြီးလည်းဖြစ်သည်။ ကာလရှည်ကြာစွာ စစ်ဖြစ်ပွားနေ သော်လည်း အောင်နိုင်သူမရှိဘဲ အဖက်ဖက်မှ ဆုံးရှုံးသူများသာ တိုးပွား လာနေသည်။ ထိုဆုံးရှုံးသူများမှာ ဒုက္ခသည်စခန်း များတွင် ဘဝရေတိမ်နစ်နေသော အပြစ်မဲ့ပြည်သူများ သာဖြစ်ကြ သည်။ မြေမြှုပ်မိုင်းများလည်း နေရာအနှံ့ရှိနေကြသည်။ လူငယ်လူရွယ်များမှာလည်း လူကုန်ကူးမှုသားကောင်ဘဝသို့ ကျရောက် ကာ လောကငရဲသို့ သက်ဆင်းကြရသည်။ မူးယစ် ဆေးကြောင့် တိမ်းပါးသွားရသော ကချင်လူငယ်အရေအတွက်မှာလည်း တိုး၍သာ လာနေသည်။ လက်နက်ကိုင်မှန်သမျှက သဘာဝသယံဇာတများကို လုယူနေကြသည်။ ကချင်တိုင်းရင်းသားများမှာ ကိုယ့်ခေါင်မိုးလုံရန်၊ ကိုယ့်ဝမ်းဝရန် ခက်ခက်ခဲခဲ ရှာဖွေရုန်းကန်းနေရချိန်တွင် မိမိတို့ဒေသမှ ကျောက်စိမ်းများကြောင့် ဒေါ်လာကုဋေပေါင်းများစွာ အမြတ်ရရှိသူများက ရရှိနေကြသည်။ ယင်းသည် ပဋိပက္ခများ၏အကြောင်းရင်းပင်ဖြစ်လေသည်။

သင်တို့အားလုံးကို ကျွန်ုပ်အလေးအနက်ထား တောင်းဆိုလိုပါသည်။ ကျွန်ုပ်သည် နိုင်ငံရေးသမားမဟုတ်ပါ။ လွတ်လပ်စွာ ပြောဆိုခွင့် မရသောသူများကိုယ်စား ကျွန်ုပ်တောင်းဆိုလိုခြင်းသာဖြစ်ပါသည်။ သူတို့ပြောဆိုသည့် တိုင်းရင်း သားစကားအတိုင်း ကျွန်ုပ်ပြောဆိုရင်း သူတို့နှင့်အတူ (၂၂)နှစ်နေထိုင်ခဲ့ပါသည်။ သူတို့၏ဒုက္ခဆင်းရဲ နှင့် သူတို့ကျခဲ့သော မျက်ရည်များကို ကျွန်ုပ်ကောင်းစွာသိရှိခဲ့ ပြီးဖြစ်ပါသည်။ သူတို့ကို စေတနာသဒ္ဓါတရားရက်ရောသူများအဖြစ် ကျွန်ုပ်သိရှိခဲ့ သော်လည်း ယခုအခါ သူတို့ကို စားစရာ၊ နေစရာနှင့် အထောက်အပံ့များကို မျှော်နေသူများအဖြစ် ကျွန်ုပ်တွေ့မြင်နေရလေ ပြီ။ ရဲစွမ်းသတ္တိရှိသောတိုင်းရင်းသားမှာ တရားမျှတမှုကင်း မဲ့ခြင်းကြောင့် ဒူးထောက်ခံဘဝသို့ ရောက်ရှိသွားရလေသည်။ အလွန်တရာပင် ဝမ်းနည်းဖွယ်ကောင်းလှပေသည်။ ゞင်းတို့၏ြွကယ်ဝသော သဘာဝ သယံဇာတများမှာ လူပေါင်းစုံ၏လုယူ ခြင်းကို ခံနေရသည်။ ထိုသူများထဲတွင် တိုင်းတစ်ပါးသားများလည်း ပါဝင်လေသည်။ သမိုင်းတစ်လျှောက် မျှော်လင့်ချက် အကင်းမဲ့ဆုံးအချိန်တွင် ဒေသခံတို့မှာ သူတို့အား ကူညီမည့်သူကို မျှော်နေရလေသည်။

ထို့ကြောင့် ကျွန်ုပ်၏ချစ်လှစွာသော ညီအစ်ကိုမောင်နှမအပေါင်းတို့၊ မြောက်မြားလှစွာသော လူသားတို့၏အတိ ဒုက္ခများကြောင့် ကျွန်ုပ်စိတ်ထိခိုက်ခဲ့ရပြီး သနားကြင်နာမှုကို ပြသကြရန် ゞင်းတို့၏ကိုယ်စား ကျွန်ုပ်မေတ္တာရပ်ခံလိုပါသည်။

ပြည်ထောင်စုအစိုးရသို့ မေတ္တာရပ်ခံလွှာ ။ ။ ရိုးသားမှုဖြင့် ငြိမ်းချမ်းရေးကို ဖော်ဆောင်ပါ။ စီစဉ်လျက်ရှိ သော (၂၁)ရာစုပင်လုံညီလာခံကို ပါတီများအားလုံးနှင့်အတူ ကျင်းပရမည်။ “နိုင်ငံတစ်နိုင်ငံ၊ လူမျိုးတစ်ခု၊ ဘာသာတရားတစ်ပါး” ဟူသောအတိတ်က အယူအဆများကို ဖယ်ရှားလျက် တိုင်းရင်းသားပေါင်းစုံပါဝင်သော ဖက်ဒရယ် ပြည်ထောင်စုအဖြစ်သို့ ဦးတည်လျှောက်လှမ်းရန် တောင်းဆိုပါသည်။ တရားမျှတမှုဖြင့် ဖော်ဆောင်သော ငြိမ်းချမ်းရေးသည် အလားအလာကောင်းများစွာရှိပါသည်။ အဖွဲ့အစည်းပေါင်းစုံကို တစ်ခုတည်း အဖြစ် ပေါင်းစည်းခြင်းမှာ အောင်မြင်ရိုးထုံးစံမရှိပေ။ သို့သော် အဖွဲ့အစည်းများကို ရောစပ်ခြင်းမှာ ဖြစ်နိုင်ချေများစွာရှိပါသည်။ ငြိမ်းချမ်းရေးသည် နိုင်ငံတော်၏ဘာသာတရားဖြစ်ပါစေ။ တရားမျှတမှုသည် နိုင်ငံတော်၏ ဘာသာစကားဖြစ်ပါစေ။ တိုင်းပြည်အား အမုန်းတရားဆီသို့ ပြန်လည်ဦးလှည့်ရန် ကြိုးပမ်းနေသော အစွန်းရောက်အဖွဲ့အစည်းများ၏အားထုတ်ချက်များကို ခုခံပေးပါ။

ပြည်ထောင်စုတပ်မတော်အားလည်း ယခုထက် တိုင်းပြည် ပိုမိုငြိမ်းချမ်းစေရန် ကြိုးပမ်းပေးပါရန် ကျွန်ုပ်မေတ္တာရပ်ခံပါသည်။ အာဆီယံနိုင် ငံများနှင့် ကမ္ဘာ့ကုလသမဂ္ဂတို့၏အကူအညီဖြင့် တိုက်ပွဲဖြစ်ပွားနေသော လက်နက်ကိုင်အဖွဲ့များကို ငြိမ်းချမ်းရေးစားပွဲဝိုင်းဆီ သို့ ခေါ်ဆောင်လာပေးပါ။ မြန်မာတပ်မတော်သည်သော်လည်းကောင်း၊ ကေအိုင်အေလက်နက်ကိုင်တပ်ဖွဲ့သည်သော်လည်းကောင်း အပြီးအပြတ်နိုင်ပွဲရရှိနိုင်မည်မဟုတ်ပါ။ ယင်းအတွက် သမိုင်းကြောင်းသက်သေအခိုင်အမာရှိနေပါသည်။ ထို့ကြောင့် အပြစ်မဲ့ပြည် သူပြည်သားတို့၏ဒုက္ခဆင်းရဲများ ထပ်မံမတိုးပွားပါရစေကြောင်း မေတ္တာရပ်ခံအပ်ပါသည်။

ကချင်ပြည်နယ်မှ လက်နက်ကိုင်အဖွဲ့အစည်းများသို့ မေတ္တာရပ်ခံလွှာ ။ ။ ကေအိုင်အို၊ ကေအိုင်အေနှင့် အခြားသော လက်နက်ကိုင်အဖွဲ့ အစည်းများသည် မိမိတို့အထွတ်အမြတ်ထားသော အကြောင်းခြင်းရာများအတွက် ကြီးမားစွာ ပေးဆပ်ခဲ့ကြပြီးဖြစ်သည်။ သင်တို့၏လူမျိုးအကြားတွင် သင်တို့သည် သမိုင်းတွင်ရစ်ပြီဖြစ်သည်။ ကြံ့ကြံ့ခံကာ ခုခံခြင်းဖြင့် သင်တို့၏ တောင်းဆို သံကို အများသူငှာ ရှင်းရှင်းလင်းလင်းသိရှိခဲ့ကြပြီးဖြစ်သည်။ သို့ရာတွင် ဤစစ်ပွဲများကြောင့် ရည်မှန်းချက်ပြီးမြောက်ခြင်းမျိုးမရှိနိုင်ပါ။ ထို့ကြောင့် ငြိမ်းချမ်းရေးလမ်းစဉ်ကို လိုက်ရန်၊ ငြိမ်းချမ်းရေး ဆွေးနွေးပွဲများ၌ ပါဝင်ရန် ကျွန်ုပ်တောင်းဆိုလိုပါသည်။ ၂၁ ရာစု ပင်လုံညီလာခံမှာ မည်သည့်အဖွဲ့အစည်းမျှ လက်လွှတ်မခံသင့်သောအခွင့်အရေးဖြစ်ပါသည်။

နေရပ်ရွှေ့ပြောင်းခံရသောဒုက္ခသည်စခန်းများသို့ ကျွန်ုပ်သွားရောက်ကြည့်ရှုခဲ့ပါသည်။ သူတို့သည် မိမိတို့နေရပ်ဒေသသို့ ပြန်သွားရန် ဆန္ဒပြင်းပြနေကြပါသည်။ ထိုဒေသတွင် သူတို့ငြိမ်းချမ်းစွာ နေထိုင်ခဲ့ကြပါသည်။ သို့သော် လက်နက်ကိုင်အဖွဲ့အစည်းပေါင်းစုံက င်းတို့၏ကျေးရွာများတစ်ဝိုက် မိုင်းများချထားခြင်းကြောင့် နေရပ် ပြန်လိုသောဆန္ဒမှာ မဖြစ်နိုင်ပါ။ ဒုက္ခသည်စခန်းများတွင်လည်း စစ်ပွဲအကြောင်း ထပ်မကြားလိုတော့ပါ။ ဒုက္ခသည် ဘဝသည်ကချင်လူမျိုးတို့၏ြွကယ်ဝလှသောယဉ်ကျေးမှုကို ဖျက်ဆီးလျက်ရှိပါသည်။ လူကုန်ကူးခြင်းနှင့် မူးယစ်ဆေးဝါးကို မည်သူမျှမထိန်းချုပ်နိုင်ပါ။ မျိုးဆက်သစ်များ၏ဘဝမှာလည်း အန္တရာယ်များလွန်းလှသည်။ သို့ဖြစ်လျှင် အဘယ်ကြောင့် စစ်ပွဲဆင်နွှဲရအုံးမည်နည်း။

ဘာသာရေးခေါင်းဆောင်များသို့ မေတ္တာရပ်ခံလွှာ ။ ။ ကချင်လူမျိုးအများစုမှာ ခရစ်ယာန်များဖြစ်ကြသည်။ ၄င်းတို့တွင် နှစ်ခြင်းများ၊ ကက်သလစ်များနှင့် အခြားသောဂိုဏ်းကွဲခရစ်ယာန်များပါဝင်ကြသည်။ သင်တို့၏လူမျိုး အကူအညီလိုအပ်နေသောအချိန်တွင် သူတို့နှင့် အတူ လိုက်ပါရှိနေပေးခြင်းအတွက် သင်တို့အား ကျွန်ုပ်ချီးကျူးပါ သည်။ သို့ရာတွင် ထိုသူတို့ကိုယ်တိုင်က အောက်ပါအတိုင်း မေးခွန်း ထုတ်နေကြသည်။ ဤစစ်ပွဲကာလတွင် ဘာသာ ရေးခေါင်းဆောင်များ မည်သို့လုပ်ဆောင်ပေးနိုင်သနည်း။ ကျွန်ုပ်တို့သည် နိုင်ငံတကာ အထောက်အပံ့များကို သူတို့ထံ ပေးဝေသော NGO အဖွဲ့အစည်းများမဟုတ်ပါ။ ကျွန်ုပ်တို့၏ယုံကြည်ခြင်းက ငြိမ်းချမ်းရေးဖြင့် တရားမျှတမှု လမ်းစဉ်ဖြင့် ဖော်ဆောင်ရန် လမ်းညွှန်နေပါသည်။ ငြိမ်းချမ်းရေးဆွေးနွေးပွဲများအတွက် ကျွန်ုပ်တို့မည်မျှလုပ်ဆောင် ခဲ့ပါသနည်း။ ငြိမ်းချမ်းရေးဖော်ဆောင်ရာတွင် တက်ြွကစွာ မပါဝင်ခြင်းကြောင့် ကျွန်ုပ်တို့၏လူမျိုးအတွက် တာဝန် မကျေဟု ကျွန်ုပ်ခိုင်မာစွာခံစားရ ပါသည်။

ကျွန်ုပ်တို့ထဲမှ တချို့ဆိုလျှင် စစ်ပွဲကို တစ်ခုတည်းသောဖြေရှင်းနည်းအဖြစ်ပင် ရှုမြင်နေကြသည်။ ပုပ်ရဟန်းမင်းကြီး ယော ဟန်ပေါလု(၂)က စစ်ပွဲဟူသည် အမြဲတစေ မတရားမှုဖြင့် ပြည့်နေတတ်သည်ဟု မိန့်ဆို ဖူးပါသည်။ တရားသောစစ်ပွဲဟူ၍ မရှိပါ။ သွေးစွန်းသောဖြစ်ရပ်အတွက် အပြစ်ကင်းကြောင်း တရားဓမ္မနည်းဖြင့် သက်သေမပြနိုင်ပါ။ သူတို့သည် ကြိုးစားရုန်းကန်ရင်း လက်နက်ကိုင်ခုခံသူများဖြစ်လာကြသည်။ သို့သော် စစ်ပွဲ သည် နောက်ဆုံးမှသာ ရွေးချယ်ရမည့်အရာဖြစ်သည်။ လက်နက်ကိုင်ခုခံခြင်း လမ်းစဉ်တစ်ခုတည်းကိုသာ စွဲကိုင်ပါ က ယင်းကို တရားမျှတသည်ဟု ပြော၍မရနိုင်ပါ။ ကျွန်ုပ်တို့သည် ဂိုဏ်းကွဲခရစ်ယာန်အချင်းချင်း ခွဲခြားစွာ ဆက်ဆံသည်ကို ရေငုံနှုတ်ပိတ်နေခဲ့ကြသည်။ ဒုက္ခသည်စခန်းများမှာ ဂိုဏ်းကွဲခရစ်ယာန်များပဋိပက္ခဖြစ်ပွား ရာဒေသဖြစ်လာ သည်ကို လက်ပိုက်ကြည့်နေခဲ့ကြ သည်။ ခရစ်တော်သည် ကွဲပြားနေပါသလော။ အန္တရာယ်မပြုသော အပြစ်မဲ့ပြည်သူများမှာ လက်နက်ကိုင်တပ်ဖွဲ့ တိုင်းကို ဩဇာခံရပြီး မိမိတို့သားသမီးများကို စစ်ပွဲထဲသို့ ထည့်ပေးလိုက်ရသောအခါတွင်လည်း ကျွန်ုပ်တို့ထဲမှ တချို့မှာ တိတ်ဆိတ်နေခဲ့ကြသည်။ တရားဟောဆရာ မာတင်လူသာကင်းဂျူနီယာ၏စကားကို ကျွန်ုပ်တို့ပြန်လည် အမှတ်ရသင့်သည်။ ထိုစကားမှာ “ယခုမျိုးဆက်သည် ဆိုးသွမ်းသူတို့၏ မကောင်းသောလုပ်ရပ်အတွက် ငိုကြေးရ မည်မဟုတ်ဘဲ စိတ်ထားကောင်း မွန်သူတို့ ရေငုံ နှုတ်ပိတ်နေခြင်းအတွက် ငိြုွေကးရလိမ့်မည်” ဟူ၍ဖြစ်လေသည်။ ကျွန်ုပ်တို့၏လူမျိုးအား အစိုးရကဖြစ်စေ၊ အခြားသော လက်နက်ကိုင်အဖွဲ့အစည်းကဖြစ်စေ မတရားဖိနှိပ်ခြင်းကို ကျွန်ုပ်တို့ ဤအတိုင်း ကြည့်မနေသင့်ပေ။ သိုးထိန်းခေါင်းဆောင်များဖြစ်သော ကျွန်ုပ်တို့သည် အထူးသဖြင့် အကာ အကွယ်လိုအပ်သောသူများနှင့်အတူ ရှိနေရပေမည်။ ကချင်တိုင်းရင်းသားတိုင်း၏မျက်ရည်များကို သုတ်ပေးရမည့် အချိန်ရောက်လာလေပြီ။ စစ်ပွဲဆင်နွှဲခြင်းဖြင့် ထိုသို့မလုပ်ဆောင်နိုင်ပေ။ ဘာသာရေးခေါင်းဆောင်များ အနေနှင့် ပြဿနာများကို ငြိမ်းချမ်းသောနည်းဖြင့် အဖြေရှာနိုင်ကြောင်း ယုံကြည်ရန် လိုအပ်သည်။ ငြိမ်းချမ်းရေးသည် ဘာသာတရား အားလုံး၏မဏ္ဍိုင်ပင်ဖြစ်လေသည်။ လူသားတိုင်းသည် ညီအစ်ကိုမောင်နှမများဖြစ်ကြသည်။

နှစ်ခြင်းအသင်းတော်နှင့် ကက်သလစ်အသင်းတော်မှ ဘာသာရေးခေါင်းဆောင် မိတ်ဆွေများကို ကျွန်ုပ်ပန်ကြားအပ်ပါသည်။ “ငြိမ်းချမ်းရေးအတွက် ကြိုးပမ်းဆောင်ရွက်သောသူတို့သည် မင်္ဂလာရှိကြ၏”။ ငြိမ်းချမ်းရေးအတွက် ကြိုးပမ်းလုပ်ဆောင်ရန် ကျွန်ုပ်တို့၌ တာဝန်ရှိသည်။ ခရစ်ယာန်အဖွဲ့အစည်းအဖြစ် ကျွန်ုပ်တို့အတူတကွ ပေါင်းစည်းလုပ်ဆောင်ကြပါစို့။ ကျွန်ုပ်တို့၏ခုခံကာကွယ်ပိုင်ခွင့်ကို မထိခိုက်စေဘဲ ယခုအစိုးရအား ငြိမ်းချမ်းရေး လုပ်ဆောင်နိုင်ရန် ကျွန်ုပ်တို့အခွင့်အရေးပေးရမည်။ လွန်ခဲ့သော(၁၀)နှစ်က ဒီမိုကရေစီအရေးမှာ အိပ်မက်မျှသာ ဖြစ်ခဲ့သည်။ ယခုအခါ ဒီမိုကရေစီကို ကျွန်ုပ်တို့စတင်မြည်းစမ်းနေနိုင်လေပြီ။ ထိုနည်းတူပင် ကျွန်ုပ်တို့တိုင်းပြည်၌ ငြိမ်းချမ်းရေးရောင်ခြည်သမ်းမည့်ရက်လည်း ရောက်လာမည်ဟု ကျွန်ုပ်ယုံကြည်ထားပါသည်။

ငြိမ်းချမ်းရေးကို အခွင့်အရေးပေးပါ။ ငြိမ်းချမ်းရေးအကြောင်း ကျွန်ုပ်တို့ပြောဆိုဆွေးနွေးကြပါစို့။

နိုင်ငံတကာအဖွဲ့အစည်းများသို့ မေတ္တာရပ်ခံလွှာ ။ ။ နိုင်ငံတကာအဖွဲ့အစည်းများအနေဖြင့် ဤတိုင်းပြည်၏ငြိမ်းချမ်းရေးကြိုးပမ်းမှုများကို အားပေးကြရန် ကျွန်ုပ်မေတ္တာရပ်ခံပါသည်။ တိုင်းပြည်၌ ခေတ်စနစ်ဆိုးကျရောက် ခဲ့ချိန်က သင်တို့၏အားပေးမှုကြောင့် မကောင်းမှု ၏ ထောင်လွှား မောက်မာခြင်းမှာ အစွယ်ကျိုးခဲ့ရသည်။ ယခုအခါ ကျွန်ုပ်တို့သည် ငြိမ်းချမ်းခြင်းနှင့် တရားမျှတခြင်းကို အခြေခံထား လျက် နိုင်ငံသစ်ကို တည်ဆောက် လျက်ရှိလေပြီ။ နှစ်ကာလကြာညောင်းခဲ့ပြီဖြစ်သော ဤစစ်ပွဲကို ဆက်လက်မဖြစ်ပွားစေလိုပါ။ တစ်ရက်ကလေးမျှပင် ထပ်မံမဖြစ် ပွားစေလိုပါ။ ဒီမိုကရေစီမှာ အာရုဏ်သမ်းစပင်ရှိပါသေးသည်။ စစ်မှန်သောဖက်ဒရယ်ပြည်ထောင်စု တည်ဆောက်ရာ တွင် ငြိမ်းချမ်းခြင်းနှင့် တရားမျှတခြင်းကိုအားပေးအားမြှောက်ပြုလျက် မြန်မာပြည်သူပြည်သားများနှင့်အတူ ချီတက်လျှောက်လှမ်းကြရန် ကျွန်ုပ်ပန်ကြားလိုပါသည်။

နိုင်ငံတကာ INGO အဖွဲ့များသို့ မေတ္တာရပ်ခံလွှာ ။ ။ ၂၀၁၁-ခုနှစ်၌ စစ်ပွဲများစတင်ခဲ့ချိန်က နိုင်ငံတကာ INGO အဖွဲ့များသည် လူထုနှင့် အတူ လိုက်ပါလာခဲ့ကြသည်။ (၅)နှစ်ကြာသောအခါတွင် ကရုဏာလုပ်ငန်းမှာလည်း ခြေကုန်လက်ပန်းကျလာပြီး အစား အသောက် ထောက်ပံ့မှုများနည်းပါးလာကာ ပေးမျှသောဝေစုများမှာလည်း လျော့နည်းလာကြသည်။ ဆာလောင်မွတ်သိပ်ခြင်းနှင့် ဆင်းရဲခြင်းတို့မှာ ဒုက္ခသည်စခန်းများကို ကြပ်တည်းလာစေသည်။ တာရှည်ခိုင်မာသောဖြေရှင်းမှုမပေါ်လာမချင်း ကျွန်ုပ်တို့ပြည်သူများ အား ထောက်ပံ့မှုပေးကြရန် ကျွန်ုပ်အနူး အညွတ်တောင်းဆိုပါသည်။ သင်တို့လှုပ်ရှားနေသောနယ်ပယ်ဒေသရှိ လက်နက်ကိုင် အဖွဲ့အစည်းများအား ငြိမ်းချမ်းရေး စကားဝိုင်း၌ ပြန်လည်ပါဝင်ရန် တွန်းအားပေးကြပါ။ ကျွန်ုပ်တို့ပြည်သူလူထုမှာ ရေရှည်အကျိုးအတွက် တရားမျှတမှုကို လိုလားသည်မှန်သော်လည်း လတ်တလောအခြေအနေအတွက်မူ ကရုဏာဖြင့် ထောက်ပံ့ပေးခြင်းကို လိုအပ်လျက် ရှိပါသည်။ အထောက်အပံ့ပေးခြင်းမှာ နှစ်ကာလရှည်ကြာသောစစ်ပွဲအတွက် ဖြေရှင်းနည်းမဖြစ်နိုင်ပေ။

ကချင်လူထုထံသို့ မေတ္တာရပ်ခံလွှာ ။ ။ ကျွန်ုပ်၏ချစ်လှစွာသော ကချင်တိုင်းရင်းသားများခင်ဗျာ၊ ကျွန်ုပ်သည် သင်တို့၏ပျော်ရွှင်မှုနှင့် ကြီးကျယ်မြင့်မြတ်မှုတို့ကို သိရှိခဲ့ပြီးဖြစ်ပါသည်။ သင်တို့၏သမိုင်းကြောင်းဆိုးဝါးချိန်တွင် ငြိမ်းချမ်းသာယာပါစေကြောင်း သင်တို့အတွက် ကျွန်ုပ်တောင်းဆုပြုပါသည်။ သင်တို့၏သားသမီးများ စစ်ဘေးဒဏ်မှလည်းကောင်း၊ လူကုန်ကူးခြင်းနှင့် မူးယစ်ဆေးဝါးဒဏ်မှ လည်းကောင်း ကင်းလွတ်နိုင်စေမည့်အကြောင်း ကျွန်ုပ် ဆုတောင်း လျက်ရှိပါသည်။ ကောင်းမြတ်သောသခင်ဘုရားသည် သင်တို့အဖို့ ငြိမ်းချမ်းခြင်းကို ဆောင်ကျဉ်းတော်မူပါစေ။ သင်တို့သည် အားလုံးအပေါ် လွန်စွာမှပင် ဖော်ရွေပျူငှာပြီး နွေးထွေးစွာ ဆက်ဆံတတ်သည့် အရည်အချင်းများရှိခြင်းကြောင့် ဘာသာတရားအချင်းချင်း၊ လူမျိုးအချင်းချင်း၊ ခရစ်ယာန်ဂိုဏ်းကွဲအချင်းချင်း ပဋိပက္ခမဖြစ်စေခြင်း ငှာ လုပ်ဆောင်ကြရန် ကျွန်ုပ်မေတ္တာရပ်ခံလိုပါသည်။ စည်းရုံးစွာဖြင့် နေထိုင်ကြပါ။ ကချင်လူထု၏ဂုဏ်သိက္ခာ အတွက် ဤစစ်ပွဲဖြစ်ပွားလာရခြင်းဖြစ်သည်။ စည်းလုံးမှုပြိုကွဲခြင်းကြောင့် ထိုရည်မှန်းချက်မပျောက်ပျက်ပါစေနှင့်။ လူမျိုးနွယ်တစ်ခုအပိုင်း ပိုင်းကွဲပြားလာပါက ထိုလူမျိုးစုတစ်ခုလုံးပျက်စီးခြင်းသို့ ရောက်နိုင်လေသည်။

မြန်မာပြည်သူပြည်သားများသို့ မေတ္တာရပ်ခံလွှာ ။ ။ မြန်မာနိုင်ငံသားများသည် ကျက်သရေအပေါင်းနှင့် ပြည့်စုံသောနိုင်ငံသား များဖြစ်သည်။ ဤတိုင်းပြည်သည် ကျွန်ုပ်တို့အားလုံး၏ တိုင်းပြည်ဖြစ်သည်။ မြန်မာပြည်သူပြည် သားတို့သည် ဤတိုင်းပြည်အား ပြိုကွဲစေမည့် အမုန်းတရားပြန့်ပွားစေသူများနှင့် ဘာသာရေးအစွန်းရောက်များကို တတ်အားသရွေ့ ခုခံရမည်။ “မတူကွဲပြားခြင်း၌ စည်းလုံးခြင်း”ကို ကျွန်ုပ်တို့ယုံကြည်ရန် လိုအပ်သည်။ မတူကွဲပြား ခြင်းတစ်ခုစီတိုင်း၌ ဂုဏ်သိက္ခာရှိလေသည်။ ငြိမ်းချမ်းသာယာခြင်း ရှိလျှင် ကျွန်ုပ်တို့အားလုံး ရရှိခံစားရမည့် အကျိုး ကျေးဇူးကား ကြီးမားလှသည်။ ကျွန်ုပ်တို့နိုင်ငံသည် ဖွံ့ဖြိုးတိုးတက်သောနိုင်ငံဖြစ်လာပြီး အရှေ့အာရှ၏ ထွန်းလင်း တောက်ပသော ရွှေနိုင်ငံအဖြစ်သို့ တစ်ဖန်ပြန်လည်ရောက်ရှိလာပါလိမ့်မည်။

ပြည်သူ့တပ်မတော်၊ ပြည်ထောင်စုအစိုးရသစ်နှင့် လက်နက်ကိုင်အဖွဲ့အစည်းများအား တွေ့ဆုံဆွေးနွေးပွဲ၌ တရားမျှတသည့်လမ်း စဉ်ဖြင့် ငြိမ်းချမ်းရေးခရီးကို စတင်ကြပါရန် ကျွန်ုပ်မေတ္တာရပ်ခံအပ်ပါသည်။

စစ်ပွဲနှင့် လိုအပ်ချက်ကင်းမဲ့သော အနာဂတ်မြန်မာနိုင်ငံတော်အတွက် တောင်းဆုပြုရင်း…

ကာဒီနယ် ချားလ်စ်မောင်ဘို (SDB, DD)
ရန်ကုန်ကက်သလစ်ဂိုဏ်းချုပ်ဆရာတော်ကြီး

1153  Views
Previous: Give Peace a Chance in Kachin Lands by Cardinal Charles Bo
Next: လုပ်ငန်းတာဝန်များ၌ပေါ့ဆသော ကက်သလစ်ဆရာတော်ကြီးများကို သာသနာပိုင်ဆရာတော်အဖြစ်မှ ထုတ်ပယ်နိုင်သော ဥပဒေတစ်ခုကို ရဟန်းမင်းကြီး ပြဌာန်းတော်မူ