ရန်ကုန်ကက်သလစ်ဂိုဏ်းချုပ် ဆရာတော်ကြီး၊  ရဟန်းမင်းအမတ် ချားလ်စ် ဘိုက ဘုန်းတော်ကြီး နေရီအူးစ် မောင် မောင် (လက်ရှိရန်ကင်းမြို့နယ်ရှိ၊  စိန်ဂျုဒ် ကက်သလစ်သာသနာ၏ကျောင်းထိုင် ဘုန်းတော်ကြီး) အား ရဟန်းမင်းကြီး၏  တရားဟောအမှုတော်ဆောင်မွန်ဆီညော်ဘွဲ့ကို မတ်လ (၄) ရက်နေ့က ချီးမြှင့်ပေးအပ် တော်မူလိုက်သည်။

၎င်းဘုန်းတော်ကြီးနေရီအူးစ် မောင်မောင်အား မွန်ဆီညော်ဘွဲ့ ချီးမြှင့် ပေးအပ်ခြင်းအခမ်းအနားသို့  ရန်ကုန် ကက်သလစ် ဂိုဏ်းချုပ်သာသနာမှ  လက်ထောက် ဆရာ တော်ကြီး ဂျွန်စောယောဟန်၊  မွန်ဆီညော်ကော်ဒင်၊ ရဟန်းတော်များ၊ သီလရှင်များ၊ ကက်သလစ်ခရစ်ယာန်ဘာ သာဝင်များနှင့် တခြားဖိတ်ကြားထားသူ စုစု ပေါင်း (၁၀၀၀) ကျော် တက်ရောက်ပြီး မြတ်စွာဘုရားသခင်အား  ဂုဏ်ပြုချီးမွမ်းခဲ့ ကြသည်။

၎င်းဘုန်းတော်ကြီးနေရီအူးစ် မောင်မောင်အား မွန်ဆီညော်ဘွဲ့ ချီးမြှင့် ခြင်းနှင့်စပ်လျဉ်းပြီး  ရဟန်းမင်း အမတ် ချားလ်စ်ဘိုက ““ဘုန်းတော်ကြီး နေရီအူးစ် မောင်မောင် သည် မိမိ၏ရဟန်းဘဝ  တစ်လျှောက်တွင် ယနေ့ထိတိုင် ကက်သလစ်  အသင်းတော်၏ ယုံကြည်လေးစားခြင်းကို ရရှိနေ သူဖြစ် ကြောင်း၊ သာသနာပြုလုပ် ငန်းတွင် လည်း  စိတ်အားထက်သန်နေသူ ဖြစ်သည့်အပြင် မိမိ၏ ဆရာတော်ကြီး အပေါ်တွင်လည်း  နာခံတတ် သူဖြစ်သော ကြောင့် ဤဘွဲ့ကိုသူ့အား ပေးအပ်ရန် မိမိ ၏အ တိုင်ပင်ခံရဟန်းတော်များ၏  အပြည့် အဝထောက်ခံမှုဖြင့်
ရဟန်းမင်းကြီးထံတော်သို့ တောင်းပေးခဲ့ခြင်းဖြစ်ပါကြောင်း”” ဖြင့်  ဘုရားဖူးသူတော်စင်များအား ရှင်းပြ ပေးတော်မူသည်။

ဆက်လက်ပြီး ရဟန်းမင်းအမတ် ချားလ်စ်ဘိုက ““ဤဘွဲ့ကို ဘုန်းတော်ကြီး နေရီအူးစ် မောင်မောင်အားချီးမြှင့်ခြင်း အားဖြင့်  သူ၏ကောင်းမွန်သော စံပြနေထိုင်ခြင်းနှင့်  သာသနာအမှုတော်၌  ဇွဲလုံ့လ ကြီးပြီး သန့်ရှင်းဖြူစင်စွာဖြင့် နေထိုင်နိုင် ခြင်းတို့သည် တခြားကက်သလစ်  ရဟန်းများကလည်း အတုယူလာနိုင်ရန် ဖြစ်ကြောင်း၊  ဤဘွဲ့ကို သူ့အား ပေးအပ် ချီးမြှင့် ခြင်းသည် မိမိတို့ရန်ကုန် ကက်သလစ် ဂိုဏ်းချုပ်
သာသနာအတွက်လည်း ကောင်းကြီး မင်္ဂလာ တစ်ပါးဖြစ်ပါကြောင်း”” ဖြင့် မိန့်ကြားတော်မူသည်။

ဘုန်းတော်ကြီးနေရီအူးစ် မောင်မောင်သည် အဖလီအိုဦးပြားတော်နှင့် အမိလွီးယာ ဒေါ်လှလေးတို့မှ ၁၉၄၄ ခုနှစ် ဇူလိုင်လ  (၂၉) ရက်နေ့တွင် မအူပင်မြို့ နယ်၊ သပြေတန်းကျေးရွာတွင် မွေးဖွား သန့်စင်ခဲ့သည်။ သူသည် မွေးချင်းနှစ် ယောက်မှ ဒုတိယသားဖြစ်ပြီး ၁၉၇၃ ခုနှစ်၊ မတ်လ (၁) ရက်နေ့တွင် ကက်သလစ် ခရစ်ယာန်ရဟန်းသိက်္ခာကို  အမေရိကန်နိုင်ငံမှ ရောက်ရှိလာသော  ကာဒီနယ်ကွတ်၏ လက်တော်မှ ရန်ကုန်မြို့ရှိ စိန့်မေရီကက်သလစ် ဘုရားကျောင်းတော်ကြီးတွင်  ရရှိတော်မူခဲ့ သည်။ ဘုန်းတော်ကြီးနေရီအူးစ် မောင်မောင်၏ ရဟန်းဝါတော်သည် (၄၅) နှစ် တိတိရှိပြီဖြစ်ကြောင်းသိရှိရသည်။
ကုန်ဇမှုန်း