ကိုလန်ဘန်သာသနာပြုရဟန်းဂိုဏ်းတည်ထောင်ခြင်း နှစ် ၁၀၀ ပြည့် ဂျူဘီလီပွဲတော်နှင့် မြစ်ကြီးသာသနာမှ ရဟန်းသစ် ၅ ပါးတို့အား ရဟန်းသိက်္ခာတင်ပွဲ

မြစ်ကြီးနား၊ ဒီဇင်ဘာလ ၁၈၊ ၂၀၁၈

ကိုလန်ဘန်သာသနာပြုရဟန်းဂိုဏ်းတည်ထောင်ခြင်း နှစ် ၁၀၀ ပြည့် ဂျူဘီလီပွဲ တော်နှင့် ရဟန်းသစ် ၅ ပါးတို့အား ရဟန်းသိက်္ခာတင်ပွဲတော်ကို နိုဝင်ဘာလ ၁၆ နှင့် ၁၇ ရက်များတွင် မြစ်ကြီးနားမြို့ ဧဒင်၌ စည်ကား သိုက်မြိုက်စွာ ကျင်းပခဲ့ပါသည်။

ပွဲတော်တွင် ရပ်နီးရပ်ဝေးမှ ဘာသာဝင်များနှင့် ဓမ်္မမိတ်ဆွေများ ၄၅၀၀ ခန့်တို့ ပျော်ရွှင်စွာ ပါဝင် ဆင်နွှဲခဲ့ကြပြီး ဂိုဏ်းချုပ်ဆရာတော်ကြီး ပေါလ် ဇိန်ထုန်းဂရောင် (ငြိမ်း)၊ မြစ်ကြီးနား ဂိုဏ်းအုပ် ဆရာတော်ကြီး ဖရန်စစ် ဒေါ့တန်၊ လားရှိုး ဂိုဏ်းအုပ် ဆရာတော်ကြီး ဖိလစ်ဇယ်ဟောင်း၊ ဗန်းမော် ဂိုဏ်းအုပ် ဆရာတော်ကြီး ရေမွန်ဆွမ်လွတ်ဂမ်၊ ဟားခါး ဂိုဏ်းအုပ် ဆရာတော်ကြီး လူးချီအုစ် ခရေကုန်း နှင့် သာသနာနယ် အသီးသီးမှ ရဟန်းတော် အပါး ၅၀ ခန့် တို့ကလည်း ပွဲတော်တွင် ပါဝင်ချီးမြှင့်ခဲ့ကြသည်။

ဂျူဘီလီပွဲတော် အခမ်းအနားများကို နိုဝင်ဘာလ ၁၆ ရက်နေ့ နံနက် ၇း၃၀ နာရီမှ စတင်ကာ ကျောင်းဆောင်သစ်ဖွင့်လှစ်ခြင်း၊ မစါားပူဇော်ခြင်း၊ ဂုဏ်ပြုခြင်း၊ စသည့် အခမ်း အနားများကို ဆက်တိုက် ကျင်းပခဲ့သည်။ နေ့လည် ၂း၃၀ နာရီတွင် ကချင်ရိုးရာ မနောင်အဖွင့် ပြုလုပ်ရာ ပျော်ရွှင်စွာပါဝင်ဆင်နွှဲခဲ့ကြသည်။ ည ၇း၀၀ နာရီတွင် တိုင်းရင်းရိုးရာ အကပဒေသာ ဖြင့် ပွဲတော်ကို ပိုမိုမြိုင်ဆိုင်စေခဲ့သည်။
နိုဝင်ဘာလ ၁၇ ရက်နေ့တွင် နံနက် ၈ နာရီအချိန်တွင် ရဟန်းသိက်္ခာတင်ခြင်း မစါား တရားတော်မြတ်နှင့်အတူ ရဟန်းသစ် ၅ ပါးတို့အား ရဟန်းသိက်္ခာ တင်ပေးခဲ့သည်။ ရဟန်း သစ်များမှာ ဖါသာရ် လုကာ မရောင်းဇော်တူ၊ ဖါသာရ် ပီတာ လဂိုင်တူးခေါင်၊ ဖါသာရ် ဂျွန် အင်ဖုန်မွန်မိုင်၊ ဖါသာရ် ဖရန်စစ် ဂျန်မာအောင်လီ နှင့် ဖါသာရ် ပီတာ ဘုန်ခူးလောဒ်နော် တို့ ဖြစ်သည်။ မစါားပြီးသည်နှင့် ရဟန်းသစ်များအား ဂုဏ်ပြုခြင်း အခမ်းအနားကို ဆက်လက် ပြု လုပ်ခဲ့သည်။ နေ့လည် ၂း၃၀ နာရီတွင် မနောင်အပိတ် အစီစဉ်ကိုလည်းကောင်း ညနေ ၅း၀၀ နာရီတွင် မ်ိတ်ဆုံစားပွဲကို လည်းကောင်း ပြုလုပ်ခဲ့သည်။

ည ၇း၃၀ နာရီတွင် ရဟန်းသစ်များ အား ဂုဏ်ပြုခြင်းအဖြစ်လည်းကောင်း ဂျူ ဘီလီရှင် ကိုလန်ဘန် ရဟန်းတော်များအား ဂုဏ်ပြုခြင်း အဖြစ်လည်းကောင်း တေးဂီတ ဖြင့် ဖျော်ဖြေခဲ့သည်။ ကချင်ပြည်နယ်မှ နာ မည်ကျော် လူကြိုက်များသော ဂီတပညာ ရှင်များစွာက ပါဝင်အားဖြည့်ခဲ့ ကြသည်။

ကိုလန်ဘန် သာသနာပြု ဘုန်း တော်ကြီးများသည် ကချင်ပြည်နယ်သို့ ၁၉၃၆ ခုနှစ်တွင် ရောက်ရှိခဲ့ကြပြီး ကချင် လူမျိုးများ အကြား သာသနာပြုလုပ်ငန်းများ ကို အောင်မြင်စွာ ဆောင်ရွက်နိုင်ခဲ့ကြသည်။ ၁၉၆၆ ခုနှစ်တွင် လွတ်လပ်ရေးရပြီးမှ ရောက်လာသော သာသနာပြုများကို အစိုး ရမှ ပြည်နှင်ဒဏ်ပေးခဲ့သဖြင့် ကိုလန်ဘန် ဘုန်းတော်ကြီးများစွာ မြန်မာပြည်မှ ထွက်ခွါ သွားခဲ့ရသည်။ ၁၉၇၇ ခုနှစ်တွင် နေခွင့်ရ သော ဘုန်းတော်ကြီးများလည်း ကျန်းမာ ရေး အခြေအနေရ ထွက်ခွါသွားခဲ့သည်။ ယခုအချိန်တွင် မြန်မာပြည်သို့ တဖန် ၀င် ရောက် အစေခံနိုင်ရန် ပြင်ဆင်နေကြပြီ ဖြစ်သည်။ ၀၁၅

42  Views
Previous: ကလေးမြို့၌ ခရစ်တော်မွေးနေ့အထိမ်းအမှတ် ခရစ်္စမတ်အကြို သံဃာတော်အပါး(၁၀၀)အား ရိုမန်ကက်သလစ် ကလေးသာသနာမှ နေ့ဆွမ်းဆက်ကပ်လှူဒါန်း
Next: ဘုရားသခင်သည် တခြားခရစ်ယာန်ဘာသာဝင်များကို ကောင်းကြီးမပေးဟု ပြောဆိုခြင်းသည် အပြစ်ကြီးဖြစ်သည်ဟု ရဟန်းမင်းကြီးက သွန်သင်တော်မူ