ချင်းပြည်နယ်၊ ထန်တလန်မြို့ပေါ်သို့ ကက်သလစ်သာသနာတော် ရောက်ရှိလာခြင်း ရွှေစင်ဂျူဗလီပွဲတော်ကျင်းပ
ထန်တလန်၊ မတ်လ ၇၊ ၂၀၁၆
ချင်းပြည်နယ်၊ ထန်တလန်မြို့သို့ ကက်သလစ်သာသနာတော် ရောက်ရှိလာခြင်း နှစ် (၅၀) ရွှေစင်ဂျူဗလီပွဲတော်ကို မတ်လ ၆ ရက်နေ့က ထန်တလန်မြို့ရှိ ကက်သလစ်ဘုရားကျောင်းဝင်းထဲတွင် စည်ကားသိုက်မြိုက်စွာ ကျင်းပခဲ့ကြသည်ဟု သတင်းရရှိသည်။ ၎င်းပွဲတော်သို့ ဟားခါးကက်သလစ်ဆရာတော်ကြီး လူစီအူးစ်ဟရယ်ကုန်း၊ ရဟန်းတော်များနှင့်ကက်သလစ်ဘာသာဝင်များအပြင် ၎င်းမြို့ပေါ်ရှိဂိုဏ်းကွဲ ခရစ်ယာန်ဘာသာဝင်များလည်း တက်ရောက်လာကြသည်ဟု သတင်းရရှိသည်။
၎င်းဂျူဗလီပွဲတော်နှင့်စပ်လျဉ်းပြီး အိမ်ရှင်ဖြစ်သော စစ်မှုထမ်းဟောင်းဦးထလာမန်းအား တယ်လီဖုန်းဖြင့် ဆက်သွယ်မေးမြန်းရာတွင် ““ဘာသာတူအိမ်ခြေက ၁၀ အိမ်လောက်ပဲရှိတာ။ ပွဲလာတဲ့ဘာသာဝင်တွေက ထင်တာထက်များတာမို့ အံ့သြလို့မဆုံးသလို ဘယ် လိုပျော်မှန်းမသိဘူး”” ဟု ပီတိစကားကို ဖြေကြားပေးသည်။ ထန်တလန်မြို့တွင် ပထမဆုံးတာဝန်ကျသော ကက်သလစ်ဘုန်းတော် ကြီး၏အမည်မှာ ဘုန်းတော်ကြီး တွမ်ပေါဖြစ်ပြီး လက်ရှိကျောင်းထိုင်ဘုန်းတော်ကြီးမှာ ထောင်ကျယ်အိုထန် ဖြစ်သည်ဟု သိရသည်။
ချင်းပြည်နယ်၏ မြို့ (၉) ခုထဲက တစ်ခုအပါအဝင်ဖြစ်သော ထန်တလန်မြို့သည် နှစ်ခြင်းခရစ်ယာန်ဘာသာဝင်များ အများဆုံး နေထိုင်သောမြို့ ဖြစ်သည်။ ထိုကဲ့သို့သောအခြေအနေမျိုးတွင် ၎င်းမြို့ထဲတွင် ကက်သလစ်ခရစ်ယာန်ဘာသာဝင်ဟူပြီး မိသားစု တစ်ခုသာ ရှိခဲ့သည်မှ ၁၉၈၉ ခုနှစ်အထိဟု ဆိုရပေမည်။
၁၉၉၂ ခုနှစ်နောက်ပိုင်းတွင်မူ နှရိန်းရွာမှ ကက်သလစ်ခရစ်ယာန်ဘာသာဝင် စီးပွားရေးသမားများနှင့်စစ်မှုထမ်းအငြိမ်းစားတချို့ တို့သည် ထန်တလန်မြို့တွင် အခြေချနေထိုင်လာခဲ့သည်။ ယခုဆိုလျှင် ၎င်းမြို့ပေါ်မှ ဒေသခံရဟန်းတစ်ပါးနှင့်ကိုရင်တစ်ပါးတို့ နှင့် ထန်တလန်ကျောင်းထိုင်နယ်မှ ကက်သလစ်ဘာသာဝင်ဦးရေသည် ရာဂဏန်းသာ ရှိသေးသော်လည်း ရဟန်း (၃) ပါး ထွက်ပေါ်လာပြီ ဖြစ်သည်။ ၀၁၄ ကုန်ဇမှုန်း
1866 Views
