ကက်သလစ်အသင်းတော်၏ ခေါင်းဆောင် ရဟန်းမင်းကြီးဖရန်စစ်နှင့်ရုရှားအော်သဒေါ့အသင်းတော်ခေါင်းဆောင်တို့ နှစ်ပေါင်း (၁၀၀၀) ကျော်အတွင်း ပထမအကြိမ်တွေ့ဆုံဆွေးနွေး
ဗာတီကန်၊ ဖေဖော်ဝါရီလ ၁၂၊ ၂၀၁၆
(၁၁) ရာစုကစပြီး တင်းမာမှုရှိလာပြီးနောက် ကက်သလစ်အသင်းတော်၏ ခေါင်းဆောင်ဖြစ်တော်မူသော ရဟန်းမင်းကြီး ဖရန်စစ်နှင့်ရုရှားအော်သဒေါ့အသင်းတော်ခေါင်းဆောင်ဖြစ်တော်မူသော ကီရီလ်တို့သည် နှစ်ပေါင်း (၁၀၀၀) ကျော် အတွင်း ပထမဆုံးအကြိမ် တွေ့ဆုံဆွေးနွေးခြင်းကို ဖေဖော်ဝါရီလ ၁၂ ရက်နေ့က ကျူးဘားနိုင်ငံ၊ ဟာဗားနားမြို့တော်လေ ဆိပ်တွင် နှစ်နာရီကြာ ပြုလုပ်တော်မူလိုက်ကြသည်။
ကက်သလစ်အသင်းတော်နှင့်အော်သဒေါ့အသင်းတော်တို့၏ ပြသာနာများကို လေ့လာရာတွင် လွန်စွာနက်ရှိုင်းကျယ်ပြန့်သည်ဟု ဆိုရပေမည်။ ၎င်းနက်ရှိုင်းရှုပ်ထွေးသော အကြောင်းအရာများထဲမှ အချက် (၂) ခုကိုတင်ပြရသော်၊ ဥရောပတိုက်ရှိ အရှေ့နှင့် အနောက်နိုင်ငံများ၏ နိုင်ငံရေးပြိုင်ဆိုင်မှုကြောင်း ဖြစ်ပေသည်။
ရှေ့ဦးခရစ်ယာန်ဘာသာအစတွင်မူ ကက်သလစ်သာသနာတော်က ဆရာတော်ကြီး (၃) ပါးတို့၏တည်ရှိခြင်းဖြစ်သော ရောမမြို့ရှိ ဆရာတော် (ရဟန်းမင်းကြီး)၊ အလက်ဇန်္တီယားမြို့ရှိဆရာတော်နှင့်အာန်္တီအုတ်မြို့ရှိဆရာတော်များဟူ အသိအမှတ်ပြုခဲ့သည်။ သူတို့သုံးပါးကို ကွန်စတန်တီနိုပဲလ်မြို့ရှိဆရာတော်နှင့်ဂျေရုစလင်မြို့ရှိဆရာတော်တို့ကို ဂိုဏ်းအုပ်ဆရာတော်များအဖြစ် ၄၅၁ ခုနှစ်က ကျင်းပခဲ့သော ချာချေဒွန်ဓမညီလာခံ၏ အတည်ပြုချက်ဖြင့် တခြားဆရာတော်ကြီး (၃) ပါးနှင့် ပူးပေါင်းကြခဲ့သည်။ ၎င်းဆရာတော် (၅) ပါးထဲတွင် ရောမမြို့ရှိ ဆရာတော်သည် ရဟန်္တာပီတာကို ဆက်ခံသူဖြစ်သောကြောင့် တခြားဆရာတော် (၄) ပါးထက် ပိုပြီး ရာထူးကြီးသည်ဟု လက်ခံထားကြသည်။ ထို့အပြင် ရောမမြို့သည် ရောမဘုရင်ပိုင်နယ်မြေတစ်ခုလုံး၏ မြို့တော်ဖြစ်သောကြောင့် ရောမမြို့ရှိဆရာတော်သည် ပိုပြီးအရေးကြီးသည်ဟု နားလည်ထားခဲ့ကြသည်။
ဘုရင်ကွန်စတန်တိုင်က အေဒီ ၃၃၀ ခုနှစ်တွင် ရောမအင်ပါယာနယ်၏ရုံးချုပ်ကို ရောမမြို့မှ ကွန်စတန်တီနိုပဲလ်မြို့သို့ ပြောင်းရွှေ့ ခဲ့သော်လည်း ရဟန်းမင်းကြီးသည် သြဇာအရှိဆုံး ဖြစ်နေခဲ့သည်။ သို့သော် ရောမဘုရင်အုပ်ချုပ်ရေးအောက်တွင် စိတ်ဝမ်းကွဲမှု ရှိလာခြင်းကြောင့် အသင်းတော်ထဲတွင်လည်း စိတ်ဝမ်းကွဲမှုစတင် ဝင်ရောက်လာသည်။ ရောမဘုရင်နယ်တစ်ခုလုံးကို အုပ်ချုပ်ရန် လျာထားသော သီအိုဒိုစီအူးစ်က ၃၉၅ ခုနှစ်တွင် သေဆုံးရာ သူ၏နယ်နိမိတ်သည် အရှေ့နှင့်အနောက်ဟူ၍ ခွဲထွက်သွားပြီး ၎င်းနယ်နိမိတ်တစ်ခုစီသည် ဘုရင်တစ်ပါးစီ၏သီးခြားအုပ်ချုပ်မှုအောက်သို့ ကျရောက်သွားကြသည်။ ၅ ရာစုအကုန်တွင်မူ အနောက်ရောမ ဘုရင်နယ်နိမိတ်တစ်ခုလုံးကို ရက်စက်ကြမ်းကြုတ်သူ ဘမေဘမေငညျေ များက ထိန်းချုပ်ပြီး အရှေ့ရောမဘုရင်နိုင်ငံကမူ ဆက်လက် ကြီးထွားနေသည်။ ထို့အချက်ကြောင့် ဘုရင်နယ်နိမိတ်အတွင်း နိုင်ငံရေးစည်းလုံးခြင်းသည် စတင်ပြိုကွဲလာခဲ့သည်။
တခြားအချက်ကမူ လာတင်းစကားကို အသုံးပြုသော အနောက်နိုင်ငံများနှင့် ဂရိစကားကို အသုံးပြုသော အရှေ့နိုင်ငံများဟုလည်း ပေါ်ထွက်လာပြန်သည်။ အနောက်ဘုရင်ပိုင်နယ် ပျက်စီးသွားသောအခါ၊ လာတင်းစကားနှင့်ဂရိစကားပြောသူများအကြားတွင် ဆက်သွယ်မှု ခက်ခဲလာသည့်အပြင် အရှေ့နှင့်အနောက်နိုင်ငံများတွင် ကွဲပြားသော ဝတ်ပြုဆုတောင်းခြင်းနှင့်ဘာသာရေးဆိုင်ရာ ယုံကြည်ရာသွန်သင်ချက်များလည်း ကြီးထွားလာခဲ့သည်။ အေဒီ ၃၄၃ မှ ၃၉၈ ခုနှစ်အထိ အရှေ့ပိုင်းအသင်းတော်က လက်ခံထားသော အာရေနီယမ်ဝါဒကို အနောက်နိုင်ငံရှိရဟန်းမင်းကြီးက ပယ်ချသည်။ အေဒီ ၄၀၄ ခုနှစ်တွင် ရဟန်းမင်းကြီးက ထောက်ခံထားသော ကွန်စတန်တီနိုပယ်ဆရာတော်ကြီး ဂျွန်ခရီစောစတွန်းကို အရှေ့ပိုင်းဘုရင် အာကာဒီအူးစ်က ထီးနန်းရုပ်သိမ်း သည်။ ထိုအချိန်မှစပြီး ရဟန်းမင်းကြီးက အရှေ့ပိုင်းရှိဆရာတော်များနှင့် ချက်ချင်းအဆက်အသွယ်ဖြစ်တောက် လိုက်သည်။ သို့သော် အရှေ့ပိုင်းဆရာတော်များက ဂျွန်ခရီစောစတွန်း၏ ခန့်အပ်မှုကို ပြန်လည်အသိအမှတ်ပြုပြီးနောက် စိတ်ဝမ်းကွဲမှုသည် ၄၁၅ ခုနှစ်တွင် ပြန်လည်ကောင်းမွန်ခဲ့သည်။ ၄၈၂ ခုနှစ်တွင် အရှေ့ပိုင်းဆရာတော်များက ယေဇူးခရစ်တော်ဘုရား သည် ဘုရား ဇာတိကိုသာ ပိုင်ဆိုင်သည်ဟူသော သွန်သင်ချက်ကို ရဟန်းမင်းကြီး ဖေလစ် (၃) က ငြင်းပယ်ပြီး ၄၈၄ ခုနှစ်တွင်မူ ၎င်းသွန်သင် ချက်ကို ထောက်ခံသော ကွန်စတန်တီနိုပဲလ်မြိ့ရှိဆရာတော်ကြီး အာကာစီအူးစ်ကို အသင်းတော်မှ ထုတ်ပယ်လိုက်သည်။
အရှေ့ပိုင်းအသင်းတော်က မူလသဘောတူထုတ်ပြန်ထားသော ယုံကြည်ရာအချက်များတွင် တခြားသော ဘာသာရေးသွန်သင်ချက် များကို ထပ်ထည့်လာခြင်း၊ ရဟန်းမင်းကြီး၏ တကမ်္ဘာလုံးဆိုင်ရာကက်သလစ်အသင်းတော်အပေါ်တွင် သြဇာရှိခြင်းကို လက်မခံ ခြင်း၊ ဘော်လ်ကန်ဒေသကို အရှေ့နှင့်အနေက်အုပ်စုများက အုပ်ချုပ်ရန် လုခြင်း၊ ကိုယ်တော်မြတ်မုန့်တော်အား ဖန်ဆင်းခြင်း အပေါ် ကွဲလွဲချက်များကြောင့် ရဟန်းမင်းကြီးလီအို (၉) နှင့် ကွန်စတိုင်တီနိုပဲလ်ဆရာတော်ဖြစ်သော မိုက်ကယ်စီလာရီအူးစ်တို့နှစ်ပါး အကြားတွင် အပြန်အလှန် အသင်းတော်မှ ထုတ်ပယ်ခြင်းကို ပြုလုပ်ခဲ့ကြသည်။ ထိုအချိန်မှစပြီး ကက်သလစ် အသင်းတော်နှင့် အောက်သဒေါ့အသင်းတော်တို့နှစ်ခုသည် သီးခြားခွဲထွက်သွားကြပြီး နှစ်ခုစလုံးက မိမိတို့အသင်းတော်သည် တမန်တော်တို့မှ ဆင်းသက်လာပြီး တစ်ခုတည်းသော သန့်ရှင်းသောအသင်းတော်ဖြစ်သည်ဟု ကြွေးကြော်နေကြဆဲ ဖြစ်သည်။
ထိုသို့ အသင်းတော်နှစ်ခုအကြားတွင် အချင်းချင်းထုတ်ပယ်ခြင်းများ ဖြစ်နေချိန်တွင် ရဟန်းမင်းကြီးလီအို (၉) သည် ပျံလွန်တော်မူ သောကြောင့်၊ ရဟန်းမင်းကြီးလီအို (၉)၏ အထူးကိုယ်စားလှယ်ဖြစ်သော ကာဒီနယ်ဆရာတော်ကြီးဟမ်ဘတ်တူးစ်၏ ကိုယ်စားလှယ် လုပ်ပိုင်ခွင့်သည် ကုန်ဆုံးသွားရာ၊ ၎င်းကာဒီနယ်က ကွန်စတိုင်တီနိုပဲလ်ဆရာတော်ဖြစ်သော မိုက်ကယ်စီလာရီအူးစ်ကို အသင်း တော်မှ မထုတ်ပယ်နိုင်ခဲ့ပေ။
ထိုသို့သော အထက်ပါအကြောင်းအရာများကြောင့်၊ ကက်သလစ်အသင်းတော်နှင့်အောက်သဒေါ့အသင်းတော်တို့နှစ်ခုအကြားတွင် ရှိနေသော ဘာသာရေးဆိုင်ရာ တင်းမာမှုသည် နှစ်ပေါင်း (၁၀၀၀) ကျော်လာခဲ့ပြီး ဖြစ်ပေသည်။ ထိုကဲ့သို့သော တင်းမာမှု ကို ဖြေလျှော့ပြီး ညီအစ်ကိုများအကြား ပြန်လည်သင့်မြတ်ရန်အလို့ဌာ၊ ရဟန်းမင်းကြီး ဖရန်စစ်အရှင်သူမြတ်နှင့် အောက်သဒေါ့ ဆရာတော်ကြီး ကီရီလ်တို့သည် တွေ့ဆုံဆွေးနွေးပြီးနောက် အချက် (၃၀) ပါသော ပူးတွဲကြေညာချက်တစ်စောင်ကို ထုတ်ပြန် တော်မူ ကြသည်။ ၎င်းအချက် (၃၀) ထဲမှ သိသင့်သည်ဟု ယူဆထားသော အချက်များကို ဘာသာပြန်ဆိုတင်ဆက်ပေး လိုက်ပါသည်။
သခင်ခရစ်တော်ယေဇူးဘုရား၏ကျေးဇူးတော်နှင့်ခမည်းတော်ဘုရားသခင်၏ ချစ်ခြင်းမေတ်္တာတေ်နှင့် သန့်ရှင်းသောဝိညာဉ်တော် ဘုရား၏ မိတ်သဟာယတော်တို့သည် သင်တို့နှင့်အတူ ရှိပါစေသော် (၂ ကော်ရင့် ၁၃း၁၃)။
၁။ ကျေးဇူးတော်အပေါင်း စတင်စီးဆင်းရာဖြစ်တော်မူသော ခမည်းတော်ဘုရား၏အလိုတော်အားဖြင့်၊ ယေဇူးခရစ်တော်ဘုရားသခင် ၏ နာမတော်နှင့် သန့်ရှင်းသောဝိညာဉ်တော်၏စောင်မတော်မူခြင်းအားဖြင့်၊ ကျွန်ုပ်ရဟန်းမင်းကြီးဖရန်စစ်နှင့် မော်စကိုနှင့်ရုရှား နိုင်ငံ တစ်ခုလုံး၏ ဂိုဏ်းအုပ်ဆရာတော်ဖြစ်တော်မူသော ကီရီလ်တို့သည် ဟာဗားနားမြို့တွင် ယနေ့ တွေ့ဆုံတော်မူကြသည်။ ကျွန်ုပ်တို့ သည် သမိုင်း၏ပထမဆုံးသော ယခုတွေ့ဆုံခြင်းအတွက် ပုဂိုလ်သုံးပါးတို့ကို ချီးမွမ်းရင်း ဘုရားသခင်ကို ကျေးဇူးတင် ကြပါသည်။ ယခုကျွန်ုပ်တို့နှစ်ဦး၏တွေ့ဆုံခြင်းသည် ခရစ်ယာန်ယုံကြည်ခြင်း၌ ညီအစ်ကိုကဲ့သို့ တစ်ယောက်နှင့် တစ်ယောက် မျက်နှာချင်း ဆိုင်တွေ့ဆုံခြင်း၊ နှလုံးသားချင်းစကားပြောဆိုခြင်းဖြစ်ပြီး အသင်းတော်များအကြား၊ မိမိတို့ဘာသာတူများ၏အရေး ကြီးသောပြဿနာများနှင့် လူ့ယဉ်ကျေးမှု၏ဖွံ့ဖြိုးခြင်းအတွက် သုံးသပ်ခြင်းတို့အကြားတွင် အပြန်အလှန်ဆက်ဆံခြင်းတို့ကို ဆွေးနွေးရန် ဖြစ်ပါသည်။
၂။ ကျွန်ုပ်တို့နှစ်ဦး၏ညီအစ်ကိုတွေ့ဆုံခြင်းသည် အရှေ့နှင့်အနောက်၊ တောင်နှင့်မြောက်တို့၏ဆုံဆည်းရာ ဖြစ်သော ကျူးဘားနိုင်ငံ တွင် ပြုလုပ်ခြင်း ဖြစ်ပါသည်။ ၎င်းနိုင်ငံမှတဆင့် သစ်လွင်သောကမ်္ဘာကြီး၏မျှော်လင့်ချက်များဆိုင်ရာလက်္ခဏာများနှင့် (၂၀) ရာစု၏သမိုင်းတွင်သော အဖြစ်အပျက်များတို့၏ နိုင်ငံတွင် မိမိတို့သည် လာတင်းအမေရိကတိုက်နှင့်တခြားတိုက် ကြီးများ တွင် ရှိနေကြသော နိုင်ငံသူ/သားများအားလုံးကို မိန့်ကြားတော်မူလိုက်ပါသည်။ ၎င်းနိုင်ငံများတွင် ခရစ်ယာန်တို့၏ ယုံကြည်ခြင်း သည် အားကောင်းစွာကြီးထွားနေသည်မှာ ပျော်ရွှင်ခြင်း၏ အရင်းအမြစ် ဖြစ်ပေသည်။ လူဦးရေသန်းထောင်ပေါင်း ချီသောပြည် သူများ၏ ပုဂ်္ဂလအတွေ့အကြုံများပေါ်တွင် အခြေကုတ်ထားသော၊ လာတင်း အမေရိကတိုက်၏ အားကောင်းသော ဘာသာရေး ဆိုင်ရာ ရှေ့ အလားအလာများဖြစ်သော ခရစ်ယာန်တို့၏ရှေ့ဟောင်းထုံးတမ်း အစဉ်အလာများသည် ဤနိုင်ငံအတွက် ကြီးမား သောအနာဂါတ်၏ အာမခံချက် ဖြစ်ပေသည်။
၃။ ကမ်္ဘာဟောင်းခေတ်က ကြာရှည်စွာ တည်ရှိခဲ့သော အငြင်းပွားမှုများကို ချန်ထားပြီး တွေ့ဆုံခြင်းအားဖြင့်၊ ကျွန်ုပ်တို့သည် မိမိတို့ အထဲတွင် ကမ်္ဘာကြီး၏မျှော်လင့်ချက်ကို ယဉ်ကျေးသိမ်မွေ့စွာနှင့်လေးစားစွာဖြင့် ဖြေရှင်းချက်ပေးနိုင်ရန်အလို့ဌါ ဖိတ် ခေါ်ခြင်းခံထားကြ ရသော ကက်သလစ်ခရစ်ယာန်ဘာသာဝင်များနှင့်အော်သဒေါ့များ၏ မျှဝေခံထမ်းသော တာဝန်များအတွက် အရေးတကြီး လုပ်ဆောင်ရန် လိုအပ်နေကြောင်းကို အထူးတွေ့မြင်ခံစားကြရပါသည်။
၄။ မိမိတို့သည် ဘုရားသခင်၏တစ်ပါးတည်းသော သားတော်ထံမှ ရရှိတော်မူသော ဆုလဒ်တော်များအတွက် ဘုရားသခင် ကို ကျေးဇူးတင်ကြပါသည်။ မိမိတို့သည် ခရစ်ယာန်ဘာသာတရား၏ ပထမထောင်စုနှစ်၏ တူညီသော ဝိညာဉ်ရေးဆိုင်ရာထုံးတမ်း အစဉ်အလာများကို မျှဝေခဲ့ကြပါသည်။ ၎င်းတို့အထဲတွင်မူ၊ ခရစ်ယာန်တို့၏မျိုးစေ့များ ဖြစ်လာကြခြင်းနှင့် ခရစ်တော်ဘုရားထံ တော်၌ မိမိတို့၏သစ်္စာရှိခြင်းကို သက်သေထူခဲ့ကြသော မရေတွက်နိုင်သည့် ဓမ်္မအာဇာနည်များပင် ဖြစ်တော်မူကြသည်။
၅။ ၎င်းအစဉ်အလာကို ပထမ (၁၀) ရာစုအထိ မျှဝေခဲ့ကြသော်လည်း ကက်သလစ်ခရစ်ယာန်များနှင့်အောက်သဒေါ့ခရစ်ယာန် ဘာသာဝင်များအကြားတွင် နှစ်ပေါင်း (၁၀၀၀) နီးပါး ကိုယ်တော်မြတ်စက်္ကရမင်းတူး၌ တစ်လုံးတစ်ဝတည်း ရှိခြင်းသည် ကင်းမဲ့ ခဲ့ကြပေသည်၊ ကျွန်ုပ်တို့အားလုံးသည် ခမည်းတော်၊ သားတော်နှင့်သန့်ရှင်းသောဝိညာဉ်တော်ဘုရားတို့၏ သုံးပါးတစ်ဆူ ဘုရား ဖြစ်ခြင်းဟူသော ဘုရားသခင်ထံတော်၌ ထားရှိသော မိမိတို့ယုံကြည်ခြင်း၏ ထုတ်ဖော်ချက်နှင့်နားလည်လက်ခံခြင်းတို့ထဲတွင်၊ မိမိတို့ဘိုးဘွားများထံမှ လက်ခံရရှိလာသော သဘောထားကွဲလွဲချက်များ၊ ဟောင်းနွမ်းသော ပဋိပက်္ခများနှင့် မကြာသေးခင် က ဖြစ်ပွားခဲ့သောပဋိပက်္ခများကြောင့် ဖြစ်ပေါ်လာသော ဒါဏ်ရာများကြောင့် ကွဲသွားခဲ့ကြသည်။ ကျွန်ုပ်တို့သည် ရဟန်းဆိုင်ရာ ခရစ်တော်ဘုရား၏ ဆုတောင်းချက်ဖြစ်တော်မူသော ““သူတို့အားလုံးသည် တစ်ခုတည်းဖြစ်ရန်၊ ကျွန်ုပ်သည်ကိုယ်တော်၌ ဖြစ်သကဲ့သို့ ကိုယ်တော်သည်လည်း ကျွန်ုပ်၌ ဖြစ်သကဲ့သို့၊ သူတို့သည်လည်း တစ်ခုတည်းဖြစ်လာရန်အတွက်”” (ယောဟန် ၁ရး၂၁) ဟူသော စည်းလုံးခြင်း ကင်းမဲ့ခြင်း၊ ပုထုဇဉ်လူသားတို့၏အားနည်းချက်နှင့်အပြစ်များကြောင့် နစ်နာမှုများ ရရှိခဲ့ကြပြီး
၇။ ကျွန်ုပ်တို့ အမွေဆက်ခံလာကြပြီး မရှိမဖြစ်ကျော်လွှာနိုင်ရမည့် သမိုင်းဝင်ခွဲထွက်မှုများကို အမှန်တကယ်အကောင် အထည် ဖော်နိုင်ရန်အတွက်၊ မိမိတို့သည် ခရစ်တော်ဘုရား၏ နှုတ်ထွက်စကားတော်နှင့် နှစ်ပေါင်း (၁၀၀၀) က တူညီစွာမျှဝေခဲ့ကြသော ကက်သလစ်အသင်းတော်၏အမွေအနှစ်များကို သက်သေခံရန်လည်းကောင်း၊ ယနေ့ကမ်္ဘာကြီးတွင် ကြုံတွေ့နေကြရသော စိန်ခေါ်ချက်များကို အတူတကွ တုံ့ပြန်နိုင်ရန်အတွက်လည်းကောင်း မိမိတို့၏ကြိုးစားအားထုတ်မှုများကို ပေါင်းစပ်လိုကြပါ သည်။ ကက်သလစ်သာသနာတော်နှင့်အောက်သဒေါ့အသင်းတော်တို့သည် ဖြစ်နိုင်စွမ်းရှိပြီး အမှန်တကယ်လုပ်ဆောင်ရန် လိုအပ်နေသော ၎င်းနယ်ပယ်များတွင် စည်းလုံးစွာဖြင့် သက်သေခံနိုင်ကြရန်အတွက် လုပ်ဆောင်ကြရမည် ဖြစ်သည်။ လူ့ယဉ် ကျေးမှုသည် ခေတ်ကာလ ၏ပြောင်းလဲခြင်းကာလထဲကို ဝင်ရောက်ပြီး ဖြစ်သည်။ ကျွန်ုပ်တို့ခရစ်ယာန်သြတ်္တပ်္ပစိတ်နှင့် ဘာသာရေး ဆိုင်ရာတာဝန်များသည် လက်တွဲလုပ်ဆောင်ခြင်းကို လိုလားနေသော စိန်ခေါ်ချက်များအပေါ်၊ အေးတိအေးစက် မနေကြရန် တာဝန်ရှိစေသည်။
၈။ ကျွန်ုပ်တို့၏ အာရုံစိုက်မှုသည် ပထမဦးစွာ ခရစ်ယာန်များကို ညှင်းပန်းနှိပ်စက်ခံနေကြရသော နိုင်ငံများသို့ ပထမဦးစွာ အာရုံစိုက်ပါသည်။ အရှေ့အလယ်ပိုင်းနှင့်မြောက်အာဖရိကရှိနိုင်ငံများတွင် နေထိုင်နေကြသော ခရစ်ယာန်မိသားစုများ၊ ကျေးရွာ များနှင့်မြို့များရှိ ခရစ်ယာန်ဘာသာဝင်များသည် ခရစ်တော်ဘုရားရှင်အတွက် သတ်ဖြတ်နှိပ်စက်ခြင်းကို ခံနေကြရပေ သည်။ ခရစ်ယာန်များ၏ ဘုရားကျောင်းတော်များ၊ သမိုင်းဝင်ဘာသာရေးအဆောက်အဦးများ၊ ဘုရားဆင်းတုများ၊ သမိုင်းဝင် စာရွက်စာတမ်း များနှင့် မှတ်တမ်းတို့သည်လည်း ညစ်ညမ်းစွာ ဖြိုဖျက်ခြင်းကို ခံနေကြရသည်။ ကျွန်ုပ်တို့သည် တခြားသော ဘာသာတရားများနှင့်အတူ၊ တမန်တော်များခေတ်ကတည်းက နေထိုင်ရှင်သန်လာခဲ့ပြီး ယုံကြည်ခြင်းကို ဦးစွာ လက်ကမ်းဖြန့် ဝေခဲ့ကြရသော ဆီးရီးယား၊ အီရတ်နှင့်အရှေ့အလယ်ပိုင်းရှိနိုင်ငံများတွင် ရှိနေကြသော ခရစ်ယာန်များ၏ ထွက်ပြေးနေမှုကို ကြေကွဲစွာ ပြန်လည် သတိရကြပါသည်။
၉။ ကျွန်ုပ်တို့သည် အရှေ့အလယ်ပိုင်းဒေသမှ ခရစ်ယာန်ဘာသာဝင်များ ထပ်မံမထွက်ပြေးလာရန်အတွက် နိုင်ငံတကာအဖွဲ့အစည်း များက ကြိုတင်ကာကွယ်မှုကို အရေးတကြီး လုပ်ဆောင်ပေးကြပါရန် တောင်းဆိုလိုက်ပါသည်။ ညှင်းပန်းနှိပ်စက်ခြင်းကို ခံနေ ကြရသော ခရစ်ယာန်များကို ကာကွယ်ရန်အတွက် မိမိတို့၏တောင်းဆိုချက်ကို ပြုလုပ်ရာတွင် ပြည်တွင်းစစ်၊ ကစဉ့်ကလျား ဖြစ်မှုနှင့်အကြမ်းဖက် တိုက်ခိုက်မှုကို ခံနေကြရသော တခြားဘာသာဝင်များအပေါ်တွင်လည်း စာနာသနားကြောင်းကို ဖော်ထုတ် လိုပါသည်။
၁၀။ ဘာသာပေါင်းစုံတွေ့ဆုံဆွေးနွေးခြင်းသည် ရှုပ်ထွေးသောယနေ့ခေတ်ကြီးတွင် မရှိမဖြစ်လိုအပ်ပါသည်။ ဘာသာတရားဆိုင်ရာ အမှန်တရားများအပေါ် ကွဲပြားသော နားလည်မှုသည် ငြိမ်းချမ်းစွာနှင့်သဟဇာတမျှတစွာ နေထိုင်နိုင်ရန်အတွက် ကွဲပြားသော ယုံကြည်သက်ဝင်သူတို့အား မဟန့်တားသင့်ပေ။ ရာဆိုးမှုကို ဘာသာရေးဆိုင်ရာအယူအဆဖြင့် တရားဝင်သည်ဟူသော ကြိုးစား လုပ်ဆောင်ခြင်းသည် လုံးဝလက်ခံနိုင်စရာ မရှိပေ။ မြတ်စွာဘုရားသခင်၏နာမတော်ကို အသုံးပြုပြီး မည်သည့်ရာဆိုးမှုကိုမျှ မပြုလုပ်ရပေ။ အကြောင်းရင်းကား၊ မြတ်စွာဘုရားသခင်သည် ငြိမ်းချမ်းခြင်း၏ဘုရား ဖြစ်တော်မူသည် (၁ကော်ရင့် ၁၄း၃၃)။
၂၄။ အောက်သဒေ့ါနှင့်ကက်သလစ်ခရစ်ယာန်ဘာသာဝင်များသည် နှစ်ပေါင်း (၁၀၀၀) က သာသနာတော်၏ထုံးထမ်းအစဉ်အလာ ကို ဝေမျှရာတွင်သာ စည်းလုံးသည်သာမက၊ ယနေ့ခေတ်ကမ်္ဘာကြီးထဲတွင်လည်း ယေဇူးဘုရားရှင်မြတ်၏ နှုတ်ထွက်စကားတော် ကို ဟောကြားရန်တာဝန်တွင်လည်း စည်းလုံးနေကြပါသည်။ ၎င်းတာဝန်သည် ခရစ်ယာန်မိသားစုဝင်များအကြားတွင် အပြန် အလှန်လေးစားကြရမည်ဖြစ်ပြီး တခြားသူကို မိမိဘာသာထဲသို့ အတင်းပြောင်းစေခြင်းကို ဆန့်ကျင်သည်။ မိမိတို့ဘာသာနှစ်ခု သည် ပြိုင်ဖက်များ မဟုတ်၊ ညီအစ်ကိုများသာ ဖြစ်ကြကြောင်းနှင့် ဤခံယူချက်က မိမိတို့၏အပြန်အလှန်ပြုမူဆောင်ရွက်ချက် များနှင့်ကမ်္ဘာကြီးနှင့်သက်ဆိုင်သော အရာများကို လမ်းညွန်ပေးမည်ဖြစ်သည်။ ကျွန်ုပ်တို့သည် တကမ်္ဘာလုံးရှိ ကက်သလစ်နှင့် အောက်သဒေါ့ ခရစ်ယာန်များအားလုံးအား ချစ်ခင်စွာနှင့်ငြိမ်းချမ်းစွာဖြင့် အတူတကွ နေထိုင်ကြပြီး အချင်းချင်း စည်းလုံးစွာ နေထိုင်ကြရန် တိုက်တွန်းအပ်ပါသည် (ရောမ ၁၅း၅)။ ထိုနည်းတူစွာပင် မိမိတို့၏ လွတ်လပ်စွာကိုးကွယ် ယုံကြည်ခွင့်နှင့် ထုံးတမ်းဓလေ့များကို ငြင်းဆန်ပြီး တခြားသောဘာသာဝင်များကို အသင်းတော်တစ်ခုမှတခြားသော အသင်းတော်တစ်ခုသို့ ကူးပြောင်းရန်အတွက် မသာမာသော နည်းလမ်းများအား အသုံးပြုခြင်းကို ဆန့်ကျင်ပါသည်။ ကျွန်ုပ်တို့သည် ရဟန်္တာပေါလူး၏ သွန်သင်ချက်ဖြစ်သော ““ငါသည်အခြားသူများ ချခဲ့သည့်အုတ်မြစ်အပေါ်တွင် တည်ဆောက်ရန်အလိုမရှိသောကြောင့်၊ ခရစ်တော်၏နာမတော်ကို မကြားဖူးသေးသောအရပ်ဒေသတို့၌ ဧဝံဂေလိသတင်းကောင်းကို ဟောပြောခြင်းဌာ ရည်ရွယ်၍ ကြိုးစားဆောင်ရွက်ခဲ့ပါ၏။ ရောမ ၁၅း၂၀”” ဟူသောကျင့်စဉ်ကို လက်တွေ့ကျင့်ကြံကြရန် ဖိတ်ခေါ်ခြင်း ခံကြရပါသည်။
၂၅။ ကျွန်ုပ်တို့နှစ်ဦးတို့၏ ယခုတွေ့ဆုံခြင်းသည် ဂရိကက်သလစ်ခရစ်ယာန်များနှင့်အောက်သဒေါ့များအကြားတွင် ရှိနေသော တင်းမာမှုများကို ပြန်လည်ကျေအေးစေရန်အတွက် အထောက်အကူ ဖြစ်စေမည်ဟု မျှော်လင့်ကြပါသည်။ ဘာသာနှစ်ခုအကြား တွင် စည်းလုံးမှုရှိသည်ဟူသော နားလည်မှုအပေါ် အသင်းတော်တစ်ခုမှ ခွဲထွက်ခြင်းကို ဖြစ်ပေါ်စေသော အတိတ်ကာလအပေါ် စည်းလုံးပြီးအနာဂါတ်တွင် ပေါင်းစည်းရန်လုပ်ဆောင်သည့်မူဝါဒ ကညငအေငျာ သည် စည်းလုံးခြင်းကို ပြန်လည်တည်ဆောက် စေသော နည်းလမ်းမဟုတ်သည်ကို ယနေ့တွင် သိသာထင်ရှားပြီး ဖြစ်သည်။ သို့သော်လည်း ၎င်းသမိုင်းဝင်ဖြစ်ရပ်များတွင် ဖြစ်ပျက်ခဲ့သော ဘာသာရေးအဖွဲ့အစည်းများတွင် အိမ်နီးနားချင်းများအကြား ငြိမ်းချမ်းစွာနေထိုင်ခြင်းကို ရှာဖွေရင်း၊ ရှင်သန်ကြီး ထွားခွင့် ရှိကြခြင်းနှင့် ဘာသာဝင်များ၏ဝိညာဉ်ရေးရာ လိုအပ်ချက်များအတွက် လိုအပ်သောအရာများကို ဖော်ဆောင် လုပ်ဆောင်နိုင်ကြပေ သည်။ အောက်သဒေါ့များနှင့်ဂရိကက်သလစ်များသည် ပြန်လည်ကျေအေးခြင်းနှင့် အတူတကွနေထိုင် စေမည့် အပြန်အလှန်လက်ခံ သည့်ပုံစံများကို လိုအပ်နေကြဆဲ ဖြစ်ပေသည်။
၂၆။ မိမိတို့နှစ်ဦးသည် ငြိမ်းချမ်းစွာနေထိုင်ကြသော ယူကရိန်းနိုင်ငံသားများအပေါ်တွင် ဖြစ်ပေါ်နေသော ရန်လိုတိုက်ခိုက် မှုကြောင့် ဖြစ်ပေါ်စေသော ဒုက်္ခသည်များ၊ ပြောမရနိုင်သော အနာတရများကြောင့် ၎င်းတို့၏လူမှုအသိုင်းအဝိုင်းများကို ဆိုးဝါးသော စီးပွားရေးနှင့်နက်ရှိုင်းသော လူမှုရေးပြသာနာများကို ဖြစ်ပေါ်စေသော ရန်လိုတိုက်ခိုက်နေမှုတို့ကို ဝမ်းနည်းတော်မူကြပါသည်။ ကျွန်ုပ်တို့သည် ယူကရိန်းနိုင်ငံတွင် ရှိနေကြသော မိမိတို့၏အသင်းတော်များအား လူမှုရေးညီညွတ်ခြင်းကို လုပ်ဆောင်ကြ ရန် နှင့်အပြန်အလှန်ထိပ်တိုက်ရင်ဆိုင်ခြင်းကို ရှောင်ရှားကြရန်နှင့် ပဋိပက်္ခများကို ဆက်လက်ဖြစ်ပေါ်စေသော လုပ်ရပ်များကို အားမပေးကြရန် ဖိတ်ခေါ်အပ်ပါသည်။
၂၇။ မိမိတို့နှစ်ပါးသည် ယူကရိန်းနိုင်ငံရှိ အောက်သဒေ့ါခရစ်ယာန်ဘာသာဝင်များအကြားတွင် ရှိနေသော ဂိုဏ်းခွဲခြင်းဝါဒသည် လက်ရှိကျင့်သုံးနေသော ကာနွန်ဥပဒေများမှတဆင့် ကျော်လွှားနိုင်ပြီး၊ ယူကရိန်းနိုင်ငံရှိအောက်သဒေါ့ခရစ်ယာန်များအားလုံး သည် ငြိမ်းချမ်းစွာ နှင့်စည်းလုံးစွာ နေထိုင်နိုင်ကြရန်နှင့် ၎င်းနိုင်ငံရှိကက်သလစ်ခရစ်ယာန်များအားလုံးသည်လည်း ငြိမ်းချမ်းစွာ နှင့်စည်းလုံး စွာ နေထိုင်နိုင်ခြင်းအပေါ် ခရစ်ယာန်ညီအစ်ကိုများဖြစ်နေခြင်းကို သက်သေထူရင်း ကူညီပေးကြမည်ဟု မျှော်လင့်ပါ သည်။
၂၈။ ယနေ့ခေတ်ကမ်္ဘာကြီးထဲတွင် ပုံစံမျိုးစုံထဲတွင် တူညီသောပန်းတိုင်ကို မျှဝေရာတွင် စည်းလုံးနေသော ကက်သလစ်ဘာသာဝင် များနှင့်အောက်သဒေါ့များသည် ကယ်တင်ခြင်း၏သတင်းကောင်းကို ဟောပြောရာတွင် ညီအစ်ကိုရင်းပမာ လက်တွဲလုပ်ဆောင် ကြရန်နှင့် ““ကမ်္ဘာကြီးက ယုံကြည်လာရန် (ယောဟန် ၁ရး၂၁)””ဟူသော ပုထုဇဉ်လူသား၏ စစ်မှန်သော လွတ်လပ်ခွင့်နှင့်ကိုယ် ကျင့်သိက်္ခာတို့ကို အတူတကွ သက်သေခံရန် ဖိတ်ခေါ်ခြင်းကို ခံကြရပေသည်။ ပုထုဇဉ်လူသားတို့၏ ဝိညာဉ်ရေးကျင့် စဉ်များ ပျောက်ကွယ်နေသော ကမ်္ဘာကြီးသည် လူသားနှင့်လူမှုရေးဆိုင်ရာဘဝသက်တာ၏ကဏ္ဍအစုံတွင် ခရစ်ယာန်များ၏မဖြစ်မနေ သက်သေခံခြင်းကို မိမိတို့ထံမှ တောင်းဆိုနေလေသည်။ ပုထုဇဉ်လူသား၏အနာဂါတ်တစ်ခုလုံးနီးပါးသည် ခက်ခဲသောအချိန် ကာလများ ထဲတွင် အမှန်တရား၏ဝိညာဉ်တော်ဘုရားကို မျှဝေသက်သေခံကြမည့် မိမိတို့၏စွမ်းဆောင်ရည်ပေါ်တွင် မူတည် နေလေသည်။ ၀၀၂ ဝင်းလှိုင်ဦး
ရဟန်းမင်းကြီးဖရန်စစ် ကီရီလ်
ရောမမြို့၏ဆရာတော် ဂိုဏ်းအုပ်ဆရာတော်
ကက်သလစ်သာသနာတော်၏ရဟန်းမင်းကြီး မော်စကိုမြို့နှင့်ရုရှားနိုင်ငံအားလုံး
၂၀၁၆ ခုနှစ်၊ ဖေဖော်ဝါရီလ (၁၂)၊ ဟာဗားနားမြို့၊ ကျူးဘားနိုင်ငံ
1360 Views
