မြန်မာနိုင်ငံဆိုင်ရာ ဗာတီကန်နိုင်ငံသံရုံးကို ရန်ကုန်မြို့၊ ခဝဲခြံ၊ မင်းသုံးပါးဘုရားကျောင်းနားရှိ အိမ်တွင် ဖွင့်လှစ်ရန် လျာထားသည်ဟု ကာဒီနယ်ချားလ်စ်ဘိုက ပြောကြားတော်မူ

ရန်ကုန် ဇူလိုင် ၂၅၊ ၂၀၁၆

ရန်ကုန်ကာဒီနယ်ချားလ်စ်ဘိုက မြန်မာနိုင်ငံဆိုင်ရာ ဗာတီကန်နိုင်ငံသံရုံးကို ရန်ကုန်မြို့၊ ခဝဲခြံ၊ မင်းသုံးပါးဘုရားကျောင်းနားရှိ အဆောက်အဦး (ယခင်ဆရာတော်ကြီး မန်းဂါဗြီအဲလ် အနားယူခဲ့သောအိမ်) ကို သံရုံးအဖြစ် ပြောင်းလဲဖွင့်လှစ်အသုံးပြုရန် လျာထား သည်ဟု ကာဒီနယ်ချားလ်စ်ဘိုက ဂလိုရီယာသတင်းဂျာနယ်သို့ ဇူလိုင်လ (၁) ရက်နေ့က မိန့်ကြားတော်မူသည်။

ဂလိုရီယာသတင်းဂျာနယ်၏အယ်ဒီတာချုပ်က မြန်မာနိုင်ငံတွင် ဗာတီကန်နိုင်ငံသံရုံး ဖွင့်လှစ်နိုင်မည့်အခြေအနေကိုမေးမြန်းရာတွင် ကာဒီနယ်ဘိုက “ဗာတီကန်နိုင်ငံဘက်မှာတော့ အဆင်သင့်ရှိနေပါပြီ။ ဒါပေမယ့် မြန်မာအစိုးရဘက်ကျတော့ အခုမှ တာဝန်ယူခါစ ဆိုတော့ ဒေါ်အောင်ဆန်းစုကြည်တို့ဘက်ကလည်း ဦးစားပေးရမယ့်အလုပ်တွေ များနေတာတွေ၊ စနစ်တကျလုပ်နေ တာတွေကြောင့် စောင့်ပေးရတာဖြစ်ကြောင်း” ဖြင့် အမိန့်ရှိတော်မူသည်။

ဆက်လက်ပြီး သံရုံးနေရာနှင့်စပ်လျဉ်းပြီး မြန်မာနိုင်ငံဆိုင်ရာဗာတီကန်နိုင်ငံသံရုံး ကို မည်သည့်နေရာတွင်ဖွင့်လှစ်ရန် လျာထားသနည်း ဟုမေးမြန်းရာတွင် ရန်ကုန်ကာဒီနယ် ချားလ်စ်ဘိုက “ရန်ကုန်သာသနာ ပိုင်ထားတဲ့အဆောက်အဦတွေက မြို့လယ်ခေါင်မှာ သုံးလေးခု လောက်ရှိပါတယ်။ အဲဒီထဲကမှ အင်းစိန်၊ ရန်ကုန်နည်းပညာ တက္ကသိုလ်နားနှင့် မင်းသုံးပါး ဘုရားကျောင်းအကြားက ပျံလွန် တော်မူသော ဆရာတော်ကြီး မန်းဂါဗြီအဲလ် အနားယူခဲ့တဲ့အိမ်ကို ဗာတီကန်သံရုံးအဖြစ် အသုံးပြု သွားဖို့လျာထားပါတယ်”” ဟု ဖြေ ကြားပေးတော်မူသည်။

ဗာတီကန်နိုင်ငံသည် ကက်သလစ်ခရစ်ယာန်ဘာသာတရား၏ ဌာနချုပ်တည်ရှိသော နိုင်ငံဖြစ် လေရာ နိုင်ငံရေးသမားတချို့က ဗာတီကန်နိုင်ငံကို နိုင်ငံရေး ယောင်ဆောင်သော ဘာသာရေး နိုင်ငံဟု ခေါ်ဝေါ်သမုတ်ကြလေ သည်။ မြန်မာနိုင်ငံသည် ယခု အချိန်ထိ ဗာတီကန်နိုင်ငံနှင့် တရားဝင် သံတမန်ဆက်သွယ် ခြင်းမရှိသောကြောင့် ဗာတီကန် နိုင်ငံက မြန်မာနိုင်ငံအတွင်းရှိ ကက်သလစ် သာသနာတော်နှင့် သက်ဆိုင်သောလုပ်ငန်းများကို လုပ်ဆောင်ရန်နှင့် မြန်မာနိုင်ငံ တွင်လိုအပ်သော ကက်သလစ် ဆရာတော် တစ်ပါးပါးကို ရွေးချယ် ရာတွင် လိုအပ်သောစုံစမ်းမှုများ ကိုမူ ထိုင်းနိုင်ငံဆိုင်ရာ ဗာတီကန် သံရုံးမှ သံအမတ်နှင့် သံတမန် များက တာဝန်ယူလုပ်ဆောင်ပေး နေကြရပါသည်။

ဗာတီကန်နိုင်ငံသည် သံရုံးများကို ဖွင့်လှစ်ရာတွင် ဗီဇာထုတ် ပေးနိုင်သောသံရုံးနှင့် ဗီဇာ မ ထုတ်ပေးနိုင်သော သံရုံးဟူ၍ အဆင့်နှစ် မျိုးခွဲခြားထားသည်ဟု သိရပါသည်။ ဗီဇာထုတ်ပေးနိုင် သော သံရုံးအဆင့်ကို “ဗာတီကန် သံရုံး” Vatican Embassy ဟု သတ်မှတ်က ဗီဇာမထုတ်ပေးနိုင် သော သံရုံးအဆင့်ကို “ရဟန်းမင်း ကြီးကိုယ်စားလှယ်ရုံး” Apostolic Nunciature နွမ်ဆီယာချာဟု သတ်မှတ်ပြီး ထိုင်းနိုင်ငံရှိ ဗာတီကန်သံရုံးသည် ဗာတီကန်သို့သွား ရောက်လိုသူများကို ဗီဇာထုတ် ပေးနိုင်ခွင့်မရှိသော သံရုံးအဖြစ် ရဟန်းမင်းကြီးက သတ်မှတ်ပေး ထားသည်။

ရန်ကုန်မြို့တွင် လာရောက် ဖွင့်လှစ်ရန်တာစူနေသော ဗာတီ ကန်သံရုံးသည် ဗီဇာထုတ်ပေးခွင့် မရှိသေးသည့် သံရုံးအဆင့်   Apostolic Nunciature ဖြစ်နိုင် ချေများသည်ဟု စာရေးသူ ခန်း မှန်းထားပါသည်။ ထို့ကြောင့် ဗီဇာ မထုတ်ပေးနိုင်သောအဆင့်သာ  ရှိသေးသည် ဗာတီကန်သံရုံးရှိရာ နိုင်ငံများတွင်မူ ဗာတီကန်နိုင်ငံ နှင့် အီတလီနိုင်ငံတို့၏ သဘော တူညီချက်အရ ဗာတီကန်သို့ သွား ရောက်လို သူများသည် ဗာတီကန် ဗီဇာကို ဗာတီကန်သံရုံး၏ ထောက်ခံချက်ဖြင့် အီတလီသံရုံး တွင် လျှောက်ထားကြရသည်။

ဗာတီကန်နိုင်ငံသည် နိုင်ငံ တကာဆက်ဆံရေးတွင်မူ သံတမန်ဆက်သွယ်မှုအများဆုံးသော နိုင်ငံအဖြစ် ရပ်တည်လျက်ရှိပြီး ကမ္ဘာ့နိုင်ငံပေါင်း (၈၄) နိုင်ငံများ တွင် ဗီဇာထုတ်ပေးနိုင်သော ဗာတီကန်သံရုံးနှင့် (၁၁၆) နိုင်ငံ တွင်မူ ဗီဇာမထုတ်ပေးသော ဗာတီကန်သံရုံးတို့ကို ဖွင့်လှစ်ထား နိုင်သော နိုင်ငံတစ်ခုဖြစ်လေ သည်။        ဝင်းလှိုင်ဦး

3373  Views