မြန်မာနိုင်ငံအစိုးရက ဗာတီကန်နိုင်ငံ (ရဟန်းမင်းကြီးရုံး) သံရုံးကို ရန်ကုန်မြို့၌ ဖွင့်လှစ်ခွင့်ပြုလိုက်ပြီ
နေပြည်တော်၊ မတ်လ ၁၁၊ ၂၀၁၇
ပြည်ထောင်စု သမ္မတ မြန်မာနိုင်ငံ၊ ပြည်ထောင်စုလွှတ်တော်က ဗာတီကန်နိုင်ငံ (ရဟန်းမင်းကြီးရုံး) နှင့်သံတမန်ဆက်ဆံရေး ထူထောင် ရန် ဗာတီကန်နိုင်ငံ၏ အဆိုပြုချက်ကို မတ်လ (၁၀) ရက်နေ့က အတည်ပြုလိုက်ပြီး ဖြစ်သည်။
ဗာတီကန်နိုင်ငံ (ရဟန်းမင်းကြီးရုံး)သည် သံတမန်ဆက်ဆံမှုကို ထူထောင်ရန်အတွက် အဆိုပြုလွှာကို မြန်မာအစိုးရအား ဖေဖော်ဝါရီလ (၈) ရက်နေ့က နိုင်ငံတော် အတိုင်ပင်ခံပုဂ်္ဂိုလ်၊ နိုင်ငံခြားရေး ဝန်ကြီးဖြစ်သော ပြည်ထောင်စုဝန်ကြီး ဒေါ်အောင်ဆန်းစုကြည်၏ လက်ထဲသို့ တရားဝင်ပေးအပ်လိုက်ပြီဖြစ်ကြောင်းသတင်းရရှိပါသည်။
၎င်းအဆိုပြုလွှာကို ထိုင်းနိုင်ငံ၊ ဘန်ကောက်မြို့တွင် ဖွင့်လှစ်ထားသောဗာတီကန်သံရုံးမှ ထိုင်းနိုင်ငံဆိုင်ရာဗာတီကန်သံအမတ်ကြီး၊ မြန်မာနိုင်ငံ၏ ရဟန်းမင်းကြီး ကိုယ်စားလှယ် ဖြစ်တော်မူသော ဂိုဏ်းချုပ် ဆရာတော်ကြီး ပေါလ်အန်ဆန်းသည် ရန်ကုန်ကက်သလစ် ဂိုဏ်း ချုပ် ဆရာတော်ကြီး ကာဒီနယ်ချားလ်စ်ဘို၊ မြန်မာနိုင်ငံ ကက်သလစ် ဆရာတော်ကြီးများ အဖွဲ့ချုပ်၏ အတွင်းရေးမှူးဖြစ်သောဘုန်းတော်ကြီး မောရစ်ညွှန့်ဝေတို့ လိုက်ပါလျက် ဒေါ်အောင်ဆန်းစုကြည်အား သူမ၏ နေပြည်တော် အိမ်တွင် သွားရောက် တွေ့ဆုံရင်း ပေးအပ် တော်
မူခဲ့ခြင်းဖြစ်သည် ဟု ကာဒီနယ် ချားလ်စ်ဘိုက အမိန့်ရှိတော်မူသည်။
ဤကဲ့သို့သော အဆိုပြုလွှာနှင့် စပ်လျဉ်းပြီးမေးမြန်းရာတွင် ကာဒီနယ် ချားလ်စ်ဘိုက “တကယ်တော့ စစ်အစိုးရ လက်ထက်ကတည်းက ဗာတီကန် သံရုံးကို ရန်ကုန်မှာ ဖွင့်လှစ်နိုင်ဖို့ ဗာတီကန်ဘက်က စတင်ခဲ့ပေမယ့် စစ်အစိုးရက ခဏစောင့်ပါအုံးဟူ၍သာ အဖြေပေးခဲ့ အဖြေပေးခဲ့ကြောင်း၊ ဒါပေမယ့် ဒေါ်အောင်ဆန်းစုကြည် ပါတီက အုပ်ချုပ်ရေးတာဝန်ကို ရလာတဲ့အခါမှာတော့မိမိဖက် ဗာတီကန် သံရုံး ကို မြန်မာနိုင်ငံမှာ ဖွင့်လှစ်နိုင်ဖို့ (၂) ခါတိတိ ပြောဆိုဆွေးနွေးခဲ့ပြီးနောက် ဒေါ်အောင်ဆန်းစုကြည်ဘက်ကလည်း လက်ခံတာမို့ ရဟန်းမင်းကြီး
ကိုယ်စားလှယ်က ဗာတီကန် နိုင်ငံ၏ လုပ်ထုံးလုပ်နည်းအတိုင်း အဆိုပြုလွှာကိုလာရောက် ပေးအပ်သလို မြန်မာအစိုးရ ဘက်က ဖြည့်စွက်ဖြေကြားပေးရမည့် ပုံစံစာရွက်များကိုလည်း ဒေါ်အောင်ဆန်းစုကြည်ကို ပေးအပ်ခဲ့ပါတယ်” ဟု ဖေဖော်ဝါရီလ (၁၄) ရက်နေ့က ဂျိုးဇက်ဝင်းလှိုင်ဦးအား ဖြေကြားပေးတော်မူသည်။
ယခုကဲ့သို့သော ဗာတီကန်နှင့် မြန်မာအစိုးရအကြားတွင် သံတမန် ထူထောင်နိုင်ရေးလုပ်ဆောင်မှုဖြစ်စဉ်ကို ကြည့်ရလျှင် ရန်ကုန်ကက် သလစ်ဂိုဏ်းချုပ်ဆရာတော်ကြီး ကာဒီနယ်ချားလ်စ်ဘိုက ကြားဝင် လုပ်ဆောင်ပေးခြင်းဖြစ်သည်ကို တွေ့ရှိရပါသည်။
ဗာတီကန်နိုင်ငံသည် နိုင်ငံခြား တိုင်းပြည်တစ်ခုခုနှင့် သံတမန်ထူထောင်ခြင်းကို လုပ်ဆောင်ရာတွင် ဗာတီကန်သံရုံး ဖွင့်လှစ် မည့်နိုင်ငံ ၌ရှိသော ၎င်းနိုင်ငံသူ/သားများအတွက် ကက်သလစ်သာသနာတော်အား လူမှုရေးလုပ်ငန်းများ၊ ပညာရေးလုပ်ငန်းများနှင့် ဘာသာရေးလုပ်ငန်းများကို လွတ်လပ်စွာ လုပ်ကိုင်ခွင့်ပေးရန်နှင့် အခွန်စည်းကြပ်ခြင်းများကို ကင်းလွတ်ခွင့် ပေးရန်စသော အချက်များကို ဦးစားပေး ဦးစားပေးဆွေးနွေးလျက်ရှိကြောင်း သိရှိရပါသည်။
ကက်သလစ်သာသနာတော်၏ဗဟိုဌာနချုပ်ဖြစ်သော ဗာတီကန်နိုင်ငံသည် ကမ္ဘာ့ နိုင်ငံပေါင်း (၁၁၆) နှင့်သံတမန် အဆက်အသွယ်ရှိပြီး (၈၅) နိုင်ငံကို ဗာတီကန် နိုင်ငံတွင် သံရုံးဖွင့်လှစ်ခွင့်ပြုသည်ဟု ၂၀၁၇ ခုနှစ်၊ ဇန်နဝါရီလထုတ် ဗာတီကန်စာရင်းများအရ သိရသည်။ ထို့အပြင် ကက်သလစ်သာသနာတော်၏ ဗဟိုဌာနချုပ်ဖြစ်သော ဗာတီကန်နိုင်ငံသည် ကမ္ဘာ့ နိုင်ငံပေါင်း (၁၁၆) ခု၌ လူသားများ၏ ဘဝကို ဘဝတိုးတက်အောင်မြင်ရေးအတွက်စာသင်ကျောင်းပေါင်း (၁၄၀၀၀၀) ခု၊ မိဘမဲ့ဂေဟာပေါင်း (၁၀၀၀၀) ခု၊ဆေးရုံပေါင်း (၅၀၀၀)၊ဆေး ဆေးခန်းပေါင်း (၁၆၀၀၀) ခုကို ဖွင့်လှစ်ပြီး ကက်သလစ်ခရစ်ယာန် ဘာသာဝင်များနှင့် တခြားသော ဘာသာဝင်များ အားလုံးကို တန်းတူ အကျိုးပြုနေပြီး တစ်နှစ်လျှင် ကန်ဒေါ်လာ သန်းပေါင်း (၄၀၀၀) ကို သုံးစွဲနေသော လူသားများ ဘဝ၏ ကောင်းစားရေး အတွက် ကမ္ဘာ့အကြီးဆုံးသာသနာတစ်ခုဖြစ်သည်ဟု သိရသည်။
1200 Views
