မယ်တော်မာရီယား၏ ဖာတီမာမြို့က လျှို့ဝှက်ချက် (၃) ကို မည်ကဲ့သို့ ဖော်ထုတ်ခဲ့သနည်း

ဗာတီကန်၊ မေလ ၄၊ CNA

၁၉၁၇ခုနှစ်က ဖာတီမာမြို့၌ သိုးကျောင်းသား (၃) ဦးတို့အား ကိုယ်ရောင်ထင်ရှားပြပြီး မိန့်ကြားခဲ့သော မယ်တော်မာရီယား၏ သတင်းစ ကားများထဲမှ လျှို့ဝှက်ချက် (၃) ခုမြောက်သည် အတိတ်ဖြစ်ရပ်ကို မိန့်ကြားသကဲ့သို့ လက်ရှိကာလတွင်လည်း လူသားများ၏ ကောင်း သောအကျင့်တရားသို့ ပြောင်းလဲနေထိုင်ရမည်ကို သတိပေးနေသည်ဟု ဗာတီကန်နိုင်ငံခြားရေးဝန်ကြီး ဟောင်းရဟန်းအမတ် တာစီစီအို ဘာတိုနီက မေလ (၁၂) ရက် နေ့ က မိန့်ကြားတော်မူလိုက်သည်။

ရဟန်းမင်းကြီးယော ဟန်ပေါလူး (၂) ၏ တာဝန်ပေးချက်အရ ဗာတီကန်နိုင်ငံခြားရေးဝန်ကြီးဟောင်း ရဟန်းအမတ် တာစီစီအိုဘာတိုနီ သည်နောက်ဆုံး အသက်ရှင်ကျန်ရစ်ခဲ့ပြီး ကက်သလစ်သီလရှင်အဖြစ်သို့ဝင်ရောက်သော သီလရှင်လူစီယား (ဖာတီမာမြို့၌ မယ်တော် ရူပါရုံပြခဲ့သော သိုးကျောင်းသား (၃) ဦးထဲမှတစ်ဦး) အား သွားရောက်တွေ့ဆုံပြီး သူမတို့ သုံးဦးအား မယ်တော်၏ မိန့်ကြားချက်များကို မေးမြန်းတွေ့ဆုံခဲ့ သူဖြစ်သည်။ ထိုသို့တွေ့ဆုံပြီးနောက် သူမသည် မယ်တော်၏ မိန့်ကြားချက်များကို စာဖြင့်ရေးပြီး စာအိတ် ပိတ်ထား သောစာ တစ်စောင်ကို သူမ မသေဆုံးခင် ရဟန်းအမတ်တာစီစီအိုဘာတိုနီအား ပေးအပ်ခဲ့သည်။ မေရီ (မယ်တော်မာရီယား) သည် ၁၉၁၇ ခုနှစ်၊ မေလ (၁၇) ရက် နေ့မှ အောက်တိုဘာလ (၁၇) ရက်နေ့ အထိ ဘုရားရွေးချယ်ပေးသော နေ့များတွင် (၆) ကြိမ်တိုင်တိုင်၊ ဖာတီမာမြို့၌ သိုးကျောင်းသား  (၃) ဦးတို့အား ရူပါရုံထင်ရှားပြတော်မူခဲ့သည်။

သီလရှင်လူစီးယားအား တွေ့ဆုံခြင်းနှင့် စပ်လျဉ်းပြီး ရဟန်းအမတ်ဘာတိုနီက “မယ် တော်မာရီယား၏ လျှို့ဝှက်ချက် (၁) နှင့် (၂) တို့က ကက်သလစ်သာသနာတော်နဲ့ ရဟန်းမင်းကြီးတို့ ကြုံတွေ့လာမယ့် ဖိနှိပ်ချုပ်ချယ်ခြင်းနဲ့ အန္တရာယ်များအကြောင်းနှင့် ဒုတိယကမ္ဘာစစ်ဖြစ် ပွားမည့်အကြောင်းတို့ကို မိန့်ကြားထားတော်မူပြီး လျှို့ဝှက်ချက် (၃) ကိုတော့ မယ်တော်မာရီယားက မိမိကို ဖော်ထုတ်ပြော ဆိုခွင့်မပြု ထားကြောင်းဖြင့် လူစီယားက ပြောပြ သည်” ဟု ဖြေကြားပေးတော်မူသည်။ ထိုသို့လူစီယားက ပြောဆိုခြင်းကြောင့် ၎င်းလျှို့ ဝှက်ချက် (၃) ကိုမူ ရဟန်းမင်းကြီးနန်းတော်က ၁၉၉၉ ခုနှစ် အထိ ထိန်ချန်ထားခဲ့သည်။ သို့သော် ဗာတီကန်နန်းတော်က ၎င်းလျှို့ဝှက် ချက် (၃) ကို ၂၀၀၀ ခုနှစ်တွင်ထုတ်ဖော်လိုက်သည်။ ရဟန်းအမတ်တာစီစီ အိုဘာတိုနီက “ဖာတီမာ၏ မယ်တော်ရူပါရုံထင်ရှားပြခြင်းက ဘုရား သား တော်၏မိခင်သည် လူ့အဖြစ်ကိုယူဆောင်တော်မူပြီး ကျွန်ုပ်တို့၏မယ်တော် သခင်မသည် လူ့ဇာတိကို မစွန့်လွှတ်ကြောင်းကို သမိုင်း သက်သေကထူထားပြီဖြစ်ကြောင်း၊ မယ်တော်မာရီယားသည် လက်ရှိကာလတွင် တည်ရှိနေသကဲ့သို့ လူသားများကိုလည်း ကြည့်ရှု့ နေသည့်အပြင် သူမသည် မြတ်စွာဘုရားသခင်၏ သနားကြင်နာခြင်းကို အာမခံသူပေးသူနှင့် ကယ်တင်ခြင်းအတွက် ကြားဝင် ဖျန်ဖြေ ပေးသူဖြစ်ကြောင်းကို အတည်ပြုပေးသည်” ဟု မီးမောင်းထိုးပြတော်မူသည်။

၎င်းလျှို့ဝှက်ချက် (၃) တွင် “သီလရှင်လူစီးယားက ကက်သလစ်ခရစ်ယာန်ဘာသာဝင်များ၏ ဘုရားသခင်ထံတော်သို့ ပြောင်းလဲလာခြင်း  နှင့် သစ္စာရှိခြင်းအပေါ် ကက်သလစ်သာသနာတော်၏ လမ်းစဉ်များအကြောင်း၊ ၁၉၇၇ ခုနှစ်၊ ဇူလိုင် (၁၁) ရက်နေ့ကတွေ့ဆုံခဲ့သော ရ ဟန်းအမတ် ကာဒီနယ်အဲလ်ဘီနိုလူစီယားနီအား ရဟန်းမင်းကြီးအဖြစ် ၁၉၇၈ ခုနှစ်တွင် ရဟန်းမင်းကြီးယောဟန်ပေါလူး (၁) ဘွဲ့နာမ အဖြစ် ရွေးချယ်ခံရမည့်အကြောင်းနှင့် သူ၏ ရဟန်းမင်းကြီးသက်တမ်းသည် (၃၃) ရက်တာရှိမည့်အကြောင်းကိုလည်းကောင်း ထုတ်ဖော် ခဲ့သည်” ဟု ရဟန်းအမတ်ဘာတိုနီက မိန့်ကြားတော်မူခဲ့သည်။

ထို့နောက် ရဟန်းအမတ်ဘာတိုနီက “ရဟန်းမင်းကြီး ယောဟန်ပေါလူး (၂) က မိမိတို့ ရရှိထားသော ဖာတီမာမယ်တော်မာရီယား၏ လျှို့ ဝှက်ချက် (၃) ဟု အမည် ပေးထားသော စာရွက်စာတမ်းများသည် မှန်ကန်သော စာရွက်စာတမ်းများ ဟုတ် မဟုတ်ကို သီလရှင် လူစီး ယားအား မေးမြန်းပေးဖတ်စေရာ သူမက ၎င်းအစီရင်ခံစာကို စကားလုံးတစ်ခုစီ အသေးစိတ် သေချာဖတ်ရှုစစ်ဆေးပေးပြီး မှန် ကန် ကြောင်းကိုလက်မှတ်ထိုးစေခဲ့ကြောင်း” ဖြင့် ပြန်ပြောင်းမိန့်ကြားတော်မူသည်။

1023  Views