တချို့သောကက်သလစ်ဘုရားကျောင်းများတွင် ယိုယွင်းပျက်စီးနေသော ဝတ်ပြုကိုးကွယ်ခြင်း

ရန်ကုန်၊ မတ်လ ၆၊ ၂၀၁၉ (မတ်လထုတ်၊ ဂလိုရီယာသတင်းဂျာနယ်၏အယ်ဒီတာ့အာဘော်)

——————————————————————————————————-

(မှတ်ချက်။ ကက်သလစ်သာသနာတော်တွင် Parish ကို ““စီရင်စု၊ သာသနာ”” စသဖြင့် မြန်မာလို မျိုးစုံဘာသာပြန် ထားသောကြောင့် ဤနေရာတွင် ဏမေငျ့ ကို ရဟန်းပိုင်သာသာနာဘုရားကျောင်း”” ဟု အသုံးပြုထားပါသည်။)

 

ကက်သလစ်သာသနာရှိ တချို့သော ဏမေငျ့ ရဟန်းပိုင်သာသာနာဘုရားကျောင်းများတွင် ကျင့်သုံးနေသော ဝတ်ပြုကိုးကွယ်ခြင်းသည် ကက်သလစ်သာသနာတော်မှ ပြဌာန်းထားသော ဝတ်ပြုကိုးကွယ် ဝိနည်းများနှင့် သွေဖိနေပါသည်။ တချို့သော ဆရာတော်များနှင့်ရဟန်းတော်များသည် သာသနာတော်မှ ပြဌာန်း ထားသော မြန်မာဘာသာဖြင့် ဝိနည်းကို အသုံးမပြုကြသေးသကဲ့သို့ ဘာသာဝင်များကိုလည်း ဝတ်ပြုကိုးကွယ်ခြင်း နှင့်ပတ်သက်ပြီး သွန်သင်ပေးခြင်းလည်း မရှိကြပေ။

တချို့သော ဏမေငျ့ ရဟန်းပိုင်သာသာနာဘုရားကျောင်းများတွင် မစ်္ဆားပူဇော်ခြင်း ပြီးခါနီး၊ ရဟန်းက ကောင်းကြီးပေးသည့်အချိန်တွင် ဘာသာဝင်များသည် ဒူးထောက်ကာ ကောင်းကြီးကို ခံယူကြလေသည်။ ထိုကဲ့သို့ ပြုလုပ်ခြင်းကို ကက်သလစ်သာသနာတော်၏ဝိနည်းက ခွင့်မပြုထားပေ။ ကက်သလစ်သာသနာတော်၏ဝိနည်းက ခွင့်ပြုထားသော အမူအရာမှာ၊ မစ်္ဆားပူဇော်ခြင်း ပြီးခါနီး၊ ရဟန်းက ကောင်းကြီးပေးသည့်အချိန်တွင် ဘာသာဝင် များသည် မတ်တပ်ရပ်ရမည်ဟု သွန်သင်ပေးထားသည်။ ဤကဲ့သို့ လုပ်ဆောင်နေခြင်းကို ဆရာတော် ရဟန်းတော် များက တွေ့မြင်ကြသော်လည်း သက်ဆိုင်ရာ ကျောင်းထိုင်နှင့်လက်ထောက်ဘုန်းတော်ကြီးများက ဘာသာဝင်များ အား ဝတ်ပြုကိုးကွယ်ခြင်းတွင် ပြုလုပ်ရမည့်အမူအရာများနှင့်ပတ်သက်ပြီး မသွန်သင်၊ မပြင်ပေးကြပေ။

ယခုကဲ့သို့ ထောက်ပြခြင်းကို ရဟန်းတချို့က ““ဒါလေးနဲ့ဘာဖြစ်မှာ မို့လို့လဲ။ မီးခွက်ထွန်း အပြစ်ရှာတယ်”” ဟု စောဒကတက်စရာ ရှိပါသည်။ အမှန်ကား၊ ကက်သလစ်သာသနာတော်၏ဝတ်ပြုကိုးကွယ်နည်းသည် ရဟန်းများနှင့်ဘာသာဝင်များ၏ စိတ်ကြိုက်အတိုင်းပြုလုပ်ခြင်းမဟုတ်ဘဲ၊ ကက်သလစ်သာသနာတော်၏ ဝိနည်း အတိုင်း ကိုးကွယ်ခြင်း ဖြစ်သည်။

ထို့ကြောင့် ရဟန်းမင်းကြီးဖရန်စစ်အရှင်သူမြတ်က ကက်သလစ်သာသနာတော်၏ ဝတ်ပြုကိုးကွယ်ခြင်း သည် ခရစ်တော်ဘုရားနှင့်ကက်သလစ်ခရစ်ယာန်ဘာသာဝင်များ၏ တွေ့ဆုံခြင်း ဖြစ်ပြီး၊ ““ဝတ်ပြုကိုးကွယ်ခြင်းကို အရသာရှိခြင်း၊ ပျော်ရွှင်ခြင်း၊ စိတ်ပါဝင်စားခြင်းစသော အချက်များသို့ လျှော့ချပြီး လူ့ရဲ့ခံစားချက်အဆင့်ဖြင့် မသုံးသပ်သင့် ကြောင်း”” ဟောကြားတော်မူလိုက်သည်။
ဆက်လက်ပြီး ရဟန်းမင်းကြီးဖရန်စစ်က ““ဝတ်ပြုကိုးကွယ်ခြင်းဟူသည်မှာ မိမိနှစ်သက်သကဲ့သို့ ပြုမှုခြင်း မဟုတ်ဘဲ၊ အရှိတရားသည် စိတ်ကူးယဉ်ထက် ပိုပြီးအရေးကြီးပါကြောင်း၊ ဝတ်ပြုကိုးကွယ်ခြင်းရဲ့အနှစ်သာရကို တိုးတက်စေဖို့အတွက် ဝတ်ပြုကိုးကွယ်ခြင်း ဆိုင်ရာဝိနည်းစာအုပ်တွေကို ပြင်ဆင်ထုတ်ဝေပြီး ၎င်းစာအုပ်တွေကို ကက်သလစ်ဘာသာဝင်တွေအား ပေးဝေရောင်းချပေးရုံနှင့် မလုံလောက်ဘူး။ အရေးကြီးတဲ့အချက်က၊ ရဟန်းတွေနဲ့ကက်သလစ်ဘာသာဝင်တွေကို ဝတ်ပြုကိုးကွယ်ခြင်းနှင့်ဆိုင်သော အခြေခံအချက်များကို သင်ကြားပေးကြရမည်”” ဟု သတိပေးလိုက်တော်မူသည်။

 

ထို့ကြောင့် ကက်သလစ်သာသနာတော်က သတ်မှတ်ထားသော ဝတ်ပြုကိုးကွယ်နည်းကို လိုက်နာကျင့်သုံးကြရန်နှင့် ဝတ်ပြုကိုးကွယ်နည်းအား ဘာသာဝင် များကို သွန်သင်ပေးကြရန် ဆရာတော်နှင့် ရဟန်းတော်များအား ကျယ်လောင်သောအသံဖြင့် ဆော်သြလိုက်ပါသည်။ အယ်ဒီတာချုပ်

959  Views