ဘုရားသခင်က ဘာသာရေးကို စစ်ပွဲဆီ လမ်းညွှန်ပေးမှာ မဟုတ်ဘူးလို့ ပုပ်ရဟန်းမင်းကြီး ဖရန်စစ်ကပြောကြား

ယူကရိန်းကျူးကျော်မှုကို ကျောထောက်နောက်ခံပေးခဲ့တဲ့ ရုရှားသြသဒေါက်စ် ဘိုးဘေး Kirill ကို ပြတ်ပြတ်သားသား ဝေဖန်ပုံပေါ်တဲ့ ဘုရားသခင်က ဘာသာရေးကို စစ်ပွဲဆီ လမ်းညွှန်ပေးမှာ မဟုတ်ဘူးလို့ ပုပ်ရဟန်းမင်းကြီး ဖရန်စစ်က မိန့်ကြားတော်မူလိုက်သည်။

ကာဇက်စတန်တွင် ၎င်း၏ ဒုတိယမြောက်နေ့တွင် ရဟန်းမင်းကြီးဖရန်စစ်သည် ခရစ်ယာန်များ၊ ဂျူးများ၊ မွတ်ဆလင်များ၊ ဗုဒ္ဓဘာသာဝင်များ၊ ဟိန္ဒူများနှင့် အခြားဘာသာတရားများကို စုစည်းထားသည့် သတ္တမအကြိမ်မြောက် ကွန်ဂရက်တွင် မိန့်ခွန်းပြောကြားခဲ့သည်။

“ဘုရားသခင်သည် ငြိမ်သက်ခြင်းရှိတော်မူ၏။ သူက ငါတို့ကို ငြိမ်းချမ်းရေးလမ်းစဉ်မှာ အမြဲလမ်းပြတယ်၊ စစ်မဖြစ်ဘူး” ဟု ရဟန်းမင်းကြီးက ပြောသည်။

“ထို့ကြောင့် ကျွန်ုပ်တို့သည် အာဏာ၊ လက်နက်ခြိမ်းခြောက်မှုများဖြင့်မဟုတ်ဘဲ ပဋိပက္ခများကိုဖြေရှင်းရန် လိုအပ်ကြောင်းကို ကျွန်ုပ်တို့ကိုယ်တိုင် ကတိသစ္စာပြုကြပါစို့။ ကောင်းကင်ဘုံမှကောင်းချီးပေးကာ လူသားနှင့်ထိုက်တန်တဲ့ ရင်ဆိုင်ခြင်း၊ ဆွေးနွေးညှိနှိုင်းခြင်းနှင့် စိတ်ရှည်သည်းခံညှိနှိုင်းခြင်းများနှင့် ပဋိပက္ခများကိုဖြေရှင်းရန် လိုအပ်ကြောင်းကို ကျွန်ုပ်တို့ကိုယ်တိုင် ကတိပြုကြပါစို့ ” ဟု ရဟန်းမင်းကြီးက မိန့်ကြားတော်မူလိုက်သည်။

 

 

ရုရှားသြသဒေါက်အသင်းတော်၏ခေါင်းဆောင်ဖြစ်သော ကီရီးလ် Kirill သည် ရုရှားသမ္မတ ဗလာဒီမာပူတင်၏ “ယဇ်ပလ္လင်ကောင်လေး” မဖြစ်နိုင်ကြောင်း ယခုနှစ်အစောပိုင်းက ပြောကြားခဲ့သည့် ပုပ်ရဟန်းမင်းကြီးက ညီလာခံတွင် “မြင့်မြတ်သောအရာသည် အာဏာအတွက် ထောက်ကူဖြစ်မည်မဟုတ်သလို မြင့်မြတ်သောအရာအတွက် အထောက်အပံ့ဖြစ်စေရန် မည်သည့်အခါမျှ စွမ်းအားမရှိစေရဘူး” လို့ မိန့်ကြားတော်မူလိုက်သည်။

ခရစ်ယာန်များ၊ ဂျူးများ၊ မွတ်ဆလင်များ၊ ဗုဒ္ဓဘာသာဝင်များ၊ ဟိန္ဒူများနှင့် အခြားဘာသာတရားများကို စုစည်းထားသည့် သတ္တမအကြိမ်မြောက် ကွန်ဂရက်တွင် ရုရှားသြသဒေါက်အသင်းတော် (ROC) သည် ၎င်း၏ နံပါတ် ၂ မက်ထရိုပိုလီတန် အန်တိုနီ ဦးဆောင်သော ကိုယ်စားလှယ်အဖွဲ့ကို စေလွှတ်ခဲ့ပြီး နောက်ပိုင်းတွင် ပုပ်ရဟန်းမင်းနှင့် ခေတ္တတွေ့ဆုံခဲ့သည်။ Kirill သည် ရုရှား၏ ယူကရိန်းကို ကျူးကျော်ရန် စိတ်အားထက်သန်စွာ ကျောထောက်နောက်ခံပေးထားသည်။

525  Views