၁။ ဂလိုရီယာ သတင်းဂျာနယ် ၏အယ်ဒီတာချုပ်က မြန်မာနိုင်ငံ ကက်သလစ်ဆ ရာတော်ကြီးများ ၏အဖွဲ့ချုပ်ဥက္ကဌနှင့် ကလေးကက်သလစ်သာသနာ ၏ဂိုဏ်းအုပ် ဆရာတော်ကြီးဖြစ်တော် မူသောဆရာတော် ကြီးဖေးလစ်လျန်ခဲန်း ထန်နှင့်ရန်ကုန် ကက်သလစ်ဂိုဏ်း ချုပ်ဆရာတော် ကြီးကာဒီနယ် ချားလ်စ်ဘိုတို့အား ၂၀၁၇ ခုနှစ်၏ ဂုဏ်ပြု ထိုက်သောပုဂ်္ဂိုလ်များ အဖြစ်ရွေးချယ် လိုက်ပါသည်။
ဆရာတော်ကြီး နှစ်ပါးတို့သည် မြန်မာနိုင်ငံကက်သလစ်ဆရာတော်ကြီးများ၏အဖွဲ့ချုပ်အားပထမဆုံးအကြိမ်အဖြစ် မြန်မာနိုင်ငံကက်သလစ် ဆရာတော်ကြီးများ၏ အဖွဲ့ချုပ်၏ ၂၀၁၈ ခုနှစ်မှ၂၀၂၂ ခုနှစ်အထိ တိုင်းပြည်ပြန်လည်တည်ဆောက်ခြင်း(၅) နှစ်တာအစီအစဉ်ကိုလည်း ကောင်း၊ ဘာသာပေါင်း စုံငြိမ်းချမ်းညီလာခံကိုလည်း ကောင်း၊ ဦးဆောင်နိုင်ခဲ့ကြခြင်းတို့ကြောင့် ဂလိုရီယာသတင်းဂျာနယ်၏၂၀၁၇ ခုနှစ်အတွက် ဂုဏ်ပြုထိုက်သောပုဂ်္ဂိုလ်များအဖြစ်ရွေးချယ်လိုက်ရခြင်းဖြစ်ပါသည်။
၂။ ဂလိုရီယာ သတင်းဂျာနယ်၏ အယ်ဒီတာချုပ်က နိုင်ငံတော်သမ္မတ ဦးထင်ကျော်၏ (၆) သိန်းကျော်သော မြန်မာနိုင်ငံရှိ ကက်သလစ်ခရစ်ယာန် ဘာသာဝင်များ၏ လေး စားကြည်ညိုရသော ရဟန်းမင်းကြီးအား မြန်မာနိုင်ငံသို့ ကြွရောက်နိုင်ရန် ဖိတ်ခေါ်ပေးခဲ့ခြင်းကြောင့် ၂၀၁၇ ခုနှစ်၏ ဂုဏ်ပြုထိုက်သော ပုဂ်္ဂိုလ်အဖြစ်ရွေးချယ်လိုက်ပါသည်။
၃။ ဂလိုရီယာသတင်းဂျာနယ်၏ အယ်ဒီတာချုပ်က ကချင်ပြည်နယ်၊ မြစ်ကြီးနားကက်သလစ်သာသနာမှ သာမန်ကက်သလစ်ဘာသာဝင်ဖြစ်ပြီး ဂျိုးဇက်ပညာရေးကျောင်း (JEI) ၏ ကျောင်းသားဟောင်း တစ်ဦးဖြစ်သူ ဦးဂျိုးဇက်မြတ်စိုးလတ်အား ၂၀၁၇ ခုနှစ်၏ ဂုဏ်ပြုထိုက်သောပုဂ်္ဂိုလ်အဖြစ် ရွေးချယ်လိုက်ပါသည်။
ဦးဂျိုးဇက်မြတ်စိုးလတ်သည် ၂၀၁၇ ခုနှစ်၊ နိုဝင်ဘာလ ၂၇ ရက်မှ ၃၀ ရက်နေ့အထိ မြန်မာနိုင်ငံသို့ ကြွရောက်လာသော ရဟန်းမင်းကြီးဖရန်စစ်အရှင်သူမြတ်ကို ဖူးမျှော် နိုင်ရန်အတွက် ကချင်ပြည်နယ်မှ ဘုရားဖူးခရီးသည် (၃၇၀၀) ကျော်အား မီးရထားကို ကောင်းမွန်စွာစီးနှင်းနိုင်ကြရန်အတွက် ရထားတွဲဆိုင်း(၅) တွဲကို စွမ်းစွမ်းတမံ စီမံလုပ်ဆောင်နိုင်ခဲ့ခြင်းကြောင့်ဂလိုရီယာသတင်းဂျာနယ်၏ ၂၀၁၇ ခုနှစ်အတွက် ဂုဏ်ပြုထိုက်သောပုဂ်္ဂိုလ်အဖြစ် ရွေးချယ်လိုက်ရခြင်းဖြစ်ပါသည်။
၄။ ဂလိုရီယာသတင်းဂျာနယ်၏ အယ်ဒီတာချုပ်က ကယားပြည်နယ်မှ ကိုမာရီးယိုအား ၂၀၁၇ ခုနှစ်၏ ဂုဏ်ပြုထိုက်သောပုဂ်္ဂိုလ်အဖြစ် ရွေးချယ်လိုက်ပါသည်။ သူသည် ကယားပြည်နယ်တွင် ပြုလုပ်သော လွိုင်ကော် ငြိမ်းချမ်းရေးစကားဝိုင်းတွင် ပါဝင်ဆွေးနွေးသူ (၈) ဦးအနက်တစ်ဦးဖြစ်ပြီး ၎င်း၏ ဆွေးနွေးမှုများအပေါ် ဆွေးနွေးပွဲလာပရိသတ်များက သြဘာပေးခဲ့သည်။ ကိုမာရီးယိုက ကယားပြည်နယ်ရှိ ပြည်သူများ၏ဘဝကို အကျိုးမပြုသော မူဝါဒများကို အစိုးရက ပြုပြင်ပြောင်းလဲ လုပ်ဆောင်နိုင်ရန် ဒေါ်အောင်ဆန်းစုကြည်အား မကြောက်မရွံ့ ပြောပြနိုင်ခဲ့ခြင်းကြောင့် ကိုမာရီးယိုအား ရွေးချယ်လိုက်ရခြင်းဖြစ်ပါသည်။
၅။ ဂလိုရီယာသတင်းဂျာနယ်မှ ၂၀၁၇ ခုနှစ်၏ စံပြပုဂ်္ဂိုလ်အဖြစ် မိုးမိတ်မြို့နယ်တွင်နေထိုင်သော မလှလှထွေးကို ရွေးချယ်လိုက်ပါသည်။အသက် ၁၂ နှစ် အရွယ်သာ ရှိသေးသော မလှလှထွေးသည် ဘိန်းစွဲနေသော မိဘနှစ်ပါးကြောင့် အစာရေစာပြတ်လတ်ပြီး သေလုမျောပါးဖြစ်နေ ပြီဖြစ်သော (၆) ရက်သားသာ ရှိသေးသော ညီမကလေးနှင့် (၅) နှစ်သား မောင်လေးဘဝကို ကယ်တင်ရန်အတွက် မိဘတို့ကို တိုင်ပင်ခြင်းမပြုတော့ဘဲ ရဲရင့်သော ဆုံးဖြတ်ချက်ကို ချမှတ်ပြီး မိမိရွာမှ မိုင် (၃၀) ဝေး သော မိုးမိတ်ဆေးရုံသို့ ပြေးခေါ်လာသောကြောင့်ဤကဲ့သို့ ရွေးချယ်လိုက်ရခြင်း ဖြစ်ပါသည်။
၆။ ဂလိုရီယာသတင်းဂျာနယ်၏ အယ်ဒီတာချုပ်က ရန်ကုန်မြို့ စိန်မေရီကာဒီဒြယ် ကျောင်းထိုင်ဘုန်းတော်ကြီး ဖာသာရ် ဒေါမိနစ်သက်တင်အား ၂၀၁၇ ခုနှစ်၏ ဂုဏ်ပြုထိုက်သောပုဂ်္ဂိုလ်အဖြစ် ရွေးချယ်လိုက်ပါသည်။ သူသည် ကက်သလစ်ခရစ်ယာန် ကလေးငယ်များကို ဘာသာရေးဆိုင်ရာ သင်ကြားပေးခြင်း၌ ကောင်းမွန်ခြင်းနှင့် ရဟန်း မင်းကြီးခရီးစဉ်အတွင်း ဝတ်ပြု ကိုးကွယ်ခြင်းဆိုင်ရာဝတ်ရုံနှင့်အခမ်းအနား ပြင်ဆင်ခြင်းတို့တွင် အားကြိုးမာန်တက်စွာ လုပ်ဆောင်နိုင်ခဲ့ခြင်းကြောင့် ဂလိုရီယာသတင်းဂျာနယ်၏ ၂၀၁၇ ခုနှစ်အတွက် ဂုဏ်ပြုထိုက်သောပုဂ်္ဂိုလ်အဖြစ် ရွေးချယ်လိုက်ရခြင်း ဖြစ်ပါသည်။
ဂလိုရီယာ သတင်းဂျာနယ်ကို ဖေ့စ်ဘုတ်မှ လည်းကောင်း၊ ဂျာနယ် အင်တနက်စာမျက်နှာ မှလည်းကောင်း၊ ပုံနှိပ်စာရွက်မှ လည်းကောင်း ဝယ်ယူဖတ် ရှုအားပေးကြ ပါသော ပြည်တွင်းပြည်ပရှိဂျာနယ်ဖတ် ပရိသတ်များ အားလုံးကို ၂၀၁၈ ခုနှစ်တွင် လိုရာဆန်္ဒပြည့်ဝလျက် လူမှုဘဝအဖြာဖြာ အောင်မြင်ကြ ပါစေကြောင်းဖြင့် နှုတ်ခွန်းဆက်သ လိုက်ပါတယ်။
ထုံးစံအတိုင်း နှစ်စဉ် ဇန်နဝါရီလကို ရောက်တိုင်း၊ ဂလိုရီယာ သတင်းဂျာနယ်၏ ထုတ်ဝေသူနှင့် အယ်ဒီတာ ချုပ်ဖြစ်သော ကျွန်တော့်အေ နဖြင့်၊ ၂၀၁၇ ခုနှစ်အ တွင်းက ဂလိုရီယာ သတင်းဂျာ နယ်၏ အရောင်း အဝယ်၊ ဖြန့်ချီမှုနဲ့ ဈေးနှုန်းများ (ဈေးကွက် အခြေအနေ) များကိုအ နည်းငယ်အစီရင်ခံလိုပါတယ်။
ဘာဖြစ်လို့ ဂလိုရီယာ သတင်းဂျာနယ်ရဲ့ စီးပွားရေး အခြေအနေကို ဂျာနယ်ဖတ်ပရိ သတ်များအား အစီရင်ခံရ သလဲဆိုရင်၊ ဒီဂျာနယ်ဟာ ခင်များတို့ဂျာနယ်ဖတ်ပရိသတ် များက အားပေးနေတဲ့ အတွက်ကြောင့် ရပ်တည်နိုင် တာဖြစ် တာမို့၊ ဒီဂျာနယ်ဟာ ခင်များတို့ပိုင် တဲ့ဂျာနယ် လည်း ဖြစ်တယ်လို့ ခံစားတဲ့အတွက် ဒီဂျာနယ်ရဲ့လက်ရှိ အခြေအနေကို ဂျာနယ်ဖတ် ပရိသတ်များလည်း သိသင့်တယ်လို့ ကျွန်တော့်အ နေနဲ့ ခံယူတဲ့အတွက် အစီရင်ခံခြင်း ဖြစ်ပါတယ်။
ဂလိုရီယာ သတင်းဂျာနယ်၏ ၂၀၁၇ ခုနှစ်အခြေအနေတွင်မူ၊ ဒီဂျာနယ်ကို ပိတ်ပင်ထားတဲ့ ကျိုင်းတုံ၊ ပုသိမ်နဲ့ မန်္တလေး ဆရာတော်ကြီး (၃) ပါးတို့ကတော့ (၂၀၁၅) ခုနှစ်ကနေ ဒီနှစ်အထိ ဆက်လက်ပိတ် ပင်ထား ဆဲ ဖြစ်ပါတယ်။ သို့သော် ၎င်းပိတ်ပင်ထားတဲ့သာသနာ (၃) ခုထဲမှ ဂလိုရီယာ သတင်းဂျာနယ်ကို ဝယ်ယူဖတ်ရှုလိုသူများက ဘုရားရှင်ရဲ့ လမ်းပြမှုကြောင့် တစ်နှစ်ပြီးတစ်နှစ် လူဦးရေတိုး လာပြီး ဖြန့်ချီပေး မယ့်သူများလည်း ဆက်လက်ပေါ်ထွက်လာကြပါတယ်။
ဂလိုရီယာ သတင်းဂျာနယ်ရဲ့ တစ်နိုင်ငံလုံးဈေးကွက် အခြေအနေ ကိုတင်ပြရသော် တချို့သောနယ်များ (လားရှိုး၊ ဖယ်ခုံ၊ တောင်ကြီးနဲ့ ဖားအံမြို့တို့) တွင်မူ ဂျာနယ်ကို ဖြန့်ချီရောင်းချပေးနေကြသူများက လူမှုဘ၀ အခြေအနေအကြောင့် တခြားနယ်များ သို့ပြောင်းသွားကြပြီး နောက် ၎င်းမြို့ (၄) ခုတွင်မူ ရောင်းချပေး မည့်သူများကို ထပ်မံရှာမရဖြစ်နေသေး ဖြစ်နေပါတယ်။
ဂလိုရီယာသတင်းဂျာနယ်၏အဓိကဝင်ငွေတစ်ခုဖြစ်သော ကြော်ငြာများကိုမူ ၂၀၁၆ ခုနှစ်ထက် (၂) ခု ထပ်ရရှိလာပြီး လစဉ်ကြော်ငြာထည့်သွင်းမှုသည် (၄) ခု ရှိလာပါတယ်။ နောက်ပြီးတော့ မြန်မာနိုင်ငံရှိ ကက်သလစ် ခရစ်ယာန်ဘာသာဝင်များနဲနိုင်ငံသားများကို ကက်သလစ်သာ သနာတော်ရဲ့သွင်သင်ချက်တွေ၊ လှုပ်ရှားမှုတွေနဲ့ဥပဒေ ပညာပေး ကဏ္ဍတွေကို တင်ဆက်ပေးနေတဲ့ ဂလိုရီယာသတင်းဂျာနယ်ကို လစဉ်ထုတ်ဝေနိုင်ဖို့အတွက် ကက်သလစ် ဘာသာရေးအဖွဲ့အစည်း တစ်ခုက (၂၀၁၇) ခုနှစ်မှာ ငွေကျပ်ကိုးဆယ်ခြောက်သိန်းတိတိ (၉၆၀၀၀၀၀) ကို ဂလိုရီယာ သတင်းဂျာနယ်တိုက်သို့ လှုဒါန်းခဲ့ပါတယ်။
ဂလိုရီယာသတင်းဂျာနယ်၏လက်ရှိစီးပွားရေးအခြေအနေကို တင်ပြရသော်၊ (၂၀၁၇) ခုနှစ်၏ အမြတ်ငွေသည် (၂၀၁၆) ခုနှစ်အမြတ်ငွေထက် ပိုများပြီး တချို့သောအမြတ်ငွေသည် ရဟန်းမင်းကြီး၏ မြန်မာနိုင်ငံခရီးစဉ်အတွက် ကျပ် (၁၅) သိန်းကို လှုဒါန်းပြီး ကျန်သောအမြတ်ငွေကိုမူ၊ ဂျာနယ်၏ရေရှည် ရပ်တည်နိုင်ရေးအတွက်ရည်ရွယ် ပြီး ဈေးနည်းသောမြေကွက်များကို ဝယ်ယူခြင်းဖြင့် ရင်းနှီးမြပ်နှံထားပါကြောင်းနှင့် ဤဂျာနယ်လုပ်ငန်းသည် တစ်နှစ်ထက် တစ်နှစ် ပိုပြီးကောင်းမွန်တိုးတက်အောင်မြင် နေကြောင်းဖြင့် ဂလိုရီယာသတင်းဂျာနယ်ကို ဝယ်ယူအား ပေးကြသူများအား အသိပေးလိုပါသည်။
ဂျာနယ်ဈေးနှုန်းနှင့်စပ်လျဉ်းပြီး အသိပေးလိုတာကတော့၊ ဂလိုရီယာသတင်းဂျာနယ်သည် (၂၀၁၈) ခုနှစ်မှာ လည်း လက်ရှိဖြန့်ချီဈေးနှုန်း (တစ်စောင်လျှင် ကျပ် ၆၀၀) အတိုင်းသာ ဆက်လက်ထုတ်ဝေဖြန့်ချီသွားမည် ဖြစ်ပါကြောင်း ဖြင့် အစီရင်ခံရင်း ဂလိုရီယာသတင်းဂျာနယ်ကို ဖတ်ရှုအားပေးနေကြသော မိတ်ဆွေများအားလုံးလည်း ၂၀၁၈ ခုနှစ်မှာ ဆက်လက်ဝယ်ယူအားပေးနေကြပါလို့ ဖိတ်ခေါ်ရင်း၊ ဤဂျာနယ်ကို အားပေးဖြန့်ချီရောင်းချပေးကြသော ဆရာတော်ကြီး များ၊ ရဟန်းတော်များ၊ သီလရှင်များ၊ ဓမ်္မဆရာ/မများနှင့် ဖတ်ရှုကြသောဘာသာတူညီအစ်ကိုမောင်နှများ အားလုံးကို အထူးကျေးဇူးတင်ရှိပါကြောင်းဖြင့် မှတ်တမ်းတင်ဂုဏ်ပြုလိုက်ပါသည်။
အယ်ဒီတာချုပ်
သြဂုတ်လ၊ ၂၁၊ ဝါရှင်တန်
အမေရိကန်နိုင်ငံရှိ သက်ကြီးရွယ် အိုများကို ကြည့်ရှု စောင့်ရှောက်ပေးနေသော “သေးငယ်သော သီလရှင်များအသင်းဂိုဏ်း ” ဟုအမည်ခံယူ ထားသော ကက်သလစ် သီလရှင် ဂိုဏ်းက အမေရိကန် တရားရုံး၏ ဆုံးဖြတ်ချက် ဖြစ်သော “ အမျိုးသမီးများအားလုံးသည် သန္ဓေတားဆေးကို အသုံးပြုရမည်ဟူသော ဆုံးဖြတ်ချက် ” အားကျင့်သုံးခြင်းကို ပယ်ဖျက်ပေးရန် သြဂုတ်လ (၂၁) ရက်နေ့က တရားရုံးသို့ အယူခံဝင်ခဲ့ကြသည်ဟု သတင်းရရှိသည်။ ၎င်းသီလရှင်များ၏ အယူခံဝင်မှုကို တရားရုံးက ပြန်လည်စဉ်းစားနိုင်ရန်တရားဝင် လက်ခံလိုက်ပြီဖြစ်ကြောင်း သတင်းရရှိသည်။၎င်းသီလရှင် အသင်းဂိုဏ်းသည် နှစ်ပေါင်း (၁၇၅) ခုနှစ်တိုင်တိုင်၊ သက်ကြီးရွယ်အိုများ၊ ဆင်းရဲသားများနှင့် သေလုမျောပါးဖြစ်နေသူ များကိုကြည့်ရှု စောင့်ရှောက်ခဲ့ သည်မှာ ယနေ့ တိုင်ပင်ဖြစ်ပေသည်။
တရားရုံး၏ ဥပဒေ သစ်ဖြစ်သော “ ကိုယ်ဝန်တားဆေး သုံးစွဲခြင်းအမိန့်” အရ၊ အလုပ်ရှင် များသည် ကိုယ်ဝန်ပျက်ကျခြင်းကို အားပေးသောဆေးဝါးများ၊ မြုံစေ သော ဆေးထိုးခြင်းနှင့် ကိုယ်ဝန်တား ဆေးထိုးခြင်းတို့ကို လွှမ်းခြုံကူညီပေး သော ကျန်းမာရေးအာမခံချက်ကို အလုပ်သမားများအား ပြုလုပ်ပေးရ မည်ဟု ပြဌာန်းထားသည်။ ထို့အပြင် ၎င်းဥပဒေက “ ဤ ဥပဒေကို ပြဌာန်းချက်ကို မလိုက်နာသော ၎င်း သီလရှင်များသည် အသင်းဂိုဏ်း၏ နှစ်စဉ် ဝင်ငွေ၏ ၄၀% (အမေ ရိကန်ဒေါ်လာ ၂၅ သိန်း) ကို ဒါဏ်ငွေအဖြစ် ပေးဆောင်ရမည် ဖြစ်သည်။ ၎င်းသီလရှင်အသင်းဂိုဏ်း ၏ နှစ်စဉ် ဝင်ငွေသည် ဒေါ်လာ သိန်း (၆၀) ရှိသည်ဟု သိရသည်။ သီလရှင်များသည် မိမိတို့၏ ကျောင်း တွင် သက်ကြီးရွယ်အို များ၊ ဆင်းရဲသားများနှင့် သေလုမျော ပါးဖြစ်နေ သူများပြုစုနေကြသော အလုပ်သမားများကို ထိုကဲ့သို့သော ဆေးဝါးများ ထိုးပေးခြင်းသည် သီလရှင်တို့၏ ဘာသာရေး ဆိုင်ရာ ယုံကြည်ခြင်းကို ဖျောက်ဖျက်စေသည် ဟု တရားရုံးအားဝေဖန်လိုက်ပြီး အယူခံဝင်ခြင်း ဖြစ်သည်။ ၎င်းသီလရှင်များအပြင် တခြားသော အလုပ်ရှင်များသည်လည်း ၎င်းဥပဒေကို ဝေဖန် နေကြသည်။
၎င်းအသင်းဂိုဏ်း၏ အကြီးအကဲဖြစ် သော သီလရှင်မာရီယားမာကွီက “ ကျွန်မတို့ သူတော်စင်သီလရှင်များသည် မိမိတို့၏ဘ၀ တစ်ခုလုံးကို လူ့အဖွဲ့ အစည်းထဲတွင် အကူအညီ အလိုအပ်ဆုံးသော လူသားများအား မေတ်္တာ တရားနှင့် သိက်္ခာတရားတို့ဖြင့် ကူညီအစေခံနေ ခြင်းဖြစ်ကြောင်း၊ ဤအစေ ခံခြင်းသည် မိမိတို့၏ဘာသာရေးဆိုင်ရာ ယုံကြည်ခြင်းအပေါ် အခြေခံခြင်းဖြစ်ပြီး မိမိတို့၏ ယုံကြည်ခြင်းနှင့် သက်ကြီးရွယ်အိုများအား ကူညီ စောင့် ရှောက် ခြင်းနှစ်ခုစလုံးကို မစွန့်လွှတ်နိုင်ကြောင်း၊ ထို့ ကြောင့် တရားရုံးချုပ်သည် ကျွန်မတို့၏ အယူခံ ဝင်ခြင်းကို ကြားနာပေးပြီး မတူညီသော ဘာသာ တရားများကို ဘုရားသခင်၏ အလိုတော် အောက်၌ လွတ်လပ်စွာအစေခံခွင့်ကို အာမခံ ပေးမည်ဟု မျှော်လင့်ကြောင်း ” ဖြင့် ထုတ်ပြန် ထားပါသည်။
အမေရိကန်အစိုးရကမူ အလုပ် သမားအမျိုးသမီးများအား ကိုယ်ဝန်တားဆေး ထိုးပေးခြင်းသည် ကုမ္ပဏီများအတွက် အခမဲ့ အာမခံချက်ဖြစ်ကြောင်း၊ ထိုကဲ့သို့ကလေးမွေး နှုန်းထိန်းချုပ်ထားခြင်းသည် အမျိုး သမီးများ၏ ကျန်းမာရေးကို ပိုမိုကောင်းမွန်စေပြီး အာမခံ သူများအတွက်လည်း ကုန်စရိတ်သက်သာ စေ သည်ဟု ထုတ်ပြန်ထားသည်။ ဝင်းလှိုင်ဦး
သြဂုတ်လ၊ ၁၄၊ ဗာတီကန်
ဗာတီကန်နိုင်ငံသည် အရှေ့တောင် အာရှနိုင်ငံမှ အဆင်းရဲဆုံးနှင့် အနုငယ်ဆုံး နိုင်ငံ ဖြစ်သော အရှေ့တီမောနိုင်ငံနှင့် သံတမန်ဆက်ဆံရေးကို ထူထောင်ရန် သြဂုတ်လ (၁၄) ရက်နေ့က တီမောမြို့တော်တွင် တရားဝင် လက်မှတ်ထိုးလိုက်ကြကြောင်း သတင်းရရှိသည်။ ၎င်းနှစ်နိုင်ငံ သံတမန် ထူထောင်ခြင်းဆိုင်ရာ စာချုပ်ချုပ်ဆိုပွဲသို့ တီမောနိုင်ငံတွင် ရောက်ရှိနေသော ဗာတီကန် နိုင်ငံခြားရေးဝန်ကြီးဖြစ်သော ကာဒီနယ်ဆရာတော်ကြီး ပါရိုလင်းနှင့် တီမောနိုင်ငံဝန်ကြီးချုပ် ရူမာရီယား ဒေအာရိုဂျာ တို့က ၎င်းသံတမန်ထူထောင်ခြင်းစာချွန်လွှာကို လက်မှတ်ရေးထိုးကြခြင်း ဖြစ်သည်။
၎င်းသံတမန် ထူထောင်ခြင်းစာချုပ်အပေါ် ကာဒီနယ်ပါရိုလင်းက “ ယခုကဲ့သို့သော စာချုပ် သည် သာသနာတော်နှင့် နိုင်ငံ တစ်ခုအကြားတွင် အကျိုး ရှိသောပြောဆိုဆွေးနွေးခြင်း၏ ရလဒ်ဖြစ် ပြီး ဥပဒေဘောင်ထဲတွင် တရားဝင်လုပ်ကိုင်ခြင်းလည်းဖြစ်ကြောင်း၊ ဤစာချုပ်၏ အဓိက ရည်ရွယ် ချက်သည် တီမောပြည်သူများ၏ အများပြည်သူကောင်းကျိုးအတွက်နှင့် ဝိညာဉ်ရေး၊ ကာယရေး စသော ဖွံ့ဖြိုးတိုးတက်ရေးနှင့် တိုင်းပြည်တိုးတက်ရေး တို့ကို ဝိုင်းဝန်းလုပ်ဆောင်ရန်အတွက် ချုပ်ဆို ထားခြင်းဖြစ်ကြောင်း ” ဖြင့် မှတ်ချက်ပြုတော်မူသည်။
၎င်းသံတမန်စာချုပ်၏ အပိုဒ် (၁) အရ၊ တီမောအစိုးရသည် မိမိ၏နိုင်ငံတွင် ပြည်သူများအား ဘာသာရေး လွတ်လပ်ခွင့်ကို အပြည့်အဝပေး ထား မည်ဖြစ်ကြောင်း၊ ကက်သလစ်ဘာသာဝင်များ အနေဖြင့် မိမိတို့၏ယုံကြည်မှုကို လူရှေ့သူရှေ့တွင် လွတ်လပ်စွာဖော်ထုတ် ကျင့်ကြံခွင့်ရရှိရေးကို အာမခံထားကြောင်း ဖော်ပြထားသည်။ အပိုဒ် (၄) တွင်မူ၊ ကက်သလစ်သာသနာတော်သည် တီမော နိုင်ငံ၏ ဥပဒေဘောင်ထဲတွင် လူမှုရေး လုပ်ငန်းများကို လုပ်ဆောင်ခွင့်ရှိခြင်း၊ အပိုဒ် (၈) တွင်မူ၊ ကက်သလစ်သာသနာတော်သည် တီမောနိုင်ငံ၏ ဥပဒေဘောင်ထဲတွင် သာသနာတော်၏ လုပ်ငန်း တာဝန်များကို လွတ်လပ်စွာဖွင့်လှစ်ဆောင်ရွက်ခွင့် (ဥပမာ အကျဉ်းထောင်များ၊ ဆေးရုံများ၊ ဆေးခန်း များ၊ မိဘမဲ့ဂေဟာများ) ရှိခြင်း၊ အပိုဒ် (၉) အရ၊ ကက်သလစ်သာသနာတော်သည် တီမောနိုင်ငံ၏ ဥပဒေဘောင်ထဲတွင် စာသင်ကျောင်းများကို ဖွင့်လှစ်ခွင့်ရှိခြင်းနှင့် ကက်သလစ်ခရစ်ယာန် ဘာသာ ဝင်များ၏မိဘများသည် မိမိတို့၏သားသမီးများကို မိမိတို့၏ယုံကြည်ခြင်းကို သင်ကြားပေးနိုင်ခြင်းတို့ ပါဝင်သည်ဟု သိရှိရသည်။ ကုန်ဇမှုန်း
