သမ္မတ အိုဘားမားက ရဟန်းမင်းကြီး ဖရန်စစ်သည် လူ့သိက္ခာကို ပြန်လည်သတိပေးတော်မူသော ပုဂ္ဂိုလ်ဟုဆို
၀၁၄ ခုနှစ် ရှင်ပြန်ထမြောက်ခြင်းပွဲတော်ကို အောက်မေ့သောအားဖြင့် အိမ်ဖြူတော်၌ နံနက် ဆုတောင်းပွဲကျင်းပခဲ့ရာ ထိုဆုတောင်းပွဲတွင် သမ္မတ အိုဘားမားက မိန့်ခွန်းပေးပြီး ထိုမိန့်ခွန်း အား မကြာသေးမီက သူနှင့် ရဟန်းမင်းကြီး တို့၏ တွေ့ဆုံခြင်းကို ပြန်လည်ထောက်ရှုပြီး ““အရှင် သူမြတ်သည် အလင်းတရားပေးတော်မူသော ပုဂ္ဂိုလ်အဖြစ်”” ဖေါ်ပြခဲ့သည်။““ကျွန်တော်ပြောပြမယ်၊ ကျွန်တော် ပုပ်ရဟန်းမင်းကြီး ဖရန်စစ်ကို တွေ့ဆုံခွင့်ရတဲ့အချိန်မှာ ကျွန်တော်ဒီလိုမျိုးခံစားခဲ့ရတယ်”” ……..လို့ ပြောပြခဲ့သည်။
“ကျွန်တော်တို့ ခရစ်တော်ကိုယုံကြည်သူတွေ၊ ဘယ်လိုမျိုး အသင်းတော်ကိုမဆို၊ ရဟန်းမင်းကြီး ဖရန်စစ်ဆီက အလင်းကျေးဇူးတော်များနှင့် ခွန် အားများရကြတယ်ဆိုရင် သင့်တော်မယ်လို့ ထင် တယ်””လို့ ပြောသည်။ ဆက်လက်ပြီး သမ္မတက ရဟန်းမင်းကြီး၏ သတင်းစကားတစ်ခုဖြစ်သည့် ““တရားမျှတခြင်းနှင့် ပူးပေါင်းပါဝင်စေခြင်း၊ အထူးသဖြင့် ဆင်းရဲသားများနှင့် စွန့်ပစ်ခံသော သူများအား ပူးပေါင်းပါဝင်စေခြင်းအကြောင်းကို ပြောပြသည်။ အရှင်သူမြတ်က ကျွန်တော်တို့ အနေနဲ့ လူသားတိုင်းမှာရှိတဲ့ ဂုဏ်သိက္ခာကို တွေ့မြင်တတ်ဖို့ တောင်းဆိုတော်မူပါတယ်””ဟု ရှင်းပြခဲ့သည်။
““ဒါတွေက သာမန်အလုပ်ဖြစ်ပေမယ့် နက်ရှိုင်း တဲ့ အရှင်သူမြတ်ရဲ့ လုပ်ရပ်တွေဖြစ်တယ်။ အရှင် သူမြတ်က အိုးမဲ့အိမ်မဲ့တစ်ယောက်ကို ဖက်နမ်း ခဲ့တယ်၊ လမ်းဘေးမှာဆိုရင် သာမန်လူတစ်ယောက် အနေနဲ့ လှည့်တောင်မကြည့်ပဲ ဖြတ်ကျော်သွား ရမယ့် လူတစ်ယောက်ရဲ့ ခြေထောက်ကို ဆေး ပေးခဲ့တယ်။
““ကျွန်တော်တို့အားလုံး၊ ဘယ်လို အဆင့်အတန်း ပဲရှိရှိ၊ မှန်မှန်ကန်ကန်နဲ့နေထိုင်ဖို့နှင့် နှိမ့်နှိမ့် ချချ နဲ့နေထိုင်သွားဖို့ ဝတ္တရားရှိတယ်ဆိုတာ အရှင် သူမြတ်က သတိပေးတော်မူခြင်းဖြစ်တယ်။””
သမ္မတ အိုဘားမားက ””သူနှင့်ရဟန်းမင်းကြီးတို့ အင်မတန်မှ ကောင်းမွန်တဲ့ ဆွေးနွေးမှုများပြုလုပ် ခဲ့ကြောင်း၊ အထူးသဖြင့် ဆင်းရဲခြင်းနှင့် မတရား မှုများကိုဖြေရှင်းဖို့ ရှောင်ရှားလို့မရတဲ့ အကြောင်း တွေ ဆွေးနွေးခဲ့ကြောင်း”” ပြောပြခဲ့ပါသည်။
သူလည်းပဲ ရဟန်းမင်းကြီးအား အမေရိကန် နိုင်ငံကို ကြရောက်ပေးဖို့ တောင်းဆိုခဲ့ကြောင်း၊ ရဟန်းမင်းကြီးကလည်း သူ့အား သိုးထိန်းဆိုင်ရာ တိုက်တွန်းနိုးဆော်ခြင်း စာချွန်တော် ““နလညေါနူငင ွကေိငကာ””ကို လက်ဆောင်အဖြစ် ပေးအပ် တော်မူခဲ့ကြောင်း ပြောပြခဲ့သည်။
တစ်နာရီခန့်ကြာမြင့်သော သမ္မတ အိုဘားမားနှင့် ရဟန်းမင်းကြီး ဖရန်စစ်တို့၏ တွေ့ဆုံခြင်း အကြောင်း ရေးသားတင်ပြသော သတင်းများ အရ သူတို့နှစ်ဦးအနေနဲ့ ရွှေ့ပြောင်းနေထိုင်ခြင်း၊ လူကုန်ကူးခြင်းနှင့် သမ္မတ အိုဗားမား၏ အုပ်ချုပ် ရေးကာလအတွင်း အမေရိကန်ရှိ အသင်းတော် ၏ အဓိကစိတ်ပူစရာဖြစ်လာသော ဘာသာရေး လွတ်လပ်ခြင်းစသည့် ကိစ္စရပ်များကို ဆွေးနွေး တိုင်ပင်ခဲ့ကြကြောင်း သိရှိရပါသည်။
ထိုနံနက်ဆုတောင်းခန်းတွင် သမ္မတ အိုဘားမား က ဧပြီလ (၁၃)ရက်နေ့က ဖြစ်ပွားခဲ့သော ကန့်ရှိ၊ ဂျူးလူမျိုးများနေထိုင်သော အိုဗာလင်း ပန်းခြံ အတွင်း ပစ်ခတ်မှုကို ဝေဖန်သုံးသပ်ခဲ့သည်။ အမေရိကန်ပြည်သူများအနေနဲ့ ရက်စက်မှုများ ကို ဆန့်ကျင်ပြီး ““ကျွန်တော်တို့အားလုံးဟာ ဘုရားသခင်ရဲ့ သားသမီးများဖြစ်ကြောင်း၊ ဘုရား သခင်ရဲ့ ရွှေပုံသဏ္ဍာန်နဲ့တူအောင် ဖန်ဆင်းခြင်း ဖြစ်ကြောင်းနှင့် ဘုရားသခင်းရဲ့ ချစ်ခြင်းမေတ္တာ နှင့် ဂုဏ်သိက္ခာကို ခံယူထိုက်သော သူများဖြစ် ကြောင်းကို အမြဲသတိပြုဖို့”” ပြောပြခဲ့ပါသည်။
ဆက်လက်ပြီး သူက ငြိမ်းချမ်းရေး၊ တရားမျှတ ရေး၊ လူ့ဂုဏ်သိက္ခာနှင့် အားလုံးပါဝင်ခြင်းများ အတွက် လုပ်ဆောင်ခဲ့သော အဖွဲ့အစည်း အသီး သီး၏ လုပ်ဆောင်ချက်များကိုလည်း ချီးကျူးခဲ့ သည်။
““ဘုရားသခင်က ကျွန်တော်တို့ကို ဘယ်လောက် ချစ်လဲဆိုတာ သူ့ရဲ့ တစ်ပါးတည်းသော သား တော်ကိုပေးဆပ်ခြင်းအားဖြင့် ပြသခဲ့တယ်။ ဒီ သန့်ရှင်းသောရက်တွေမှာ ကျွန်တော်တို့အတွက် ခရစ်တော်ခံထမ်းခဲ့သော လူတွေရဲ့ကဲ့ရဲ့ခြင်း၊ ကားတိုင်ပေါ်မှာ အသေခံရတဲ့ နာကျင်ခြင်းများ ကို ထောက်ရှုကြတယ်။ ကျွန်တော်တို့ ခရစ်ယာန် များအနေနဲ့ အစဉ်အလာအရ ဘုန်းတော် ဂုဏ် တော်နဲ့ ရှင်ပြန်ထမြောက်တော်မူခြင်းပွဲတော်ကို ကျင်းပကြတယ်။ ဒါတွေအားလုံးဟာ ကျွန်တော် တို့ရဲ့အပြစ်များ ခွင့်လွတ်ခြင်းရနိုင်ရန်နှင့် ထာဝရ အသက်ရနိုင်ရန်အတွက်ဖြစ်တယ်။””
အိုဘားမားက ““ခရစ်တော်သခင်ရဲ့ ဒုက္ခစရိယာ ခံတော်မူခြင်း၊ အသေခံတော်မူခြင်းနှင့် ရှင်ပြန် ထမြောက်တော်မူခြင်း””သမိုင်းက ကျွန်တော်တို့ အားလုံးကို ဒီနေ့အထိ အလင်းကျေးဇူးတွေပေး နေသေးကြောင်း”” ပြောသည်။
““ကျွန်တော်တို့အားလုံးဟာ သူ့ရဲ့ ထာဝရတည်တဲ့ သွန်သင်ခြင်းကို ယုံကြည်ကြတယ်။ ကိုယ်တော် ရဲ့ ဆက်ကပ်ပူဇော်ခြင်းနဲ့ ထိုက်တန်တဲ့သူတွေ ဖြစ်ဖို့ စိန်ခေါ်ခြင်းခံရတယ်။ ကိုယ်တော်က ကျွန်တော်တို့ကို ချစ်သလိုပဲ ကျွန်တော်တို့လည်းပဲ တစ်ပါးသူကို ချစ်ခြင်းအားဖြင့် သူ့ရဲ့ချစ်ခြင်း မေတ္တာကို အကောင်းဆုံး အတုယူဖို့လိုအပ် ပါတယ်””လို့ ပြောသည်။
