မြစ်ကြီးနား ကက်သလစ်ဆရာတော်ကြီး ဖရန်စစ်ဒေါတန်နှင့်တွေ့ဆုံမေးမြန်းခန်း

အခုတင်ဆက်လိုက်သော ဒီအင်တဗျူးးသည် ၂၀၁၃ ခုနှစ်၊ ဇန်နဝါရီလက ပြုလုပ်ပြီး ၂၀၁၃ ခုနှစ်ဖေဖော်ဝါရီလထုတ် ဂလိုရီးယားသတင်းဂျာနယ်တွင် ဖော်ပြထားပြီးသော အင်တဗျူ း ဖြစ်ပါသည်။

မေး။မင်္ဂလာပါဆရာတော်ဘုရား။ တပည့်တော်က ဂလိုရီယာသတင်းဂျာနယ် ထုတ်ဝေသူနဲ့အယ်ဒီတာ ချုပ်ဖြစ်ပါတယ်။ မြစ်ကြီးနားမှာတပည့်တော်ရဲ့ကျောင်းနေဖက်မိတ်ဆွေတွေကတော့ဖာသာရ်လာဒွေးနဲ့ ဆင်ဝါးဒူးတို့ ဖြစ်ကြပါတယ်။ ကိုယ်တော်ကိုအီး မေးလ်နဲ့အင်တာဗျူးတောင်းတဲ့သူပါ။

ဆရာတော်။ အီးမေးလ်တော့ရတယ်။ စာပြန်ဖို့ကစစ်ပွဲကြောင့်မြစ်ကြီးနား မှာမီးခဏခဏပျက်တော့ အရေးကြီး တာလောက်ပဲမီးစက်နိူးတော့ရန်ကုန်ရောက်မှပဲစာပြန်ဖြစ်တော့တယ်။

မေး။အခုရန်ကုန်ကိုလာတာကက်သလစ်ဆရာတော်ကြီးများရဲ့ နှစ်ပတ်လည်အစည်းအဝေးအတွက်လာတယ်လို့ကြားသိရပါတယ်။အဲဒီတော့ အခုအစည်းအဝေးက ဘာများထူးခြားပါသလဲ။
ဆရာတော်။ဒီတစ်ခေါက်အစည်းအဝေးက အရင်တုန်းကအစည်းအဝေးထက် တဆင့်တက်လာတယ်လို့ ယူဆပါတယ်။ ဘာဖြစ်လို့လဲဆိုတော့စီဘီစီအမ်မှာဖွဲ့ထားတဲ့ကော်မရှင်တွေ တကယ်အလုပ်လုပ် လာအောင်ရယ်၊ ပိုပြီးတော့ပီပြင်မှုလေးတွေရှိအောင်၊ ရေးဆွဲတာပါတယ်။ ဆက်စပ်မှုရှိတဲ့ကော်မရှင်တွေ (ဥပမာ၊ လူငယ်၊ မိသားစု၊သာမန်ဘာသာဝင်များကော်မရှင်တွေဟာဆက်စပ်နေတယ်)ရဲ့ ရည်မှန်းချက်နဲ့ လုပ်ငန်းများကိုအတူတူ ဝိုင်းဆွဲကြတာရယ်၊ သင်တန်းတွေပေးတဲ့အခါမှာ အတူတူပေးလို့ ရအောင်ပေါ့လေ။ နောက်ပြီးတော့စီဘီစီအမ်ရဲ့အနေအထားကိုပြန်လည်အတည်ပြုတာပါတယ်။

မေး။ရဟန်းမင်းကြီးကိုယ်စားလှယ်အသစ်ကဆရာတော်တို့ရဲ့အစည်းအဝေးမှာ လာရောက်ပါဝင်တော့ ဘာသတင်းစကားများ ယူလာပါသလဲ။ဆရာတော်သူကအာရှသားဆိုတော့ ဘာပဲဖြစ်ဖြစ်အာရှသားတွေရဲ့ အခက်အခဲတွေကိုပိုပြီးတော့ သိရှိနားလည်တယ်။ နောက်ပြီးတော့သူက မိသားစုလိုခံစားတယ်၊ ဒါကြောင့်သူ့ကိုမိသားစုလိုလက်ခံကြဖို့၊သူ့အတွက်ဆုတောင်းပေးကြဖို့မိန့်ကြားပါတယ်။

မေး။အရင်တုန်းကဆိုရင်ရဟန်းမင်းကြီး ကိုယ်စားလှယ်တော်တွေကအီတလီလူမျိုးတွေများတာပေါ့နော်။ အာရှသားတွေမရှိခဲ့ဘူး။အခုလိုအာရှသားတစ်ယောက်ကရဟန်းမင်းကြီး ကိုယ်စားလှယ်ဖြစ်လာပြီး ဆိုတော့ ဘာများထူးခြားလာမယ်ထင်သလဲ။
ဖြေ။သူကအာရှတိုက်သားဆိုတော့မြန်မာပြည်ရဲ့ယဉ်ကျေးမှုကိုပိုပြီးတော့နား လည်ပြီးသားဆိုတော့ ပိုပြီး ထူးခြားလာလိမ့်မယ်လို့ယူဆတယ်။နောက်ပြီး ကျွန်တော်တို့အာရှသားတွေရဲ့ဆင်းရဲ မှုတွေ၊ လူနေမှု အဆင့်အတန်း ကွာခြား မှုတွေ၊ နောက်ပြီးတော့ ရဟန်းသီလရှင်တွေရဲ့ အစေခံမှုပိုင်းကိုလည်း ပိုပြီးတော့နားလည်တယ်။ ရဟန်း သီလရှင်တွေရဲ့အရည်အချင်းမြှင့်တင်မှုအကြောင်းတွေ ကိုပြောတယ်။  အချင်းချင်း ဆက်သွယ်မှုလမ်းကြောင်းလည်းပိုကောင်းလာမယ်။ ဒါတွေကမပြင်လို့မဖြစ်တဲ့ဟာ ဆိုတော့ ပိုပြီးတော့ကောင်းလာမယ်လို့မြင်တယ်။

မေး။ကချင်ပြည်နယ်မှာရှိနေတဲ့ကက်သလစ်အသင်းတော်ရဲ့အခြေအနေကိုသိချင်ပါတယ်။
ဆရာတော်။၂၀၁၁ ခုနှစ်ဇူလိုင်လ ၉ ရက်နေ့ကနေစပြီးတော့အားလုံးသိတဲ့အတိုင်းဗမာစစ်တပ်နဲ့ ကချင်တပ်မတော်တို့ အကြားမှာ တိုက်ပွဲဖြစ်တော့လုပ်ငန်းတွေ ကစဉ့်ကလျားဖြစ်ကုန်တယ်။ အသင်းတော်အနေနဲ့မြင်တာကတော့၊ ဗမာစစ်တပ်ဆိုတာတကယ်တော့မိဘပဲ။ ဟိုးဖက်ကေအိုင်အေဖက် က တပ်ကိုဆုတ်ခွာပေးပါလို့ပြောတာကိုအစိုးရက နှလုံးသားကြီး ကြီးနဲ့နောက်ဆုတ်ပေးလိုက်ရင် သူတို့ ဆွေးနွေးနေတာတွေဟာ ပြေလည်သွားမယ်လို့မြင်ပါတယ်။ အစိုးရကတော့စစ်ဆင်ရေး မဟုတ်ဘူး လို့ပြောတယ်။ ရိက္ခာပိုတာပါလို့ပဲ ပြောတယ်။ ဒါပေမယ့်မြင်နေရ၊ ကြားနေရ တာတော့လေယာဉ်နဲ့ဖိုက်တာ နဲ့ ဓါတ်ငွေ့နဲ့၊ လက်နက်ကြီးနဲ့မိုင် ၂၀ ကနေလှမ်းပစ် နေတာတွေ ဟာလေယာဉ်နဲ့ရိက္ခာကို ချပေးနေတာတော့မဖြစ်နိုင်ဘူးလို့ ယူဆပါတယ်။ အဲဒီတော့အစိုးရအနေနဲ့မိဘပီသစွာ မလိမ်မာတဲ့ သားသမီးကို စိတ်လျှော့ပြီးတော့ဆုံးမလိုက်ရင်ပြေလည်သွားမယ်လို့မြင်ပါတယ်။ တိုက်ပွဲဖြစ်နေတဲ့ အတွက် အသင်းတော်ရဲ့ လုပ်ငန်းတွေကလည်း ကမောက်ကမဖြစ်ကုန်ပါတယ်။

မေး။ကချင်ပြည်နယ်မှာကိုယ်တော်တာဝန် ယူလာတဲ့နောက်ပိုင်း အခက်အခဲတွေ၊ စိန်ခေါ် ချက်တွေ၊ အောင်မြင်မှုတွေသိချင်ပါတယ်။

ဆရာတော်။ စိန်ခေါ်မှုတွေများတယ်လို့ပြောရမှာပဲ။ စီးပွားရေး ဖက်ကနေ ကြည့်မယ်ဆိုရင်ငွေ၊ အာဏာအင်အားရှိတဲ့သူတွေက သယံဇာတတွေကို ဒလဟောဆွဲကြတယ်။ ဆင်းရဲတဲ့ဒေသခံတွေက အလိုလိုနဲ့ဘေးကိုရောက်သွားကြတယ်။ ၂၀၁၁ ခုနှစ်၊ ဇူလိုင်ကကနေလုပ်ငန်းတွေကရပ်ဆိုင်းသွား ကြတယ်။

မေး။ ဘာသာရေးလွတ်လပ်ခွင့်အခြေအနေဘယ်လိုရှိပါသလဲ။ စစ်အစိုးရနဲ့လက်ရှိအစိုးရ လက်ထက်တွေ မှာ ဘာသာရေးလွတ်လပ်ခွင့်နဲ့ ပတ်သက်ပြီး ဘယ်လိုရှိသလဲ။

ဆရာတော်။အခုအစိုးရတက်လာတဲ့နောက်ပိုင်းမှာတော့ ဘုရားကျောင်းမဆောက်ရ၊ဟိုးဟာမလုပ်ရဆိုပြီး အကြီးအကျယ်လာတားတာမျိုးမရှိပါဘူး။ကချင်ပြည်နယ်ကပြည်မထက်စာရင်တော့အခက်အခဲမရှိဘူး။ ဆိုလိုတာက ကျေးလက်ဖက်မှာဆိုရင် ရွာလူကြီးတွေနဲ့နီးစပ်ရာညှိနှိုင်းပြီးတော့အကုန်လုံး အစဉ်ပြေပါ တယ်။ ဘုရားသခင်ကိုလည်းကျေးဇူးတင်ရ မှာပေါ့လေ။အစိုးရကို လည်း ကျေးဇူးတင်ရမှာပေါ့လေ။

မေး။ကချင်ပြည်နယ်အစိုးရနဲ့ကက်သလစ်အသင်းတော်အကြားမှာဆက်ဆံ ရေးအခြေအနေသိချင်ပါတယ်။
ဆရာတော်။ အခြေအနေကောင်းပါတယ်။ စစ်ဘေးဒုက္ခသည်တွေကိုကူညီတဲ့နေရာမှာ  အကူအ ညီတောင်းရင် ပူးပေါင်းဆောင်ရွက်မှုတွေ ရှိပါတယ်။

မေး။ ကချင်ပြည်နယ်အစိုးရထဲမှာ ကက်သလစ်ဘာသာဝင်တွေရော ရှိပါသလား။
ဆရာတော်။ တချို့ရှိပါတယ်။တချို့ဆိုရင်လွှတ်တော်မှာလည်းလွှတ်တော်အမတ်တွေဖြစ်ကြပါတယ်။ ဒါပေ မယ့် အရင်ထက်စာရင် ဘာသာဝင်ဝန်ထမ်းတွေ လျှော့နည်းသွားပါတယ်။

မေး။ ဘာဖြစ်လို့ ဘာသာဝင်ဝန်ထမ်းတွေ လျှော့နည်းသွားတာလဲ။
ဆရာတော်။ အဲဒီလိုနည်းသွားတာကတော့အရင်အစိုးရလက်ထက်ကတည်းက ဝန်ထမ်းတွေရဲ့သား သမီးဆွေမျိုးတွေက နေရာယူထားကြပါတယ်။ အဲဒီတော့လစ်လပ်ဝန်ထမ်းနေရာ ရှိနေရင် ဝန်ထမ်းသား သမီးနဲ့ဆွေမျိုးတွေပဲ ရကြတော့တယ်။ ပြည်နယ်အစိုးရမှာလဲ ဘာမှလုပ်ပိုင်ခွင့်မရှိဘူး။  စစ်ဆင် ရေးနဲ့အုပ် ချုပ်ရေးက တခြားဆီဖြစ်နေတယ်။ ဥပမာ-ပြောရရင်လက်ရှိဖြစ်နေတဲ့စစ်တပ်နဲ့ ကေအိုင်အေ တိုက်ပွဲကိစ္စ မှာ ဒါမျိုးကမဖြစ်သင့်ဘူး၊မဖြစ်ထိုက်ဘူးဆိုတာမျိုး ကချင်အစိုးရအနေနဲ့ဘာမှပြောပိုင်ခွင့်၊  လုပ်ပိုင်ခွင့်မရှိ ဘူးလို့ ထင်တာပဲ။

မေး။ ကချင်ပြည်နယ်မှာငြိမ်းချမ်းရေးကိုဘယ်လိုရနိုင်မယ်လို့ယူဆပါသလဲ။
ဆရာတော်။ အဓိကအနေနဲ့တော့စစ်အင်အားကိုမသုံးနဲ့။ စစ်တပ်အနေနဲ့ကေအိုင်အေတောင်းဆိုတဲ့ အတိုင်း နောက်ပြန်ဆုတ်လိုက်မယ်။ စစ်ဘေး ဒုက္ခသည်စခန်းမှာရောက်နေ ကြတဲ့ပြည်သူတွေကို ကိုယ့်ရပ်ရွာကိုပြန်ခွင့်ပြုပါ။ ပြန်လာတဲ့လူတွေကိုလည်း  ပြည်သူလူထုအပါ အဝင်နှစ်ဖက်စစ်တပ်ကနေ လုံခြုံရေး တာဝန်ယူပေးပါ။ နိုင်ငံရေးကိုလက်နက်အားကိုးပြီး ကြမ်းနေမယ့်အစား စားပွဲဝိုင်း မှာ ဆွေးနွေး တာ အကောင်းဆုံးလို့မြင်ပါတယ်။ တစ်ပြည်လုံးကတပ်မတော်ရဲ့၊ အစိုးရရဲ့သားသမီးတွေပဲ။ ဒီလို သတ်ဖြတ်နေတာဟာဘယ်တော့မှ အဆင်ပြေမှာမဟုတ်ဘူး။

မေး။ကက်သလစ်အသင်းတော်အနေနဲ့စစ်တပ်နဲ့ကေအိုင်အေတို့အကြားကတိုက်ပွဲတွေကိုရပ်ဆိုင်းအောင်ဘယ်လိုပါဝင်နေသလဲ။

ဆရာတော်။ လောလောဆယ်တော့ ဒီစစ်ပွဲနဲ့ပတ်သက်ပြီးဆရာတော်တို့ရဲ့အမြင်ကို အခြေခံပြီးကြေငြာ ချက်တစ်ခုကို ထုတ်ပြန်ဖို့ လုပ်နေပါ တယ်။ စာကြမ်းတော့ပြီးသွားပါပြီ။

မေး။ဒီထုတ်ပြန်ချက်မပြုလုပ်ခင်အထိမြစ်ကြီးနားကက်သလစ်သာသနာအနေနဲ့ဘာမှမပါဝင်သေးဘူးဆိုတဲ့သဘောလား။
ဆရာတော်။ ပါဝင်ဆွေးနွေးမှု၊အကြံပေးမှု၊ စစ်ဘေးဒုက္ခသည်တွေကိုကူညီတဲ့နေရာမှာတော့ ခွဲခြားမှုမရှိဘဲ ကူညီပေးနေပါတယ်။

မေး။တပည့်တော်သိချင်တာကအီစတီမောနိုင်ငံကကက်သလစ်ဆရာတော်ကာလိုစ်ဘေလို၊အာဖရိကကဆရာတော် ဒက်စမွန်တူးတူးတို့လိုမျိုး ကိုယ်တော့်အနေနဲ့နှစ်ဖက်ကိုဝင်ပြီးတော့ဖြန်ဖြေပေးဖို့အစီအစဉ်မရှိဘူးလား။
ဆရာတော်။အဲဒီလောက်ထိတော့ မစွန့်စားသေးဘူး။ မစွန်းစားသေးဘူးဆိုတာက  သူတို့နှစ်ဖက်မှာ တင်း မာနေတဲ့အချိန်မှာ ကိုယ့်ရဲ့စကားက သူတို့နားထဲဝင်နိုင်မှာ မဟုတ်ဘူး။

မေး။ကက်သလစ်သာသနာအနေနဲ့စစ်ဘေး’ုကသည်တွေကိုကူညီတဲ့နေရာမှာဘယ်လောက်သုံးစွဲပြီးပြီလဲ။ စစ်ဘေး’ုက္ခသည်စခန်းမှာရှိနေကြတဲ့ ကလေးတွေရဲ့ပညာရေးကိုဘယ်လိုဖြေရှင်းပေးကြသလဲ။
ဆရာတော်။ စာရင်းအတိအကျတော့မပါလာတော့မပြောနိုင်ဘူး။ စစ်ဘေးဒုက္ခသည်စခန်းတိုင်းမှာ ကလေးတွေကို စာသင်ပေးမယ့် ဆရာဆရာမတွေပို့ထားပေးတယ်။ ကျန်းမာရေးဆရာမတွေကိုလည်း ပို့ထားပေးတယ်။ တချို့စခန်းတွေဆိုရင် သာသနာတော်က တာဝန်မယူ ပေမယ့် အဲဒီစခန်းမှာ ရှိနေတဲ့ဆရာမတွေရဲ့လစာတွေကိုပါအသင်းတော်ကပေးပေးနေပါတယ်။စာရေးကိရိယာတွေကိုလည်း ထောက်ပံ့ကူညီပေးနေပါတယ်။

မေ။တချို့အဖွဲ့အစည်းတွေနဲ့ရောပူးပေါင်းချိတ်ဆက်မှုတွေဘယ်လိုရှိပါသလဲ။
ဆရာတော်။ပူးပေါင်းမှုတော့ရှိပါတယ်။ ပြည်တွင်းပြည်ပနှစ်ခုစလုံးရှိတယ်။ ပြည်တွင်းအဖွဲ့အစည်းတွေဖြစ်ကြတဲ့ကေဘီစီ၊  အမ်စီစီနဲ့လည်း အရေး ကြီးရင်ကြီးသလိုဆွေးနွေးကြပါတယ်။

မေး။ အခုဒေသခံပြည်သူတွေအတွက်ဘာတွေလုပ်နေသလဲဆိုလည်း ပြောပြပေးပါအုံး။
ဆရာတော်။ ကျန်းမာရေးနဲ့ပတ်သက်ပြီး မြစ်ကြီးနားမြို့မှာ ၂၀၁၂ ခုနှစ် နိုဝင်ဘာလ၂၄ ရက်နေ့ မှာ ဆေးခန်းအတွက်သုံးထပ်တိုက်ကို ဖွင့်လှစ်ထားပါတယ်။ သီတာဂူဆရာတော်ကကုတင် ၂၀ နဲ့ဆေးရုံး သုံးကိရိယာတွေလှူဒါန်းပါတယ်။ ပစ္ဆည်းတော့မစုံသေးဘူး။ နောက်ထပ်ဝယ်ရ အုံးမယ်။ နောက်ပိုင်းတော့ ကက်သလစ်ဆေးရုံအဖြစ်အဆင့်မြှင့်သွားမယ်။ ဓါတ်မှန်လိုသေးတယ်။ ခွဲစိတ်ခန်း၊မွေးခန်းတွေပြီးသွားပြီ။ ပစ္စည်းတော့မစုံသေးဘူး။

မေး။ ဆေးခန်းရဲ့နာမည်က။
ဆရာတော်။ မလိကင်ဒိုင် Mali Kindai လို့ခေါ်ပါတယ်။ ဗမာလိုဘာသာပြန်ရင်တော့မေခနဲ့မလိခလာ ဆုံပြီးခွန်အားဖြစ်တယ်၊ အဲဒီမြစ်နှစ်ခုရဲ့ စုပေါင်းအင်အားက တစ်ပြည်လုံးမှာရှိတဲ့ သတ္တဝါပေါင်းစုံရဲ့ အသက်သွေးကြောလို့အနက်၊ အသီးအပွင့်ရဲ့သင်္ကေတပဲ။

မေး။ တပည့်တော် ၂၀၁၀ ခုနှစ်တုန်းက အင်္ဂလန်ရောက်တော့ကိုလံဘန်ဘုန်း တော်ကြီးအသင်းဂိုဏ်းရဲ့ ဌာနချုပ်ကိုရောက်ခဲ့တယ်။ အဲဒီမှာ ဖာသာရ်အိုဘရိုက်နဲ့တွေ့တော့ဆရာတော်ဘုရားက   မြစ်ကြီးနားမှာ ကက်သလစ်စာသင်ကျောင်းဖွင့်ဖို့အစီအစဉ်လုပ်နေတယ်လို့ပြောပါတယ်။အဲဒါကဘယ်အဆင့်ရောက်ပြီလဲ။

ဆရာတော်။ ၂၀၀၂ခုနှစ်ကတည်းကအင်္ဂလိပ်စာသင်ကျောင်းကိုဧဒင်ဝင်းထဲမှာ စဖွင့်တယ်။စဖွင့်တုန်း ကတော့ ကိုယ့်ဘာသာတူတွေအတွက် ရည်ရွယ်ပြီးတော့ဖွင့်တာပေါ့လေ။နောက်ပိုင်းကျတော့ လူမျိုးမရွေး၊ ဘာသာမရွေးဖိတ်ခေါ်လိုက်တော့အများကြီး လာကြပါတယ်။ အဲဒါကိုကျွန်တော်တို့က အဆင့်မြင့် သင်ကြားရေးဌာနတစ်ခုလိုဖွင့်ပြီးတော့ပြည်ပမှာရှိနေတဲ့ကျောင်းတစ်ကျောင်းနဲ့ချိတ်ဆက်ပြီးဆက်ဖွင့်ဖို့စိတ်ကူးနေပါတယ်။တက္ကသိုလ်ဘွဲတွေရရမယ်။ Residential Program လုပ်ပြီးတော့ English,Communication, Management  ကပတ်ဝန်းကျင်ကို တွန်း အားပေးနိုင်တဲ့ခေါင်းဆောင်တွေကိုမွေးထုတ်ပေးမယ်။ မြစ်ကြီးနားသာသနာမှာရဟန်းပိုင်သာသနာ ၁၉ ခုရှိတယ်။ တစ်ခုဆီကနေ လူငယ်၄ယောက်ကိုမွေးထုတ် ရင် ၇၆ ယောက်၊ ဖြစ်နိုင်ရင် ကချင်စကားပြောတဲ့  ဗန်းမော်နဲ့လားရှိုး သာသနာက လူငယ်တွေကိုပါ ဖိတ်ခေါ်မယ်။

မေး။ ဒီအင်တာဗျူးကိုဖတ်တဲ့ပရိသတ်ကိုဘာများပြောချင်သလဲ။
ဆရာတော်။အခုလိုပြည်သူတွေရဲ့ခံစားချက်ကိုအမှန်တိုင်း ဖော်ထုတ်ပေးတာဟာ ကောင်းပါတယ်။

အခုလိုအင်တာဗျူးလုပ်ဖို့ အချိန်ပေးတဲ့အတွက်ဆရာတော်ဘုရားကိုတပည့်တော်တို့  ဂလိုရီယာသတင်း ဂျာနယ်အဖွဲ့က အထူးကျေးဇူးတင်ရှိပါတယ်။ အယ်ဒီတာချုပ်

1585  Views