ရဟန်းမင်းအမတ် ကာဒီနယ်ချားလ်စ်ဘိုက အမျိုးစောင့်ဥပဒေအား ကျင့်သုံးစမြန်မာ့ ဒီမိုကရေစီကို ခြိမ်းခြောက်သောဥပဒေဟု ဝေဖန်လိုက်တော်မူ
စက်တင်ဘာ ၁၂၊ ၂၀၁၅၊ ရန်ကုန်
ရန်ကုန်ကက်သလစ်သာသနာပိုင်ချုပ်ကာဒီနယ်ချားလ်စ်ဘိုသည် သမ်္မတဦးသိန်းစိန်က စက်တင်ဘာလ ပထမအပတ်က ဥပဒေ အဖြစ် ပြဌာန်းခဲ့သော အမျိုးစောင့်ဥပဒေ၊ ဘာသာကူးပြောင်းခြင်းဆိုင်ရာဥပဒေ နှင့်တစ်လင်တစ်မယားစနစ်ဥပဒေ တို့အား ကျင့်သုံး စမြန်မာ့ဒီမိုကရေစီကို ခြိမ်းခြောက်သော ဥပဒေများဟု ရှုတ်ချပြီး ၎င်းဥပဒေတို့သည် ဗုဒ်္ဓတရားတော်၏ ဂရုဏတရားနှင့်ဆန့်ကျင်သော ဥပဒေများ ဖြစ်ကြသည်ဟု စက်တင်ဘာလ ၁၁ ရက်နေ့ ဝေဖန်တော်မူလိုက်သည်။
ဆရာတော်ကြီးချားလ်စ်ဘိုက ထုတ်ပြန်သောကြေညာချက်တွင် ““မြန်မာနိုင်ငံသည် နှစ် ၅၀ အတွင်း ဆိုးဝါးသောစစ်အစိုးရ လက်အောက် တွင် နေခဲ့ရပြီး ပြည်တွင်းစစ်များ တောက်လောင်နေမှု၏ အနိဌာရုံများကို ခံစားခဲ့ရကြောင်း သို့သော် ၂၀၁၀ ခုနှစ်စပြီး ဦးသိန်းစိန်အစိုးရ ၏ပြုပြင်ပြောင်းလဲမှုထဲတွင် တိုင်းပြည်ဖွံ့ဖြိုးတိုးတက်မှုနှင့်အတူ နိုင်ငံသားတို့၏လူ့အခွင့်အရေး များသည်လည်း တဖြည်းဖြည်းပြန်လည် ရရှိလာခဲ့ကြောင်း၊ သို့သော် စည်းလုံးလိုသော မြန်မာနိုင်ငံတော်ကြီးကို ဖျက်ဆီးလိုသည့် လူနည်းစုတဖက်စွန်းရောက် ဘာသာရေးအဖွဲ့ အစည်းခေါင်းဆောင်များ၏ ဖိအားပေးမှုကြောင့် လွှတ်တော်သည် ပဋိပက်္ခကိုအား ပေးတိုးပွာစေမည့် ဥပဒေလေးခုကို ရေးဆွဲခဲ့ပြီး သမ်္မတဦးသိန်းစိန်က ဥပဒေအဖြစ် ပြဌာန်းခဲ့ကြောင်း၊ ၎င်းဥပဒေလေးခုတို့သည် အမုန်းတရားမှ ထွက်ပေါ်လာသော ဥပဒေများ ဖြစ်ပြီး ၎င်းဥပဒေများကို ပြန်လည်သုံးသပ်ရန် နှင့် ယခုအချိန်ကာလတွင် ငြိမ်းချမ်းရေးမျိုးစေ့ကိုသာ ကြဲကြပါရန် တောင်းဆိုလိုပါသည်”” ဟု ဖော်ပြထားသည်။
နောက်ဆုံးအနေဖြင့် ရဟန်းမင်းအမတ်က ““၎င်းဥပဒေလေးခုအစား ဖွံ့ဖြိုးစမြန်မာ့ဒီမိုကရေစီ တိုင်းပြည်လူဦးရေ၏ ၄၀% ရှိသော လူငယ်များ၏ တိုးတက်ရေးအတွက် လိုအပ်သော ဥပဒေများကို ပြဌာန်းပေးသင့်ကြောင်း၊ မှတ်ပုံတင်မရှိကြသေးသော တိုင်းပြည်လူဦးရေ ၏ ၂၇%ကို ဥပဒေများအားဖြင့် ကူညီလုပ်ဆောင်ပေးသင့်သည်ဟု နိုင်ငံတော်အစိုးရအား တောင်းဆိုတော်မူလိုက်သည်။ ၀၁၀ ဝင်းလှိုင်ဦး
2615 Views
