အမှန်တရား၏ဖက်တော်သားများ ဖြစ်ကြရန် ကာဒီနယ်ဆရာတော်သစ်များကို ရဟန်းမင်းကြီးက မိန့်ကြားတော်မူ

ရဟန်းမင်းကြီးဖရန်စစ်အရှင်သူမြတ်က ကက်သလစ် ဘာသာဝင်များအား စိတ် ရှည်ခြင်း၊ တရားမျှတခြင်းနှင့် ဝိညာဉ်တော်ဘုရား ထံတော်တွင် ကျိုးနွံနာ ခံခြင်းဖြင့် ဦးဆောင်မှုပေးရင်း ခရစ်တော်ဘုရားကို မိမိတို့ဘဝ၏ ဗဟိုတွင် ထားရှိကြရန် ကာဒီနယ်ဆရာ တော်ကြီးအပါး (၂၀) တို့အား ဖေဖော်ဝါရီလ ၁၄ ရက်နေ့က ကျင်းပပြုလုပ်သော ကာဒီနယ်သိက်္ခာတင်ပွဲတွင်  ဆော်သြတော်မူ လိုက်သည်။

ရဟန်းမင်းကြီးက ““ဘုရားတရားသမားဆိုတာ အမှန်တရားဖက်မှာ ရပ်တည် သူ၊ ကျွန်ုပ်တို့ပျော်ရွှင်ခြင်း၏ မခန်းခြောက်နိုင်သော ရင်းမြစ်ဖြစ်တော်မူသည့် ခရစ်တော်ဘုရား၏ နှုတ်ကပတ်တော်နဲ့အသားတော်ထဲမှာ၎င်းအမှန်တရားကို တွေ့ကြုံသူ”” ဖြစ်ကြောင်းဖြင့် ရဟန်းမင်းအမတ်သစ်အပါး ၂၀ တို့အား စိန်ပီတာဘုရားကျောင်းတော်ကြီးထဲ တွင်  မီးမောင်းထိုးပြတော်မူခဲ့သည်။

ဆက်လက်ပြီး ရဟန်းမင်းကြီးက ဆင်းရဲသားများကိုကူညီထောက်ပံ့ခြင်းနှင့်စပ် လျဉ်းပြီး ရဟန်းအမတ်တို့အား မိန့်ကြားရာတွင် ““ဆင်းရဲသားများကိုကူ ညီထောက်ပံ့မှုထဲမှာ အသက်ရှင်နေသူတွေဟာ မိမိကိုယ်ကို ဗဟိုမပြု၊ အလေး မထားကြောင်း၊ မိမိ၏စိတ်ဝင် စားမှုကိုသာ အရေးမပေးတတ်ကြောင်း၊ ဆင်းရဲသားများကိုကူညီထောက်ပံ့ခြင်းဆိုတာက မိမိကိုယ်ကို ဗဟိုပြုအလေး ထားခြင်းကနေ မိမိတို့အား ဝေးကွာစေပြီး မိမိတို့ဘဝတစ်ခုလုံးကို ခရစ်တော် ဘုရား၌သာ ဗဟိုပြုစေပါကြောင်း၊ ဒါမှပဲ ကျွန်တော်တို့ဟာ သူများလေးစား ထိုက်တဲ့သူတွေ ဖြစ်လာနိုင်သလိုတခြားသူတွေရဲ့ကောင်းကျိုးတွေကိုလည်းအာရုံစိုက်ပေးနိုင်ကြမှာ ဖြစ်ကြောင်း”” ဖြင့် မိန့်ကြားတော်မူသည်။

ရဟန်းမင်းကြီးက ကာဒီနယ် cardinal ဟူသော ဝေါဟာရနှင့်စပ်လျဉ်းပြီး အနက်ဖွင့်ဆိုရာတွင် ““ ကာဒီနယ်ဟူသော ဝေါဟာရသည် လာတင်းစကားမှ ဆင်းသက်လာကာ အနက်အဓိပ်္ပါယ်မှာ ““တံခါးပတ်္တာ”” ဟုအနက်ရသည်ဟု ရဟန်းမင်းအမတ်အပါး ၂၀ တို့အား ရှင်းပြတော်မူရင်း ခင်ဗျားတို့ ရဟန်းအမတ်များ (ကာဒီနယ်ဆရာတော်)များဟာ တံခါးပတ်္တာများဖြစ် ကြကြောင်း ပေးကမ်းစွန့်ကြဲ ခြင်း၏ အဖွဲ့အစည်းတစ်ခုလုံးကို ဦးဆောင်ဦး ရွက်ပြုနေသော ရောမမြို့ရှိကက်သလစ်သာသနာတော်ထဲတွင် ဘောင်တွင်းခြင်းကို ခံကြရကြောင်းဖြင့် အကျယ်တဝင့် ဟောကြားတော်မူသည်။

ရဟန်းမင်းကြီးသည် ဖေဖော်ဝါရီလ ၁၄ ရက်နေ့က ဖတ်ရှုရသော ကျမ်းချက်ကို ထောက်ရှုရင်း ရဟန်းအမတ်များအား တရားဟော ကြားရာတွင် သီးခံခြင်းသည် တကမ်္ဘာလုံးနှင့်သက်ဆိုင်ကြောင်း၊ ဆိုလိုသည်မှာ အကန့် အသတ်မရှိဘဲ ချစ်ရမှာ ဖြစ်ကြောင်း၊ ချစ်ခြင်းမေတ်္တာသည် ကြီးမြတ်သည် မှန်သော်လည်း သေးငယ်သောအရာကိုလျစ်လျူမရှုထားရသင့်ကြောင်း၊ ကြင် နာသောအပြုအမှုအားဖြင့် မည်ကဲ့သို့ချစ်ရမည်ကို သိရှိခြင်းတွင် မိမိနှင့်စိမ်းကား သူများကို ချစ်နိုင်ရန်လိုအပ်ကြောင်း၊ လူမှုရေးစိတ်ဓါတ်ဖြင့်သူများကို ကူညီခြင်း သည် ကြွားဝါရန် မဟုတ်ကြောင်း၊ လူမှုရေးစိတ်ဓါတ်ဖြင့်သူများကို ကူညီခြင်း သည် နာကျည်းခြင်းကင်းမဲ့ပြီး မိမိတို့ကို ဒေါသကြီးစွာဖြင့် ပြန်လည် တုံ့ပြန် တတ်သော အပြုအမှုကနေ လွတ်မြောက်စေသည်”” ဟု ဟောကြားတော်မူ သည်။

နောက်ဆုံးအနေဖြင့် မိန့်ကြားရာတွင် ရဟန်းမင်းကြီးက ““လူမှုရေးစိတ် ဓါတ်ဖြင့်သူများကို ကူညီခြင်းသည် မှားယွင်းသောအရာတွင် ပီတိမဖြစ်ဘဲ မှန်ကန်သောအရာတွင်သာ ပျှော်ရွှင်ရမှာဖြစ်ကြောင်း၊ ဒါကြောင့်မို့ တရားမျှ တသော အသိစိတ်ဓါတ်သည် ကက်သလစ် သာသနာတော်ထဲတွင် ရှိနေကြသော ဘာသာဝင်များကို အုပ်ချုပ်ရာတွင် လိုအပ်သကဲ့သို့ မှန်ကန်သော အရာများတွင်သာ ပျော်မွေ ကြရန် အထူးလိုအပ်ကြောင်း”” ဖြင့် ရဟန်းအမတ် သစ်များအား ဆုံးမတော်မူလိုက်သည်။

1543  Views