ကက်သလစ်အသင်းတော်၏ ကာနွန်ဥပဒေသစ်

နိဒါန်း
ကက်သလစ် အသင်းတော်၏ ကာနွန် ဥပဒေသစ်
(Need for Law in the Church)
အသင်းတော်အတွက် ဥပဒေလိုအပ်သည်။

   ကက်သလစ်အသင်းတော်သည် ဘုရားရှင်၏ လူမျိုးတော်ဖြစ်၍ ဝိဉာာဉ်တော်မြတ်ဘုရား၏ တန်ခိုးအာနိသင်တော်ဖြင့် ယုံကြည်မှု၊ ပါရမီကျေးဇူးတော်နှင့် မေတ္တာကရုဏာကို အခြေခံကာ ရှင်သန်လန်းဆန်းလျက်ရှိသည်။ တစ်ချိန်တည်းမှာပင် အသင်းတော်သည် လူပုဂ္ဂိုလ်များ ပါဝင်လျက် အဆင့်ဆင့် ဖွဲ့စည်းထားသော အင်အားစု ဖြစ်သည်။ ထို့ကြောင့် ဘာသာဝင်အားလုံးတို့၏ တည်ငြိမ်စွာ ရှင်သန်ဖွံ့ဖြိုးရေးအတွက် ဥပဒေလိုအပ်သည်။

       ဥပဒေသည် လူအများစုတိုးတက်ရေးကို ရည်ရွယ်သည်။ နိုင်ငံတစ်စု၊ သို့မဟုတ် အုပ်စုတစ်စု၏ ငြိမ်းချမ်းမှုနှင့် ညီညွတ်မှုအတွက် ဥပဒေ လိုအပ်သည်။ ဥပဒေသည် လူ့အခြေခံ လွတ်လပ်ခွင့်ကို သုတ်သင်ပယ်ရှားခြင်းမပြုပါ။ အခြေခံလွတ်လပ်ခွင့်ကိုပြည့်ဝစွာ ကျင့်နိုင်ရန် လိုအပ်သော အခြေအနေများကို ဥပဒေက ဖန်တီးပေးသည်။ ဥပဒေမရှိသောအခါ စစ်မှန်သော လွတ်လပ်ခွင့်လည်း မရှိနိုင်ပါ။ ရှုပ်ထွေးပွေလီ မှုနှင့် မင်းမဲ့စရိုက်သာရှိနိုင်သည်။ ဥပဒေဆိုသည်မှာ လူ့အခြေခံ လွတ်လပ်ခွင့်များကို အတည်ပြုထောက်ခံသည်။ ကာကွယ်စောင့်ရှောက်သည်။ ဥပဒေမရှိလျှင် အာဏာရှင်ဆန်သော နှိပ်ကွယ်ချုပ်ချယ်မှုသာ ဖြစ်ထွန်းသည်။ ခရစ်ယာန်အတွေ့အမြင်၌ ဥပဒေဆိုသည်မှာ ဧဝံဂလီတရားတော် ၏ အခြေခံနိယာမတည်းဟူသော ကရုဏာမေတ္တ တရားတော်ကို လက်တွေ့ဖော်ဆောင်ရမည်။

(New Code for Canon Law)

အသငျးတောျဓမ်မနညျး ကာနှနျ ဥပဒသေဈ

   ကက်သလစ်အသင်းတော်၏ ဥပဒေပြဠာန်းချက်များကို စုစည်းလျက် ကာနွန်ဥပဒေဟုခေါ်တွင်ခဲ့သည်။ ကက်သလစ်အသင်းတော် တည်စကပင် စည်းကမ်းဥပဒေတည်ရှိခဲ့ကြောင်း အထောက်အထားများကို ဓမ္မသစ်ကျမ်းများ၌တွေ့ရှိရသည်။ခေတ်အစဉ်အဆက် ရှင်သန်ဖွံ့ဖြိုးခဲ့သော ကက်သလစ်သင်းတော်သည် ဥပဒေအရာ၌လည်း ကျွမ်းကျင်ရင့်ကျက်ခဲ့သည်။ ခရစ်များအတွက် အလွန်အရေးပါသော အခြေခံဥပဒေကို ရောမဥပဒေ၊ ဂျာမန်ဥပဒေနှင့် အခြားသော ဥပဒေကျင့်ထုံးများကို မှီငြမ်းလျက်ပြဠာန်းခဲ့သည်။ အခါအားလျော်စွာ စီရင်ကျင်းပခဲ့သော ကောင်စီညီလာခံများက လည်းကောင်း၊ သာသနာပိုင် ပုပ်ရဟန်းမင်းကြီးများက လည်းကောင်း၊ လိုအပ်သော ဥပဒေပြဌာန်း ချက်များကို တရားဝင်ကြေညာခဲ့သည်။ ကက်သလစ်အသင်းတော်၏ အခြေခံဥပဒေကို ကျွမ်းကျင်သူမြောက်မြားစွာတို့က စုဆောင်းပြုစုရန် ကြိုးစားအားထုတ်ခဲ့ကြသည်။ သို့သော် တရားဝင်ပြဠာန်းထားသော ဥပဒေအချက်အလက်များမှာ အလွန်များပြားပြီး စုစည်းရန် ခက်ခဲခဲ့သည်။ ထို့ကြောင့် ပထမဆုံးသော ကက်သလစ် အသင်းတော်၏ ကာနွန်ကိုဓ ဥပဒေကျမ်းကို ပုပ်ရဟန်းမင်းကြီး ဘယ်နယ်ဒစ်-၁၅ 15 (Pope Benedict XV) က ၁၉၁၇-ခုနှစ်တွင် အတည်ပြုပြဋ္ဌာန်းခဲ့သည်။ (အစဉ်အလာအားဖြင့် ကက်သလစ်အသင်းတော်၏ ကာနွန်ကိုဓ ဥပဒေကျမ်းကို လက်တင်ဘာသာဖြင့်သာ တရားဝင် ပြဋ္ဌာန်းသည်။ ထို့ကြောင့် လေ့လာမှတ်သားရန် အခက်အခဲရှိခဲ့သည်။ ၁၉၈၃-ခုနှစ်တွင်အတည်ပြုသော ကက်သလစ် အသင်းတော် ကာနွန်ကိုဓဥပဒေကျမ်းကိုမူ သက်ဆိုင်ရာ သာသနာပိုင်ဆရာတော်များ ညီလာခံတု့ိက ကြပ်မတ်၍ တိုင်းရင်းသား ဘာသာစကားများသို့ ဘာသာပြန်ဆိုခွင့်ရှိသည်။ သို့သော် တရားရုံး၌မူ လက်တင်ကျမ်းကိုသာ တရားဝင်လက်ခံသည်။)
ဒုတိယ ကမ္ဘာစ⁠စ်ပြီးဆုံးပြီးနောက် ကာနွန်ဓမ္မနည်း အခြေခံဥပဒေကို မျက်မှောက်ခေတ်နှင့် လိုက်လျောညီထွေရန်ပြန်လည်ရေးဆွဲ သင့်ကြောင်း အားလုံးက သိမြင်ခံစားခဲ့ကြသည်။ အသင်းတော်၏ အခြေခံဥပဒေကို ပြင်ဆင်ရေးဆွဲရန် လိုအပ်ရခြင်းအကြောင်း တစ်ရပ်မှာ ၁၉၁၇-ခုနှစ် ကာနွန်(အခြေခံ) ဥပဒေကျမ်း၏ နောက်ခံ အတွေးအမြင်ပင် ဖြစ်သည်။ ထိုစဉ်က အသင်းတော်ကို အဖွဲ့အစည်း ယန္တရား တစ်ခုအဖြစ် ခံယူကျင့်သုံးခဲ့ ကြသည်။နောက်ပိုင်းနှစ်များတွင် ဗာတီကန်မြို့တော်မှ ဥပဒေပုဒ်မအချို့တို့ကိုပြင်ဆင်ပြဋ္ဌာန်းခဲ့သည်။ ပုပ်ရဟန်းမင်းကြီး (Pope Benedict XX111) ဂျွန်-၂၃ လက်ထက်တွင် အသင်းတော်ကို ဆန်းသစ်ပြုပြင်ရန် ဒုတိယဗာတီကန်ညီလာခံကို ဆင့်ခေါ်ခဲ့သည်။ တစ်ချိန်တည်းမှာပင် အသင်းတော်ကို ဆန်းးသစ်ပြုပြင်ရာ၌ ကာနွန်ကိုဓ ဥပဒေမှစ၍ ပြင်ဆင်ရေးဆွဲရန် လိုအပ်မည်ကို ပုပ်ရဟန်းမင်းက ကြိုတင်ခံယူခဲ့သည်။ ထို့ကြောင့် ကာနွန်ကိုဓဥပဒေပြင်ဆင်ရေးဆွဲရေး ကော်မရှင် တစ်ရပ်ကို ဖွဲ့စည်းကာ တာဝန်ပေးအပ် ခဲ့သည်။ ထိုကော်မရှင်က ဒုတိယဗာတီကန်ညီလာခံ ပြီးဆုံးသွားသောအခါ ၁၉၆၅-ခုနှစ်မှစ၍ အရှိန်အဟုန်မြှင့်တင် ဆောင်ရွက်ခဲ့သည်။
အလွန်ရှုပ်ထွေးခက်ခဲသော လုပ်ငန်းကိုပြင်ဆင်ရေးဆွဲရေး ကော်မရှင်က ဇွဲဝိရိယဖြင့် ညိုနှုန်းရေးဆွဲခဲ့သည်။ ကနွန်ကိုဓဥပဒေသစ်ကို ဒုတိယဗာတီကန်ညီလာခံ၏ မူဝါဒနှင့်အညီ ရေးဆွဲခဲ့သည်။ ကက်သလစ်အသင်းတော်၏ ကနွန်ကိုဓဥပဒေသစ်ကို ၁၉၈၃ ခုနှစ်၊ ဇန်နဝါရီလ ၂၅ ရက်နေ့တွင် ပုပ်ရဟန်းမင်းဂျွန်ပေါလ်-၂ က တရားဝင် အတည်ပြုပြဋ္ဌာန်းခဲ့သည်။

Influence of Vatican 11

ဒုတိယဗာတီကန် ညီလာခံကြီး၏ ဩဇာသက်ရောက်မှု

            ဒုတိယဗာတီကန်ညီလာခံသည် ကက်သလစ် အသင်းတော်အတွင်း လွဲမှားတိမ်းစောင်းနေသော တရားဝင် ဥပဒေများ၊ ရဟန်းသိက္ခာတော်များ အောင်မြင်မှုများ အစရှိသည့် အကြောင်း အချက်များကို ထိန်းသိမ်းပြောင်းလဲရန် ကြိုးစားစွမ်းဆောင်ခဲ့သည်။ သမ္မာသစ်၏ လှုံ့ဆော်မှုသည် အသင်းတော်၏ စုစည်းမှုကို သဘောပေါက်နားလည်စေပါသည်။ အဖခမည်းတော်၌ တစ်လုံးတဝတည်းရှိခြင်း လူသားအချင်းချင်း စုစည်းခြင်းဟူသော စက္ကရမင်းတူး အသွင်ဆောင်သော လက္ခဏာကို ဖြစ်ထွန်းစေပါသည်။

အဆင့်အတန်းမြားနှင့် လုပျငန်းတာဝနျမြားကို နှီးနှောဆှေးနှေးခြင်းမပြုမှီ အသင်းတော်ကို အဖဘုရားရှင်၏ လူမြိုးစုအဖြစ် ဦးစှာ ပထမဖော်ပြခဲ့သည်။ ဘာသာဝငျအားလုံးတို့က ယေဇူးအရှင်မြတ်နှင့် တဈသားတည်းဖြဈလြက် ပရောဖက်စေတမနျတာဝန်၊ ရဟန်းတာဝန်နှင့် စီမံအုပျခြုပျခှင့်တာဝနျတို့ကို လက်တှေ့ညီညာ ဆောငျရှကျရကြောင်း ဖော်ပြခဲ့သည်။ တဈခြိနျတည်းမှာပင် ခရစ်တော် ယေဇူး၏ အလိုတော် ဆန္ဒနှင့်အညီ ကကျသလဈအသင်းတော်အတှက်၌ လုပျငန်းတာဝနျအမြိုးမြိုးနှင့် သိက္ခာတော် အဆင့်ဆင့် ရှိကြောင်းကို သိမှတျခဲ့သည်။

ဘုရားရှင်၏ လူမျိုးတည်းဟူသော ကက်သလစ် အသင်းတော် သာသနာ၌ ဘာသာဝင် အားလုံးတို့သည် အခွင့်အရေးများကို သာတူညီမျှ ခံစားခဲ့ရကြောင်း၊ လုပ်ငန်း တာဝန်များကို သွေးစည်းညီညွတ်စွာ မျှဝေထမ်းဆောင် ရကြောင်း လောကီရေးရာများ၌ ရပ်တည် လှုပ်ရှားခြင်းသည် ကက်သလစ် ခရစ်ယာန် ဘာသာဝင် လူပုဂ္ဂိုလ်တို့၏ အခန်း ကဏ္ဍဖြစ်ကြောင်း အမျိုးသမီးတို့၏ အခွင့်အရေးတို့ကို အသင်းတော်မှ အသိ အမှတ်ပြုကြောင်း ကာနွန်ကိုဓ ဥပဒေသစ်၌ ဖော်ပြထားပေသည်။

ဧဝံဂေလိ အမှုတော်ကို ထမ်းဆောင်ရာ၌ ဘာသာဝင် အားလုံးတို့က မီးရှူးတန်ဆောင် အဖြစ်လည်းကောင်း၊ တဆေးအဖြစ် လည်းကောင်း လူ့လောက အလယ်၌ သက်သေခံရပ်တည် ရကြောင်းကို အလေးအနက်ဖော်ပြသည်။ တိုင်းနိုင်ငံ အသီးသီးတို့၏ ယဉ်ကျေးမှုထုံးစံ”လေ့များကို အသင်းတော်က ကြည်ညိုလေးစားကြောင်း၊ အချို့သော တိုင်းနိုင်ငံများ၏ ယဉ်ကျေးမှု ထုံးဓလေ့တို့၌ ဧဝံဂေလီ တရားတော်က ပျော်မွေ့စွာ ကိန်အောင်း လျက်ရှိကြောင်း၊ ယဉ်ကျေးမှု အနုပညာနှင့် စပ်လျဉ်း၍ ကက်သလစ် ခရစ်ယာန်ဝင် လူပုဂ္ဂိုလ်များက အဒိကပါဝင် လုပ်ဆောင်သင့်ကြောင်း စသည်တို့ကို ဖော်ပြထားသည်။

 

2661  Views