ဗာတီကန်၊ အောက်တိုဘာလ ၂၀၊ ၂၀၁၈ Zenit

ကက်သလစ်အသင်းတော်၏ဗဟိုဌာနဖြစ်သော ဗာတီကန်နိုင်ငံ၏ ရဟန်းမင်းကြီးရုံးဆိုင်ရာ စာရင်းအင်း ဌာန၏ ၂၀၁၈ ခုနှစ်အတွက် ထုတ်ပြန်သောစာရင်းအစီရင်ခံစာ၌ တကမ္ဘာလုံးတွင် ၂၀၁၈ ခုနှစ်အတွင်း၌ ကက်သလစ်ခရစ်ယာန်ဘာသာဝင်လူဦးရေ (၁၄ သန်း) ကျော် တိုးတက်လာသည်ဟု ကြေညာလိုက်သည်။

၎င်းတိုးလာသောကက်သလစ်ခရစ်ယာန်ဘာသာဝင်လူဦးရေမှာ (၁၄.၂၄၀.၀၀၀) တစ်ရာလေးဆယ် နှစ်သိန်းလေးသောင်းကိုးထောင် ဦးရေဖြစ်သည်ဟု ဖော်ပြထားသည်။

ကမ္ဘာ့လူဦးရေသည် ၂၀၁၈ ခုနှစ်တွင် သန်းထောင်ပေါင်း (၇.၄၅၅.၆၃၇.၀၀၀) ရှိပြီး၊ ၂၀၁၈ ခုနှစ်က တိုးလာသော လူဦးရေမှာ အာရှတိုက်တွင် (၄၉.၇၆၇.၀၀၀)၊ အာဖရိကတိုက်တွင် (၄၂.၈၉၈.၀၀၀)၊ အာမေရိက တိုက်တွင် (၈.၅၁၉.၀၀၀)၊ ဥရောပတိုက်တွင် (၁.၃၀၇.၀၀၀) နှင့် ကျွန်းနိုင်ငံများတွင် (၈၅၇.၀၀၀) တို့ ဖြစ်ကြသည်။

၂၀၁၈ ခုနှစ်၏ ကမ္ဘာ့ကက်သလစ်ခရစ်ယာန်ဘာသာဝင်လူဦးရေသည် သန်းထောင်ပေါင်း (၁.၃၁၃.၃၀၈.၀၀၀) ကျော်ရှိလေသည်။ ကမ္ဘာ့ကက်သလစ်ခရစ်ယာန်ဘာသာဝင်လူဦးရေသည် ကမ္ဘာ့လူဦးရေ စုစုပေါင်း၏ (၁၇.၆%) ရှိသည်။ ၂၀၁၈ ခုနှစ်က တိုးလာသော ကမ္ဘာ့ကက်သလစ်ခရစ်ယာန်ဘာသာဝင် လူဦးရေမှာ အာရှတိုက်တွင် (၁.၉၅၆.၀၀၀)၊ အာဖရိကတိုက်တွင် (၆.၂၆၅.၀၀၀)၊ အာမေရိကတိုက်တွင် (၆.၀၂၃.၀၀၀) နှင့် ကျွန်းနိုင်ငံများတွင် (၂၅၄.၀၀၀) တို့ ဖြစ်ကြသည်။ သို့သော် ဥရောပတိုက်တွင် ကက်သလစ် ခရစ်ယာန်ဘာသာဝင် လူဦးရေမှာ (-၂၄၀.၀၀၀) လျော့ကျသွားသည်ကို တွေ့ရှိရသည်။

(က) ကက်သလစ်အသင်းတော်နှင့်ဆရာတော်၊ ရဟန်းသီလရှင်များနှင့် ဘာသာဝင်များ
———————————————————–

တကမ္ဘာလုံးတွက် ကမ္ဘာ့ကက်သလစ်ဆရာတော်များ စုစုပေါင်း (၅၃၅၃)၊ ရဟန်းစုစုပေါင်း (၄၁၄၉၆၉)၊ ရာသက်ပန်ဦးပဥင်းကြီးများမှာ (၄၆၃၁၂) ပါး၊ သီလရှင်စုစုပေါင်းမှာ (၆၅၈၄၄၅) ပါး၊ ဓမ္မဆရာစုစုပေါင်းမှာ (၃.၀၈၆.၂၈၉)၊ သာမန်ဘာသာဝင်သာသနာပြုသူဦးရေစုစုပေါင်းမှာ (၃၅၄.၇၄၃) ရှိသည်။

အထက်ပါ ကမ္ဘာ့ကက်သလစ်ခရစ်ယာန်ဘာသာဝင်လူဦးရေအရ၊ ကက်သလစ်ခရစ်ယာန်ဘာသာဝင်၊ ရဟန်းတစ်ပါးလျှင် ကက်သလစ်ခရစ်ယာန်ဘာသာဝင် (၁၄၃၃၆) ကို တာဝန်ယူနေရသည်ဟု တွေ့ရှိရသည်။

တကမ္ဘာလုံးကက်သလစ်ရဟန်းဖြစ်တက်္ကသိုလ်၌ စာသင်နေကြသော ကိုရင်ဦးရေမှာ (၁၁၆.၁၆၀) ဖြစ်ပြီး ရဟန်း ဖြစ်သင်ကျောင်းငယ်တွင် ရှိနေကြသော ကျောင်းသားစုစုပေါင်းမှာ (၁၀၁.၆၁၆) ဖြစ်သည်။

(ခ) ကက်သလစ်အသင်းတော်နှင့်ပညာရေးကဏ္ဍ
————————————————————–

တကမ္ဘာလုံးတွင် ကက်သလစ်အသင်းတော်က ဖွင့်လှစ်ထားသော စာသင်ကျောင်းများမှာ (၂၁၇၂၆၁) ကျောင်းဖြစ်ပြီး ကျောင်းသူ/သားဦးရေစုစုပေါင်း (၆၂.၃၉၄.၈၄၁) ရှိကြသည်။ မူကြိုကျောင်း (၇၂၈၂၆) ကျောင်းတွင် ကျောင်းသူ/သားပေါင်း (၇၃၁၃၃၇၀) ဦး၊ မူလတန်းကျောင်း (၉၆၅၇၃) ကျောင်းကျောင်းတွင် ကျောင်းသူ/သားပေါင်း (၃၅.၁၂၅.၁၂၄) ဦး၊ ကောလိပ်ကျောင်း (၄၇၈၆၂)ကျောင်းတွင် ကျောင်းသူ/သားပေါင်း (၁၉၉၅၆၃၄၇) ဦးတို့ ရှိကြသည်။ ထို့အပြင် ကက်သလစ်အသင်းတော်သည် ကောလိပ်ကျောင်းသူ/သားပေါင်း (၂၅၀၉၄၅၇) နှင့် တက်္ကသိုလ်ကျောင်းသူ/သားပေါင်း (၃၀၄၉၅၄၈) ဦးတို့ကို ငွေကြေးထောက်ပံ့ပေးနေသည်။

(ဂ) ကက်သလစ်အသင်းတော်လူမှုရေးနှင့်ကျန်းမာရေးကဏ္ဍ
———————————————————–

တကမ္ဘာလုံးတွင် ကက်သလစ်အသင်းတော်က ဖွင့်လှစ်ထားသော ဆေးရုံစုစုပေါင်းမှာ (၅၂၈၇) ခု၊ ဆေးခန်းပေါင်း (၁၅၉၃၇) ခု၊ ဘိုးဘွားရိပ်သာပေါင်း (၁၅၇၂၂) ခု၊ မိဘမဲ့ကျောင်းပေါင်း (၉၅၅၂) ခု၊ လက်ထပ်ထိမ်းမြားခြင်းဆိုင်ရာ တိုင်ပင်သောနေရာ (၁၃၈၉၇) ခု၊ လူမှုရေးဆိုင်ရာပြန်လည် ထူထောင်သော ကျောင်းပေါင်း (၃၅၀၆) ခုနှင့် တခြားအသင်းအဖွဲ့အစည်းပေါင်း (၃၅၇၄၆) ခုတို့ကို လုပ်ကိုင်ပြီး လူသားများကို အစေခံနေပါသည်။ ၀၀၈ ကုန်ဇမှုန်း