မြစ်ကြီးနား၊ ဗန်းမော်နှင့်လားရှိုးကက်သလစ်ဂိုဏ်းအုပ်ဆရာတော်ကြီး (၃) ပါးက အရှေ့မြောက်ပိုင်းစစ်ပွဲပဋိပက်္ခနှင့်ပတ်သက်သော ရပ်တည်ချက်ကို ထုတ်ပြန်ရန် ညီလာခံခေါ်ယူမည်
ရန်ကုန်၊ သြဂုတ် ၂၂ ၂၀၁၈
မြစ်ကြီးနား၊ ဗန်းမော်နှင့်လားရှိုးကက်သလစ်ဂိုဏ်းအုပ်သာသနာများမှ ဆရာတော်ကြီး(၃) ပါးတို့ ဦးဆောင်ပြီး၊ အရှေ့မြောက်ပိုင်းစစ်ပွဲပဋိပက်္ခ နှင့်ပတ်သက်သော ကက်သလစ်သာသနာတော်၏ ရပ်တည်ချက်ကို ထုတ်ပြန်ရန် ညီလာခံကျင်းပမည်ဖြစ်ကြောင်း သတင်း ရရှိပါသည်။
၎င်းညီလာခံ၌ ဆွေးနွေးမည့်ခေါင်းစဉ်များနှင့်၎င်းညီလာခံကို အောင်မြင်စွာကျင်းပနိုင်ရန်အတွက် ကြိုတင်ပြင်ဆင်မှုအဖြစ် ၎င်းသာသနာ (၃) ခုမှ ပညာရှင်များသည် မန်္တလေးမြို့တွင် ခေါင်းချင်းဆိုင်ဆွေးနွေးပွဲများ ကို သြဂုတ်လအတွင်းက ပြုလုပ်ခဲ့ကြပြီး ဖြစ်သည်ဟု အမည်မဖော်လိုသူတစ်ဦးထံမှ သိရှိရပါသည်။
ဂလိုရီယာသတင်းဂျာနယ်တိုက်က ၎င်းအမည်မဖော်လိုသူတစ်ဦးအား အဘယ်ကြောင့် ၎င်းညီလာခံကို ကျင်းပရန်လိုအပ်သနည်းဟု မေးမြန်းရာတွင် သူက ““ကျွန်တော်တို့ ကချင်လူမျိုးထဲမှာ ကက်သလစ်ရဟန်းတစ်ချို့နဲ့ ဘာသာဝင်တစ်ချို့က ကေအိုင်အေကို အားပေးတာရှိသလို၊ တချို့က ကေအိုင်အေကို အားမပေးတာ ရှိတယ်။ တချို့က ဘယ်ဘက်ကိုမှအားမပေးတာလည်း ရှိတယ်၊ နောက်ပြီး စစ်ပွဲကို ကြာပြီဖြစ်ပေမယ့် နယ်ခံကက်သလစ်ဆရာ တော်တွေရဲ့တရားဝင်လမ်းညွှန်ချက်ဆိုတာလည်း မရှိခဲ့ဘူး။ ဒီအကြားထဲမှာ တက်ကြွလှုပ်ရှားတဲ့ကက်သလစ်အမည် ခံကချင်လူမျိုးတစ်ချို့က နည်းမျိုးစုံနဲ့မြန်မာနိုင်ငံကက်သလစ်ဆရာတော်တွေကို ဝေဖန်တိုက်ခိုက်တာတွေ လုပ်နေကြတယ်။ ဒီဖြစ်စဉ်တစ်ခုလုံးကိုကြည့်ရင် စစ်ပွဲဖြစ်တဲ့နေရာဒေသက ကက်သလစ်ဆရာတော်ကြီးတွေရဲ့ လမ်းညွှန်ခြင်းက တရားဝင် မရှိလေတော့ ပရုတ်ဒုက်္ခဖြစ်ကုန်တယ်။ နောက်တစ်ချက်က နိုင်ငံတကာမှာလည်း နိုင်ငံတစ်ခုခုမှာ နိုင်ငံရေးပြသာနာရှိပြီဆိုရင် အဲဒီနိုင်ငံက ကက်သလစ်ဆရာတော်တွေက ဝင်ရောက်လမ်းညွှန်ပေးမှု တွေကို လုပ်ဆောင်ခဲ့တာ (ဥပမာ၊ နိုကာရာကွေးနိုင်ငံ၊ ဇင်ဘာဘွေနိုင်ငံ၊ ကွန်ဂိုနိုင်ငံ) တွေကို တွေ့ရှိကြားသိရပါ တယ်။ အခုနားက ပြောခဲ့တဲ့အကြောင်းအရာတွေကို အခြေခံပြီးတော့၊ နောက်ဆုံးမှာတော့၊ မြစ်ကြီးနား ကက်သလစ်ဂိုဏ်းအုပ်ဆရာတော်ကြီး ဖရန်စစ်ဒေါတန်၊ ဗန်းမော်ကက်သလစ်ဂိုဏ်းအုပ်ဆရာတော်ကြီး ရေမွန် ဆွမ်လုကမ်နှင့်လားရှိုးကက်သလစ်ဂိုဏ်းအုပ်ဆရာတော်ကြီး ဖိလစ်ဇာဟောင်းတို့သုံးပါးက ဆွေးနွေးကြပြီးနောက် ဒီညီလာခံကို ကျင်းပဖို့ ဆုံးဖြတ်ခဲ့ကြတာ ဖြစ်တယ်လို့ သိရပါ တယ်”” ဟု ရှင်းပြပါသည်။
၎င်းညီလာခံအတွင်း ဆွေးနွေးမည့်အကြောင်းအရာများကို မေးမြန်းရာတွင်၊ ကက်သလစ်သာသနာ တော်၏လူမှုရေး၊ စီးပွားရေး၊ နိုင်ငံရေးနှင့်ကိုယ်ကျင့်တရားဆိုင်ရာ သွန်သင် လမ်းညွှန်ချက်များကို အခြေခံပြီးတော့၊ မြစ်ကြီးနား၊ ဗန်းမော်နှင့်လားရှိုးကက်သလစ်ဂိုဏ်းအုပ်သာသနာများမှ ဆရာတော်ကြီး (၃) ပါးက လက်ရှိဖြစ်ပျက်နေသော စစ်ပွဲကိစ်္စ၊ ငြိမ်းချမ်းရေးကိစ်္စ၊ ကေအိုင်အို/ကေအိုင်အေကိစ်္စ၊ ဒုက်္ခသည်များကိစ်္စ၊ ဘာသာရေးကိစ်္စ စသောအကြောင်းအရာများနှင့်ပတ်သက်သော ရပ်တည်ချက်ကို တရားဝင် ထုတ်ပြန်သွားပြီး ၎င်းသာသနာ (၃) ခုအတွင်းတွင် ရှိနေကြသော ကက်သလစ်ခရစ်ယာန်ဘာသာဝင်များသည်လည်း ၎င်းထုတ်ပြန် ချက်အတိုင်းသာ လှုပ်ရှားလာကြရန် ရည်ရွယ်ပြီး ယခုကဲ့သို့သော ညီလာခံကို မြစ်ကြီးနားမြို့ တွင် ၂၀၁၈ ခုနှစ်၊ အောက်တိုဘာလတွင် ကျင်းပပြုလုပ်ရန် စီစဉ်နေခြင်း ဖြစ်သည်”” ဟု အမည်မဖော်လိုသူက ပြောပြသည်။
လွန်ခဲ့သော ၂၀၀၅ ခုနှစ်ဝန်းကျင်တွင်လည်း သီရိလင်္ကာနိုင်ငံ၌ သီရိလင်္ကာစစ်တပ်နှင့်တိုက်ကား သူပုန်တို့ အကြား နှစ်ပေါင်းများစွာ ပြည်တွင်းစစ် ဖြစ်ပွားခဲ့ချိန်တွင် ၎င်းဒေသရှိကက်သလစ်ဆရာတော်ကြီးများသည် မိမိတို့၏ တရားဝင် ရပ်တည်ချက်ကို ထုတ်ပြန်ခဲ့ကြသော မှတ်တမ်းများ ရှိခဲ့လေသည်။ ထို့ကြောင့် မြစ်ကြီးနားမြို့တွင် ပြုလုပ်မည့် ၎င်းညီလာခံသည် အတိမ်းအစောင်းမခံသော၊ အန်္တရာယ်များသော ညီလာခံဖြစ်သော်လည်း ကမ်္ဘာ့ သမိုင်း၊ မြန်မာနိုင်ငံ ကက်သလစ်အသင်းတော်သမိုင်းနှင့်ကချင်လူမျိုးတို့၏သမိုင်းထဲတွင် တွင်ကျန်ရစ်ခဲ့မည့် ညီလာခံ အဖြစ် အမြဲတမ်း ကျန်ရစ်ခဲ့မည်မှာ သေချာလှပါသည်။ ဤညီလာခံကို အောင်မြင်စွာ ကျင်းပနိုင်ရေးအတွက် ဝိုင်းဝန်းဆုတောင်း ပေးကြပါစို့။ ၀၀၆ ကုန်ဇမှုန်း
