လူတစ်ယောက်ရဲ့ ကောင်းမွန်သောနေထိုင်ခြင်းကြောင့် လူ့အသိုင်းအ၀ိုင်းကို ကောင်းကျိုးများစွာ အကျိုးပြုနိုင်ဟု ဆရာတော်ယောဟန်က တိုက်တွန်း

 

ရဲမွန်၊ မတ်လ ၁၁၊ ၂၀၁၉

ဆရာတော်ဂျွန်စောယောဟန်က ကျွန်ုပ်တို့တစ်ဦးစီမှာ ရှိနေကြတဲ့အရင်းအမြစ်တွေကို အများပြည်သူ ကောင်းကျိုးအတွက် မေရီကဲ့သို့ အသုံးချကြရန် မတ်လ (၁၁) ရက်နေ့က ရဲမွန်ရွာတွင် ကျင်းပသော လုဒ်မယ်တော် သခင်မ ပွဲနေ့၌ ဆော်သြတော်မူလိုက်သည်။

 

ရန်ကုန်ကက်သလစ်ဂိုဏ်းချုပ်သာသနာ၏လက်ထောက်ဆရာတော်ဂျွန်စောယောဟန်က ““ကျမ်းစာထဲမှာ ဖတ်ရှုရတဲ့အတိုင်းပဲ၊ ကနဦးအမျိုးသမီးဖြစ်သောဧ၀ဟာ ဘုရားစကားကို နားမထောင်ခဲ့တဲ့အတွက် လူသားတွေ ဟာ ဆင်းရဲဒုကကို ရောက်ခဲ့ကြရသော်လည်း မေရီ (မယ်တော်သခင်မ) က ဘုရားစကားကို နားထောင်လိုက်နာ ခဲ့တာကြောင့် ကျွန်ုပ်တို့လူသားများဟာ ကယ်တင်ခြင်းကို ရရှိခဲ့ကြတာ ဖြစ်ပါတယ်။ မေရီက ဘုရားသခင်ရဲ့ စကားကို လက်ခံ၊ နားထောင်တဲ့အတွက် ကယ်တင်ရှင်ယေဇူးဟာ မေရီဆီကနေ မွေးဖွားလာပြီး လူသားအားလုံးရဲ့ ကယ်တင်ရှင် ဖြစ်လာပါတယ်။ ဒီလိုပါပဲ၊ ကျွန်ုပ်တို့တစ်ဦးစီဟာ မကောင်းမှုကို ကျူးလွန်ကြတဲ့အခါမှာ မိမိအတွက် သာမက တခြားသူတွေအပေါ်မှာလည်း ဆိုးကျိုးတွေကို ဖြစ်စေသလိုပဲ၊ ကောင်းမှုကိုပြုလုပ်ကြတဲ့အခါမှာ ကိုယ်တစ်ယောက်တည်း အကျိုးရှိတာမဟုတ်ဘဲ တခြားသူတွေအတွက်လည်း အကျိုးရှိပါတယ်။ ဒါကြောင့်မို့ ကျွန်ုပ်တို့အနေနဲ့ မေရီလိုပဲ ကောင်းသောအလုပ်ကိုသာ လက်ခံဆောင်ရွက်ကြပါရန် အားပေးလိုပါတယ်”” ဟု တရားနာပရိသတ်များအား မိန့်ကြားတော်မူလိုက်သည်။

 

ဆက်လက်ပြီး သူက ““ဘုရားရတနာကို ကိုယ်ဝန်လွယ်ထားရတဲ့မေရီဟာ လူသားရတနာကို လွယ်ထားရ တဲ့ အစ်မဖြစ်သူ ဧလိဇဘက်ဆီကို သွားရောက်ပြီး ကူညီပေးခဲ့ပါတယ်။ မယ်တော် (မေရီ) ဟာ အသက်အရွယ် ရ နုငယ်သန်စွမ်းနေသေးသည့်အပြင် သူ့ကိုယ်ဝန်ဟာလည်း လအနည်းငယ်သာ ရှိနေသေးပါတယ်။ အစ်မဖြစ်သူ ဧလိဇဘက်ကတော့ အသက်အရွယ်အရ အသက်ကြီးပြီး ဖြစ်နေပြီး သူ့ကိုယ်ဝန်ဟာလည်း (၆) လရှိနေပြီ ဖြစ်ပါတယ်။ မေရီဟာ ဘုရားရတနာ (ခရစ်တော်) ကို ကိုယ်ဝန်လွယ်ထားရပေမယ့် ငါဟာဘုရားရဲ့အမေလို့ မာန်ဝင်မနေဘဲ၊ အသက်ကြီး၊ ကိုယ်ဝန်ရင့်နေပြီဖြစ်သော ဧလီဇဘက်ဆီကို သွားပြီး အိမ်မှုအလုပ်တွေကို သွားလုပ် ကူပေးခဲ့ပါတယ်လို့ ကျမ်းစာမှာ ဖတ်ရပါတယ်။ မယ်တော်သခင်မလိုပဲ၊ ကျွန်ုပ်တို့တစ်ဦးစီမှာ အရင်းအမြစ်တွေ၊ အစွမ်းအစတွေ၊ ရှိကြပါတယ်။ တချို့က အသက်ငယ်မယ်၊ ဥစ်္စာရှိမယ်။ တချို့က ကျန်းမာမယ်၊ တချို့က ဆင်းရဲမယ်၊ တချို့က မကျန်းမာဘူး၊ အသက်လည်းကြီးနေပြီ။ အဲဒီလိုအခြေအနေမျိုးမှာ ကျွန်တော်တို့ဟာ ကိုယ့်ရဲ့အစွမ်းအစ တွေကို အသုံးချပြီးတော့ မိမိထက် ဘ၀ကံကြမာဆိုးတဲ့သူတွေ၊ ဆင်းရဲတဲ့သူတွေ၊ အသက်ကြီးတဲ့သူတွေကို တတ်နိုင် သလောက် ကူညီပေးကြရမယ်”” ဟု တရားနာပရိသတ်များအား ဆော်သြတော်မူလိုက်သည်။  ကုန်ဇမှုန်း

124  Views
Previous: Australian Jury did not listen to their consciences on Cardinal Pell’s case
Next: ၂၀၁၉ ခုနှစ် ၀ါတွင်း ကာလအတွက် ရဟန်းမင်းကြီး ဖရန်စစ်၏ သတင်းစကား