အိန္ဒိယနိုင်ငံကက်သလစ်ဆရာတော်ကြီးများအဖွ့ဲချုပ်က အိန္ဒိယနိုင်ငံ၏ဝန်ကြီးချုပ်အသစ်ပေါ် အကောင်းဖက် မျှော်လင့်ချက်ရှိကြောင်း ထုတ်ဖော်ပြောကြား
အိန္ဒိယနိုင်ငံကက်သလစ်ဆရာတော်ကြီးများအဖွ့ဲချုပ်က ဟိန္ဒိုအမျိုးသားဝါဒီသမားဖြစ်သူ အိန္ဒိယနိုင်ငံ၏ ဝန်ကြီးချုပ်အဖြစ် ရွေးချယ်ခံရသော မူဒီအပေါ် အကောင်းဖက် မျှော်လင့်ချက်ရှိကြောင်း ထုတ်ဖော်ပြော ကြားလိုက်သည်။ ကက်သလစ်ဂိုဏ်းချုပ် ဆရာတော်ကြီး အဲလ်ဘတ်က ““တစ်ခါတလေကျတော့ အမျိုးသားဝါဒီလူနည်းစုတစ်ချို့က လူအများစုကို စိုးရိမ်ပူပန်မှုများ ပေးတတ်ကြသော်လည်း ကက်သလစ် ခရစ်ယာန် သာသနာတော်သည် အစိုးရအသစ်အတွက် ဆုတောင်းပေးရင်း နိုင်ငံသူ/သားများ၏ အများကောင်းကျိုးကို ဆက်လက်ပြီး လုပ်ဆောင်သွား မည်ဖြစ်ကြောင်း”” ဖြင့် မိန့်ကြားတော်မူလိုက်သည်။
ဆက်လက်ပြီး ဆရာတော်ကြီးက ““ရွေးကောက်ပွဲတွေဆိုတာ ဒီမိုကရေစီကို အကြီးဆုံး စစ်ဆေးခြင်း ဖြစ်ကြောင်း၊ ရွေးကောက်ပွဲ တွေရဲ့ရလဒ်တွေဟာ အိန္ဒိယနိုင်ငံရဲ့ စီးပွားရေဖွံဖြိုးမှုရဲ့ခြေလှမ်း သစ်အဖြစ်အိန္ဒိယနိုင်ငံကို ဦးဆောင်နိုင်မည် အားကောင်းသော အစိုးရဖြစ်နေခြင်းကို သက်သေ ထူနေခြင်း ဖြစ်ကြောင်းနှင့် ဒီမိုကရေစီတန်ဖိုးများနှင့်အခြေခံဖွဲ့စည်းပုံဥပဒေ၏တန်ဖိုးများကို အာမ ခံ ပေးခြင်းကိုလည်း မီးမောင်းထိုးပြနေတာဖြစ်ကြောင်း”” ဖြင့် မိန့်ကြားတော်မူသည်။ ဆာကာသာသနာ ပိုင်ဆရာတော်ကြီး အန်ထော်နီ ချီရာယတ်က မိမိအနေဖြင့် ကက်သလစ်သာသနာတော်သည် ယခုတက် လာသည့် အစိုးရသစ်အပေါ် လုံးဝစိုးရိမ်ကြောက်လန့်စရာ မရှိကြောင်းဖြင့် မိန့်ကြားတော်မူသည်။ ယခုအိန္ဒိယဝန်ကြီးချုပ် အသစ်ဖြစ်သော မိုဒီသည် ဂူဂျာရပြည်နယ်တွင် ပြည်နယ်ဝန်ကြီးချုပ် ဖြစ်စဉ်က စီးပွားရေးကဏ္ဍတွင် ဖွံ့ဖြိုးတိုးတက်အောင် လုပ်ဆောင်နိုင်ခဲ့ သော်လည်း မူဆလင်ဆန့်ကျင်ရေးသမားများ ကိုမူ မဟန့်တားနိုင်ခဲ့ပေ။ ဆရာတော်ကြီး ချီရာယတ်က အိန္ဒိယနိုင်ငံသည် မည်သည့်အစိုးရကမျှ မဖျက်ဆီးနိုင်သော ရှေ့ဟောင်းယဉ် ကျေးမှုများ၊ ဓလေံများနှင့်ဘာသာ တရားအမွေအနှစ်များကို ပိုင် ဆိုင်သော နိုင်ငံဖြစ်ကြောင်း၊ ထို့ကြောင့်၊ ခရစ်ယာန်များသည်လည်း ယခုရွေးကောက်ပွဲ ကို အောင်ပွဲခံနေရပါ ကြောင်း၊ တစ်ခါတလေ အစွန်းရောက်လူနည်းစုက ခရစ်ယာန်များအပေါ် အကြမ်းဖက်မှုများ ရှိသော်လည်း ၎င်းအကြမ်းဖက်မှုများသည် နိုင်ငံ၏ပကတိအခြေအနေမဟုတ်ကြောင်း၊ အိန္ဒိယနိုင်ငံတွင် ကွဲပြားသော လူမျိုးစု၊ ဘာသာတရားများနှင့် ယဉ်ကျေးမှုများအကြားတွင် သာဟဇာတ ရှိသော ယဉ်ကျေးမှု ထွန်းကားနေပြီဖြစ်ကြောင်း၊ ဟိန္ဒိူဘာသာဝင်ကလေးသူငယ်များသည်လည်း ကက်သလစ်ခရစ်ယာန် ဘာသာမှဖွင့်လှစ်သော စာသင်ကျောင်းများတွင် ကျောင်းတက်နေကြပါကြောင်း၊ ဒါကြောင့်မို့ ဟိန္ဒိူများနှင့်ခရစ်ယာန်များအကြားတွင် ခင်မင်မှုတစ်ပါး တခြားရန်လိုမုန်းတီးမှုများ မရှိပါကြောင်းဖြင့် ဆက်လက်ပြီး မိန့်ကြားတော်မူသည်။
ကေရာလာပြည်နယ်မှ ကွီလုံးသာသနာပိုင်ဆရာတော်ကြီး စတန့်လေ ရိုမန်က ခရစ်ယာန်များ တည် ရှိနေခြင်းသည် ဟိုရဟန္တာ သောမတ် အချိန်ကတည်းက ဖြစ်ရာ လူနည်းစုဖြစ်ကြတဲ့မူစလင်တွေ နဲ့ခရစ်ယာန်တွေဟာလည်း အိန္ဒိယနိုင်ငံရဲ့ အစိတ်အပိုင်းများ ဖြစ်နေကြသည်ဟု မှတ်ချက်ပြုတော်မူသည်။ ဆရာတော်ကြီး စတန့်လေ ရိုမန်က လူနည်းစုများကို အိန္ဒိယနိုင်ငံ၏ဖွဲ့စည်းပုံအခြေခံဥပဒေက အကာအကွယ်ပေး ထားကြောင်း၊ ထို့ကြောင့် အစိုးရအသစ်သည် ၎င်းဥပဒေကိုဆန့်ကျင်ပြီး လုပ်ငန်းဆောင်မည်မထင်ကြောင်းဖြင့် ဆက်လက်မိန့်ကြား တော်မူသည်။ ဆရာတော်ကြီး စတန့်လေ ရိုမန်က အစိုးရအသစ်သည် တိုင်းပြည်၏ဖွံဖြိုးရေးအတွက် အမြဲတမ်းတည်ရှိနေမည့် တန်ဖိုးများ၊ ရုပ်ဝတူဝါဒများနှင့်ဒီမိုကရေစီနည်းဗျုဟာများကို ဆက်လက်ပြီး ထိန်းသိမ်းသွားစေလိုကြောင်းဖြင့် အိန္ဒိယနိုင်ငံကက်သလစ်ဆရာတော်ကြီး များအဖွဲ့ချုပ်ကိုယ်စား ဆနပြုဆုတောင်းတော်မူလိုက်သည်။ အိန္ဒိယနိုင်ငံကက်သလစ်ဆရာတော်ကြီးများအဖွဲ့ချုပ်သည် ၂၀၁၄ ခုနှစ် နိုင်ငံရေးရွေးကောက်ပွဲတွင် ရုံးနင်းသွားသော အမျိုးသားကွန်ကရက်ပါတီအား အတိတ်ကို သင်ခန်းစာယူပြီး လွှတ်တော်တွင် အားကောင်း သော အတိုက်အခံအဖြစ် ပြန်လည်ရပ်တည်ရန် တိုက်တွန်းတော်မူလိုက်သည်။
အိန္ဒိယဝန်ကြီးချုပ်အသစ်ဖြစ်သော မိုဒီသည် ဘီဂျေပီပါတီဝင်ဖြစ်ပြီး ၂၀၁၄ ခုနှစ်မေလ ၁၂ ရက်နေ့တုန်း က ပြုလုပ်ခဲ့သော ရွေးကောက်ပွဲတွင် လွှတ်တော်အမတ်နေရာ ၅၄၃ ခုအနက် ၃၃၀ ခုဖြင့် အပြတ်အသတ် အနိုင်ရခဲ့သူ ဖြစ်သည်။ ကုန်ဇမှုန်း (၀၀၄)
1958 Views
